YSD mövcud olan çoxsaylı problemlərin məngənəsində həyata keçirilən özəlləşdirmənin
qarşılaşdığı çətinliklərin bəziləri bizim ölkəmiz üçün də xarakterik olduğundan, prosesin
gedişində onların nəzərə alınması və diqqət mərkəzində saxlanılması nəticələrin müvəffəqiyyəti
baxımında əhəmiyyətli hesab oluna bilər.
3.4. Türkiyədə özəlləşdirmə
Türkiyə özəlləşdirilməsinin xüsusiyyətlərindən bəhs edərkən, əvvəlcə bu ölkədə dövlət
müəssisələrinin formalaşması istiqamətlərilə və özəlləşdirmə ərəfəsindəki situasiyalarla tanış
olmağa zərurət yaranır. Bu ölkə bazar münasibətləri əsasında fəaliyyət göstərən azad
sahibkarlarının və sərbəst təsərrüfat subyektlərinin sayına, iqtisadi təşəbbüskarlığa və onun
reallaşdırılması üçün mövcud olan əlverişli iqtisadi mühitinə və azadlığa görə həmişə müsbət
yöndə fərqləndirilir.*
İnkişaf etmiş ölkələrdə dövlət bölməsinin üstün çəkisi ictimai əmtəə buraxılışı və xidmət
sferasına, hasilat sənayesinə xarakterik olsa da, Türkiyədə bank sisteminin 72 faizi, sənayenin 50
faizə qədəri dövlətin inhisarındadır. Bu ölkədə fəaliyyət göstərən və "kamular" adlanan dövlət
müəssisələri milliləşdirmə nəticəsində deyil, hökumətin təşəbbüsü ilə müxtəlif vaxtlarda
yaradılmışdır. 1989-cu ildə belə müəssisələrdə ÜMM-in 11 faizinə qədəri istehsal olunurdu.
Onların əksəriyyəti emaledici sənaye sahələrində cəmləşmişdir. 1990-cı ildə bu sahədə mövcud
olan 500 iri müəssisədən 1-i dövlət mülkiyyətin saxlanılırdı.
Türkiyədə özəlləşdirmə ideyası 1983-cü ildə Ana Vətən Partiyasının hakimiyyəti dövründə
praktiki tətbiq imkanı qazanmışdır. Bu zaman özəlləşdirməyə özəl biznesin iqtisadi həyatda rolunu
artırmaq, rəqabət qabliyyətini yüksəltmək və cəmiyyətdə ədalətli bölgü prosesini reallaşdırmaq
vasitəsi kimi baxılırdı.*
Türkiyə hökumətinin bu sahədə təcrübəsizliyi nəzərə alınaraq özəlləşdirmə planının işlənilməsinə
xarici mütəxəssislər dəvət edilmişdir. Belə ki, bildiyimiz kimi Malayziyanın özəlləşdirmə
proqramını ingilislər hazırladığı halda, burda müvafiq sənədin işlənilməsinə amerikalı ekspertlər
rəhbərlik etmişlər. Nəhayət, onların təklif etdiyi Özəlləşdirmə Planı 1986-cı ilin mayında Türkiyə
Hökumətinə təqdim olunmuş və bu plan "kamu"ların yenidən qurulması və sağlamlaşdırılması
üsulları ilə yanaşı konkret tədbirlər paketini də özündə cəmləşdirmişdir.
1985-ci ildən başlayaraq 2000-ci ilə qədər Türkiyədə 211 şirkətin özəlləşdirilməsi nəzərdə tutulsa
da onlardan 22-si müxtəlif səbəblərdən bu siyahıdan çıxarılmışdır. Son 10 ildə özəlləşdirmə
aşağıdakı sahələri əhatə etmişdir:
-ərzaq sənayesinin 30, süd sənayesinin 38 fabriki bütövlükdə özəlləşdirilmiş və beləliklə də
dövlətin bu sahələrdəki mülkiyyət payı satılıb qurtarmışdır;
-analoji olaraq, sement sənayesinin 30 zavodunun özəlləşdirilməsi ilə dövlət bu sahəyə də
nəzarətini tamamilə itirmişdir;
-bankların özəlləşdirilməsi Sumerbankdan başlayaraq, Etibanki, Denizbank, Anadolu Banki əhatə
etmişdir. 1998-ci ilin mayında isə Is Bankda dövlətin 12,3%-lik payı beynəlxalq və yerli hərraclara
çıxarılmışdır;
-həmin üsulla Netas və Tofas müəssisələrində də dövlətin payı xarici investorlara satılmışdır;
-turizm sferası, toxuculuq, ət emalı və meşə sənayesi müəssisələrində dövlətin payının 50 faizə
qədəri özəlləşdirilmişdir.*
1999-cu ilə olan son məlumata görə, yaxın gələcəkdə özəlləşdirilməsi nəzərdə tutulan 74 şirkətin
32-də dövlətin payı 50 faizdən çoxdur. Onların siyahısına neft emalı, təchizatı, mis, polad, neft-
kimya, meşə materialları, ət emalı sənayesi müəssisələri ilə yanaşı, "Türk hava yolları"
aviaşirkətində dövlətin 30 faizlik payı da daxil edilmişdir.
2.5. Türkiyədə özəlləşdirmədən daxil olmuş vəsait mln. USD (1985-1998-ci illər)*
1985-88 - 50
1990 - 500
1991 - 200
1993 - 550
1994 - 400
1995 - 500
1997 - 430
1996 - 300
1997 - 420
1998 - 1000
Türkiyədə özələşdirmənin hüquqi bazasına təşkil edən 4 akt fəaliyyətdədir. Onlar aşağıdakılardan
ibarətdir:
-akt 2983- hələ özəlləşdirmənin təxmini planı hazırlanmamış 1984-cü ildə qəbul edilib. Bu aktla
xəzinəyə yerli qiymətli kağızların satışından daxil olmanın üç forması müəyyənləşdirilmişdi ki,
sonuncu ("kamuların" səhmlərinin buraxılışı və satışı) özəlləşdirməyə aid edilirdi;
- akt dekret 233 "kamuların" özəlləşdirilməsini əhatə edirdi, onun fərqləndirici xüsusiyyəti Ali
Planlaşdırma Şurasına ayrıca müəssisənin özəlləşdirilməsi haqqında qərar çıxarmaq hüququnun
verilməsi ilə izah oluna bilər;
- akt 3291-də özəlləşdirmə məsələlərinə nisbətən geniş şəkildə baxılırdı. Bu aktla özəlləşdirmənin
5 metodu müəyyənləşdirilmişdi: "kamuların" qismən və tam satışı səhmlərinin satışı, icarəyə
verilməsi, idarətmə hüququ ilə özəl bölməyə təklif olunması və ləğvetmə.*
Qanun 4046 - özəlləşdirmənin təşkili proseduraları, prisipləri və digər məsələləri reqlamentləşdirir.
1994-cü ildən etibarən qüvvədədir.
Türkiyədə özəlləşdirməyə ümumi rəhbərlik üç orqan tərəfindən həyata keçirilir.
Ali özəlləşdirmə Şurası (AÖŞ);
Özəlləşdirmə müdiriyyəti (ÖM);
Özəlləşdirmə Fondu (ÖF).
AÖŞ - Türkiyədə özəlləşdirmənin ali orqanı hesab olunur. Şuraya baş nazir rəhbərlik edir, onun 5
üzvü vardır: baş nazirin müavini (koalisiya hallarında), 2 dövlət naziri, maliyyə naziri və sənaye-
ticarət naziri.
AÖŞ özəlləşdirmənin müddətini, metodunu müəyyənləşdirir, bundan əlavə özəlləşdirmə
sazişlərinin, ÖF -nin və ÖM-in büdcəsini təsdiq edir, özəlləşdirmənin gedişini qiymətləndirir. AÖŞ
istisna halarda, zəruri əsaslandırmalar əsasında dövlət müəssisələrinin özəlləşdirmədən
kənarlaşdırılması haqqında qərar qəbul etmək səlahiyyətinə də malikdir.
ÖM - icraedici orqandır. Əsas vəzifəsi AÖŞ -nin qərarlarını yerinə yetirməkdən ibarətdir. ÖM
özəlləşdirmə zamanı dövlət müəssisələrinin restrukturizasiyası, yenidən bərpası və hətta onların
proqramdan çıxarılması barəsində AÖŞ-yi təkliflər verir.
ÖF-ni özəlləşdirmə müdiriyyəti idarə edir. Qiymətli kağızların və digər maliyyə alətlərinin
satışından əldə edilən bütün gəlirlər ÖF-yə daxil olur. ÖF-nin vəsaitləri dövlət müəssisələri
kapitalının genişləndirilməsinə, restrukturizasiyasına, eləcə də özəlləşdirmə xərclərinin
ödənilməsinə yönəldilə bilər. Bu vəsaitlərdən dövlət büdcəsinin kəsirinin maliyyələşdirilməsində
istifadə olunması qadağandır.*
Analoji qurumlar başqa adla Pakistanda da fəaliyyət göstərir. Belə ki, Pakistanda özəlləşdirmə
komissiyası siyasətçilər və mütəxəssislərdən təşkil olunmuş 5 nəfərdən ibarət olmaqla, daha çox
məsləhətverici orqan xarakteri daşıyır. Özəlləşdirmə üzrə idarəetmə komitəsi maliyyə nazirinin
rəhbərliyi altında fəaliyyət göstərir. Bundan əlavə ölkədə baş nazirin rəhbərliyi ilə 9 federal
nazirdən təşkil olunmuş Özələşdirmə İdarəsi də mövcuddur.
Fikrimizcə, özəlləşdirmə siyasətinə bu cür üç istiqamətli rəhbərlik proses zamanı bürokratik
proseduraların çoxluğundan savayı, həm də hər bir qərarın qəbulunun baş nazir səviyyəsində həlli
olunması zərurəti yaradır. Belə idarəetmə sistemi prosesin gedişinə aktiv münasibəti əngəlləyə və
onu üzv nazirlərin təmsil etdikləri siyasi dairələrin təsiri altına sala bilər. Məsələyə bu
kontekstdən yanaşanda özəlləşdirmə prosesinə onu təşkil edən icra orqanından başqa həmin
müəssisələrdə idarəetmə mexanizmini həyata keçirən və özəlləşdirmədən əldə edilən gəlirləri
özündə cəmləşdirən fondun daxil olması kifayətdir.
Nəticə
Türkiyədə özəlləşdirmə təcrübəsindən çıxan bəzi nəticələrə diqqət yetirək. Özəlləşdirmənin gedişi
zamanı xarici məsləhətçilərdən istifadənin nəticələri onu göstərdi ki, heç də həmişə belə yanaşma
prosesin mütləq müvəffəqiyyətli sonluğuna təminat vermir. Çünki, bir çox hallarda onlar yerli
və milli xüsusiyyətləri lazımi səviyyədə nəzərə ala bilmirlər. Bu istiqamətdə deyilənlər
Malayziyanın timsalında təsdiq olunmuşdur. Özəlləşdirmədə vacib məsələlərdən hesab olunan
hüquqi və təşkilati bazanın düzgün formalaşdırılmaması nəticəsində sonradan prosesin əleyhinə
yönələn qüvvələrin onun müvəffəqiyyətinə əsaslı surətdə mənfi təsir edən və yekunlarının şübhə
altına alınmasına gətirib çıxaran siyasi çıxışlarına şərait yaradır. Türkiyənin özəlləşdirmə
tərcübəsində beş sement zavodunun səhmlərinin fransız şirkətlərinə satılması prosesindəki qanun
pozuntusu bu prosesi siyasi oyunların obyektinə çevirmiş və müxalifətə məhkəmə vasitəsi ilə
qərarı dəyişdirmək imkanları yaratmışdır.
Dostları ilə paylaş: |