670
Ramiz
Mehdiyev
Demokratiya
yolunda:
irs haqqında
düşünərkən
nin olması; (2) qərbdə Mərakeşdən tutmuş şərqdə İndonezi-
yaya, şimalda keçmiş sovet respublikalarından başlamış cə-
nubda Uqanda sərhədlərinə qədər geniş bir məkanı əhatə
edən mühüm strateji ərazilərə malik olması; (3) əhalinin
sayının get-gedə artması, yəni geodemoqrafiya amili (hələ
1970-ci illərdə Avropa ölkələrində doğum səviyyəsi təbii
təkrar istehsal səviyyəsindən aşağı idi, islam dünyasında isə
əhalinin artım sürəti qat-qat ləng azalırdı. 1990-cı illərin
axırlarında Aİ-dən cənubda və şərqdə yerləşən səkkiz müsəl-
man ölkəsində doğum səviyyəsi Avropa göstəricilərindən 2-3
dəfə yüksək idi). Qeyd etmək lazımdır ki, XX əsrdə digər
dünya dinləri ilə müqayisədə islamda dindarların sayının
artım sürəti ən yüksək idi. XX yüzillikdə dünya əhalisi
arasında müsəlmanların sayı 13 faizdən 19,5 faizə çatmışdı.
Bu artımın təqribən 6 faizi müsəlman xalqlarda doğum gös-
təricisinin yüksək olması, 0,5 faizi isə qeyri-müsəlmanların
islam dinini qəbul etməsi ilə əlaqədar idi (söhbət ABŞ-da
1,65 milyon “qara müsəlman” yaranmasından, eləcə də XX
əsrin son onilliklərində 1 milyona qədər avropalının islamı
qəbul etməsindən gedir). İslamı yeni qəbul edənlərin yaşı 30
ilə 50 arasında dəyişir, onların əksəriyyəti qadınlardır.
Mövcud proqnozlara görə, 2006-cı ildə xristianların sayı 27
faiz, müsəlmanların sayı isə 33 faiz artacaqdır. Əgər bu
meyillər gələcəkdə də davam edərsə, 2025-ci ilə qədər
müsəlmanlar dünya əhalisinin təqribən 30 faizini təşkil edə
bilər, beləliklə, onların sayı xristianların sayından çox olacaq
və islam ən kütləvi dünya dininə çevriləcəkdir. Üstəlik,
1950-ci ildə Böyük Britaniya əhalisinin sayı İran əhalisinin
sayından üç dəfə çox idi. Lakin 1995-ci ildən İran öz
vətəndaşlarının sayına görə Böyük Britaniya ilə bərabərləş-
mişdir və proqnozlara görə, 2050-ci ilə qədər İran onu 50
faiz üstələyəcəkdir. Bununla belə, Qərbdə bu irəliləyişin
671
4‐cü fəsil
Milli
demokratik
tranzitin
dilemmaları
nəticələrini minimuma endirməyə cəhd göstərilir. Burada
şüuraltı tərzdə Yaxın Şərqi XX əsrin ortalarına qədər hə-
qiqətən olduğu kimi, yenə də Qərbə tabe olan bir region kimi
qəbul edirdilər. Müsəlman ölkələrindən olan insanlara Qərb-
də belə münasibətin olması cəmiyyətdə mahiyyəti mədəni sa-
hə ilə bağlı olan münaqişəyə gətirib çıxarır.
Dini transformasiyaların əsas sosial nəticələrindən biri
dünyanın dini landşaftının məkan nisbətlərinin dəyişməsi ola
bilər. Qərbi Avropanın aparıcı ölkələrində daimi yaşayan
müsəlmanlar artıq indi orada əhalinin 24 faizini təşkil edir.
Əgər bu proses gələcəkdə də davam edərsə, Avropanın xris-
tian əhalisi dini azlığa çevriləcəkdir. Bütövlükdə isə, islam
mədəniyyəti planetin çox hissəsində dominantlıq etməyə
başlaya bilər.
Bu cür proqnozlar vaxtilə Əndəlisdən başlayaraq, 1653-cü
ildə sərhədləri Vyanaya qədər çatan Ərəb Xilafətini yaratmış
müsəlman dünyasının geosiyasi cəhətinin güclənməsinə bir-
mənalı şəkildə kömək edir. Məlumdur ki, məhz Ərəb Xi-
lafəti, sonra isə Osmanlı imperiyası dünya tarixində dərin iz-
lər qoymuş, Avropa mədəniyyətinə təkcə elm və təhsil deyil,
həm də yeni mədəniyyət, öz təfəkkür tərzini gətirmişdir.
Gizli deyildir ki, məhz müsəlman dünyası Avropanı bir sıra
kənd təsərrüfatı məhsulları ilə tanış etmişdir. VIII əsrdə
müsəlmanlar İspaniyada çəltik yetişdirir, nar, xurma ağacları
əkir, ipəkçiliyi tətbiq etmiş, pambıq becərməyə başlamış-
dılar. Avropada suvarma əkinçiliyi ərəblərin sayəsində tətbiq
edilmişdir, onlar avropalılara suyun hündür yerlərə qaldırıl-
ması, torpağın suvarılması və qurudulması texnikasını öyrət-
mişlər. Ərəblər həm də Avropada suvarma kanalları sistemi-
ni, suyun paylanmasına ictimai nəzarəti yaymışlar. VIII əsrdə
Səmərqənddə və Buxarada kağız emalatxanaları işləyirdi.
672
Ramiz
Mehdiyev
Demokratiya
yolunda:
irs haqqında
düşünərkən
Avropada isə yalnız dörd əsr sonra ərəblərin İspaniyaya gə-
tirdikləri kağız sayəsində yerli kağız emalatxanaları işə salın-
mışdı. İpək və yun parçalar, güləbətin işləməli bahalı dəri
növləri, üzərinə emal və şəkil çəkilmiş şüşə və tunc qab-qa-
caq, gözəl keramika məhsulları, fil sümüyündən hazırlanmış
məmulatlar və yaraqlar – çox incə oyma üsulu ilə bəzək vu-
rulmuş qılınclar və qınlar hazırlanmasında müsəlman İspa-
niyasının şəhərlərindəki emalatxanaların tayı-bərabəri yox
idi. Əndəlis müsəlmanlarının sayəsində Avropada dulusçuluq
və çini məmulatlar istehsalının təməli qoyulmuşdur. Xəlifə
və eyni zamanda alim olmuş Məmun Yer kürəsinin dövrəsini
ölçməyə cəhd göstərmişdir. Bu ölçmələrdə iştirak etmiş
riyaziyyatçı Xarəzmi (787 – təqribən 850-ci illər) Məmunun
sarayında işləyirdi. Sıfır rəqəmi Avropada məhz Xarəzmin
əsərləri sayəsində yayılmışdır. Latın dilindəki “cifra” (“rə-
qəm”) sözü ərəbcə “sıfr” (“heç”, “boş”) sözündən əmələ gəl-
mişdir. İlk vaxtlar latıncada “həm də “heç” mənasında işlə-
nən bu sözdən fransız dilindəki “chifre”, ondan da rus dilin-
dəki “şifr” sözü yaranmışdır. Xarəzmi “Cəbr və müqabilinin
hesablanması haqqında qısa kitab (“Əl-kitab əl-müxtəsər fi
hisab əl-cəbr va-l-müqabilə”) adlı elmi traktatın müəllifidir.
Bu əsərdə tənliklərin həlli qaydaları verilmiş, hədləri tənliyin
bir tərəfindən digərinə əks işarə ilə köçürmə əməli olan “əl-
cəbr” termini işlədilmişdir. Avropada qəbul edilmiş “Algeb-
ra” termini bu sözdən əmələ gəlmişdir. Latın dilindəki “algo-
rithmi” (“alqoritm”) termini əl-Xarəzminin latınlaşdırılmış
adındandır. Hazırda alqoritm riyaziyyatın və kibernetikanın
əsas anlayışlarından biridir.
Orta əsrlər tarixinə bu qısa ekskurs müsəlman aləminin
Qərbə təsirinin yalnız cüzi bir hissəsini əks etdirir. Bəs bu
gün nə baş verir? Qərb Şərqin demoqrafik hücumunun təsiri
Dostları ilə paylaş: |