Sən məNİ aldada biLMƏZSƏN, DÜnya
Yüklə 0,79 Mb. Pdf görüntüsü
|
- Bu səhifədəki naviqasiya:
- BİR GÜN İÇİNDƏ
- MƏN PEŞİMAN DEYİLƏM
- 2.02.06. DÜNYA
- KİMƏ DEYƏSƏN
- GÜNDÜZÜM BELƏCƏ, GECƏM BELƏCƏ
Həqiqətin gur seli, Cəsarətin Kür seli. Tofiq adlı nur seli, Göyçənin tərlan oğlu. BİR GÜN İÇİNDƏ Doğulduq səhərin ala gözündən, Günəşin telinə şərqilər düzdük. Yolumuz üstündə gah səma, gah çən, Arandan adlayıb dağlarda gəzdik. Bəzən nağıl deyən, məzhəkə deyən, Bir səsin hökmündə qula çevrildik. Böyük kürsülərdən döşünə döyən, Haramxor əyrini biz doğru bildik. Əlləşdik, vuruşduq məslək naminə, Bir yandan əkdiksə, bir yandan biçdik. Tər-təmiz bir arzu-dilək naminə, Odlarda məhəbbət odunu seçdik. Dağ çapıb, daş qırdıq bir gün içində, Zəhmət addım atdı əlimə doğru. Nə yıxdıq, nə qurduq bir gün içində? Bir gün də yol getdik ölümə doğru! MƏN PEŞİMAN DEYİLƏM Nə zaman səbəbsiz yerə Bir çiçəyi üzdüyümə peşimanam. Küsməyimə səbəb yoxkən Bir dostumdan küsdüyümə peşimanam. Bu gün,sabah deyə-deyə günlərin arasında itdiyimə peşimanam. Əldə etmək mümkün ikən, Səmərəsiz ötənlərə peşimnam. Tapdıqlarımmənimkidi, İtənlərə peşimanam. Ürəyimin insanlara sevgisindən, duyğusundan… Könlümün insanlara qayğısından… Bilirəm ki, Nə zamansabir adamın əllərindən tutacağam. Nə zamansa bir ulduza uçacağam. Bunun üçün istərəm ki,öz fikrimin, ayağına əyiləm. Bu dünyaya gəldiyimə Mən peşiman deyiləm. AĞLADI Yon çevirdim qarlı dağa Zirvə dedim, qaş ağladı. Payız boylandı ömrümə, Yaz kövrəldi, qış ağladı. Qüsur görmədim ölçümdə, Kənara düşdüm seçimdə. Buxarlandı qəm içimdə, Gözlərimdə yaş ağladı. Ürəyimdən od payladım, Dərdi çəkib halayladım. Durnaları harayladım, Göydə uçan quş ağladı. Solmaqdadı ömrün zəri, Eldar dolanma sərsəri. Öz başıma gələnləri Daşa dedim, daş ağladı. 2.02.06. DÜNYA Soruşdum kim gəlib, kim gedib səndən, İtirdi hesabı, həm sayı, dünya. Kiminsə haqqında xoş söz demədi, Bir yalnız özündən savayı dünya. Kim uydu dünyanın fitnə-felinə, İnandı, aldandı yağlı dilinə. Kim ki, var-dövlətin üçdu yelinə Onu yola saldı dolayı, dünya. Ömrün keçən günü nağıldı, getdi, Çox pələng dizlilər yıxıldı, getdi. Mənəm mən deyənlər dağıldı getdi, Çox pozdu pozulmaz halayı dünya. Sözümü bir səmtə, yönə deyirəm, Bu sirri a dünya, sənə deyirəm. Eldaram, demişəm,yenə deyirəm, Havayı, havayı, havayı dünya! YAĞIR Tar nə şirin oxuyur, Dodağından şur yağır. Bu musiqi yağışı Leysandan da gur yağır. Bu məclisdə könül şən, Bayatıya qonaq mən… Balabanın səsindən Ürəyimə nur yağır. Şimşək ömrüm göydə ax, Bir çaxıbsan, bir də çax Sən hələ bir saza ax, Nəfəsindən qor yağır. DEMƏ Bir çıraq ki, öz dibinə İşıq salıb isitmirsə O çırağa çıraq demə. Günəş göydən od tökəndə Barmağını göynətmirsə O bulağa bulaq demə. O yaylaq ki, duman adlı Ağ örpəyə bürünmürsə O yaylağa yaylaq demə. Yay axşamı göy tüstüsü Uzaqlardan görünmürsə O ocağa ocaq demə. KİMƏ DEYƏSƏN Təbib mərhəmətsiz, dərman yararsız, Dərdin son ucunu kimə deyəsən? Məhəbbət atəşli, canan ilqarsız, Möhnətin gücünü kimə deyəsən? Dəhşətdi insanı insan duymursa... Nə deyim qətrəni ümman duymursa... Könlündən keçəni zaman duymursa, Tezini-gecini kimə deyəsən? Tanımaq asanmı "canıyananı", Gen günün dostları dar gündə hanı? Əsil saxtakarlıq alıb hər yanı, Qəlbinin içini kimə deyəsən? Eldar, tamah oddur, yanar tamahkar, Haqqı hasızlıqdan danar tamahkar. Hakim ədalətsiz, suçsuz günahkar, Qatilin suçunu kimə deyəsən?! QAYIT Orda ərənlərin atı oynamır, Orda igidlərin qanı qaynamır. Daha dost-dostunu darda sınamır, Sən Allah bu yoldan, bu yoldan qayıt. Vətəni cibində görəndən haray, Özgə qapısında hürəndən haray. Torpağı düşmənə verəndən haray, Sən Allah bu yoldan, bu yoldan qayıt. Haqqa çatmaq üçün keçərsən oddan, Doğmalar göstərrəm betərdi yaddan. Halal pul qazanmaq çıxıbdı yaddan Sən Allah bu yoldan, bu yoldan qayıt. GÜNDÜZÜM BELƏCƏ, GECƏM BELƏCƏ Ömrün hər səması bəyazım ola, Yolların çətini dayazım ola. Hər şerin nidası avazım ola Sənət bulağından içəm beləcə... Gündüzüm beləcə, gecəm beləcə... Canımda dünənin sisi, bürküsü, Gözümə ümidin axır mürgüsü. İtibdir dünyamın köhnə ülgüsü, Gərək südü sudan seçəm beləcə... Gündüzüm beləcə, gecəm beləcə... Hörmətim eymənər paxıl içində, Heyrətim büdrəməz ağıl içində. Ömrüm pardaxlanar nağıl içində, İstərəm sədləri keçəm beləcə... Gündüzüm beləcə, gecəm beləcə... Çölümdə tufanam, içimdə sacam, Susuz bir səhrada yaşıl ağacam. Fikrimin yolunda əriş-arğacam, Fikirsiz-xəyalsız heçəm, beləcə... Gündüzüm beləcə, gecəm beləcə... Bu yurda, yurddaşa həmdəm əsgərəm, Dərdinə, sərinə məlhəm əsgərəm. Hər vətən daşına mərhəm əsgərəm, Yenilməz qüdrətəm, gücəm beləcə... Gündüzüm beləcə, gecəm beləcə... Yüklə 0,79 Mb. Dostları ilə paylaş:
|