Azərbaycan Respublikasında gömrük sisteminin inkişafı (1991-2014)
119
Gömrük siyasətinin obyektiv xarakteri onu aşağıdakı məqsədlərin
həllində istifadə etməyə imkan verir:
– xarici iqtisadi fəaliyyətin gömrük tənzimlənməsi;
– milli iqtisadiyyatın müdafiəsi;
– fiskal yığımlar.
Gömrük siyasəti ilk növbədə gömrük rüsum və vergiləri ilə sıx surətdə
bağlıdır. Gömrük tarifində müəyyən edilən rüsumlar fiskal və himayəedici
əhəmiyyət daşımaqla xarici iqtisadi fəaliyyəti nizamlayır. Gömrük siyasəti
xarici iqtisadi fəaliyyətin həyata keçirilməsin və dünya birliyi dövlətlərinin
maraqlarının əlaqələndirilməsində mühüm vasitədir. Azərbaycan Respub-
likasında gömrük işinin müasirləşdirilməsinin beynəlxalq tələblərə uyğun-
laşdırılmasını, ilk növbədə, gömrük siyasətinin elmi və qanunvericilik
əsaslarının işlənilib hazırlanmasını və davamlı olaraq yenilənməsini tələb
edir. Azərbaycan Respublikası bazar iqtisadiyyatı sisteminə keçid prose-
sində hüquqi təminat bazasının yaradılması üçün bir sıra qanunlar qəbul
etmişdir. Bu qanunların reallaşdırılması ölkəmizdə gömrük işinin inkişafına,
xarici iqtisadi fəaliyyətin canlanması və bu fəaliyyətin tənzimetmə mexa-
nizminin təkmilləşməsinə güclü təkan vermişdir. Gömrük işi sahəsində
Azərbaycan Respublikasının bağladığı ikitərəfli sazişlər, dövlətlərarası
gömrük münasibətləri mühüm yer tutur və aşağıdakı istiqamətləri əhatə edir:
gömrük işi sahəsində əməkdaşlıq və qarşılıqlı yardım, xarici ticarətin
gömrük statistikası sahəsində metodoloji və informasiya üzrə qarşılıqlı
fəaliyyət, gömrük-tarif münasibətlərinin nizamlanması, gömrük sənədlərinin
və gömrük təminatlarının qarşılıqlı tanınması, sərhədlərdən qanunsuz keçi-
rilən mədəni sərvətlərin saxlanılması və qaytarılması məsələləri üzrə əmək-
daşlıq və qarşılıqlı yardım, qaçaqmalçılıq və gömrük qaydalarının pozul-
ması, həmçinin silahların, döyüş sursatlarının, partlayıcı maddələrin,
narkotik vasitələrin, psixotrop maddələrin və prekursorların qanunsuz
dövriyyəsi ilə mübarizə sahəsində əməkdaşlıq, gömrük qanunvericiliyinin
düzgün tətbiq edilməsi və gömrük hüquqpozmalarının qarşısının alınması,
tətbiq edilməsi və onlara qarşı mübarizə aparılması üçün qarşılıqlı inzibati
yardım və s. Gömrük qanunvericiliyi gömrük rəsmiləşdirməsi və nəzarəti
proseduralarının sadələşdirilməsini, xarici ticarət əməliyyatlarının gömrük
rəsmiləşdirilməsi üçün xüsusi, yalnız bu iş üçün təyinatlandırılmış mərkəz-
lərin yaradılmasını, yeni texnologiyaların rasional və inteqrasiya olunmuş
Gömrük işi Azərbaycan dövlətçiliyi tarixində:
120
istifadəsinin həvəsləndirilməsini nəzərdə tutur. Ölkə iqtisadiyyatının təh-
lükəsizliyinə zərər vuran cinayətlərin və hüquqpozmaların aşkar olunması
və qarşısının alınması xarici ticarət əməliyyatları üzərində effektiv nəzarətin
təşkilini, gömrük brokeri institutunun inkişaf etdirilməsini, gömrük orqan-
ları və işgüzar dairələr arasında əməkdaşlıq əlaqələrinin inkişaf etdirilməsini
tələb edirdi. Gömrük orqanı əməkdaşlarının, xüsusən də gömrük sərhə-
dindən keçirilən mallara tarif dərəcələri ilə işləyən mütəxəssislərin
ixtisaslarının müntəzəm artırılması əsas vəzifələrdən biri idi.
1993-cü ilin ikinci yarısından başlayaraq ictimai-siyasi həyatda
aparılan islahatlar, sabitliyin yaradılması istiqamətində görülən təxirə
salınmaz tədbirlər, zəngin təbii sərvətlərə, iqtisadi və elmi-texniki potensiala
malik ölkəmizin fəal xarici iqtisadi siyasət aparması üçün geniş imkanlar
açdı. Dünyanın sivil dövlətlərinin inkişaf təcrübəsində sınaqdan çıxmış,
müsbət nəticələri sübut olunmuş iqtisadi inkişaf kursunun Azərbaycan
gerçəkliyinə tam uyğunlaşdırılan adekvat modeli - azad sahibkarlıq,
müxtəlif mülkiyyət və təsərrüfatçılıq formalarının inkişafına bərabər şərait
yaradan, azad iqtisadi rəqabət mübarizəsinə meydan açan sosial istiqamətli
bazar iqtisadiyyatı modelinə üstünlük verildi.
Təəssüf ki, 1993-1994-cü illərdə iqtisadi quruculuq və yaradıcılıq
işlərinə başlamaq bir müddət mümkün olmadı. Başlıca səbəb isə xaricdən
idarə olunan dövlət çevrilişi və sui-qəsd cəhdləri idi. Dövlət başçısı Heydər
Əliyev birinci növbədə ölkədə sosial-siyasi sabitliyi təmin edən tədbirlər
görmək zərurəti qarşısında qaldı. Azərbaycanı vətəndaş müharibəsi həddinə
çatdıran və insan tələfatı ilə nəticələnən tayfa, əyalət separatçılığı cəhd-
lərinin qarşısını aldı. Onun gərgin səyi və yüksək təşkilatçılıq məharət
sayəsində Azərbaycan dövlətinin milli maraqlarının qorunması istiqamə-
tində son dərəcə zəruri tədbirlər həyata keçirildi. Ölkədə vətəndaş
həmrəyliyi və sabitlik təmin ediləndən dərhal sonra çoxsaylı sosial-iqtisadi
problemlərin həlli sahəsində işlər görüldü. İqtisadi sistemin transfor-
masiyasını təmin edən islahatlar və mərhələ-mərhələ həyata keçirilən
özəlləşdirmə prosesi nəticəsində kiçik, orta və iri sahibkarlığın inkişafı üçün
münbit şərait yaradıldı.
İqtisadiyyatın tənəzzülə uğramış sahələrinə kapital qoyuluşunun
artırılması, inflyasiya və büdcə kəsirinin minimuma endirilməsi iqtisadi
geriliyin qarşısını almağa imkan verdi. Heydər Əliyev ölkənin xarici iqtisadi
Azərbaycan Respublikasında gömrük sisteminin inkişafı (1991-2014)
121
əlaqələrinin beynəlxalq iqtisadi və siyasi mühitdən birbaşa asılı olması və
dünya ticarəti sistemində bütün inkişaf etməkdə olan ölkələrə qarşı sərt
şərtlər irəli sürülməsi kimi amilləri nəzərə alaraq müvafiq dövlət qurumları
qarşısında xarici ticarətin tənzimlənməsi sahəsində ardıcıl tədbirlər
görülməsini tələb edirdi [79, 4-5 ].
Xarici iqtisadi əlaqələrin idarəetmə mexanizminin səmərəlilik baxı-
mından qabaqcıl ölkələrin göstəricilərindən çox aşağı səviyyədə olmasını
nəzərə alan Heydər Əliyev hesab edirdi ki, ölkədən strateji məhsulların
ixracı məsələləri prezidentin səlahiyyətində olmalı, valyuta gətirən malların
ixracı mərkəzləşdirilməli və valyuta fondu yaradılmalıdır. Milli maraqlara
xidmət edən gömrük siyasəti işlənib hazırlanmalı, ixrac olunan mallara
qoyulan vergilər tənzimlənməlidir. O, 1993-cü il noyabrın 19-da iqtisadi
məsələlərə həsr olunmuş Ümumrespublika müşavirəsində çıxışında demişdi:
“İndi Azərbaycan müstəqil dövlət kimi, bir çox ölkələrlə iqtisadi əlaqələr
qurmağa başlamışdır. Ancaq bu əlaqələrin respublika iqtisadiyyatına nə
qədər mənfəət gətirdiyi hələ məlum deyil. İqtisadi əlaqələrimizin təşkilində,
qurulmasında qüsurlar, səhvlər vardır... eyni zamanda idxal-ixrac
əməliyyatlarının səviyyəsi məsələlərini aydınlaşdırmaq lazımdır. Respubli-
kada istehsal olunan bir sıra məhsulların xaricə satılması, əvəzində lazımi
mallar alınması və ölkəmizin ehtiyaclarının təmin olunması əsas məsələ-
lərdən biridir. Ancaq bu sahədə də qarışıqlıq, qanun pozuntuları vardır.
Bəzən ayrı-ayrı qrupların, dairələrin mənafeyi ümumrespublika, ümumxalq
mənafeyindən üstün tutulur. Ona görə də biz bu sahələrdə istənilən nəticəni
əldə edə bilmirik” [53, 257].
Milli iqtisadiyyatın dünya iqtisadi məkanına uyğunlaşması xarici
iqtisadi doktrinanın və onun həyata keçirilməsinin strategiyasının hazır-
lanması, milli iqtisadiyyatın xarici mühitlə əlaqələr sisteminin yaradılması
ən ümdə məsələlərdən idi. Heydər Əliyev 1994-cü ilin fevralın 22-də Böyük
Britaniya sənayeçiləri konfederasiyasındakı çıxışında, “Sahibkarlığın
strategiyası və iqtisadiyyatın yenidən qurulması” mövzusunda 1994-cü ilin
sentyabrın 13-də Bakıda və 1995-ci ilin noyabrın 29-da Londonda Adam
Smit İnstitutunda “Azərbaycanda investisiya imkanları” adlı keçirilən
Beynəlxalq konfranslardakı nitqlərində ölkə iqtisadiyyatının dünya iqtisadi
sisteminə yönəldilməsi sahəsində Azərbaycan dövlətinin qarşısında duran
vəzifələrdən danışaraq sahibkarlığa, təşəbbüskarlığa və iqtisadiyyatda
Dostları ilə paylaş: |