Sona Xəyal
50
“Həyəcan dolu beş il” (1998), “Çaylar geri dönmür (1999),
“Yerlə göy arasında” (2001), “Şuşa nəğmələri” (2001, şə-
rikli), “Ləngəbiz” (2003), “Azərbaycan oxusun” (2003, şə-
rikli), “İldırımlar qanadında (2006), “Yollar” (2007),
“Azərbaycan bir də Heydər” (2008), “994552010290”
(2009) və digər şeir, nəsr, publisistik kitabları, beşcildlik
“Seçilmiş əsərlər” (2009) külliyyatında əksini tapan bütöv
yaradıcılığı məhəbbət yüklü poetik karvandır. Və bu kar-
vanın sarvanı isə “onun dumduru göylərə açılan ürəyidir”...
Şahməmmədin poeziyasını müxtəlif cəhətlərdən səciyyə-
ləndirməyə çalışan müəllif onun poemaları üzərində də
xeyli dayanır və şairin “Arxalı dağlar”, “Əsgər qardaşıma”,
“Atalar, analar, oğullar”, “Müstəntiq”, “Namuslu dünya”,
“İki oğul atası”, “Qızıl qan” poemalarından söz açır, şairin
“Karvan” poemasından xüsusi bəhs edir.
Kitabda xatirələrdən də danışılır. Şairin “Yeni Şirvan”
qəzeti redaksiyasında “Gənc Sabirçilər” ədəbi məclisindən
də söz açan müəllif burada şairin tanış olduğu və indiyədək
dostluq etdiyi F.Sadıq, İ Etibar, T.Taisoğlu, G.Rəsul, Q.
Əziz, T.Ələkbərli, N.Rüstəmov kimi yazarları da yada salır.
Kitabda diqqətimi çəkən bir məqam var:”Şahməmməd tex-
nikumu qurtarandan sonra təyinatla bir il üç ay Ağsu rayo-
nunun Cəfərli, Ərəbuşağı kəndlərində müəllim işləyib, son-
ra 1967-ci ildə Uzaq Şərqə hərbi xidmətə gedib. Özü ilə üç
şeir kitabı aparıb–Məmməd Arazın “Ömür karvanı”, Bəxti-
yar Vahabzadənin “İnsan və zaman”, Fikrət Sadığın
“Cığır” kitablarını əsgərlik balışının altında saxlaya-saxlaya
yuxularına qatıb... Oradan Azərbaycana–Azərbaycan mət-
buatına, Bəxtiyar Vahabzadəyə, Məmməd Araza, İskəndər
Etibara, Tahir Taisoğluya şeir dolu məktubları uçub.. ca-
vablar alıb, ümüd dolu, məsləhət, məhəbbət dolu... İskəndər
Etibar onun “Nəğmələr”, “Anamın yun palazı” şeirlərini
əsgər şəkli ilə “Yeni Şirvan” qəzetində çap edir. Bu fakt
uzaq Tayqada, yad ölkədə əsgərlik edən bir şair gəncin
duyğularında dərin izlər buraxır...”
Yaddaşlarda yaşayacaq
51
Kitabda şairin yaradıcılığı ilə paralel, onun həyat yolunu
da izləyən müəllif yeri gəldikcə oxucuları maraqlı nüanslar-
la tanış edir. Burada hərbi xidmətdən qayıdan Şahməmmə-
din Azərbaycan Daxili İşlər nazirliyində işə qəbul edildiyi-
ni və qiyabi universitetin hüquq fakültəsində təhsil aldığını,
oranı müvəffəqiyyətlə bitirib milis(polis) orqanlarında
müxtəlif vəzifələrdə çalışdığını və polkovnik rütbəsinə ki-
mi yüksəldiyini öyrənirik.
Şahməmməd Moskvada SSRİ DİN-in Akademiyasında
təhsil aldığı illərdə (1982-1984) “Avrora”, “Molodaya qvar-
diya”, “Sovetskaya milisiya” jurnallarında şeirləri və daha so-
nralar 1994-cü ildə onun rus dilində “Nastalo vremya” kitabı
çap olunmuşdur. Bu kitabda gedən şeirləri moskvalı şairlər
İrina Yefimova, İqor Taraseviç, Viktor Zabelişinski tərcümə
etmiş və bu kitabın işıq üzü görməsində o zaman Moskvada
M.Qorki adına Dünya Ədəbiyyatı İnstitutunda təhsil alan Tahir
Taisoğlunun və Moskvada yaşayan şair-tərcüməçi Məmməd
Faiqin də böyük xidmətləri olmuşdur. Kitabda müəllif şairin o
vaxtlarla bağlı xatirələrindən də sitatlar vermiş və oxucuları
kifayət qədər məlumatlandırmağa çalışmışdır.
Kitabda şairin şeirlərinə bəstələnmiş mahnılardan da söz
açılır və bu nəğmələrə öz repertuarında yer ayıran müğən-
nilər də diqqətə çatdırılır.
Burada şairin ailə həyatı ilə bağlı detallar da maraqlıdır.
Xüsusən, onun Yəmən xanımla ailə qurması, gözəl övladlar
böyütməsi, sevgi dolu bir həyatın içindən gələn səslər diq-
qəti çəkir.
Qurban Bayramovun bütün həyatını, yaradıcılığını ən
xırda detallarına kimi bildiyi şair dostunun 60 illik yubile-
yinə ithaf etdiyi bu kitabda 60 illik ömrün hərarəti, 60 il vu-
ran qəlbin çırpıntıları hiss olunur. Şahməmmədin yaradıcı-
lığı haqqında gələcəkdə də kitablar yazılacaq. Biz həm şair
dostumuza, həm də tənqidçi dostumuza yeni-yeni yaradıcı-
lıq uğurları arzulayırıq.
“Kredo” qəzeti, 2010
Sona Xəyal
52
QÜRBƏT MİRZƏZADƏ - 50
Azərbaycan tarixi, Azərbaycan ədəbiyyatı, Azərbaycan
mədəniyyəti və s. olduğu kimi Azərbaycan ədəbi aləmi ifa-
dəsinin də lüğət tərkibimizə daxil olması zəruridir. Var şair,
nasir, dramaturq, publisist, alim, bir də var ədəbiyyat ada-
mı. Əvvəldə sadaladığım adlara sahib olmaq çətin deyil,
amma çətini ədəbiyyat adamı ola bilməkdir. Ədəbiyyat
adamı bütünlükdə ədəbi aləmin tanıdığı, qəbul etdiyi adam-
dır. Ədəbiyyat adamı olmaq təkcə yazmaq deyil, həm də
yazılanları oxuya bilməkdir. Hər dəfə tanımadığım bir
adam mənə yeni çap olunmuş kitabım haqqında danışanda,
düşünürəm ki, hələ də yazara görə deyil, yazılana görə oxu-
yanlar varsa, deməli ədəbi aləm də var, ədəbiyyat adamı da.
Bu aydın məsələdir ki, yaradıcılğını bəyənib-bəyənmədiyi-
mizdən asılı olmayaraq, hamımız dostlarımızın, yaxınları-
mızın kitablarını oxuyuruq. Amma şəxsən tanış olmadığı-
mız yazıçının, alimin əsərlərini onun yaradıcılığına görə
oxuyuruq. Bu mənada məni tanımadan imzamı tanıyan, ya-
zılarımı izləyən oxucularıma daha çox hörmət bəsləyir, tə-
sadüfən rastlaşıb tanış olanda qeyd elədikləri fikirlərini da-
ha çox dəyərləndirirəm.
Ədəbiyyat İnstitutunun aparıcı elmi işçisi, filologiya üz-
rə fəlsəfə doktoru Qürbət Mirzəzadə ilə tanışlığımız da belə
olub. Hər dəfə Ədəbiyyat İnstitutunda rastlaşanda hansı ya-
zımısa oxuduğunu deyib və məndən kitab istəyib. Sonralar
rəfiqəm Şəlalə xanım dedi ki, Qürbət Azərbaycan Dövlət
Universitetində (indiki BDU) onun tələbə yoldaşı olub və
elə tələbəlikdə də hər şeylə maraqlanar, çox oxuyar, hətta
Bakıda, Naxçıvanda keçirilən konfranslarda iştirak edər-
miş. Qürbətin 1986-cı ildə Cəlil Məmmədquluzadənin ana-
dan olmasının 120, “Molla Nəsrəddin” jurnalının nəşrə baş-
lamasının 80 illiyi münasibəti ilə Y. Məmmədəliyev adına
Naxçıvan Dövlət Pedoqoji İnstitutunda(indiki NDU-də) ke-
çirilən elmi konfransda etdiyi “XX əsrin əvvəllərində
Dostları ilə paylaş: |