174
S O N U N C U FAT E H
eyləyib. Bu qohumluq baş tutsa, Nadir bəyin gücü
birə-beş artacaq...
Məlik Mahmud fikirli-fikirli taxtına əyləşdi:
– Hə, belə çıxır, Xorasan əyalətlərini büsbütün ələ
keçirsə, bu ilxıçı oğlu ilxıçı nəinki bəylik məqamında
qərar tutacaq, bəlkə də xan, ya sultan mərtəbəsinəcən
qalxacaq? Sonra da, Allah bilir, iştahasından daha
nələr keçəcək...
Bunu deyəndən sonra Məlik qayğılı baxışlarını
ona zilləmiş baş sərkərdəsinə baxdı, nə düşündüsə
birdən, amiranə səslə bildirdi:
– Qoçan qalasına namə göndərmək lazımdır.
Qoy, kürdlər Nadir bəyi aradan götürmək üçün
mə nimlə birləşsinlər. Əks halda, oranı yerlə-yek-
san edə rəm! Üstəlik, adamlarından göndər, qoy
gö zəl liyini tərif etdiyiniz o qızı hərəmxanama gə-
tir sinlər…
KÖHLƏN KƏHƏR YÜYRƏK OLAR...
Q
ılınc xanla İmamqulu əmiri aradan götü-
rən dən sonra Nadir bəy rahatca köhlən kə-
hərinin yəhərinə oturub öz adamları ilə Kəlat yolu
ilə gedirdi. Qardaşı İbrahim atını onun atı ilə yana-
şı sürürdü. Nadir bəy qardaşının qırımından bilirdi
ki, ona nəsə demək istəyir.
– Nə var, İbrahim? Dilinin altında nə saxlayırsan?
İbrahim uzaqda – yaşıl təpənin döşündə qarovul
çəkən atlını göstərdi:
175
N A D İ R Ş A H Ə F Ş A R
– Buralarda Nəsirağa adlı birisi məskən salıb, bö-
yük bir dəstəsi var, Xorasan çöllərində quldurluq edir,
karvan basır…
Nadir bəy atının cilovunu boşaltdı. Dayanıb əv-
vəlcə qardaşının, sonra bir-bir yanındakıların üzünə
baxdı:
– Görürəm, o gunkü cirit yarışında elə də yorul-
mamısınız. Məlik Mahmudun da başı hələ ki, yarış-
da qazandığı qələbənin şərəfinə ziyafətə qarışıb. Heç
inanmıram ki, Yamxana meşəsindəki ovumuzdan-
ovçuluğumuzdan xəbər tutandan sonra arxamızca
adamlarını salsın. Elə isə gəlin gedib görək İbrahimin
dediyi o adam kimdir?
Çox çəkmədi ki, yamyaşıl təpəyə rast gəldilər.
Boynu buruq bənövşələrin ətri ətrafı bürümüşdü.
Təpənin üstündə qarovul çəkən atlı onları görən
kimi gizlənmək istədi.
Nadir bəyin zabitəli səsi sanki onu yerə mıxladı:
– Ay adam, biz bura xoş niyyətlə gəlmişik! Nə-
sirağaya de ki, Nadir bəy Əfşar gəlib…
Bu zaman yaxınlıqdakı ağacların arasından pəh-
ləvan cüssəli bir atlı çıxdı:
– Gözümuz üstə yeriniz var, Nadir bəy, buyurun!
– dedi. Sonra o, atından enib, irəli yeridi:
– Oğru-quldur da olsaq, ürəyimizdə Allah
xofu da var. Əhli-beyt övladının – Həzrət İmam
Rza Əley hissəlamın ziyarətinə yollanan adamlar-
dan savayı hamını soyuruq. Ələlxüsus Məşhədi-
müqəddəsə ağalıq edən Məlik Mahmud kimi
əbləhə karvan-karvan şey-şüy aparan sələmçiləri...
176
S O N U N C U FAT E H
Sənin də barəndə çox rəvayətlər eşitmişəm, Nadir
bəy!..
– Dədələrimiz deyib ki, dünya gör-götür dünya-
sıdır. Ay Nəsirağa, deyəsən, axı, mənim də sən dən
öyrənməyə ehtiyacım var. Məmləkət hər tərəf də qa-
çaq-quldura qucaq açıb, o biri tərəfdə özümüzünkü lər
səfalət içindədir… Buralarda da zə manə sənin kimi
qorxmaz igidi oğurluğa – yol kəsən liyə vadar edib.
Belə zamanənin üzü qara olsun!
Nəsirağa, Nadir bəyin onu qorxmaz igid adlan-
dırmasından məmnunluq duydu.
– Dünya həmişə bir qərarda qalmır, Nadir bəy,
imam demişkən, gah sənə üz tutur, gah da özgəsinə...
Nadir bəy dedi:
– Bizə üz tutması üçün gərək biz də nəsə edək.
Səni də, məni də, o birini də bir məsləyə, əqidəyə
canla-başla qulluq etməyə vadar edən dərdlər çoxdur.
Gərək bu şəraitdə gücümüzü birləşdirib, Xorasanın
və xorasanlıların nicatı üçün səy edək...
– Bu, atüstü söhbət deyil, bəy! Əl-üzünüzü yuyub,
yaxşı-yaxşı rahatlanın, bir tikə çörəyimizdən kəsin, bir
çimdik duzumuzdan dadın...
Nadir bəy atdan endi:
– Hal əhli olana qonaq olmağın da bir faydası
var...
Nəsirağanın adamları təbiətin qoynundaca sufrə
açdılar.
Duz-çörək kəsəndən sonra Nəsirağa onunla bir-
likdə hərəkət etməyə razılıq verdi. Onlar əlbir olub,
Xorasan sələmçilərinin böyük bir karvanını qarət
177
N A D İ R Ş A H Ə F Ş A R
etdilər. Xeyli ləl-cəvahirat, qılınc və bahalı pal-paltar,
azuqə ələ keçirdilər.
Bir həftə keçməmiş xəbər aldılar ki, Çindən çox
böyük bir karvan gəlir. Nadir bəy ilə Nəsirağa böyük
dəstə ilə karvanın qabağını almaq istəyəndə, irəliyə,
kəşfiyyata göndərilən Ələmdar çapa-çapa gəlib xəbər
verdi ki, bəs, karvanın qabağına Məşhəd səmtindən
Məlik Mahmud öz qoşunu ilə çıxıb…
Nəsirağa dedi:
– Yolumuzu kəsən bu qara kötüyün axırı gəlib
deyəsən…
– Dayan, Nəsirağa, bizdə o əbləhlə vuruşma-
ğa ye tərincə silah-sursat yoxdur... Adamlarımız da
azdı hələ. Bir də ki, Bəktaş əmim demişkən, əgər
oğ rudan şah olsaydı, onda ciqanlar
1
da başına tac
qo yardı...
– Ciqanlar kimdir, ay Nadir bəy?
– Nədi, ay Nəsir? Yəni bu yaşa çatmısan, bu qədər
karvanlar basmısan, heç ciqan tayfasından olan bir
nəfər də rastına çıxmayıb?
Nəsirağa başını buladı.
– Yox, a bəy, şanına and olsun, bu çöl-biyabanda o
cür tayfa əhlinə rast olmamışam.
– Ciqanlar vətəni olmayan köçəri bir tayfadır. Ki-
şiləri qulaqlarına sırğa taxırlar, qadınları da yalnız öz
tayfasından olan kişilərə ərə gedirlər... Nə isə, uzun
söhbətin qısası, mən özümə də, sənin kimi igidə də bu
işi rəva bilmirəm. Odur ki, gəl mənimlə gedək Kəlata.
Bilmədiyin hələ çox şey öyrənəcəksən, ay Nəsir!
1
Ciqan – qaraçı tayfası.
Dostları ilə paylaş: |