Sonuncu Fateh indd
Yüklə 12,92 Mb. Pdf görüntüsü
|
178 S O N U N C U FAT E H Nadir bəyin dəstəsi nə qədər böyük olsa da, sayca Məlik Mahmudun Çindən gələn karvanın qabağına çıxan süvarilərindən az idi. Odur ki, Nadir bəy kar- vana basqın etməkdən vaz keçdi və bir neçə günlüyə Nəsirağanın dəstəsi ilə birlikdə Kəlata döndü. * * *
...Nəsirağanın dəstəsi qala meydanında döyüş ha- zırlığı öyrənən əsgərlərin yiyələndiyi fəndlərə maraq- la tamaşa edirdi. Bir gün Nadir bəy qılınc əvəzinə dəyənəklə dö yü- şən iki döyüşçünün məşqinə baxanda qəribə ha disə baş verdi. O, rəqibinin güclü zərbəsindən sonra səntirləyib yıxılan, çalması başından sürüşüb dü şən gənc döyüş - çü yə zəndlə baxanda, onun uzun hörüklərinin çiyin lə- rinə dağıldığını görüb tez meydana endi. Qarşısında kı tanış çöhrəni dərhal tanıdı: bu, Zöhrə idi! Nadir bəy öz əsgərləri arasında nə vaxtsa qız döyüşçü ilə qar- şılaşacağını heç ağlına da gətirməzdi. Zöhrəni bu işə vadar edən, bəlkə də, ona qarşı laqeydliyi olmuşdu. Amma o, bu görüşə sevinib-sevinmədiyini heç cür bü ruzə vermədi. Qız da həyəcan için də döyüküb qal- mış dı. Elə bil, bir-birlərini ilk dəfə görürdülər. Qə- dirqulu ki şi qıza təəccüblə baxan Nadir bəyin yal nış fikrə dü şəcəyindən ehtiyat edib tez özünü yetirdi: – Başına dönüm, Nadir bəy, ürəyinə ayrı şey gəl- məsin, onu bura mən gətirmişəm. Maşallah-namxuda, beş-on təpərsiz oğula dəyər. Nadir bəy Qədirqulu kişinin gözlərinin içinə bax- dı:
179 N A D İ R Ş A H Ə F Ş A R – Qədirqulu kişi, sizin ağsaqqal kimi mənim ya- nımda böyük xətir-hörmətiniz var. Amma cəngi-ci da- da qadınlar işimə qarışmasalar yaxşıdır... – Səni çox yaxşı tanıyıram. Uşaq vaxtı da arzu- istəyini heç kimdən gizləməzdin. Çöldə buğda sün- bülünü papağına sancıb, gizlənpaç oynadığın uşaq- lara deyərdin ki, mən sizin şahınızam, siz də mənim qoşunum. Özünüzü düşmənlə döyüşə hazırlayın. Bir dəfə torpağın üstündə xətlər çəkirdin. Qardaşın İbra- him də sənin çəkdiyini pozurdu. Onda sən hirslənib dedin ki, bu cızın içindəki Məşhəd idi, oranı tutan- dan sonra Herata hücum edəcəkdim, qoymadın, işi- mi korladın... O zaman mən bunu eşidəndə, uşaqsan deyib sənin xəyalpərvərliyinə gülmüşdüm. İndi sə nə baxanda inanıram ki, o vaxt xəyal etdiklərinin hər bi ri gerçək ola bilər. Böyük ad-san qazanmısan. He- yifdir, gəl sən, gül kimi adını karvan basmaqla korla- ma, Məşhədi əfqan zalımlarından azad et… Nadir bəyin işarəsi ilə Zöhrəni öz hərəminin ota- ğına apardılar. – Demək, Məşhədi, sonra da Heratı? Niyə belə demişəm? Axı o zaman Məşhəd də, Herat da qızılbaş- ların nəzarətində idi... – Hə elədir. Amma o fikri sənin dilindən söylədən İlahi həm bu günümüzdən, həm də sabahlarımızdan xəbərdardı. – Məşhədi tutandan sonra Herata hücum... – deyə pıçıldadı yenə Nadir bəy. Sonra o, Qədirqulu kişinin qolundan tutub, onu qalanın baxçasına sarı apardı. Burada palıd ağacının 180 S O N U N C U FAT E H 181 N A D İ R Ş A H Ə F Ş A R gövdəsindən düzəldilmiş dairəvi masanın ətrafında iki yumru kətil də vardı: Onlar əyləşən kimi Nadir bəy dedi: – Həə... Ağsaqqal, məni yol kəsib, karvan bas- maq işində qınamaqda çox haqlısan. Mən də belə fi- kirləşirəm. Amma özün də yaxşı bilirsən ki, bu dünya- da hər şeyin bir səbəbi var. Bu yaxınlarda Məşhəd dən Əbivərdə qayıdırdım. Çox yorğun idim, gecənin bir alə mi çöl-biyabanda yatmalı oldum. Qardaşım İbra him keşiyimdə durdu ki, bir hovur gözümün acısını alım. O gecə yuxuda ağ libaslı nurani bir kişi gördüm. O məni səsləyib «dalımca gəl» dedi. Mən də, istər-istə məz, asta-asta onun dalınca getdim. Gördüm ki, çölün or tasında iri gövdəli bir ağacın altında dizləri üstündə qılınc olan başqa bir nurani kişi əyləşib. Məni ora aparan adam dedi ki, bu gördüyün Allah-təalanın se- vimli bəndəsi Əbutalib oğlu Əlidir. Bunu eşidən kimi ona salam verdim. O şəxs dedi ki, sən Nadir Əfşarsan, gərək çobansız qoyun sürüsü kimi dağılıb, pərən-pə- rən düşən bu xalqa nicat verəsən… Sonra qılıncı mənə verib dedi: «Sən şah olacaqsan!». Soruşdum ki, ya Əli, axı, bu yuxunun gerçək olacağını mən nədən bilim? Həzrət buyurdu: «İndi sən yuxudan oyanandan son- ra uzaqdan bir karvan gələcək, ona dəyməyin, həmin karvanın sahibi öz əhli-əyalı ilə İmam Rzanın ziyarəti- nə gedir, ondan sonra gələn karvanda bir az qızıl var, onu alarsınız. Ordu saxlamaq üçün sənə qızıl gərək olacaq...». Mən oyanıb gördüyüm yuxunu qardaşım İbrahimə danışdım. Bu zaman, doğrudan da, bir kar- van yanımızdan ötüb-keçdi. Heç kimi ona tərəf bir 182 S O N U N C U FAT E H addım atmağa belə qoymadım, ondan sonra ayrı bir karvan gəldi, onda olan qızılları aldıq… Qədirqulu kişi ucadan salavat çevirdi: – Allahunməsəlli əla Mühəmmədin və ali-Mü- həm məd. – Sonra, – La ilahə illallah, Mühəmmədən rəsulillah, Əliyyən-vəliyullah! 1 Sən gərək Nəcəfə ge- dəsən, oğul, Əli əleyhissalamın ziyarətinə… – Gedərəm… Amma mən əvvəlcə müsəlmanlar ara sında birlik yaratmaq naminə məzhəb savaşına son qoymağı düşünürəm, ay Qədirqulu kişi. – Bu savaşa son qoymaq üçün sən gərək külli- ixtiyar sahibi olasan, Nadir Əli. Qədirqulu kişinin onu «Nadir Əli» çağırması içinə sərin su kimi yayıldı. – Hər şey Məşhədi-müqəddəsin azadlığından baş- layacaq... – Məşhəd... sonra Herat... sonra İsfahan... sonra... Bu zaman Əmirqulu izn istəyib, onlara yaxınlaşdı: – Qoçandan qasid gəlib, deyir Məlik Mahmud Xabuşanın Cəmışgözək kürdlərinin üstünə hücuma keçib. Səndən kömək... Nadir bəy onun sözünü ağzında qoydu, qəzəblə yerindən sıçrayıb ayağa qalxdı: – Xorasanda yaşayan tayfaları özümüzə birləş dir- mək uğrunda mübarizəmiz, deyəsən, Məlik Mahmudla aramızda açıq-aşkar müharibəyə çevriləcək... Bu müha- ribədə mən qalib gələcəyəm. Mən... mən – Qılınc oğlu Nadir bəy Əfşar, – dedi və Əmirquluya baxıb soruşdu: 1 Allahdan başqa Allah yoxdur, Məhəmməd onun elçisi, Əli isə dostu- dur!
Yüklə 12,92 Mb. Dostları ilə paylaş:
|