27
Tərxis olunmuş hərbçilərə dəstək
Tərxis olunmuş hərbçilərin yenidən hazırlanması və
sosial uyğunlaşması üzrə NATO-Rusiya Mərkəzi
2002-ci ilin mart ayında açılmışdır. Bu Mərkəz
Rusiyanın hərbi qüvvələrinin ixtisar olunmasının
sosial məsələrinin həllinə yardım edir və Rusiya
ərazisində tərxis olunmuş hərbçilərin sosial
uyğunlaşmasına və onların yenidən hazırlığına
yardımın göstərilməsi üzrə fəaliyyəti özündə
cəmləşdirir. Moskvada yerləşən Mərkəz 2003-cü
ildən öz fəaliyyətlərini bölgələrdə genişləndirib və
Yaroslavl, Sankt- Peterburq, Çita, Perm, Kalininqrad
və Rostov-na-Donu şəhərlərində öz yerli
ofi slərini açıb.
Mərkəz özünün internet saytında yenidən hazırlıq və iş yerləri barədə məlümatlar, eləcə də kiçik biznesin
yaradılması ilə bağlı məsləhətlər yerləşdirib. Mərkəz həmçinin birbaşa təlim kursları təklif edir, yerləşdirmə
üzrə mütəxəssislər hazırlayır və bu məsləhətlərlə bağlı məlümat mübadiləsini aparmaq üçün konfraslar təşkil
edir. Özünün 18 aylıq ilk fəaliyyət dövrü ərzində mərkəz yerləşmə ilə məşğul olan 210 təlimatçı hazırlayıb və
kompüter, menecment və mühasibat sahələrində 200 tələbənin hazırlanması təşəbbüsü ilə çıxış edib.
Hərbi bazaların konversiyası
NATO-nun Cənub-Şərqi Avropada hərbi hissələrin
konversiya təşəbbüsləri çərçivəsində NATO-nun
ekspert qrupu mülki istifadəyə veriləcək hərbi
bazaların daha sərfəli istifadə yollarını tapmaqda
milli hökumətlərə kömək məqsədilə məsləhətlər və
tövsiyyələr verir. Bu təşəbbüs iştirakçı ölkələr,
həmçinin bir neçə tərəfdaş ölkələr və 2 yeni NATO
üzvləri arasında regional əməkdaşlığı və məlumat
mübadiləsini nəzərdə tutur. Bu ölkələr - Albaniya,
Xorvatiya, Bolqarıstan, Moldova, Rumıniya,
Serbiya və Çernoqoriya və keçmiş Yuqoslaviya
Respublikası Makedoniya*.
Bir sıra pilot layihələr hərbi bazaların ləğvi və
ərazilərin yenidən qurulmasına strateji yanaşmanın
inkişafına kömək edir. Əsas məqsəd hərbi
bazaların əsas iş təminatçısı olduğu sahələrdə yeni
iş yerlərinin yaradılması və yerli təsərrüfata kapital
qoyuluşu və ətraf mühitin təmizliyini təmin
etməkdir. Keçmiş bazaların əraziləri müvafi q
işlərdən sonra istifadəyə, xüsusən yaşayış
mikrorayonlarının salınması, tədris müəssisələrinin,
sağlamlıq mərkəzlərinin, həbsxanaların, parkların
və qoruqların yaradılması məqsədi üçün verilir.
Minaların, sursatlar və silahın ləğvi
SNT-nin Etimad Fondları (qoşmaya bax, səh.28)
piyadalar əleyhinə minalar, sursatlar və kiçik və
yüngül silah ehtiyatlarının təhlükəsiz ləğvində
tərəfdaş ölkələrə yardım edir. Bu prosesin
təhlükəsizliyini ətraf mühitə ziyan vurmamasını və
beynəlxalq standartlara uyğun olması üçün
müxtəlif ölkələrlə birlikdə konkret layihələr
hazırlanır. İcra olunduğu yerlərdə layihələrin əsas
məqsədi əməliyyat xərclərini azaltmaq üçün yerli
ehtiyatlardan və obyektlərdən istifadə, eləcə də bu
prosesdə yerli əhalinin hazırlanmasına yönəldilib.
Bu isə yeni iş yerlərinin yaradılması və yeni
bacarıqların öyrədilməsinə yardım edir.
Bu layihələr içərisində 2005-ci ilə qədər 1,6 milyon
piyada əleyhinə mina Albaniyada ləğv edilib.
12 min piyada əleyhinə mina, 7 min tondan artıq
sursatlar və raket yanacağı Moldovada, 400 min
piyada əleyhinə mina Ukraynada, 1200 piyada
əleyhinə mina Tacikistanda və 300-dən artıq raket
Gürcüstanda məhv olunub. Gələcəkdə
demilitarizasiya layihələrini Albaniya, Azərbaycan,
Belorussiya, Serbiya və Çernoqoriya və Ukraynada
həyata keçirmək nəzərdə tutulub.
2000-ci ilin sentyabrında yaradılmış Sülh
naminə
Tərəfdaşlıq Etimad Fondu siyasəti piyada əleyhinə
mina ehtiyatlarının təhlükəsiz məhv edilməsində
tərəfdaş ölkələrə yardım mexanizmdir. Onun əsas
məqsədi ölkələrə piyada əleyhinə minaların istifadəsi,
toplanması, istehsalı və ötürülməsini qadağan edən
Ottava Konvensiyasının yerinə yetirilməsi və bu
ehtiyatların məhv edilməsıdir.
Layihələrinin uğuruna əsaslanaraq, Fond öz fəaliyyət
dairəsini genişləndirib və sursatların və kiçik həcmli
və yüngül silahların məhvinə yönəldilmiş
demilitarizasiya layihələrini həyata keçirir. Bu
yaxınlarda fond hərbi bazaların konversiyası və
hərbçilərin yenidən hazırlaması kimi təşəbbüslər
vasitəsilə müdafi ə islahatlarının doğurduğu nəticələrin
idarə olunmasında tərəfdaş ölkələrə dəstək verir.
Etimad Fondları həmçinin Aralıq dənizi ölkələrinin
marağına uyğun olaraq yaradıla bilər.
Fond çərçivəsində NATO üzvləri tərəfdaş ölkələrlə
xüsusi layihələrin icra olunması üçün əməkdaşlıq
edirlər. Hər bir halda NATO yaxud tərəfdaş ölkə
layihə təklifl ərinin hazırlanmasında və
maliyyələşdirilməsində və potensial yardımçıların
müəyyən olunmasında mühüm rol oynayır. Layihədən
birbaşa faydalanan tərəfdaş ölkə gözlənilən kimi bu
işdə fəal iştirak etməli və öz imkanları daxilində
layihəyə maksimum dəstək verməlidir. NATO
ekspertləri məsləhətlər və təminatlar verir.
NATO üzvləri və tərəfdaş ölkələr könüllü qaydada
maliyyə araşdırmalarını həyata keçirirlər. Bu
yardımlara texnika yaxud müxtəlif töhfələr daxildir.
Bir çox hallarda NATO-nun Lüksemburqda yerləşən
saxlanma və təchizat agentliyi layihələrin icraçı
agentliyi kimi xidmət göstərir və texniki və maliyyə
məsələlərinin həll olunmasına cavabdehdir.
Ətrafl ı məlumat üçün:
www.nato.int/pfp/trust-fund.htm
SNT ETIMAD FONDLARI
Köhnə raketlərin ləğvi
300 təyyarə əleyhinə raket SNT Etimad
Fondunun 2005-ci ilin əvvəlində bitirilmiş
layihəsi çərçivəsində Gürcüstanda
təhlükəsiz qaydada ləğv edilmişdir.
Poniçala və Çaladidi bazalarında
saxlanılan raketlər zərərsizləşdirilməlidir.
Raket başlıqları çıxarılmış və başqa bir
əraziyə gətirilərək nəzarət
altında partladılmışdır.
Layihə raketlərin saxlanıldığı ərazilərdə
təhlükəsizliyi mühüm dərəcədə artırmış
və bu silahların ətraf mühitə vura biləcəyi
zərərin qarşısını almışdır.
28