33
sahəsində daha çox sayda olan landşaft tiplərini yaratmaq tələbatından çıxış edirdilər,
ona görə də Çin parklarında əllə düzəldilmiş dağları, çox sayda və bədii formadakı
kiçik adacıqları əhatə edən su hövzələrini görmək mümkündür. Su hövzələri müxtəlif
formadakı daşdan yonulmuş işlərlə və heykəllərlə bəzədilmiş və qəribə şəkildə
burulan körpücükləri olan kanallarla birləşirlər. Su hövzələrində adətən dekorativ
balıqlar, rəngarəng karp növündən olanlar yetişdirilir. Parka gələnlərin onların
nəzərləri qarşısında uzanan mənzərələrdən həzz alması üçün hündür yerlərdə dəyirmi
rotondalar – söhbət yerləri tikilir. Su hövzəsinin sahilində isə örtülü qalereyalar
düzəldilir. Bu gözəlliklərdən birini Pekindəki İxeyuan imperator yay sarayının
parkında görmək mümkündür.
Çin tarixindən səhifələr
Çin xalqının və sivilizasiyasının başlanğıcı dəqiq məlum deyildir. Çox sayda
müxtəlif etnik qruplar və primitiv mədəniyyətlərin çox saydakı ayrı-ayrı mərkəzləri
tədricən meydana çıxmaqla qarışıb, bu qitə regionuna yayılan sivilizasiyanı meydana
gətirmişdir. Çindəki neolit mədəniyyəti Avrasiyanın çox hissələrindəki neolitikliklə
təməl oxşarlığa malik idi. Çinin müxtəlif hissələrində, buna baxmayaraq, ilk vaxtlarda
müəyyən regional fərqlər də var idi.
Ən qədim Çin tarixi ədəbiyyatı olan «Klassik tarix»də və ya «Sənədlər
kitabı»nda b.e.ə. I minillikdən əvvəlki dövrə aid məlumatlar yoxdur. Erkən sənədlərdə
və çinlilərin doğma və ya əcnəbi mənşəyə malik olduğunu dəqiq sübut edən heç nə
yoxdur. Mərkəzi Asiyadakı arxeoloji qazıntılar Xəzər dənizindən şərqdə olan qədim
mədəniyyət yerlərini tədqiq etmişdir və belə gümana gəlməyə imkan verir ki, yəqin
ki, miqrantlar indiki Monqolustandan, bəlkə də daha uzaq qərbdən, qərbi Asiyadan və
Avropanın cənubi-şərqindən gəlmişlər. Daha çox güman edilir ki, Çin mədəniyyəti elə
Çinin özündə təşəkkül tapmış və inkişaf etmişdir.
Burada əvvəlki dövrlərə aid Çin rəvayətləri mövcuddur. Qədim dövrdə, b.e.ə. I
minillikdə mövcud olanlardan yalnız üçü real şəxsiyyətlərdir. Onların hər biri müdrik
olmaqla yanaşı, həm də hökmdar olmuşdu. Onlardan biri adamlara ovçuluğu
öyrətmiş, digəri beş növ dənli bitkini becərmiş, kotanı icad etmiş və bazarlar
yaratmışdı. Üçüncüsü isə daha məşhur olmaqla, Çjou dövrünə təsadüf edir. Saraydakı
və feodal dövlətlərdəki adamlar onu ilkin əcdad kimi qiymətləndirirdilər. Onun
34
ixtiralarına qayıqlar, avarlar və oddan istifadə daxildir. Odla o, təpələri və düzləri
ağaclardan və kollardan təmizləyir, ölkəni vəhşi heyvanlardan qoruyur və güman ki,
mal-qaranı əhlilləşdirməyə keçirdi. O, həmçinin qulluqçular arasında musiqinin
tətbiqini meydana gətirmişdi.
Çinin yazılı mənbələrdə qeydə alınmış tarixi 3600 ilə yaxındır və öz
başlanğıcını b.e.ə. XVI əsrdə əsası qoyulmuş Şan sülaləsinin ilk dövrlərindən götürür.
Şan sülaləsi barədə məlumatlar tısbağa çanağından olan lövhəciklərdə və öncəgörmə
məqsədini güdən heyvanların sümükləri üzərindəki yazılarda qalmışdır. Lakin ilk
ənənəvi istorioqrafiyaya görə lap əvvəlki sülalə Şan deyil, b.e.ə. XXI əsrdən XVI əsrə
qədər hökmranlıq etmiş Sya sülaləsidir. Lakin onun haqqında nə arxeoloji, nə də
sənədli bir məlumat yoxdur. B.e.ə. 841-ci ilədək hadisələrin müntəzəm xronikası
aparılmırdı. Ancaq həmin dövrdən Qərbi Çjounun hökmranlıq edən sülaləsi
hadisələrin məlum yazısını aparır və saxlayırdılar. Bu praktikaya Çjou sarayının
vassalları olan digər dövlətlər də əməl edirdilər.
Qədim Çinin ilk tam tarixi olan «Tarixi qeydlər» b.e.ə. 104-91-ci illərdə Çin
istorioqrafiyasının «atası» olan Sıma Tsyan tərəfindən tərtib edilmişdir. «Min
sülaləsinin tarixi» ilə başa çatan 24 rəsmi sülalə tarixlərindən o birincidir.
Ümumiyyətlə, Çin tarixi üzrə mənbələrin miqdarını dibsiz okeanla müqayisə etmək
olar.
Lap qədim dövrlər
Arxeoloji tapıntılar hesabına məlum olmuşdur ki, Çinin nəhəng ərazisində bir
milyon ildən əvvəl, artıq ibtidai icma insanı yaşamışdır. Təqribən 500 min ildən əvvəl
«pekin sinantropu» və ya «pekin insanı» adlanan digər qədim insanlar qrupu indiki
Pekin şəhərinin ətrafında meydana gəlmişdi. Bu mədəniyyətin nümayəndələri «ağıllı
insanın» əsas xüsusiyyətlərinə malik idi. Onlar iki ayaq üstündə gəzirdilər, sadə
alətləri düzəltmək və istehsal etməyə qadir idilər, odu əldə etməyi və qoruyub
saxlamağı bacarırdılar.
Qədim Çində həm matriarxal, həm də patriarxal icmalar var idi. 6 min il əvvəl
çiçəklənməyə başlamış Yanşao mədəniyyəti, güman ki, matriarxal cəmiyyət idi. 5 min
il əvvəl mövcud olmuş Lunşan mədəniyyəti isə patriarxal cəmiyyət idi. Adamlar daş
alətlərin və keramikanın düzəldilməsi adətlərini təkmilləşdirirdilər. Ovçuluğa və
balıqçılığa əlavə olaraq əkinçilik və heyvandarlıq da inkişaf edirdi. Bu dövrün sonuna
cəmiyyət siniflərə bölündü. Bütün dünyada etnik çinlilər özlərini Huandinin (Sarı
35
imperatorun) və imperator Yandinin törəmələri adlandırırlar. Bu iki müdrik hökmdar
qədim miflərdə və əfsanələrdə yüksəldilmişlər. Belə ki, Sarı imperator arabanı, qayığı,
paltarı, yerüstü evi və yazını icad etməsinə görə məşhurlaşmışdı. Onun arvadı Ley
Tszu barama qurdunu becərməklə və ipək parça toxumaqla məşğul olurdu. Bu iki
imperatorun başında dayandıqları tayfalar Huan Ho (Sarı çayın) vadisində yaşamaqla,
indiki dörd əyalətin ərazisini tuturdular. Onlardan şərqdə öz ox və nizə yaratmaq
sənətilə məşhur olan tayfalar yaşayırdılar. Onların rəhbəri Çi Yu müharibə allahı kimi
tanınırdı. Başqa bir tayfanın lideri isə balıq torunu icad etmiş və öz xalqına balıq
tutmağı və ovu öyrətmişdi. Torpağı becərmək üçün alətlər icad etməsilə Şennunun
(Müqəddəs əkinçi) adı da heç də az şöhrət tapmamışdı. O, öz xalqını əkinçiliyə
öyrətmiş və müalicə xüsusiyyətlərini aşkar etmək üçün öz orqanizmində yüzlərlə
bitkinin təsirini sınamışdı. Belə əfsanələr ona görə maraqlıdır ki, həm qədim
dövrlərdəki sosial-iqtisadi təkamülə işıq salır, həm də həmin dövrün cəmiyyətində baş
verən əmək bölgüsü haqqında müəyyən təsəvvür yaradır.
Daha iki müdrik hökmdar Sarı çay vadisində xalqları idarə etmişdi, onlar
rəvayətə görə Sarı imperatorun törəmələri idi. Onlardan Şun adlanan ikincisi Yuy adlı
adamı daşqınla mübarizə üzrə baş məmur təyin etdi. Yuy bəndlər tikməyin adi
metodikalarından imtina edib, bunun əvəzinə çayların və kanalların məhvərini
dərinləşdirdi. Beləliklə də daşqın stixiyası cilovlandırıldı. Hakimiyyətdən imtina eən
Şun Yuyu öz varisi təyin etdi. O, Böyük Yuy kimi şöhrət tapdı və Sya sülaləsinin
banisi oldu.
Sya, Şan və Çjou sülalələri
Ənənəvi olaraq belə hesab edilir ki, Sya sulaləsi b.e.ə. XXI əsrdən XVI əsrə
qədər hökmranlıq etmişdir. Bu sülalənin ilk hökmdarı Böyük Yuyu onun oğlu Tsi
əvəz etmişdi. Bu fakt Çində irsi monarxiyanın başlanğıcı kimi qiymətləndirilir, bu
əvvəlki tayfa və ya tayfalar ittifaqı başçısının demokratik seçkisi sistemini əvəz
etmişdi. Sya sülaləsinin hökmranları şəhər divarlarını tikdirdi, ordu, dustaqxana
yaratdı və cinayət məcəlləsi tətbiq etdi. Bu sülaləyə Çin tarixində ilk quldarlıq dövləti
kimi baxılır. Mədəniyyət sahəsində çinlilərin əldə etdiyi nailiyyətlərdən Sya
epoxasında yaradılmış təqvimi qeyd etmək lazımdır. Bu təqvim sonrakı nəsillər
tərəfindən
astronomiyanın
inkişafına
mühüm
bir
töhfə
kimi
yüksək
qiymətləndirilmişdir. Sya sülaləsinin sonuncu hökmdarı, adi Tszi olmaqla, dəhşətli
Dostları ilə paylaş: |