Tərtibçidən
Yüklə 0,71 Mb. Pdf görüntüsü
|
21
Kitabxanalarda yuxarı sinif şagirdlərinin iştirakı ilə “Məhsəti Gəncəvi”nin yaradıcılığı müasir gəncliyin gözü ilə” oxucu konfransı da təşkil etmək mümkündür. Konfransdan öncə onun proqramı tərtib olunmalı, konfransın keçiriləcəyi dəqiq vaxt müəyyən olunmalıdır. Proqramda konfransda çıxış edəcək qonaqların, ədəbiyyatşünasların və şagirdlərin adları, onların çıxış edəcəkləri mövzular, tədbirin keçiriləcəyi məkan və zaman qeyd olunur. Konfrans zamanı Məhsəti Gəncəvinin yaradıcılığına yaxından bələd olan jurnalist, yazıçı və şairlərin çıxışları dinlənilir. Oxucu konfransının planını sizə təqdim edirik: 1. Giriş hissə (Məhsəti Gəncəvinin həyat və yaradıcılığı haqqında məruzə) 2. Məhsəti Gəncəvinin yaradıcılığı haqqında kitabxana rəhbərliyinin, yazıçı və şairlərin çıxışları. 3.Yuxarı sinif şagirdlərindən ibarət olan oxucuların Məhsəti Gəncəvinin rübailəri ətrafında müzakirələri. 4. Yazıçının əsərlərindən bir neçə parçanın səhnələşdirilməsi. 5. Konfransın yekunu. Məhsəti Gəncəvinin irsinin təbliği üçün ədəbi-bədii gecələrin keçirilməsi zəruridir. Gecəni “Rübai ustadı Məhsəti Gəncəvi” başlığı ilə adlandırmaq olar. Tədbirin ssenarisini sizə təqdim edirik. Səhnə şairənin portreti, rübailəri, Məhsəti və Əmir Əhməd”dastanını əks etdirən şəkillərlə bəzədilir. Səhnənin bir tərəfi şairə haqqında bir çox şair və yazıçıların yazdığı əsərlərlə, Məhsəti Gəncəvinin rübailəri, şairə haqqında yazılmış sitatlarla bəzədilir. Tədbir kitabxana rəhbərliyi tərəfindən açıq elan olunur. Gecəyə Məhsəti Gəncəvinin yaradıcılığına yaxından bələd olan tanınmış yazıçılar, tənqidçilər, jurnalistlər dəvət olunur. Yaxşı olar ki, tədbirə Millət vəkili, yazıçı Rafael Hüseynov,Əməkdar mədəniyyət işçisi, şairə Kəmalə Ağayeva dəvət olunsun.Tədbirin əvvəlində iştirakçılaraMəhsəti Gəncəvidən bəhs edən slayd təqdim olunur. Sonra aparıcılar səhnəyə çıxırlar. I Aparıcı: Əziz və hörmətli tədbir iştirakçıları. Hər birinizi xoş gördük. Bu gün bizim bura yığışmaqda məqsədimiz zəngin ənənələrə malik çoxəsrlik Azərbaycan poeziyasının tanınmış nümayəndəsi Məhsəti Gəncəvinin 900 illik yubileyini qeyd etməkdir. Bildiyimiz kimi Məhsəti Gəncəvinin yaratdığı söz sənəti nümunələri insanı ucaldan yüksək bəşəri duyğular, nikbin ruh və dərin lirizmlə səciyyələnərək geniş şöhrət tapmış, sonrakı dövrlərdə bədii zövqün formalaşmasına mühüm təsir göstərmişdir. Şairənin ədəbi şəxsiyyəti yaradıcı Şərq qadınının fikir və mənəvi azadığının parlaq təcəssümü kimi Qərb şərqşünaslarının əsərlərində çox yüksək dəyərləndirilmişdir. Məhsəti Gəncəvinin yaradıcılığının 900 illik yubileyinin dövlət səviyyəsində qeyd olunması haqqında prezidentimiz İlham Əliyev sərəncam vermiş və bu iş YUNESKO – nun görkəmli şəxsiyyətlərin və əlamətdar hadisələrin qeyd olunması proqramına daxil edilmişdir. Məhsəti şeir tariximizdə təcnisi
22
rübai çərçivəsinə sığışdıran və bu növ şeirin müntəxəbatlara düşməyə layiq incilərini yaradan geniş nəfəsli sənətkardır. Məhsəti Gəncəvinin xalq şeri tərzinə yaxın formalı rübailəri və öz fəlsəfi mahiyyəti etibarilə dərin məzmunlu şerləri Azərbaycan və ümumən Şərq poeziyası tarixində mühüm rol oynamışdır. II Aparıcı: Doqquz əsrdir Məhsətinin hər biri çiçək kimi sevimli, həyat şövqü ilə dolu rübailəri nəsil – nəsil insanlarımızın zövqünü oxşayır, ruhunu təzələyir. O, şeirləri, xüsusilə fəlsəfi dərinliyi ilə seçilən rübailəri ilə oxucularda həyata məhəbbət oyadır, onları nikbinliyə, dünyanın gözəlliklərindən ilham almağa çağırır. Məhsəti Gəncəvi söz tariximizin ən cazibəli ustalarındandır. Gəncənin ədəbi mühitində solmaz rübailər yaradan Məhsəti həm gözəl musiqiçi, həm də şahmatçı idi. Oxucularımız Məhsəti Gəncəvinin rübailərini birinci dəfə Nigar Rəfibəylinin tərcümələrində görüblər. Söhbət Nigar
Rəfibəylinin tərcümələrindən düşmüşkən, gəlin oxucumuzun ifasında Məhsəti Gəncəvinin rübailərindən bir parçaya qulaq asaq. I Oxucu: Xalqın başında gər olsan da bir tac, Ağladar səni də bir gün ehtiyac. Xalqın dərdinə qal, ona yaxın ol, Qorx o gündən özün olasan möhtac.
Bu dünya bir qızıl kuzəyə bənzər, Suyu gah şirindir, gah da ki, zəhər Çox da öyünmə ki, uzundur ömrün, Əcəl köhlənində hazırdır yəhər. II Oxucu: Qızıl dedi: “Mənəm hər günə gərək, Duz kimi möhtacdır mənə hər xörək. Məni ölü kimi basdırmayın siz, Həyat üçün mənəm ən yaxın kömək”
Boy – buxunu, çiyni nöqsanlıdan dad, Namərd kişilərdən yaxşıdır arvad. Bivəfa dostlardan düşmən yaxşıdır, Etibarsız dostu yadından çıxart. I Oxucu: Nədən səni belə yandırdılar, şam, Yaddan çıxartdılar burda bir axşam? Sən özün dilə gəl, neyləsin, əgər Yaranmışsa ancaq yanmaqçün adam?! II Oxucu: Arvadla kişini bağlayır kəbin, Bu işə yol verir şəriət, ayin. Mənimsə kəbinim bir rübaidir, Varmı bu kəbinə yol verən, bir din?
Yüklə 0,71 Mb. Dostları ilə paylaş:
|