23
Rübailəri söylədikdən sonra, oxucular alqış sədaları altında səhnədən
ayrılırlar.
I Aparıcı:
Məhsəti Gəncəvi fars dilində, əsasən, rübai janrında yazmışdır.
Cüng və təzkirələrdə iki yüzə yaxın rübaisi və bir neçə başqa
lirik şeri saxlanılmışdır. Yaradıcılığında məhəbbət lirikası əsas
yer tutur. Rübailəri dünyəviliyi, humanizmi, nikbinliyi ilə
seçilir. Məhsəti irsinin ikinci ən qədim və mühüm mənbəyi XIII
əsrdə yaşamış Azərbaycan şairi Cəmaləddin Xəlil Şirvaninin
“Nüzhətül – məcalis” adlı məqalələr məcmuəsidir. Əsasən,
Azərbaycan şairlərinin şeirlərindən tərtib olunmuş bu
məcmuədə Məhsətinin rübailərinə geniş yer verilmişdir. Bu da
onu göstərir ki, Məhsəti yalnız öz dövründə deyil, sonrakı
əsrlərdə də ən qüdrətli rübai ustadı kimi tanınmışdır. Məhsətinin
yaşadığı dövrdən bu günə kimi heç kim onun tarixi şəxsiyyət
olmasına şübhə ilə yanaşmamışdır. Şairənin tarixi şəxsiyyət
olduğunu Fəridəddin Əttar, Şəmsəddin Məhəmməd Ben Qeys
Razi, Həmdullah Qəzvini, Dövlətşah Səmərqəndi, Əmin Əhməd
Razi, Qiyasəddin Xondəmir və başqa şairlər təsdiq edirlər.
Haqqında yazılanlar onun bir sənətkar kimi Yaxın Şərq İntibah
mədəniyyətinin Xəyyam, Nizami, Hafiz, Xaqani kimi şairləri ilə
bir sırada durduğunu göstərir. Bunu bir çox mənbələrdə verilmiş
rübailər də sübut edir. Həmin mənbələrdən ən əhəmiyyətlisi
Cəmaləddin Xəlil Şirvaninin tərtib etdiyi “Nizhətül – məcalis”
adlı məcmuədir. Bu məcmuə hal – hazırda İstanbulun Carullah
kitabxanasında saxlanılır. Çoxu azərbaycanlı olan 380 nəfər
şairin əsərlərindən ibarət olan məcmuənin əsas əhəmiyyəti
ondadır ki, burada hamıdan çox Məhsətinin rübailərinə yer
verilmiş və 75 nümunə göstərmişdir.
II Aparıcı:
Məhsətinin həyatı və şeirləri öz zəmanəsindən başlayaraq şeir
və sənət adamlarının diqqətini cəlb etmişdir. Orta əsrlərdə onun
haqqında rəvayət və dastanlar yaranmışsa, müasir sənətkarlar
ona poemalar, romanlar həsr etmişlər. M.S.Ordubadinin “Qılınc
və qələm” romanında Məhsəti müdrik, xalq tərəfdarı olan
sənətkar kimi təqdim olunmuşdur. Mirvari Dilbazinin
poemasında , Nigar Rəfibəylinin şeirində, Kəmalə Ağayeva və
Məmmədhüseyn Təhmasibin pyeslərində isə o , xəlqi, humanist
bir şairə kimi canlandırılmışdır. Məhsətinin rübailərinin bir
qismi Frits Meyer tərəfindən 1963 - cü ildə “Gözəl Məhsəti” adı
altında çap edilmişdir. Məhsəti Gəncəvinin bizə gəlib çatan
qəsidə, qitə və rübailəri göstərir ki, o, ədəbiyyata yeni bir ruh,
ab-hava gətirmişdir. Dini ideologiyanın hakim olduğu bir
dövrdə şairə şeirlərində dünyəvi məhəbbəti tərənnüm etmiş,
insanın istək və arzularına bəraət qazandırmışdır. O, Şərq
24
poetikasının üsullarından məharətlə istifadə edərək sevən qəlbin
hislərini, sevincini, kədərini rəngarəng boyalarla qələmə alır.
Dərdinlə sənin hər gecə bir qəm gördüm
Ağlar gözümü həsrət ilə nəm gördüm
Nərgiz gözün aldatdı, yuxum qeyb oldu
Ömrümdə şirin bir yuxu mən kəm gördüm.
II Aparıcı:
XII əsrdə belə istedadlı qadın şairin yetişməsi həmin dövrdə
Azərbaycan xalqının ictimai – siyasi və mədəni sahədə
qazandığı nailiyyətlərin təzahürlərindən biridir. Məhsəti
Gəncəvi Azərbaycan ədəbiyyatında öz yeri olan və gözə tez
çarpan parlaq ulduzlardan biridir. Məhsəti Gəncəvi şeirləri,
xüsusilə fəlsəfi dərinliyi ilə seçilən rübailəri ilə oxucularda
həyata
məhəbbət
oyadır, onları nikbinliyə, dünyanın
gözəlliklərindən ilham almağa çağırır. Tərki – dünyalıqdan,
zahidlik və vaxtı keçmiş adət ənənələrdən uzaq olmağa səsləyir.
Məhsəti Gəncəvinin bizə gəlib çatan şeirləri göstərir ki, o, ərəb,
fars dillərini gözəl bilib. Şərq poetikasının incəliklərini
mükəmməl mənimsəyib. Əsərlərində işlətdiyi bədii vasitələr
göstərir ki, o, yüksək istedada, incə zövqə və dərin mütaliəyə,
geniş dünyagörüşə sahib olub. Məhsəti istedadlı, mərd və insani
keyfiyyətlərə malik bir şəxsiyyət olmuşdur. XII əsrlərdə
yaşayan İran şairi Fəridəddin Əttar “İlahinamə” poemasında
onu Məhsəti Dəbir deyə təsvir edir:
O təmiz gövhərli Məhsəti Dəbir,
Olmuşdu Səncərlə dil bir, könül bir.
Camalı deyildir ay kimi parlaq,
Qəlbən bağlanmışdı şah ona ancaq.
I Aparıcı:
Məhsəti dövrünə yaxın olan, ola bilsin ki, onu şəxsən görən
Əttar şairəni yüksək keyfiyyətlərinə görə Dəbir adlandırıb.
Dəbir katib, mirzə, xəttat anlamına gəlir. Eyni zamanda, dəbir
yüksək savadlı, hazırcavablığı, incə zövqü ilə başqalarından
seçilən olub. Şairənin bədahətən şeirlər deyə bilməsi bu işlərdə
onun köməyinə gəlib. Məhsətinin Dəbir deyə xatırlanması onun
yüksək savada malik bir ziyalı olduğunu, Sultan Səncər
sarayında aparılan yazışmalarda yaxından iştirak etdiyini
göstərir. XV əsr təzkirəçisi Dövlətşah Səmərqəndi də Məhsətini
Sultan Səncər dövrünün ən yaxşı şairlərindən biri kimi
xatırlayıb. Adını Ədib Sabir, Navid Katib, Ənvəri, Süzəni və
Seyid Həsən Qəznəvi kimi şairlərlə bir sırada çəkib.
Araşdırmalarda göstərilir ki, Məhsətinin əldə olan əsərləri
arasında bir qitə - məktub var. Həmin məktubdan belə qənaətə
gəlinib ki, Ədib Sabir Məhsətiyə məktub yazıb. Bu da şairəni
çox sevindirib və ona cavab yazıb:
Sabir, o naməni aldım, oxudum,