191
Tolerantlıq: bildiklərimiz və bilmədiklərimiz
luğu və bunun real həyatda mənfi təzahürlərinin hər gün müşahidə
olunması heç kimə sirr deyil.
Yaxın tarixə nəzər saldıqda Əfqanıstan, Pakistan, İraq, Misir,
Liviya, Suriya, Sudan və s. ölkələrlə yanaşı, keçmiş sovet respubli-
kalarına Özbəkistanın, Rusiya Federasiyasının Dağıstan, Çeçenistan
və digər Şimali Qafqaz Respublikalarında da dini-siyasi zəmində
qarşıdurmanın mövcudluğu məlumdur. Bu problemlərdən, demək
olar ki, heç bir dövlət tam sığortalanmamışdır. Məsələnin ciddiliyi,
Azərbaycanın həssas, böyük dövlətlərin maraqlarının toqquşduğu
bir bölgədə yerləşdiyi nəzərə alınaraq, baş verə biləcək hadisələrin
araşdırılması, məqsədyönlü tədbirlərin həyata keçirilməsi, sabitliyə
və davamlı inkişafa mane olacaq problemlərin vaxtında qarşısının
alınması mühüm rol oynayır. Bu baxımdan dinlə bağlı məsələlərə
təkcə insan hüquqları və milli-mənəvi dəyər prizmasından deyil,
həm də özünün təhlükəsizlik nöqteyi-nəzərindən yanaşması dövlətin
borcu və müstəsna hüququdur. Əslində, bu borc dindən ayrı olma-
sına baxmayaraq, ölkədəki dinin duruma, vətəndaşların təhlükəsiz
yaşamasına görə dövlətin daşıdığı məsuliyyətdən irəli gəlir.
Bu sahədə önəmli məsələlərdən biri də vicdan azadlığı pərdəsi
altında qeyri-insani ideyaların yayılmasının, vətəndaşın digər hü-
quqlarının pozulmasının və ya məhdudlaşdırılmasının qarşısının
alınmasıdır. Məsələn, hansısa təriqətin və ya sektanın yaranması-
nın, daha doğrusu, yaradılmasının arxasında şəxsi maddi maraqla-
rın dayanması çoxdan təsdiqini tapmış həqiqətdir. Sayentologiya
təliminin banisi amerikalı Lafayette Ron Hubbard bu faktı qısa
və lakonik bir fi kirlə ifadə edir: “Əgər varlanmaq istəyirsənsə,
öz sektanı yarat”. Deməli, vətəndaşların din adı altında hüquq-
larının qəsb olunmaması üçün qabaqlayıcı, zərurət yaranarsa,
məhdudlaşdırıcı tədbirlərin görülməsi dövlətin vətəndaşları qarşı-
sındakı öhdəliklərindən irəli gələn borcudur.
Bütün dünya ölkələrində, xüsusilə Azərbaycan kimi həssas re-
gionda yerləşən ölkələrdə vicdan azadlığının təmin olunması şərti
ilə dövlətin din sahəsində tənzimləyici tədbirlər həyata keçirməsi
192
Gündüz İsmayılov
zəruridir. Başqa sözlə, vicdan azadlığı hüququ ilə dövlətin milli
və ictimai təhlükəsizliyini təmin etmək hüququ arasında incə bir
xətt var. Dövlət özünün təhlükəsizliyini qorumaq hüququndan sui-
istifadə edərək vicdan azadlığına müdaxilə etməməli, dini qruplar
isə vicdan azadlığı bəhanəsi ilə dövlətin təhlükəsizliyinə təhdid ya-
ratmamalıdırlar.
Azərbaycan hökuməti qeyd olunan “incə xətti” həmişə
həssaslıqla nəzərə alır. Belə ki, hələ 2000-ci illərin əvvəllərində
dövlət siyasətinə uyğun olaraq dini konfessiyalar arasında dözüm-
lülük mühitinin daha da inkişaf etdirilməsi sahəsində dönüş yaran-
mış, dövlətlə dini qurumların münasibəti yeni mərhələyə qədəm
qoymuşdur. Bunun məntiqi nəticəsi kimi, 2001-ci ildə Azərbaycan
Respublikasının Dini Qurumlarla Iş üzrə Dövlət Komitəsinin yara-
dılması barədə fərman imzalanmışdır.
Dövlət Komitəsi dini qurumlarla qarşılıqlı anlaşma şəraitində
münasibətlər qurur və dini dözümlülük prinsiplərinə əməl olunma-
sı, tolerantlıq mühitinin qorunub saxlanması üçün atılan addımları
dəstəkləyir və birgə tədbirlər həyata keçirir.
Həmçinin, Dövlət Komitəsi öz səlahiyyətləri çərçivəsində dini
ədəbiyyatın, dini əşyaların və dini məzmunlu başqa məlumat mate-
riallarının dinşünaslıq ekspertizasının aparılmasını təmin edir.
Zərərli dini ədəbiyyatın, yəni dinlərarası qarşıdurma yaradan,
dini ekstremizmi və qeyri-humanist ideyaları təbliğ edən, başqa
dinlərə qarşı dözümsüzlüyü və ayrı-seçkiliyi, eləcə də dini duru-
mu gərginləşdirməyə xidmət edən dini ədəbiyyatın ölkəyə idxal
edilməsi və yayılmasının qarşısı alınır.
Bu işlərin görülməsi təbii prosesdir. Vətəndaşların, xüsusilə
uşaqların və gənc nəslin mənəvi sağlamlığını, eləcə də ölkədə
ta ri xən mövcud olmuş tolerantlıq ənənələrini və dözümlü-
lük prinsiplərini qorumaq və inkişaf etdirmək dövlətin prioritet
vəzifələrindən biridir.
Ötən müddət ərzində dini ədəbiyyata rəy verilməsi prosedu-
ru olduqca sadələşdirilmişdir. Eyni zamanda, dini ədəbiyyatın və
193
Tolerantlıq: bildiklərimiz və bilmədiklərimiz
dini əşyaların ölkəyə gətirilməsinə nəzarətin dini azlıqlara mənsub
şəxslərə mənfi təsir göstərməsi halı müşahidə olunmamışdır.
Dövlət vətəndaşların əqidə seçiminə hörmətlə yanaşmaqla
bərabər, dini ekstremizmin, dözümsüzlük ideyalarının təbliğinin
qarşısını qətiyyətlə alır. Dindən siyasi məqsədlər üçün istifadəyə
çalışan, insanları radikallığa çağıran qüvvələrin fəaliyyətini ge-
niş ləndirməsinə, dövlətçiliyimiz üçün təhlükə mənbəyinə çev ril -
məsinə, xalqımızın yüzillər boyu formalaşmış dözümlülük ənənə-
lərinə xələl gətirməsinə və ölkədəki dini-etiqad azadlığından sui-
istifadəsinə yol verilmir.
Ölkədəki dini durumun sabitliyi, tolerantlığın səviyyəsinin
yüksək olması, dini əqidəsinə görə vətəndaşlar arasında heç bir
ayrı-seçkiliyin olmaması qeyri-islam dini qurumlara öz ibadət
evlərində hüquqi şəxs kimi sərbəst fəaliyyət göstərməyə, dini
ayinləri yerinə yetirməyə, dini bayramlar və mərasimlər keçirməyə
əlverişli şərait yaradır. Onların azad şəkildə ibadəti təmin olunur.
Qeyri-islam dini icmalarına İslam təmayüllü icmalarla yana-
şı, digər məsələlərdə olduğu kimi, qeydiyyat zamanı da bərabər
şərait yaradılır, onların sənədlərinin hazırlanması, qəbulu,
qanunvericiliyə uyğunluğunun yoxlanılması və dövlət qeydiyyatı-
nın aparılması lazımi səviyyədə təşkil olunur.
Qeyd edilməlidir ki, “Dini etiqad azadlığı haqqında” Qanu-
na əsasən, qeyri-islam dini icmalarının xaricdə fəaliyyət gös-
tərən dini mərkəzlərə tabe olmaq və tabeliyini dəyişdirmək hü-
ququ var. Həmçinin, təşkilati mərkəzləri xaricdə olan qeyri-is-
lam dini qurumları öz fəaliyyətində Azərbaycan Respublikası-
nın qanunvericiliyinə zidd olmayan hallarda həmin mərkəzlərin
nizamnamələrini rəhbər tuta bilərlər. Hazırda qeyri-islam dini
qurumlarının böyük əksəriyyətinin, o cümlədən Rus Pravoslav,
Katolik, Lüteran, Gürcü pravoslav kilsələrinin dini mərkəzləri
xaricdə yerləşir və bu kilsələrdə, eləcə də protestant və yəhudi dini
icmalarında dini ayinlərə rəhbərlik edən din xadimləri xaricdəki
mərkəzlərdən təyin olunurlar.
Dostları ilə paylaş: |