Üç aylıq ədəbiyyat dərgisi №2(14)
Yüklə 275,5 Kb. Pdf görüntüsü
|
- Bu səhifədəki naviqasiya:
- Üç aylıq ədəbiyyat dərgisi 43 HEKAYƏ GUŞƏ Mİ Z R ö VŞƏ
- Naməlum müəllif
42 № 2 (14) Yay 2015 dodaqlarınnan xəlvət gülmək, ürəyinnən xəlvət ağrımaq. bir də özünnən gizli qaçmaq... elə qaçmaq ki, özünün xəbərin olmaya. ayaqlarının xəbəri olmadan getmək də var hələ... könlünün xəbəri olmadan sevmək də var hələ... saçlarınnan xəbərsiz bilirsən nələr var... quşlar var...dən gəzən quşlar... yanaqlarınnan xəbərsiz... yaşlar var...bapbalaca yaşlar. bir də bilirsən nə var... gözlərinin çəkdiyi yolda, baxışlarınnan xəlvət yüyürmək. hələ nəfəsini demirəm... ovcunu isidir, barmaq uclarındakı izlərini isidir. barmaqlarının üstündən xəbəri yoxdu, nəfəsin barmaqlarının altını tanıyır bircə. bir də bilirsən nə var... özünnən xəbərsiz ölmək. sonra...gözlərinnən xəbərsiz özünü ağlamaq. elə ağlamaq ki...gözlərinin xəbəri olmaya. *** elə ağrılıdı...elə ağrılı susasan...səsinnən duyan olmaya. itə də, qurda da yiyə çıxasan, sənin bu dünyada yiyən olmaya. ağlayıb qalasan divar dibində, yanından keçənlər baxıb keçələr. ayağına dolaşan bir ac pişiktək, ömrünə dolaşa qara gecələr. səhər gözləyəsən...səhər gəlməyə, çırpına gözünün yaş qapaqları. lələk əvəzinə bir qələm sala ovcunun içinə quş qanadları. bir məktub yazasan gül yarpağına, gəlməyən səhərə pay göndərəsən. göyünü itirmiş uşaqlar var ha, onlara bir parça göy göndərəsən. elə ağrılıdı...kiritməyələr, ağlayıb, hönkürüb ...sonra güləsən. bir dizin qalanda qucaqlamağa, başını dizinə qoyub öləsən. *** saçlarımı açıb töksəm... bu qarışan saçlarımı. dəcəlləşən, sərçələşən, uşaqlaşan saçlarımı... qışlar gələ dən səpməyə, quşlar gələ dənləyələr. barmaqlarım saçlarımın atışını, uçuşunu, qaçışını dinləyələr. əlçim-əlçim tellərimi yağış yuya yağışlıqda. bir gün düşə buludları qurutmağa, o yoxluqdan, bu boşluqdan. saçlarımınn yuxusuna, o yaz var ha, o yaz girə. saçın ucun aça külək, saçın ucun bir qız hörə. saçlarımı açıb töksəm, günlər yenə dən əyirər. qələm tutan barmaqlarım tellərimdən yun əyirər... Üç aylıq ədəbiyyat dərgisi 43 HEKAYƏ GUŞƏMİZ R ö VŞƏN YERF i QAZAMAT “SAN i TAR”LARI uzun hekayə Həbsxana – cəmiyyətin əsasən tör- töküntülərinin inikası, kiçik modelidir... Naməlum müəllif Payız fəsli təzə başlamışdı. Bütün gecə əsən sərin meh hava işıqlaşandan dincini alırmış tək sakitləşmişdi. Müvəqqəti olsa da, tozsuz təmiz hava hər kəsin ürəyincə idi. Gülbaxt cəzaçəkmə müəssisəsində məhkumların səhər yoxlaması tam yekunlaşmamışdı. Yaşayış sahəsinin həyətindəki meydanın aşağı başında sıraya düzülmüş hələ onlarla məhkum adlarının oxunmasını gözləyirdi. Ad və soyadını eşidən məhkum sıradan irəli çıxıb ucadan atasının adını söyləyir (bununla kimliyini tamamlayıb təsdiqləyir), əgər baş geyimi varsa nəzarətçiyə yaxınlaşanda bir anlığa onu başından çıxarır və yenidən əvvəlki vəziyyətinə qaytarırdılar. Təzimə bənzəyən bu ritualın mənası məhkumun başında xəsarət izi olarsa gizlədə bilməməsi məqsədi ilə izah olunurdu. Şübhəsiz, bu qayda rəis, ədliyyə polkovniki Məhyəddin Kərimlinin uzun illər gərgin səyi nəticəsində yaranmışdı. Məhkumlar yoxlanıldıqdan sonra yataqxanaya tərəf buraxılmırdılar. Həyətdəki səkkiz metr hündürlüyündə on tonluq iri su çəninin sağ tərəfindən keçib, sol tərəfində nizamsız şəkildə yoxlamanın sonunu gözləyirdilər. Onlara dağılışmağa yalnız yoxlama qurtarandan sonra icazə verilirdi. Böyük, düzbucaqlı meydandakı yoxlamada nəzarətçilərlə yanaşı dəstə rəisləri, rəisin növbətçi köməkçisi də iştirak edirdi. Onlardan bir az aralıda, su çəninin aşağısındakı hasarın beton artırmasında ətrafı müşahidə edərək söhbətləşən rejim və əməliyyat şöbələrinin rəisləri dayanmışdılar. Bu arada yataqxanalar tərəfdən qaçaraq yaxınlaşan məhkum nəzarətçilərdən birinin qulağına həyəcanla nəsə pıçıldadı. O da məhkumun dediyini tələsik şöbə rəislərinə çatdırdı. Əməliyyat rəisi ədliyyə kapitanı Bəkir rejim rəisi ədliyyə mayoru Şamilin nə deyəcəyini gözləmədən əsəbiliklə göstəriş verdi: –Tez elə, uşaqlardan götür, o petuxu qoymayın boğub özünü öldürsün. Cəld olun... Rejim rəisi Şamil də xəbərdən bərk dilxor olub söyləndi: –Ə, binamusa bax e... Sənin əcdadını mən... Sıralarda dayanan məhkumların diqqəti adları çəkən nəzarətçiyə kəsilsə də, iki məhkumla üç nəzarətçinin yataqxanaya tərəf qaçması çoxlarının nəzərindən yayınmadı. Bir neçə nəfər kütlədən həmin tərəfə adlamaq istədi. ”Rejim Şamil” onlara tərəf çığırdı: –Hara?.. Hara gedirsiz? Kim sizə dağılışın dedi? Qayıdın yerinizə... Az keçmədi ki, nəzarətçilər halı olmayan bir məhkumu qucaqlarına götürmüş digər iki məhkumla yataqxanadan çıxdılar və cəld addımlarla üzü sançasta – tibb məntəqəsinə tələsdilər. Nəzarətçilərdən Yüklə 275,5 Kb. Dostları ilə paylaş:
|