251
3.3.1 Autonomia në kryerjen e veprimtarive të AAK-ve
Autonomia në përmbushjen e veprimtarive të AAK-ve vërehet në (i) formën juridike që
ato kanë dhe (ii) në mënyrën e përcaktimit dhe të menaxhimit të të ardhurave që sigurojnë
prej vjeljes së shumave nga përdoruesit e të drejtave të autorit.
Për sa i përket formës juridike, Direktiva 2014/26/EU parashikon se AAK-të duhet të
kontrollohen ose të zotërohen nga anëtarët e tyre (autorët, artistët, producentët, sipas
kategorive të caktuara…) dhe duhet të mbështeten në formën e organizatave jofitimprurëse.
Ligji për të drejtat e autorit i parashikon të dyja këto kritere
813
. Ideja e përgjithshme është
se AAK-ja nuk duhet të jetë një shoqëri tregtare, pra nuk duhet të ketë si motiv sigurimin e
fitimit. Direktiva 2014/26/EU, e lë këtë pikë të hapur për t’u vendosur nga vetë shtetet,, në
funksion të organizimit të AAK-vë ekzistuese në secilin shtet
814
. Në Shqipëri, ato kanë
formën e organizatave jofitimprurëse, por për shkak të misionit të tyre, që është të mbledh
shumat në favor të autorëve dhe t’ua shpërndajë atyre, ato do të kenë një natyrë juridike
sui
generis. Ligji përcakton se AAK-të do i nënshtrohen Ligji për organizatat jofitimprurëse për
sa i përket regjistrimit të tyre, ndërkohë që në të njëjtën linjë, direktiva thotë se ato nuk duhet
të kenë veprimtari fitimprurëse. AAK-të duhet të kenë një status të veçantë dhe ndoshta të
mos i nënshtrohen Ligjit për OJF-të, pasi ky ligj ndalon dhe fitimin në favor të anëtarëve, gjë
që bie në kundërshtim me vetë misionin e AAK-ve. Në këtë pikë, është e nevojshme një
përafrim më i plotë me direktivën dhe një sqarim i statusit të AAK-ve, qoftë dhe me ndërhyrje
ligjore. Megjithatë vlen të bëjmë një koment në lidhje me natyrën sui generis të AAK-ve.
Regjistrimi i tyre rregullohet nga Ligji 8788/2001 “Për organizatat jofitimprurëse”, i
ndryshuar
815
. Gjithashtu, nga leximi i Ligjit për të drejtat e autorit, rezulton se edhe mënyra e
organizimit dhe funksionimit të AAK-ve duhet të bazohet në Ligjin 8788/2001. Kështu, AAK
duhet të ketë statutin e saj në përputhje me legjislacionin e organizatave jofitimprurëse
816
. Kjo
do të thotë se edhe veprimtaria e përditshme dhe organet duhet të bazohen në përcaktimet e
këtij ligji. Nga pikëpamja formale AAK-të janë subjekte juridike të ngjashëm, për të mos
thënë identikë me organizatat jofitimprurëse. Ndërkohë, një nga misionet e AAK-ve është që
të mbledhin shumat nga kontratat që do të lidhin me përdoruesin e veprave artistike dhet t’i
rishpërndarjnë autorëve, në raport me shfrytëzimin që i është bërë çdo vepre. Në këtë kuptim,
misioni i tyre qendron tërësisht në një pozicion diametralisht të kundërt me misionin e
organizatave jofitimprurëse. Shpërndarja e fitimeve është misioni kryesor i shoqërive tregtare.
Megjithatë, AAK-të prapë nuk mund të konsiderohen, në sytë e ligjit tonë, si shoqëri tregtare.
813 Neni 133 i Ligjit.
814 Pika 14 e Direktivës: “This Directive does not require collective management
organisations to adopt a
specific legal form. In practice, those organisations operate in various legal
forms such as associations,
cooperatives
or limited liability companies, which are controlled or owned by holders of copyright
and related
rights or by entities representing such rightholders.”
815 Neni 133 i Ligjit për të drejtat e autorit.
816 Po aty.
252
Edhe pse ato mund të konsiderohen se kryejnë veprimtari tregtare pasi autorizimi që ato japin,
nëpërmjet lidhjes së kontratave, përbën një akt tregtar. Megjithatë, nëse qëllimi i shoqërive
tregtare është të krijojnë fitime për shoqërinë, rrjedhimisht për aksionerët, që në rastin konkret
aksionerë mund të konsiderojme autorët, AAK-të nuk krijojnë fitim: nëpërmjet kontratave që
lidhin me përdoruesin, ato sigurojnë shpërblimin e autorëve. Të ardhurat nuk konsiderohen të
jenë të AAK-së
817
, por të autorëve, të cilët përfitojnë nga një punë ekzistuese dhe jo nga një
veprim të krijuar nga AAK. Por edhe këtu, debati doktrinar është ende i hapur.
Organi më i lartë i AAK-së është asambleja e anëtarëve, i cili duhet të mblidhet në mënyrë
të rregullt, por në çdo rast jo më pak se një herë në vit. Kjo asamble do të vendos mbi çështjet
kryesore të AAK-së si për shembull mbi statutin apo ndryshimet e tjera ligjore, mbi
shperndarjen e të ardhurave për shkak të shfrytëzimit të të drejtave, mbi aktivitetin financiar,
si
dhe mbi organet drejtuese
818
. Edhe këtu kemi një përafrim me direktivën 2014/26/EU
819
.
Së dyti, për sa i përket administrimit të të ardhurave, duhet thënë në radhë të parë se pasi
autori pranon që një AAK të administrojë të drejtat e tij pasurore, AAK ka të drejtën të hyjë
në marrëdhënie kontraktuale me çdo përdorues (person juridik, person fizik, individ apo
grupim individësh) që t'i autorizojë të përdorin një vepër të caktuar. Në mënyrë periodike,
AAK-ja mbledh shpërblimet për përdorimin e të drejtës së autorit dhe i menaxhon dhe i
shpërndan ato, pasi të ketë hequr një fond të caktuar prej tyre, që do të shërbejë vetëm për
mirëmbajtjen e agjencisë. Pra, pika e nisjes do të jetë gjithmonë autorizimi i autorit.
Ligji për të drejtat e autorit sjell një risi për sa i përket mbledhjes së shumave nga
shpërblimi i drejtë
820
. Neni 139 i Ligjit për të drejtën e autorit thotë se për shpërblimet e
mbledhura sipas nenit 31, nen që flet për përdorimin e veprave në kuadër të përjashtimeve ose
kufizimeve të të drejtës së autorit, kryesisht për përdorim vetjak, autorët marrin 40%,
interpretuesit dhe/ose ekzekutuesit 30% dhe prodhuesit e fonogrameve ose prodhuesit e filmit
30%.
Kjo pikë, nga direktivat e BE-së, është lënë në pëlqim të shteteve dhe në këtë kuadër
821
,
Ligji për të drejtat e autorit sanksionon krijimin e AAK-ve të reja që do të administrojnë dhe
do të mbledhin në mënyrë të detyruar, pra pa autorizimin e autorit, shumat që vijnë nga
shpërblimi i drejtë. Në këtë kuptim, Ligji për të drejtat e autorit rrit autonominë e disa AAK-
ve, gjë që duhet të sjellë në mënyrë të pashmangshme rritjen e nivelit të transparencës dhe të
mbikqyrjes mbi to.
817 Edhe pse një pjesë e të ardhurave qendrojnë brenda AAK-së për qëllime administrimi, ato nuk konsiderohen
si të ardhura për shoqërinë, në kuptimin tregtar të fjalës.
818 Neni 133 i Ligjit për të drejtat e autorit.
819 Neni 8 Direktivës.
820 Neni 139 i Ligjit.
821 Neni 13 i Direktivës.