53
CASPIAN ENERGY AZƏRBAYCAN N1 (0)`2011 | www.caspenergy.com
investisiya cəlbediciliyinin artması-
na səbəb olacaq. Reytinqin alınması
“Akkord” Korporasiyasında həm hazır-
ki durumu obyektiv qiymətləndirmək,
həm də təkmilləşdirilməsi tələb olu-
nan sahələri müəyyən etmək imkanı
yaradacaq. Bu əhəmiyyətli təşəbbüs
Korporasiya üçün beynəlxalq bazar-
lara çıxış imkanlarını daha da
genişləndirəcək və investorların,
bankların və digər əlaqədar tərəflərin
ona olan etibarını gücləndirəcəkdir.
Qeyd etmək vacibdir ki, “Akkord”
Korporasiyası son dörd ildə öz maliyyə
hesabatlarını BMHS-a uyğun hazırlayır
və kənar auditorun yoxlanılmasından
sonra bu məlumatların ictimaiyyətə
açıqlanması təcrübələrini uğurla tətbiq
edir. Hazırda Korporasiyada 2010-
cu il üzrə illik və 2011-ci ilin altı ayı
üzrə yarımillik maliyyə hesabatlarının
Beynəlxalq Maliyyə Hesabatlarının
Standartlarına (BMHS) uyğun hazır-
lanması və “böyük onluğa” daxil olan
“Crowe Horwath Business Alliance”-a
üzv audit və konsaltinq şirkətləri
tərəfindən yoxlanılması prosesi
müvəffəqiyyətlə başa çatdırılmışdır.
“Akkord” Korporasiyası 2011-ci
ilin yekunlarına əsasən, BMHS üzrə
hazırlanmış maliyyə hesabatlarının
yoxlanılmasına “böyük dördlüyə” daxil
olan auditor şirkətlərindən birini cəlb
etmişdir.
CE: “Akkord”un fond bazarındakı
iştirakının genişlənməsi planlaşdı-
rılırmı?
Xaqani Quluzadə:
Qeyd etmək
lazımdır ki, 4 noyabr 2010-cu il
tarixdə Azərbaycan Respublikasının
Qiymətli Kağızlar üzrə Dövlət
Komitəsi tərəfindən AZ200100821
qeydiyyat nömrəsi ilə qeydiyya-
ta alınmış “Akkord Sənaye Tikinti
İnvestisiya Korporasiyası” ASC-nin
Bakı Fond Birjasında tədavüldə olan
adlı sənədsiz faizli istiqrazlarının
yerləşdirilməsi müvəffəqiyyətlə başa
çatmışdır. Yerləşdirmə Bakı Fond
Birjasında açıq təklif üsulu ilə həyata
keçirilmiş və bir sıra bankların və ins-
titusional investorların böyük mara-
ğına səbəb olmuşdur. Emissiya olu-
nan istiqrazların nominal dəyəri 50
000 000 (əlli milyon) manat, dövriyyə
müddəti 3 il, illik gəlirliliyi 12,5%
təşkil edir və hesablanmış faizlər hər
rübün son günü istiqraz sahiblərinə
ödənilir.
“Akkord Sənaye Tikinti İnvestisiya
Korporasiyası” ASC-nin bu layihəsi
maliyyə bazarlarının aktivliyinin artırıl-
masına və maliyyə alətlərinin diversi-
fikasiyasına xidmət edir.
Qeyd etdiyim kimi, “Akkord Sənaye
Tikinti İnvestisiya Korporasiyası”
ASC beynəlxalq layihələrdə iştirakı-
nı və dünyanın aparıcı şirkətləri ilə
əməkdaşlığını genişləndirir. Hazırda
«Akkord Sənaye Tikinti İnvestisiya
Korporasiyası» ASC-nin həyata keçir-
diyi 23 infrastruktur layihəsindən 14-ü
ölkə xaricində, 9-u Azərbaycandadır.
Azərbaycandakı layihələrin ümumi
məbləği 380,5 milyon manat təşkil
edir. Gürcüstan, Ukrayna, Qazaxıstan,
Özbəkistan, Əfqanıstanda həyata
keçirilən 10 layihənin ümumi məbləği
659,5 milyon manat təşkil edir.
Bütün infrastruktur layihələri üzrə
müqavilələrin ümumi dəyəri 1,04 mil-
yard manat (ƏDV-siz) təşkil edir.
Korporasiyanın bütün layihələri
üzrə işlərə 5000-ə yaxın işçi cəlb
edilmişdir. Bundan başqa, “Akkord”
Korporasiyası 36 zavod və 3000-dən
yuxarı maşın və mexanizmə malikdir.
CE: Bildiyimizə görə, nüfuz-
lu Avropa Biznes Assambleyası
(ABA) Sizi fəaliyyət göstərdiyiniz
sahə üzrə ali beynəlxalq mükafata
layiq görüb...
Xaqani Quluzadə:
“Akkord”un
yaxın və uzaq region ölkələrində uğur-
la yerinə yetirdiyi bir çox irimiqyaslı
layihələr artıq bir müddətdir ki, dün-
yanın nüfuzlu biznes təşkilatlarının
ciddi marağına səbəb olub. 2011-ci
ildə Korporasiyanin layiq görüldüyü ali
beynəlxalq mükafatlar da bunu bir daha
təsdiq edir. Belə mükafatlardan biri
Korporasiyaya 2011-ci ilin may ayın-
da Parisdə “Biznesin Liderləri Klubu”
və “Editorial ofice” tərəfindən təsis
edilmiş “Yeni Minilliyin Mükafatları”nın
23-cü təqdimat mərasimində təqdim
olunub. Həmin tədbirdə “Akkord”
Korporasiyası “Beynəlxalq İnşaat
Mükafatı”na, eyni zamanda, “Biznes
sahəsində liderliyə görə” qızıl medalı-
na layiq görülüb. Dediyiniz ali mükafat
isə, Korporasiyaya Avropanın biznes
sahəsində aparıcı tədqiqatçılarından
biri olan və mənzil-qərargahı London
şəhərində yerləşən tanınmış biznes
mərkəzi - Avropa Biznes Assambleyası
(ABA) tərəfindən təqdim olunub. ABA-
nın Böyük Britaniya və Şimali İrlandiya
Birləşmiş Krallığının Oksford şəhərində
keçirilən Liderlərin Oksford Sammitində
qəbul etdiyi qərara əsasən, “Akkord”
Korporasiyası tikinti sahəsində “İlin
lider şirkəti” diplomuna layiq görülüb.
Sevindirici haldır ki, 2011-ci ildə
göstərdiyimiz uğurlu fəaliyyət ölkə
miqyasında da öz layiqli qiymətini
alır. Elə bir neçə gün öncə, “Business
Time” jurnalının təşkil etdiyi təntənəli
təqdimat mərasimində “İlin biznes
lideri” və “Beynəlxalq nüfuz” nomi-
nasiyaları üzrə layiq görüldüyümüz
“Azeri Business Award-2011” müka-
fatları bunu bir daha sübut edir.
CE: Korporasiyada sosial
layihələrin dəstəklənməsinə hansı
yer ayrılır?
Xaqani Quluzadə:
Biz ölkənin
sosial həyatında ən aktiv şəkildə işti-
rak edirik. “Akkord” Korporasiyası
bu istiqamətdə qaçqın və məcburi
köçkün ailələrinə, əlil və xəstələrə,
İNFRASTRUKTUR
•