38
Indi
isə fazalarla məsaməli mühitin doyma dərəcəsindən asılı
olaraq nisbi keçiriciliyin dəyişmə xarakterinə baxaq. Tutaq ki, məsaməli
mühit onu isladan maye və qala doymuşdur. Maye ilə doymanın
sıfırdan başlayaraq müəyyən həddədək (I. 14 şəklində A nöqtəsi)
qiymətində mayeyə görə nisbi keçiricilik
1
(S
1
) praktiki sıfır olur.
Bu onunla izah edilir ki, həmin miqdar maye Laplas qanununa
görə məsamələrin ən kiçik hissələrində yerləşərək, praktiki mümkün
olan təzyiqlər fərqində hərəkət etmir. Bu miqdar mayenin olması,
məsamələrdəki qazın hərəkətinə müqavimət göstərmədiyindən qaza
görə nisbi keçiricilik təqribən vahidə bərabər olur (B nöqtəsi). A
nöqtəsindən başlayaraq maye ilə doyma atrdıqca onun nisbi keçiriciliyi
artacaq, qazınkı isə azalacaqdır. Maye ilə doymanın elə həddi də olur
ki, (C nöqtəsi), bu həddə sistemin qərarlaşmış hərəkətini təmin etmək
mümkün olmur. Belə halda qaza görə nisbi keçiricilik sıfır (C nöqtəsi)
olur. Axın üçün qərarlaşmış rejim mümkün olmayan halda mayeyə görə
nisbi keçiricilik qırıq xətlə göstərilmişdir. Maye ilə doyma vahid
olduqda ona görə nisbi keçiricilik vahid olacaqdır (D nöqtəsi).
Beləliklə, qeyd olunan fiziki mülahizəyə əsasən maye ilə doyma
dərəcəsindən asılı olaraq faza və ya nisbi keçiricilik əyrilərini qurmaq
üçün dörd nöqtə alınır. Bütün təbii proseslərin səlis getdiyini nəzərə
alsaq, bu dörd nöqtənin köməyi ilə maye və qaza görə nisbi faza
keçiriciliyin əyrilərini qurmaq olar (şəkil I. 14).
39
Şəkil I. 14
Məsaməli mühitdə neft və qaz üçün nisbi faza keçiriciliyi əyriləri
ilk dəfə Vikof və Botsett tərəfindən təcrübə vasitəsilə
40
Şəkil I. 15
qurulmuşdur (şəkil I. 15).
Şəkildən görünür ki, fiziki mülahizələrə görə qurulan nisbi
keçiricilik əyriləri, xarakter etibarilə təcrübə əsasında qurulan əyrilərlə
eynidir.
Neft laylarının istismarı prosesində məsaməli mühitdə çox vaxt
üçfazalı, neft-qaz-su sistemi hərəkət edir. Bu səbəbdən hər fazaya görə
nisbi keçiriciliyin təyini böyük əhəmiyyət kəsb edir.
Neft,
su
və qazın birlikdə məsaməli mühitdə hərəkəti təcrübə
vasitəsilə öyrənilmişdir. Bu təcrübələrin nəticələri I. 16 şəklində
göstərilən üçbucaq formalı faza diaqramında verilir. Üçbucağın təpə
nöqtələri uyğun olaraq neft, qaz və suyun məsaməli mühitdəki
miqdarının 100%-ə, hər təpə nöqtəsi qarşısındakı tərəfi isə uyğun
fazanın məsamələrdəki miqdarının sıfır faizinə təvafüq edir. Üçbucağın
daxilində onun hər hansı tərəfinə çəkilmiş paralel xətlər uyğun fazanın
miqdarının 0-100%-i arasındakı qiymətlərinə uyğun gəlir. I. 16 şəklində
göstərilən l əyrisi (üçfazalı hərəkətdə suyun nisbi keçiriciliyi 0,05-ə
bərabər nöqtələrin çoxlu), 2 əyrisi (üçfazalı hərəkətdə neftin nisbi
keçiriciliyi 0,05-ə bərabər olan nöqtələrin çoxluğu) və 3 əyrisi (üçfazalı
41
hərəkətdə qazın nisbi keçiriciliyi 0,05-ə bərabər olan nöqtələr çoxluğu)
bir, iki və üçazalı hərəkət zonalarını ayırd edir.
Şəkil I. 16
I. 16 şəklində göstərilən diaqramdan görünür ki, əgər
məsamələrdə qazın miqdarı 0,35-dən çox olarsa, onda məsamələrdə
ancaq qaz hərəkət edəcəkdir. əgər məsamələrdə qazın miqdarı 0,1-dən,
neftin miqdarı 0,23-dən az olarsa, ancaq su hərəkət edəcəkdir. Hərəkət,
məsamələrdə qazın miqdarı 0,18-dən, suyun miqdarı 0,35-dən az olarsa,
ancaq neft hərəkət edəcəkdir.
Faza keçiriciliyinin təyin edilmə üsulları məsaməli mühitdə
hərəkət edən maye və qaz qarışığının hər fazası üçün Darsi qanunun
doğruluğuna əsaslanır. Təcrübələr elə təzyiqlər fərqində aparılmalıdır
42
ki, Q- p asılılığı düzxətli olsun, yəni Darsi qanununun tətbiqi mümkün
olsun.
Təcrübələrin qoyuluşunda əsas çətinlik, məsaməli mühitin
fazalarla doyma dərəcəsini tapmaqdan ibarətdir.
Məsaməli mühitin fazalarla doyma dərəcəsini tapmaq üçün
müxtəlif üsullar (məsaməli mühitin elektrik keçiriciliyin ölçmə üsulu və
s.) mövcuddur.
Faza keçiriciliyini, bir fazanı (məsələn, nefti) digər faza ilə
(məsələn, qazla) sıxışdırdıqda alınan nəticələrə görə, mədən
tədqiqatlarına və məsamələrin ölçülərinə görə paylanma əyrilərinə
əsasən də qiymətləndirmək olar.
§ 10. Nisbi keçiriciliyə təsir edən amillər
Faza (nisbi) keçiricilik əyrilərinə bir çox amillərin o cümlədən
süxurun petrofiziki, maye və qazın fiziki-kimyəvi xassələrinin,
məsaməli mühitin fazalarla doldurulma ardıcıllığının, temperaturun və
s. təsiri vardır. Bunlardan bəzilərini nəzərdən keçirək.
Məlumdur ki, petrofiziki baxımdan məsamələri təşkil edən
sqxurlar hidrofil (su ilə yaxşı islanan) və hidrofob (su ilə islanmayan)
olur. Süxurun belə xassəsi onun faza keçiriciliyinə böyük təsir göstərir.
Məsaməli mühitin fazalarla islanma dərəcəsinin nisbi keçiriciliyə təsiri
təcrübə yolu ilə öyrənilmişdir. Su-neft sistemi üçün nisbi keçiriciliyin
süxurun fazalarla islanma dərəcəsindən asılılq əyriləri I. 17 şəklində
göstərilmişdir. Şəkildə 1 və 2 əyriləri hidrofil, 3 əyrisi hidrofob
sistemlərə aiddir. Su ilə doyma dərəcəsi çox böyük olan hidrofil
süxurlarda suyun hərəkətetmə qabiliyyəti hidrofob süxurlara nisbətəbn
zəifdir. Elə buna görə də isladan faza, məsamələrindaha kiçik
kapillyarlarında hərəkətsiz qala bilər. Beləliklə, isladan faza,
məsamələrin daha kiçik kapillyarlarında hərəkətsiz qala bilir. Beləliklə,
isladan və islatmayan fazalarla eyni doyma dərəcəsində süxurun isladan
fazaya görə nisbi keçiriciliyi islatmayan fazaya görə nisbi
keçiriciliyindən az olur.
Dostları ilə paylaş: |