106
ayrılır və yenidən bir yerə yığılırdılar. O ki qaldı, nizamsız hərəkətlərə,
qurd oyununun məqsədi məhz bu idi: çaşqınlıq yaratmaq üçün nizamsız
görünən hərəkətlərlə «qurd oyunun aralığa salanda» (Koroğlu) aralıq qa-
rışsın, meydanda düşmən tərəfin nizamı pozulsun. Belə psixoloji çaşqın-
lıq içində olan düşmən görəndə ki, basqın edənlər artıq «qorxub» meydan-
dan qaçır, düşürdülər onların dalınca və onda ayılırdılar ki, artıq pusquya
düşüblər və bu vaxt hər iki yandan hücuma keçən türklər əsas məqsədlə-
rini reallaşdırmış olurdu.
Beləliklə, nizamsız görünməyin, guya qorxub
meydandan qaçmağın və düşmən əsgərini onu qovmağa təhrik etməyin
özü əslində düşünülmüş savaş taktikası idi.
Metenin belə bir qurd savaşını
çin qaynağı təsvir edir. Belə ki, Mete
400 minlik hun ordusunun seçmə
alaylarını atların rənginə görə arxa
cinahlarda pusquda saxlayaraq, 320
minlik çin ordusunun qabağından
məğlub olmuş kimi geri çəkilir və
arxasınca gələn çinlilər pusqu quru-
lan yerdə yaxalanır.
340
M.
Kaşğari türk döyüşçüsünün savaş öncəsi
ovqatını təsvir edən bir şeiri örnək verir. Burada
deyilir ki, savaşa girən türk süvarisi atını yüyənlə-
yib, üzəngiləyib, quyruğunu da düyünləyib, tanrını
öyür, düşmən döyüşçülərin arxasına düşməsi üçün
atını aldadıcı manevrlə aldar yana” çevirib qaçır:
Kudruk katığ tügdümiz,
Tenriğ öküş ögdümiz,
Kemşip atığ tegdimiz,
Aldar yana kaçtımiz
.
341
Məhz bu «aldar yan» manevrilə qurd sava-
şı gerçəkləşirdi. «Qaçmaq da igidlikdəndir» məsəli
«Koroğlu» dastanındakı «Qaçar, qaçar, düşmanını
aldadır, qayıdanda ac qurd olur, sultanım» və ya
«Mərd meydandan qaçmaz, qaçsa aldadı» deyimləri ilə açılır.
340
Бичурин, I. 51.
341
MK, I. 472.
107
Bu şəkillərdən də göründüyü kimi, atının quyruğunu düyünləmiş
qırğız atlısı qurd oyunu üçün aldar yan üsulundan istifadə edir, koqure
kulturu çağında koreyalı bir igid isə arxaya ox atma taktikasını öyrənmək
üçün məşq edir.
342
İran ordusuna qarşı xəzərlərin qurd savaşını «Alban tarixi”» təsvir
etmişdir. «Ari» soyundan olması ilə öyünən Şəhrivarazın ordusuna qarşı
630-cu ildə Çorpan Tarxan adlı bəyi üç min atlı ilə irəli göndərən xəzər
başbuğunun ordunun bir hissəsini pusquda saxladığını qeyd edən bu qay-
naqda deyilir:
«İranlılar hücum edən kimi onlarla üzbəüz olanlar qaçdı və hücum
edənlər də onları təqib etdilər. Elə bu vaxt pusquda olanlar qəflətən hay-
küylə hər tərəfdən hücum edib,
Göyçə
gölünün sahilində yanan
qamışlığı
bürüyən alov kimi, iranlıları dörd yandan əhatə etdilər. Onların hamısını
qırdılar və birini də sağ qoymadılar ki, gedib bu qədər adamın ölməsi
haqqında bəd xəbəri böyüklərinə çatdırsın»
.
343
Orta Asiyada bugünəcən yaşayan kökpori (göy-börü) oyunu, azər
türklərinin çövkən oyunu qurd savaşı taktikası üçün məşq növlərindən
idi. Görünür, qurd oyunu ilə bozqurd mifi arasında da müəyyən əlaqə
vardır. Bəzi türk boyları öz əcdadı saydığı bozqurd mifini uzun müddət
yaşatmışlar, etrusklar bu mifi İtaliyaya, doğuya gedən türklər isə Altaya
aparmışlar.
344
Qurd savaşı alınmaz qalaların alınması üçün də yararlı tak-
tika idi. Belə ki, qala önündə məğlub olunmuş kimi görünən türk əsgər-
lərinin geri qaçması qaladan çıxıb onları izləməyə şirnikdirirdi. İsfahanın
alınmasında da bu taktikadan istifadə olunduğunu Rəşidəddin qeyd etmiş-
dir.
Müxtəlif ölkələrdə atın evsəlləşməsi (əhliləşməsi)
və öncə ondan yük və qoşqu heyvanı kimi istifadə
olunması IV minildən bəllidir. Lakin atdan minik
heyvanı kimi yararlanmaq olayı ilk dəfə Azərbay-
canın güneyində baş vermiş və m.ö. II minilin orta-
342
Azər xalqı, 2000, 258.
343
γճÝϳïáõ³óÇ, 1983, 167-169; Kalankatlı, 1993, 115.
344
Türk boyları içində börü (qurd) adlanan uruqlar vardı.
Belə ki, Bit-Baru (börülər
evi) bölgəsi Mana elinin güneyində idi və irandilli tayfalar Xəzərin güney yaxalarına
gələndən sonra buradakı bölgəni də Qorqan (börülər yurdu) adlandırmış və Girkaniya
(Hirkaniya) deyimi buradan törəmişdir. Ən qədim çağlarda Fərat və Zab çayları da
«börü» adlanırdı.
Atlı türklər
və süvari
döyüşçülər
108
larından başlayaraq, burada çoxsaylı ilxılar bəsləyən atçılıq sənəti inkişaf
etmişdir. Nisey atlarının davamı kimi, Türkmən elində axaltəkə atları isə
sonralar dünyanın müxtəlif bölgələrində yetişən cins atların (ərəb, ingilis,
qarabağ, rus və s.) kökündə dayanmışdır. Türk əsgərini uzaq ölkələrə apa-
ran qanadı onun atı idi. Doğu və quzey yönlərə böyük köçlər də atçılığın
ortaya çıxması ilə intensivləşdi. Belə köçlərdə artıq öküzü əvəz edən atlı
arabanın sürəti 10 qat artmışdı.
345
Hər yeniyetmənin yanında yəhərli at ha-
zır tutulur və atla igidlik tryukları ( jigitovka) göstərən türk əsgəri ömrü-
nün çox vaxtını atın üzərində keçirirdi. At üzərində qadınlar da igidlik
göstərə bilir, yeri gələndə savaşda iştirak edirdi. Savaşda görülən igidli-
yin yarısı atın payına düşürdü. Koroğlunun Qıratı, Düratı kimi, Kültegi-
nin də Ağ-ayğır, Az-at, Azman-at, Öksüz-at adlanan atları məşhur idi.
Türk mifologiyasında at kultu qədim çağlarda, türk etnoqrafiyasında
at kulturu atçılığın inkişaf etdiyi çağlarda, atlı kulturu isə saqa-qamər və
hun çağında yaranmışdır. Atla bağlı türk dillərində yaranmış zəngin ter-
minologiya bir çox xalqların dilinə də keçmişdir. Atların cinsinə, yaşına
və rənginə görə daha səhih adlarının türkcə olduğunu, başqa xalqlardan
çoxlarının bunu bilmədiyni yazan böyük türk şairi Əlişir Nəvai qeyd edir
ki, sartlar qamçıya taziyanə desələr də, onlarda boldurğa, çubçurğa türk-
cədir. Türk dillərində təkcə qamçının müxtəlif növləri və sinonim cərgəsi
yaranmışdır: qamçı, qılıc-qamçı (kəsici qamçı), berge (bergü) və qırbac
(qırmanc). Qədim türklər savaş meydanında çevik manevr imkanı olma-
yan yaya (piyada) bölüklərdən nadir hallarda istifadə edirdilər. «At ayağı
külüg, ozan dili çevik olur» deyən türklər savaş atına ulağa, yalnız savaş
zamanı əsgərə verilən ata tugzağ, xaqan üçün yedəkdə aparılan ikinci ata
koş-at deyirdilər.
Yalnız türklərdə görünən atın quyruğunu düyünləyib savaşa girmək
gələnəyi özü ilə birlikdə atının da «şəhid» olmağa hazırlanması idi. Atın
quyruğunu düyünləməyə «dullamaq» deyilirdi.
Bu adətin «at çermetmek»
adlandığını vuğulayan A.
Donuk türklərin Malazgird savaşında Sultan
Alp Arslanın da atının quyruğunu düyünləyib, döyüşə atıldığını yazır.
346
Şəhid olan türk döyüşçüsünü atı ilə birlikdə basdırmaq gələnəyi də türk
toplumunda yaranmış, sonralar bozqır yaşamlı bəzi xalqlara da keçmişdir.
345
Təkər və arabanın ilk dəfə Urmu gölü ilə Van gölü arasında ortaya çıxması, bunun
kanqlı oğuz boyu ilə əlaqələndirilməsi haqqında I Bitikdə məlumat vermişdik. Cəng ara-
bası sumer yazılarında
GİŞ
GİGİR şəklində keçir.
346
Donuk, 1988, 94 (20-ci qeyd).
Dostları ilə paylaş: |