_________Milli Kitabxana_________
135
Yazıq Aydın günahkardı,
O
çəkdiyi ahu-zardı.
Yüz
illərə barabardı,
Yazım mənim, yazım mənim.
Aydın yaşadığı sirli-sehrli dünyanın
keşməkeşlərinə həssas-
lıqla yanaşan, düşünən və düşündürməyi bacaran qüdrətli bir el
sənətkarı idi. Həyatın ağır imtahanları ilə üzləşməyə məcbur ol-
muş bu əyilməz insanın yaradıcılığında zaman və onun fitnə-
fəsadları öz dolğun bədii təcəssümünü tapmışdır. Onun şeirlərin-
də dövrün eybəcərlikləri çox zaman ünvansız olsa da, kəskin
ittiham və etiraz obyektinə çevrılır:
Üzün qara olsun, ay çərxi-fələk,
Kimləri gör kimə möhtac eylədin.
Qızılı tullayıb zibilliklərə,
Sən misi götürüb bir tac eylədin.
Kim ki, fitnə qurdu, tökdü nahaq qan,
Ona dövlət verdin hey yorulmadan.
Kim ki, vətən üçün keçdi canından,
Onu bu dünyada sən ac eylədin.[140-38]
Aydın təbiəti, onun əsrarəngiz gözəlliklərini tərənnüm edər-
kən mahir bir rəssama çevrilir. Onun şeirlərini oxuduqca gözlə-
rimiz önündə ecazkar, poetik tablolar canlanır.Dağlar, laləli, nər-
gizli çöllər, yamyaşıl çəmənlər, durnagözlü bulaqlar insan qəlbini
vəcdə gətirir:
Xəyal məni bir cənnətə aparır,
Gözümün önündə bağlar görünür.
Hündürlü-alçaqlı səf çəkib duran
Yamacı yamyaşıl dağlar görünür.
Şair Aydının yaradıcılığında Göyçə gözəllərinin təsviri, on-
ların ülvi və təmiz məhəbbəti diqqəti cəlb edir:
Göz var ki, adamın qəlbini sıxar,
Göz də var aşiqin evini yıxar.
Aydınam,çətin ki, yadımdan çıxar.
Canımı odlara yaxan gözlərin.
_________Milli Kitabxana_________
136
Danışıq dilinə, xalq təfəkkürünə yaxınlıq, sadəlik, təbiilik,
səmimilik Aydın poeziyasının mayasıdır. Şeirlərində bədii dilin
ahəngdarlığı, yığcamlığı oxucu qəlbinə asanlıqla yol tapır.
Şairin “Deyirlər”, “Görünür”, “Gözlərin”, “Gəlsin”, “Endi”,
“Bir gün kimi” rədifli şeirləri məclislərimizdə aşıq və müğənnilər
tərəfindən sonsuz məhəbbətlə oxunur. Onun “Yaralıdı”, “Düşdü”
şeirləri ilk dəfə 1964-cü ildə “Telli saz ustadları” kitabında çap
edilmişdir. “Endi”, “Gəlin” şeirlərinin Aşıq Talıbdan və Aşıq
Ağayardan yazıya alındığını İ.Ələsgərov öz namizədlik disserta-
siyasında göstərmişdir[83].
Şair Aydının hafizələrdə uyuyan şerlərinin toplanıb küll ha-
lında çapına böyük ehtiyac vardır. O, 1915-ci ildə 90 yaşında və-
fat etmiş, doğma kəndi Şişqayada dəfn olunmuşdur.
Aşıq Ələsgər Azərbaycan aşıq poeziyasının, aşıq sənətinin
inkişafında böyük xidmətləri olan dahi sənətkardır.
Ulu ustad bu
müqəddəq sənətin zirvəsində dayanmışdır. Hələ sağlığından bu
günümüzə qədər onun haqqında fikir söyləyən görkəmli şəxsiy-
yətlər – alimlər, yazıçılar və digər şeir-sənət xiridarları da bu qə-
naətdə olmuşlar.
Tutduğu mövqeyindən asılı olmayaraq, xalqımızın hər bir
övladı Aşıq Ələsgəri sonsuz məhəbbətlə sevmiş, qoşma və gə-
raylılarını əzbərləmiş, yaddaşlarında mühafizə edə-edə gələcək
nəsillərə ərməğan etmişdir.
Görkəmli alim İslam Ələsgər babasının 175 illiyinə ithaf et-
diyi “Aşıq Ələsgərin əsərləri;
dastan-rəvayətlər, xatirələr” kitabı-
nın əvvəlində Dədə Ələsgərin XX əsrdə və XXI əsrin ötən müd-
dətində Azərbaycanda, Türkiyədə işıq üzü görən çoxtirajlı nəşr-
ləri barədə oxuculara yığcam məlumat vermişdir. “Şərq-Qərb”
nəşriyyatının 1999-cu ildə çapdan buraxdığı bu kitabda Aşıq
Ələsgərin 109 qoşmasını, 33 təcnis və dodaqdəyməzini , 12 diva-
nisini, 23 müxəmməsini, 17 gəraylısını, 9 bağlamasını. 19 həcv
və hərb-zorbasını, 3 deyişməsini, 2 qəzəlini, 12 dastan-rəvayətini,
20 xatirəni, ulu ustada sənətkarların 11
bənzətməsi daxil edil-
mişdir [113-561,14,19].
_________Milli Kitabxana_________
137
Göyçə aşıq mühitinin formalaşmasında “Ələsgər ocağı” şüb-
həsiz ki, böyük bir ədəbi məktəb rolunu oynamışdır. Bu məktəb
mahalın Ağkilsə, Zod, Nərimanlı, Daşkənd, Qaraqoyunlu, Sarıya-
qub, Canəhməd, Kəsəmən, Böyük Məzrə, İnəkdağı, Şişqaya, Şor-
ca, Subatan, Babacan, Ağbulaq, Cil, Qoşabulaq və digər kəndlə-
rində el şairləri, sənətkar və ifaçı aşıqların üzə çıxmasına həm zə-
min yaratmış, həm də bu söz sərraflarının şöhrətlənməsinə, so-
raqlarının uzaqlara yayılmasına mənəvi bir zəmanət olmuşdur.
Ağ Aşıq – Aşıq Alı xətti boyunca
gələn sənət şəcərəsinin ən
uğurlu və qüdrətli davamçısı olan Aşıq Ələsgər sözün həqiqi mə-
nasında Göyçə aşıq mühitinin sənət zirvəsi sayılır. Aşıq Ələsgər
1821-ci il mart ayının 22-də Novruz bayramı günü anadan olmuş,
1926-cı il mart ayının 7-də vəfat etmiş, doğma kəndi Ağkilcə
kəndində dəfn olunmuşdur. Aşıq Ələsgər həm öz ecazkar, möhtə-
şəm poetik yaradıcılığı, həm də aşıqlığın sənət şəbəkəsini geniş-
ləndirmək üçün həyata keçirdiyi ustadlıq fəaliyyəti ilə Göyçə aşıq
mühitinə tarixi şöhrət gətirmişdir:
Adım Ələsgərdi, mərdi-mərdana,
On
iki
şəyirdim işlər hər yana.
Aşıq Ələsgər saz-sözünün ecazlı təsiri altında
hələ onun öz
sağlığında onlarla istedadlı Göyçə əhli saza-sözə bağlanmış, belə-
liklə də, “Ələsgər ocağı” yaranmağa başlamışdır. Burada ailə, nə-
sil içərisindən çıxmış istedadların da ayrıca yeri olmuşdur. Təsa-
düfi deyildir ki, məhz Aşıq Ələsgərin sənət aləminə gəlişindən,
saz-söz ulduzuna çevrilməsindən sonra Göyçədə aşıqlığa meyl
daha da güclənmiş, söz düzüb qoşanların sayı böyük sürətlə art-
mışdır. Ələsgər sehrinin təsiri altında saza-sözə bağlananların
xeyli qismi 20-50-ci illərdə də yaşayıb yaradırdılar. 20-ci illər bö-
yük sənətkarın ömrünün son illərini əhatə eləsə də,
hər halda
həmin dövrdə Göyçə aşıq mühitində Ələsgər nəfəsinin, Ələsgər
nüfuzunun sənət aləmində tanınaraq, ocaq, ziyarət yeri olaraq
canlı şəkildə yaşaması faktının özü son dərəcə əhəmiyyətlidir.
Ələsgər şeirinin səs-sorağı təkcə Göyçə mühitini deyil, bütöv-
lükdə Azərbaycan mahallarını bürümüş, saz-söz aləminə təravət,