|
Azərbaycan respublikasi təHSİl naziRLİYİ GƏNJƏ DÖVLƏt universiteti
36
«Mərə qocalar, sügiligi ocağa qoun, qızsun!» -dedi. Sügiligi
ocağa bıraqdılar, qızdı (YIII b., s. 101).
Tədqiqatçılara görə, hər bir mətn üç hissədən ibarətdir: baş-
lanğıc (tema), orta (inkişaf), sonluq (nəticə) [1, s. 441; 6]. «Kitabi-
Dədə Qorqud»un dilində mürəkkəb sintaktik bütövlərin
komponentlərini struktur-semantik kompozisiya baxımından üç
tipə ayırmaq olar:
a) mürəkkəb sintaktik bütövün başlanğıcı;
b) mürəkkəb sintaktik bütövün inkişafı;
c) mürəkkəb sintaktik bütövün sonu.
Aslanı qoyu verdilər. Sürdi gəldi; Qanturalı bir kəpənəgi
qapağına toladı. Aslanın pəncəsinə sunı verdi. Adı görklü
Məhəmmədə salavat gətürdi. Aslanın alnın közədüb bir yumruq
eylə urdı kim, yumruq çənəsinə toqundı, ovatdı. Süksünindən
tutdı, belüni üzdi. Andan götürüb yerə urdı. Xurd oldı. Təkur
öginə gəldi. Ayıtdı: «Yarın qızını mana vergil!» -dedi (YI b., s.
89).
Burada birinci cümlə sintaktik mətnin başlanğıcını, ikinci-
səkkizinci cümlələr tam sintaqmların sintaktik mətnə doğru
inkişafını, sonuncu cümlə isə sintaktik mətnin sonunu bildirir,
mətn sonuncu cümlə ilə qapanır.
Mürəkkəb sintaktik bütövün sonunu (sonluğu) bildirən cümlə
ilk və başlanğıc cümlə tiplərindən fərqli olaraq, müxtəlif məzmun
çalarları yarada bilir:
a) təsviredici məzmun çaları;
Bir gün Ulaş oğlı Tülü quşun yavrusu, bizə miskin umudı, Amit
soyının aslanı, Qaraçuğın qaplanı, Qonur atın iyəsi, xan Uruzın
ağası, Bayındır xanın göygüsi, Qalın Oğuzın dövləti, qalmış yigit
arxası Salur Qazan yerindən turmuşdı. Toqsan başlu ban evlərin
qara yerin üzərinə dikdirmişdi. Toqsan yerdə ala qalı-ipək
döşəmişdi. Səksən yerdə badyələr qurulmışdı. Altun ayaq
sürahilər düzülmüşdi. Toquz qara gözlü, xub yüzlü, saçı ardına
urulu, köksi qızıl dügməli, əlləri biləgindən qınalı, barmaqları
37
nigarlı məhbub kafər qızları Qalın Oğuz bəglərinə sağraq sürüb
içərlərdi (II b., s. 42).
b) yekunlaşdırıcı məzmun çaları;
İçüb-içüb Ulaş oğlı Salur Qazanın alnına şərabın istisi çıqdı.
Qaba dizi üzərinə çökdi, ayıtdı: «Ünim anlan, bəglər, sözüm
dinlən, bəglər! Yata-yata yanımız ağrıdı. Tura-tura belümiz
qurudı. Yüriyəlim, a bəglər! Av avlıyalım, quş quşlıyalım, sığun,
keyik yığalım, qayıdalım, otağımıza düşəlim: yeyəlim, içəlim, xoş
keçəlim!»
Qıyan Selcük oğlı Dəli Tondaz aydır: « Bəli, xan Qazan,
məsləhətdir».
Qaragünə oğlı Qarabudaq aydır: « Ağam Qazan, məsləhətdir».
Anlar öylə digəc at ağuzlu Aruz Qoca iki dizinin üstinə çökdi,
aydır: «Ağam Qazan, sası dinlü Gürcüstan ağzında oturarsan,
ordun üstinə kimi qorsan?».
Qazan aydır: « Üç yüz yigidlən oğlum Uruz mənim evim üstinə
tursun» - dedi. Qonur atın çəkdirdi, bütün bindi. Təpəl-qaşqa
ayğırına Tondaz bindi. Gög bədəvisin tutdurdı, Qazan bəgün
qarındaşı Qaragünə bindi. Ağ bədəvisin çəkdirdi, Bayındır xanın
yağısın basan Şir Şəmsəddin bindi. Barasarın Bayburd
hasarından parlayıb Beyrək boz ayğırına bindi. Qonur atlu
Qazana «keşiş» deyən bəg Yegnək Turu ayğırına bindi. Saya
varsam, dükənsə, olmaz Qalın Oğuz bəgləri bindi. Ala tağa ala
ləşkər ava çıqdı (II b., s. 42).
c) nəticə-məzmun çaları;
Ol gün cigərində olan ər yigitlər bəlürdi (1). Ol gün
müxənnətlər sapa yer közətdi (2). Ol gün bir qiyamət savaş oldı,
meydan tolu baş oldı, başlar kəsildi top kibi (3). Şahbaz-şahbaz
atlar yügürdi, nalı düşdi (4). Ala-ala köndərlər süsəldi (5). Qara
polat üz qılıclar çalındı, yılmağı düşdi (6). Üç yelənli qayın oqlar
atıldı, dəmrəni düşdi (7). Qiyamətin bir güni ol gün oldu (8). Bəg
nökərindən, nökər bəgindən ayrıldı (9) (II b., s. 50).
Bəzən bir mürəkkəb sintaktik bütövün komponentlərinin
bağlanmasında bir deyil, bir neçə əlaqə forması özünü göstərir.
38
Yuxarıda nümunə gətirdiyimiz mətnin birinci, ikinci, üçüncü və
səkkizinci cümlələrini açar söz əlaqələndirir. Dördüncü, beşinci,
altıncı, yeddinci cümlələr bir sintaktik quruluşun – dördüncü
cümlənin ikinci tərəfinin modelində formalaşır. Doqquzuncu
cümlə isə giriş ilə başlanmış informasiyanı tamamlayan yekun
cümlədir. Mətn komponentlərinin formal əlaqələnmə üsuluna
görə qruplaşdırılmanı sxemlə bu cür ifadə etmək olar:
Sxemə əsasən verilmiş mətn komponentləri aşağıdakı kimi
qruplaşdırıla bilər:
Ы ъцмля
ЫЫ ъцмля
ЫЫЫ ъцмля
ЫЙ ъцмля
Й ъцмля
ЙЫ ъцмля
ЙЫЫ ъцмля
ЙЫЫЫ ъцмля
ЫХ ъцмля
39
• açar sözə görə: I, II, III, YIII cümlələr;
• sintaktik quruluşa görə: IY, Y, YI, YII cümlələr;
• başlanğıc: I cümlə;
• sonluq: IX cümlə.
Oğuz zəmanında Uşun Qoca deərlər bir kişi vardı (1).
Ömründə eki oğlı vardı (2). Ulu oğlının adı Əgrək idi (3).
Bəhadır, dəlü, yaxşı yigid idi (4). Bayındır xanın divanına
qaçan istəsə, varır-gəlürdi (5). Bəglər bəgi olan Qazan
divanında buna heç qapu-baca yoğdı (6). Bəgləri basub Qazan
ögində oturardı (7). Kimsəyə iltifat eyləməzdi (8) (X b., s. 110).
Mətnin komponentləri idi bağlamasının əlaqələndirici
funksiyasına görə bir şəkildə (əvvəlincidən sonuncuya qədər
bütün tərkib hissələr bir-biri ilə), açar sözün iştirakına görə
başqa şəkildə əlaqələnir. Mətnin birinci, ikinci, üçüncü
cümlələrini Uşun Qoca deərlər bir kişi ifadəsi, dördüncü,
beşinci, altıncı, yeddinci, səkkizinci cümlələrini başqa açar söz
(və ya funksiyaca buna bərabər tutulan) – Əgrək idarə edir. Hər
iki komponentin sxemlə ifadəsi bu cürdür:
I variant (idi bağlamasının iştirakına görə)
Dostları ilə paylaş: |
|
|