56
geoloqların, etnoqrafların bu rayonda birgə əməkdaşlığı Azərbaycanın yerli
əhalisinin qədim tarixini yenidən canlandırmaq üçün qiymətli material verə bilər.
Digər tərəfdən insan kəllələri olan həmin təbəqədə qaban köpək dişləri və
nəsli kəsilmiş digər heyvanların qalıqları aşkar olunmuşdur.
Onlar bu kəllələrin
yaşının müəyyən edilməsində istiqamətverici ola bilərdi. R.M.Qasımova qeyd
etmişdir ki, Azərbaycanın paleoantropologiyasında çoxlu coğrafi və xronoloji
boşluqlar vardır [yenə orada, 161]. Təəssüflə qeyd etmək lazımdır ki, Qobustan
yaşayış məskənində arxeoloji tapıntıların yaşının müəyyən edilməsi radiokarbon
üsulu ilə aparılmamışdır. Tapıntıların kifayət qədər dəqiq müəyyən olunmamış
yaşına və onların natamamlığına baxmayaraq, ehtimal etmək olar ki, Qobustandakı
insan kəllələri avropoid tipli uzunbaşlı, dar sifətli,
tünd dərili insana, Xəzər tipinin
yerli varianlarından birinə məxsus olmuşdur [99, 162].
Beləliklə, hətta, bu cüzi material Qobustanda qədim Aralıq dənizi tipinin
olmasını ehtimal etməyə imkan verir [yenə orada, 160]. Bu nəticələrin təsdiqi kimi,
Öküzlər, Maral (№5) və Qayaarası düşərgələrindən tapılmış əmək alətlərinin kapsi
mədəniyyəti alətləri ilə oxşarlığını göstərmək olar.
Bu mənada tədqiqat nöqteyi-nəzərindən Xəzər dənizinin qərb (Qobustanın
timsalında) və şərq sahilləri tunc dövrü kurqanlarının müqayisəli təhlili böyük
maraq doğurur. Müəyyən mənada bu kurqanlar dəfn mərasimi,
qəbirlərin səmti,
oxranın mövcudluğu və qismən saxsı qablara görə oxşardırlar. Hər iki bölgənin
kurqanları torpaq quyu, su, daş qutu olan daş yığını və ya daşlardan ibarət dairə
şəklində təqdim olunurlar. Mərhumlar qıvrılmış vəziyyətdə, başları əsasən şərq və
ya şimal-şərq səmtində dəfn olunmuşlar [246,25-42; 43,126-151]. Qeyd edək ki,
Qobustanda iki kurqanda skeletlərin səmti cənub-qərbə qalanları isə şimal və
şimal-şərqə yönəlmişdir. Xəzər dənizinin şərq sahili və Türkmənistanın yaşayış
məskənlərində aşkar olunmuş saxsı qablar kobud şəkildə, naxışsız və ya cüzi
həndəsi ornamentlə hazırlanmışdır. Qobustanın tunc dövrü qəbirlərində tapılmış
ləvazimat şərqi Xəzəryanı düşərgələrdə aşkar
olunmuşlarla müəyyən mənada
oxşardır. Bu barədə hələ 1977-ci ildə Formozov xatırlatmışdır [201,49]. Həmçinin
hər iki bölgədə tunc məmulatı (metalın tərkibinə görə oxşar-qalay tuncu) aşkar
olunmuşdur [246. 78; 43, 129]. Qeyd edək ki, geoloji və geokimyəvi məlumatlara
görə, Azərbaycanda, habelə Zaqafqaziyada qalay yataqları yoxdur və buna görə
tunc məmulatlarının tərkibində qalay cüzi miqdardadır [70, 64]. Arxeoloqlar
N.M.Vinoq-radova və Y.Y.Kuzmina hesab edirlər ki, «...dəfnolunma mərasiminin
kurqanaltı ayinləri, şərqə səmt və saxsı qablar III Volqaboyu doğrama mədəniyyəti
üçün səciyyəvidir,
qəbilələrin daş quruluşu, mərasimlərində odun rolu Andronov
təsirini göstərir. Beləliklə, Xəzəryanı və Türkmənistan qəbiristanları və quyular
yaxınlığındakı düşərgələr doğrama mədəniyyət birliklərinə məxsus olan çoban
tayfaları tərəfindən tərk edilmişdir, lakin onlar Fedorov tipli Andronov əhalisinin
təsirini hiss etmişlər». [43, 129].Təəssüf ki, müəlliflər
Xəzər dənizinin qərb
sahilinin, xüsusilə Qobustanın qiymətli arxeoloji məlumatlarından istifadə etmirlər,
57
İran və Orta Asiyanın cənubunda yaşayan əkinçi xalqların çöl tayfalarının mədəni
inkişatına hər hansı bir təsirini inkar edirlər. Bununla yanaşı, arxeoloqlar
qoyunçuluqla məşğul olan əhalinin gəlmə olduqlarını, onların Volqaboyu və
Uralətrafı ərazilərdən cənuba gəldiklərini qeyd edirlər [yenə orada, 130 131].
Qobustanda hələ erkən üst paleolit dövründə yaşayış olmasını və həyatın
burada fasiləsiz olaraq orta əsrlərədək davam etməsini nəzərə alsaq (bunu arxeoloji
məlumatlar təsdiq edir) və dəfn mərasimində, səmt məsələsində (şərq və ya şimal-
şərq), tunc məmulatlarında metalın tərkibi, saxsı qabların bəzi oxşar cəhətlərini
xatırlatsaq, onda qərbi Xəzəryanı bölgələrdən şərqə köçmə haqqında fikir
söyləmək mümkündür.
Onu da qeyd edək ki, Qobustanın paleoantropoloji
nümunələri tipinə görə Türkmənistan qəbiristanlıqlarından tapılmış kəllələrlə
müəyyən qədər oxşardırlar. Lakin yaşına görə çox-çox qədimdirlər. Hər iki
bölgənin kəllələrini tədqiqatçılar Aralıq dənizi tipinə aid etmişlər [99,158-162; 43-
131]. Bu problemi nəzərdən keçirərkən qeyd etmək lazımdır ki, bütün bu
ehtimallar daha ətraflı tədqiqat tələb edir və gələcəkdə Avrasiya mədəniyyətlərinin
xronologiyasının təsdiqi üçün vacib istiqamətverici amil ola bilər.
Digər etibarlı, xronoloji cəhətdən istiqamətverici amil vəhşi öküz, maral və
leopardların təsvirləridir. Belə ki, Azərbaycanda bu heyvanların peyda olmaları
vaxtı nisbətən dəqiq müəyyən olunmuşdur. Qobustanda real ölçülü öküz təsvirləri
qayaüstü rəsmlərin yaşını müəyyən etmək üçün böyük əhəmiyyət kəsb edir (şək. 5;
6; 24; şək. 75-a,b; ill. 12; 28; 29; 35) Çünki, bu heyvanlar üst
pleystosen dövrü
faunasına aid edilirlər. Aşağı Lojeri (Fransa) (şək. 75-a) və Foz-Koa (Portuqaliya)
(ill. 103) turlarının Qobustan öküz - tur təsvirləri ilə son dərəcə oxşarlığı faktını
nəzərə alaraq, onların xronoloji cəhətdən eyniliyi qənaətinə gəlmək olar. Eyni
zamanda, qeyd etmək lazımdır ki, arxeoloji ədəbiyyatda bərqərar olmuş ənənəyə
görə, paleolit dövrü qayaüstü rəsmlərinə yalnız nəsli kəsilmiş pleystosen faunası
təsvirlərini aid edirlər. Lakin pleystosen dövründə indi nəsli kəsilmiş heyvanlarla
yanaşı, son vaxtlaradək mövcud olmuş nəcib maral, ceyran və kulanlar da
yaşamışlar [11,5 18; 165,7-8]. Onlar ov obyekti olmuşlar. Sümük qalıqları tez-tez
paleolit abidələrində aşkar olunur [Qeyd: Qaya arasında aparılmış qazıntılar
zamanı əksəriyyəti ceyrana aid olan külli miqdarda osteoloji materiallar tapılmış-
dır, 165, 7,8]. Buna görə də onların bəzilərinin paleolit
rəssam tərəfindən həkk
olunması istisna deyildir. Azərbaycan ərazisində paleolit dövrü ovçusunun əsas
obyektinin öküz olması ehtimalı ilə razılaşmaq olar. Ov ayinləri ilə əlaqədar, məhz
bu heyvanların təsvirləri qayalarda həkk olunmuşdur.
Faunanın nisbi təkamülünün nümunələri əsasında onların təsnifatını tərtib
etmək olar. Belə ki, onlar yalnız petroqliflərə deyil, həm də oxra ilə rənglənmiş
(leopard xallı marala hücum edir. Böyükdaş dağı, yuxarı səki, 24-c №-li daş) nadir
təsvirlərə də şamil edilir [162,7-9], (şək.3). Azərbaycanın qayaüstü incəsənəti üzrə
təxmini dövrləşdirilmə aşağıdakı kimidir: