29
BP Azərbaycanda Davamlı inkişaf haqqında hesabat 2015
Cəmiyyət
2015-ci ildə Azərbaycanda tərəfdaşlarımızla
birlikdə 131 yerli şirkətlə dəyəri təxminən
1,09 milyard dollar olan yeni uzunmüddətli
müqavilələr imzaladıq.
Tərəfdaşlarımızla birlikdə 2015-ci ildə 238
yerli şirkət və fiziki şəxslə biznes fəaliyyəti
həyata keçirdik ki, bunların 78%-i kiçik və orta
müəssisələrdir. 2015-ci ildə Azərbaycandakı
birgə əməliyyatlarımıza və layihələrimizə
ümumilikdə 2,67 milyard dollar xərclədik ki,
bu da 2014-cü illə eyni göstəricidir. Bunun bir
hissəsi kimi yerli şirkətlərlə ölkə daxilindəki
xərclərimiz təxminən 1,54 milyard dollar
təşkil etdi.
Sahibkarlığın inkişafı və təlim
proqramı
2007-ci ildən “Sahibkarlığın inkişafı və təlim
proqramı”nı (SİTP) həyata keçirməkdə
məqsədimiz güclü biznes potensialına malik
yerli şirkətləri müəyyən etmək, onların
beynəlxalq standartlara cavab verməsinə
dəstək göstərmək, rəqabət qabiliyyətliliyini
artırmaqdır. Uzunmüddətli perspektivdə SİTP
regionda sənayenin məhsul və xidmətlərin
tədarükü üçün müraciət edə biləcəyi uyğun
yerli şirkətlərin sayını artırmaq, bununla da yerli
iqtisadiyyatın inkişafına töhfə vermək üçün
nəzərdə tutulub.
2015-ci ilin sonuna qədər SİTP yerli şirkətlərə
dəyəri təxminən 633 milyon dollar olan
müqavilələri saxlamaqda kömək etdi ki, bunun
da təxminən 383 milyon dolları Azərbaycanda
BP ilə bağlanıb.
2015-ci il ərzində proqramı 19 şirkət başa
vurdu və bununla proqramı tamamlayan
şirkətlərin ümumi sayı 196-ya çatdı. Bu dövr
ərzində daha 245 şirkətin SİTP tərəfindən ilkin
qiymətləndirilməsi aparıldı. Proqram başladığı
gündən etibarən ümumilikdə 1 863 şirkəti
qiymətləndirib.
2015-ci ildə BP və tərəfdaşları əvvəllər SİTP-də
iştirak etmiş 29 şirkətlə təxminən 34,7 milyon
dollar dəyərində müqavilələr imzaladı. SİTP
iştirakçısı olmuş beş şirkət digər beynəlxalq
şirkətlərlə təxminən 3,31 milyon dollar
dəyərində, 14 şirkət isə yerli şirkətlərlə 52
milyon dollar dəyərində müqavilələr bağladı.
2015-ci ildə yerli iştirakçı şirkətlər yeni əsaslı
avadanlığa təxminən 2,55 milyon dollar
sərmayə qoydular, 1813 nəfəri işə götürdülər.
Biz Azərbaycanın biznes sektorunda lazımlı bacarıqların inkişafını
dəstəkləyərək Xəzər regionu üçün davamlı yerli təchizat sisteminin
yaradılmasına kömək edirik.
Sahibkarlığın inkişafı
Azərbaycan kapitalı olan birgə müəssisələr
Kiçik və orta müəssisələr
Dövlət şirkətləri
400
800
1 200
1 600
2 000
2 400
2010
365.5
147.0
27.7
2011
378.0
281.4
37.2
2013
532.9
83.3
660.2
2014
284.2
1 232.7
759.4
2015
179.8
1 174.4
2012
490.1
481.4
51.0
1 073.3
BP və tərəfdaşlarının yerli şirkətlərlə birbaşa xərcləri
(əməliyyatlar və layihələr daxildir)
($milyon)
SİTP Korporativ Sosial Məsuliyyət
mükafatına layiq görülüb
2015-ci ilin oktyabrında “Sahibkarlığın inkişafı
və təlim proqramı”mız (SİTP) Azərbaycanda
Amerikanın Ticarət Palatası tərəfindən
iqtisadi səriştə kateqoriyasında Korporativ
Sosial Məsuliyyət sahəsində əldə olunan
nailiyyətlərə görə mükafata (“CSR Excellence
Award”) layiq görüldü. Bu mükafata innovativ
layihələr həyata keçirməklə sosial inkişafa
töhfə verən şirkətlər layiq görülür. Layihə
30 şirkət tərəfindən təqdim edilmiş 55
layihə arasından seçildi və dörd kateqoriya
üzrə qiymətləndirildi: layihə başa çatandan
sonra davamlılıq; təsir səviyyəsi; layihənin
qiymətləndirmə mexanizmləri və nail olduğu
məqsədlər.
30
BP Azərbaycanda Davamlı inkişaf haqqında hesabat 2015
Ümid və Səngəçal icmalarının üzvləri üçün CİSCO
tərəfindən sertifikatlaşdırılan İnformasiya
texnologiyalarının əsaslarına dair kecirilən kurs.
BP-nin dəstəklədiyi Qobustan Regional Təlim
Mərkəzində Qaradağ rayonu qəsəbələrinin
icmaları üçün peşə təlimi keçirilir.
İcmalarla əlaqələrin saxlanması
BP müntəzəm şəkildə Bakı-Tbilisi-Ceyhan (BTC)
və Cənubi Qafqaz Boru Kəməri (CQBK) marşrutu
boyunca yerləşən icmalara öz planları barədə
məlumat verir və onları narahat edən məsələləri
öyrənir. Biz icma görüşlərindən və maarifləndirici
vəsaitlərin paylanmasından tutmuş rəsmi yazışma
və icma üzvləri tərəfindən qaldırılmış sual və ya
şikayətlərə baxılmasına qədər bir çox formalardan
istifadə edirik.
İctimaiyyətlə əlaqələrdən məsul əməkdaşlarımız
ictimaiyyətlə məsləhətləşmələrə və icmalarla
əlaqədar şikayət və təkliflərə baxmağa davam
ediblər. 2013-cü ildən boru kəmərləri ətrafında
məhdudiyyətləri izah edən məlumatlandırıcı
qovluqlar yayırıq. 2015-ci ilin sonuna qədər torpaq
sahiblərinə, istifadəçilərinə və digər maraqlı
tərəflərə təxminən 4300-dən artıq qovluq paylanılıb.
Biçənəyin yanması, boru kəmərinin göstərici
lövhələrinin zədələnməsi və təhlükəsizlik zonalarına
giriş qadağalarına əməl olunmaması kimi üçüncü
tərəflərə aid qayda pozulması hallarının sayı 2015-ci
ildə 47 oldu.
Şikayətlərin idarə olunması
Biz inanırıq ki, açıq dialoq uzunmüddətli güclü,
qarşılıqlı fayda verən işgüzar münasibətin
qurulmasına kömək edir və bütün tərəflərə imkan
yaradır ki, narahatlıq doğuran hər hansı məsələ
konstruktiv şəkildə həll edilsin.
İcmalardan və digər maraqlı tərəflərdən 115
müraciət aldıq ki, bunlar da əsasən, boru kəməri
dəhlizində aparılmalı olan infrastruktur işləri üçün
icazə ilə bağlı idi. 2015-ci ilin sonuna qədər bu
müraciətlərin hamısına cavab verdik. 2007-ci ildən
boru kəmərləri marşrutu boyunca yerləşən icmalar
üçün şikayətlərlə bağlı məsələlərin həlli mexanizmi
fəaliyyət göstərir. 2015-ci ildə BTC/CQBK ilə bağlı
12 şikayət daxil oldu ki, ilin sonunadək bunlardan
doqquzuna cavab verildi. Daha bir şikayətə bu ilin
yanvarında cavab verilib və qalan ikisinin üzərində
işləyirik.
Cənubi Qafqaz Boru Kəmərinin
Genişləndirilməsi (CQBKG) layihəsi ictimaiyyəti
narahat edən bütün məsələləri başa düşmək
və onları həll etməyə kömək məqsədilə
icmaların şikayətinə baxılması mexanizmini
hazırlayıb tətbiq etdi. 2015-ci ildə icmalardan
gələn bütün şikayətlər və təkliflər qeydiyyata
alındı, qəbul edildi və cavablandırıldı.
CQBKG layihəsi 424 kilometrlik boru kəməri
marşrutu boyunca boru kəmərinin podratçısı
“Saipem-Azfen” birgə müəssisəsi (SABM)
tərəfindən əlaqələndirilməklə icmalar ilə
münasibətlərini davam etdirir.
2015-ci ildə Kürdəmir, Yevlax, Ucar, Hacıqabul, Ağdaş,
Goranboy və Ağstafa rayonlarının ictimaiyyəti
arasında icmaların məlumatlandırılmasına həsr
olunmuş 15 görüş keçirildi. Yığıncaqların mövzularına
icma təhlükəsizliyi, işəgötürmə prosesi və iş
imkanları, eləcə də layihə barədə ümumi yeniliklər
daxil idi. Bundan əlavə, CQBKG layihəsi məktəblilərin
təhlükəsizliyi proqramının bir hissəsi olaraq 32
məktəbdə təhlükəsizlik yığıncaqları keçirdi və bu
tədbirlərdə 2500-dən artıq şagird, 140-dan çox
müəllim iştirak etdi.
Torpaq sahələri üzərində hüquqların əldə
edilməsi
CQBKG layihəsi üçün torpaq sahələri üzərində
hüquqların əldə edilməsi prosesi 2015-ci ildə
davam etdi. Torpaq sahələrinin icarə müqaviləsinin
bir hissəsi kimi, biz ilk 200 kilometr üzrə 950-dən
artıq torpaq sahibi və istifadəçisinə kompensasiya
odənişini başa çatdırdıq. CQBKG marşrut dəhlizi
boyunca son 224 kilometr üzrə 3200-dən artıq
torpaq sahibi və istifadəçisi ilə yeni müqavilələr
imzaladıq. Layihənin planına əsasən, qalan torpaq
icarə müqavilələri və kompensasiyaların verilməsi
2016-cı ildə başa çatdırılacaq. CQBKG layihəsi
üzrə heç bir qeyri-könüllü köçürülmə halı qeydə
alınmayıb.
Kompensasiyaların verilməsi prosesi və prinsipləri
“Torpaqlar üzərində hüquqların əldə edilməsi və
kompensasiyaların verilməsi” sənədinə uyğundur
və təsirə məruz qalmış sahələr üçün kompensasiya
ödənişlərinin verilməsi 2016-cı ildə tamamlanacaq.
Sənədlə bu ünvanda onlayn tanış ola bilərsiniz:
bp.com/xezer
İnkişaf təşəbbüsləri
Biz Azərbaycanda əməliyyatlarımızın bir
hissəsi olaraq müxtəlif icma və davamlı inkişaf
təşəbbüslərini, o cümlədən yerlərdə təhsilin
təkmilləşdirilməsi, icma əsaslı bacarıq və səriştələrin
yaradılması və yerli sahibkarlığın inkişafı məqsədilə
zəruri təlim və maliyyənin təmin olunması üçün
hazırlanmış layihələri dəstəkləyirik.
İcma ehtiyaclarının qiymətləndirilməsi
BP-nin Azərbaycandakı əməliyyatları üzrə
müvafiq sosial investisiya layihələrinin əhatəsini
müəyyənləşdirmək məqsədilə 2015-ci ildə icma
ehtiyaclarının qiymətləndirilməsini apardıq. Buraya
BP-nin Azərbaycanda həyata keçirdiyi layihələr
üzrə ətraf mühitə və sosial sahəyə təsirinin
qiymətləndirilməsi ilə bağlı üzərinə götürdüyü
öhdəliklərin nəzərdən keçirilməsi, əsas maraqlı
tərəflərlə müsahibələr və layihənin təsirinə məruz
qalmış 44 icmada qrup müzakirələri aparmaq
daxil idi. Bu iş bizim ictimai sərmayə strategiyamız
çərçivəsində idi və qarşıdakı bir neçə ildə həyata
Əməliyyatlarımızın ətrafındakı icmalarla açıq dialoqa və icmadakı çətinlikləri
aradan qaldırmaq üçün birgə işə əsaslanan qarşılıqlı faydalı əlaqələr qurmağa
çalışırıq.
İcmalarla işimiz