Daha güclü, daha etibarlı bir bp qururuq
Yüklə 0,59 Mb. Pdf görüntüsü
|
- Bu səhifədəki naviqasiya:
- Texniklərin forumu
- İşçiləri dinləmək üçün nahar yeməkləri
- Kredit almağa dəstək proqramı
- Digər fəaliyyətlər
İşəgötürmə BP-nin məqsədi əməkdaşların bir-birinə hörmət və ləyaqətlə yanaşdığı və öz potensiallarını tam aça bildikləri pozitiv bir iş mühiti yaratmaq və saxlamaqdır. Bu məqsədə nail olmaq üçün düzgün insanların düzgün vəzifələrə seçilməsi zəruridir. Bizim əməkdaşların işə götürülməsi və işdə irəli çəkilməsini hər kəsə qabiliyyətinə görə imkan açan meritokratik qaydada etmək öhdəliyimiz var. İşəgötürmə proseslərimizin şəffaflığına və səmərəliliyinə əmin olmaq üçün onları daim nəzərdən keçirir və monitorinqini aparırıq. Bundan əlavə, Britaniyada yerləşən müstəqil bir agentlik işəgötürmə fəaliyyətlərimizin keyfiyyətini yoxlamaq üçün mütəmadi olaraq qlobal sorğu aparır. Azərbaycanda BP sorğunun bütün müddəaları üzrə ən yuksək gostəriciyə malik ölkələr arasında olub. 2014-cü ildə biz hər il keçirilən Məzunların və yay təcrubəsi kecən tələbələrin işə qəbulu proqramımız çərçivəsində təqribən 4 300 ərizə qəbul etdik. İlkin seçmə mərhələsindən bunların 3 155-i keçdi, yekun müsahibə mərhələsinə isə 391 nəfər çıxdı. Sonda 49 tələbə yay təcrübəçisi və 70 yeni məzunu işə götürdük. Bunlardan 26 məzunu BP-də daimi işçi kimi “Çəllenc” proqramımıza qəbul etdik. Qalan 44 nəfər isə Neft-qaz ixtisaslı məzunların təkmilləşdirilməsi proqramına (NİMTP) qəbul olundu. “Çəllenc” və NİMTP barədə daha ətraflı məlumat üçün səhifə 17-ə baxın. İl ərzində texniklərin işə cəlb olunması üçün iki kampaniya keçirdik, nəticədə 113 texnikə iş təklif olundu. Yeni işə götürülmüş texniklər dənizdəki və qurudakı iş sahələrinə göndərilməzdən əvvəl Xəzər Texniki Təlim Mərkəzində 18 aylıq intensiv ingilis dili və texniki təlim proqramı keçirlər. BP-nin Azərbaycanda ehtiyac olduqda açılan bütün iş yerləri haqqında elanlar bp.com/xezer ünvanında verilir. 2014-cü ildə iş elanlarımızla bağlı 16 400-dən çox ərizə aldıq, 172 nəfər yerli işçini işə götürdük.
Əməkdaşlarla ünsiyyət və münasibətlər
2014-cü ildə 1 700-dən artıq əməkdaş və ya Azərbaycan, Gürcüstan və Türkiyədən dəvət edilmiş şəxslərin 41%-i hər il işçi heyət arasında keçirilən sorğuda iştirak etdi. Yekun məmnunluq əmsalı inkişaf, işdən məmnunluq, rəhbərliyin davranışı, qazanc və iş mühiti sahələrini əhatə edir. Region üzrə əmsalımız 2014-cü ildə 78% oldu ki, bu da 2013-cü ildəki 75%-lə müqayisədə artımdır. Texniklərin forumu BP-nin texniklərin forumu ön cəbhə ilə – hasilat platformaları, terminallarda və boru kəmərləri boyunca işləyən texniklərlə mühüm əlaqə vasitəsi olmaqda davam edir. Biz texniklərin təliminə və inkişafına böyük sərmayə qoyur və işçilərin bu qrupu ilə ən yüksək rütbəli rəhbərliyin müntəzəm görüşlərinin əhəmiyyətini başa düşürük. Bu görüşlərdə onlar rəy və təkliflərini verə, təcrübələrini bölüşə və onları narahat edən istənilən məsələni qaldıra bilirlər. Bu forumlar ilk dəfə 2008-ci ildə təşkil olunub və indiyə qədər təqribən 540 nəfərin iştirakı ilə 18 forum keçirilib. Buraya 2014-cü ildə keçirilmiş və 70-ə yaxın texnikin iştirak etdiyi iki forum da daxildir. İşçiləri dinləmək üçün nahar yeməkləri Bu nahar yeməkləri regional rəhbər qrupumuzun üzvləri ilə müxtəlif sahələrdə işləyən işçiləri qeyri-rəsmi nahar və bizneslə əlaqəli mövzuları açıq müzakirə etmək üçün bir araya gətirir. Bu naharlar işçilərə öz narahatlıqlarını bölüşməyə, suallarını verməyə və rəhbərlikdən birbaşa cavab almağa fürsət yaradır, rəhbərliyə isə təşkilatın müxtəlif təbəqələrinin fikirlərini dinləməyə imkan verir. 2014-cü ildə 90-dan artıq əməkdaşın iştirakı ilə altı belə nahar təşkil edilib. Kredit almağa dəstək proqramı Kredit almağa dəstək proqramımızı 2012-ci ildə tətbiq etməyə başlamışıq. Şirkətdə ən azı üç il iş işləyən bütün Azərbaycan vətəndaşlarının bu proqramdan yararlanmaq hüququ var. Bu proqram çərçivəsində əməkdaşlar ev yaxud mənzil almaq və ya təmir etmək, ev tikdirmək, eləcə də 18 yaşına çatmamış övladlarının təhsili üçün kreditlərin ödənişində yardım almaq imtiyazı əldə edirlər. İl ərzində 610-dan artıq əməkdaşımız bu proqram üzrə kredit almaq üçün ərizə verdi, bununla da iştirakçıların ümumi sayı 2 100-ü keçdi. Ümumilikdə, 2012-14-cü illər ərzində proqram üzrə verilən kreditlərin məbləği 25,6 milyon dollardan çox olub. Digər fəaliyyətlər Azərbaycanda BP şirkətində üst-üstə 10 və ya 15 il işləyən əməkdaşlarımız yubiley münasibətilə uzunmüddətli xidmətə görə mükafatlandırılır. Mükafatlar ümumi görüşlərdə yüksək rütbəli rəhbərlik tərəfindən təqdim edilir. 2008-ci ildən bəri bu yolla 1 350-yə qədər işçinin fəaliyyəti qiymətləndirilib. rəhbərliyə BP AGT-də planlaşdırma və kommersiya əməliyyatları şöbəsinin rəhbəri Emil İsmayılov təxminən 120 peşəkardan ibarət bir qrupa rəhbərlik edir və regional rəhbər qrupunun üzvüdür. Eyni zamanda o, BP şirkətinin qlobal apstrim biznesinin maliyyə rəhbərliyinin də bir hissəsidir. Bundan əvvəl Emil demək olar ki, üç il London ofisimizdə müxtəlif yüksək rəhbər vəzifələrdə işləyib. Apstrim maliyyə şöbəsində planlaşdırma üzrə vitse-prezident kimi Emil şərq yarımkürəsinin çox hissəsinə görə məsuliyyət daşıyıb. “Həqiqətən qlobal səviyyədə işləmək möhtəşəm bir fürsət idi və nəhəng layihələr sürət götürməyə başlayan bir vaxtda Azərbaycana qayıtmağıma çox şad idim,” o deyir. Emil öz karyerasına 1998-ci ildə başlayıb. O, BP şirkətinin Azərbaycandakı “Çəllenc” proqramının birinci dalğasında iştirak edən uğurlu məzunlardan biri olub və xaricdə işləmək imkanı ədə edib. “Üç il ərzində daha böyük Britaniya biznesində ‘çəllencer’ kimi təcrübə qazandıqdan sonra mən əməliyyatlarımız genişlənməyə başlayan bir vaxtda Şahdəniz qrupuna qoşulmaq üçün 2003-cü ildə Azərbaycana qayıtdım,” o xatırlayır. Az qala 20 illik karyerasına nəzər salan Emil deyir: “Karyeramın inkişafında ‘Çəllenc’ proqramı birinci böyük addım idi. Mənim hekayəm yerli kadrların inkişafına BP şirkətinin ayırdığı xüsusi diqqətin bariz nümunəsidir”. 16 BP Azərbaycanda Davamlı inkişaf haqqında hesabat 2014 Yüklə 0,59 Mb. Dostları ilə paylaş:
|