2014-cü ildə aktual
məsələləri müzakirə etmək
üçün altı ümumi görüş keçirilib. Regional
daxili veb-saytımız informasiyanın yayılması
və müxtəlif kampaniyaların keçirilməsi üçün
mühüm vasitə olub. 2014-cü ildə işçi heyəti
üçün “Compass” jurnalının həm Azərbaycan,
həm də ingilis dilində dörd buraxılışını nəşr
edərək bütün regionda yaydıq.
Təhsil və inkişaf
2014-cü ildə biz regionda əməyin təhlükəsizliyi,
texniki, idarəetmə və biznes davranışları üzrə
geniş çeşidli təlimlər təşkil etdik. Yerli qrupumuz
tərəfindən ümumilikdə 12 000-dən artıq
iştirakçısı olan 1 488 təlim sessiyası keçirildi.
Bu sessiyaların 1 350-si və ya təxminən 91%-i
Azərbaycanda keçirildi.
Davamlı peşə təlimi
Yerli əməkdaşlarımıza öz ixtisas sahələri üzrə
əlavə dərəcə və ya sertifikatlar almaqda kömək
etmək məqsədilə maliyyə yardımı göstərməyə
davam etdik. 2014-cü ildə ümumilikdə
67 əməkdaşımız bu proqram çərçivəsində
yardım aldı. Onlardan 34 nəfəri Britaniya təhsil
ocaqlarında magistr dərəcəsi almaq üçün ərizə
verdi, qalan 33 əməkdaşımız isə magistratura
səviyyəsində digər təhsil imkanlarını seçdi.
“Çəllenc” və neft-qaz ixtisaslı məzunların
təkmilləşdirilməsi proqramı
Bizim qlobal “Çəllenc” (“Sınaq”) proqramımız
Azərbaycanda 2003-cü ildən fəaliyyətdədir.
Onun məqsədi məzunların illik işə götürülməsi
proqramı vasitəsilə seçilmiş və sənayedə cüzi
ilkin təcrübəsi olan istedadlı məzunları inkişaf
etdirməkdir. “Çəllencer” adlandırılan iştirakçılar
üçillik proqram ərzində, adətən, iki-üç fərqli
vəzifə yerinə yetirirlər. Proqramı başa vuranda
onların tam səriştəli peşəkarlara çevrilməsi
gözlənir.
2012-ci ildən başlayaraq “Çəllenc” proqramına
qəbul ola bilməyən seçilmiş məzunları inkişaf
etdirmək üçün Neft-qaz ixtisaslı məzunların
təkmilləşdirilməsi proqramına başladıq. Bu 11
aylıq təlim proqramı həmin məzunlara öz texniki
biliklərini, biznes haqqında məlumatlarını,
ünsiyyət bacarıqlarını və ingilis dili biliklərini
dərinləşdirməyə kömək etmək üçün hazırlanıb.
Proqram Heriot-Uatt Universiteti və
“TTE-Petrofak” şirkəti ilə birgə həyata keçirilir.
2014-cü ildə “çəllencer” kimi işə götürülmüş
26 məzundan əlavə, daha 35 məzun da
NİMTP-ni başa vuraraq “Çəllenc” proqramına
qoşuldu. Ümumilikdə 61 “çəllencer”i işə
götürdük ki, bununla da onların Azərbaycanda
sayı 195-ə çatdı.
Xəzər texniki təlim mərkəzi
Bu mərkəz BP və tərəfdaşları üçün Azərbaycan,
Gürcüstan və Türkiyədə daha çox işçi heyətinin
milliləşdirilməsini həyata keçirməkdə misilsiz
xidmət göstərir. Bundan əlavə, Oman
və İraqdakı əməliyyatlarımızın mərkəzin
xidmətlərindən istifadə etməsi ilə bura
BP qrupu üzrə yüksək ixtisaslı kadrlar hazırlayan
regional mərkəzə çevrilib. 2004-cü ildən bəri
mərkəzin Hazırlıq proqramından təxminən
1 050 texnik məzun olub. 2014-cü ildə təxminən
100 texnik təlimi başa vuraraq qurudakı və
dənizdəki obyektlərə yola salınıb.
Digər proqramlar
Mühəndisliyə keçid proqramı müvafiq
təcrübəyə malik bütün maraqlanan əməkdaşları
təşkilat daxilində mühəndislik karyerasına
təşviq etmək məqsədilə tərtib olunub. Uğurlu
namizədlər təcrübə və qabiliyyətlərinin
qiymətləndirilməsinə əsaslanan ciddi seçmə
prosesi ilə müəyyən olunur. 2014-cü ildə
111 ərizə aldıq, bu namizədlərdən 21-i ilə
müsahibə aparıldı və yeddi mühəndislik ixtisası
üzrə 14 nəfər seçildi.
Öz işçi heyətimizə və onların uyğun ailə
üzvlərinə dil təlimi təklifimizi davam etdirdik.
2014-cü ilin sonuna qədər 280 nəfər ingilis dili
dərslərinə gedirdi. Azərbaycan dilini seçənlər
isə 90 nəfərdən çox idi. Bundan əlavə, əcnəbi
əməkdaşlara Azərbaycanın tarixi, mədəniyyəti
və adət-ənənələri barədə söhbətlər təklif edilir.
Texniki münsiflər heyəti 44 çəllencer və 23 yay
təcrübəçisinin dördüncü regional “TexnoFest”ə
təqdim etdiyi layihələri qiymətləndirdi (yuxarıda).
Xəzər texniki təlim mərkəzində qazma idarəetmə
otağının simulyasiyası (aşağıda).
17
BP Azərbaycanda Davamlı inkişaf haqqında hesabat 2014
Əməkdaşlarımız
17%
2013-cü illə müqayisədə
2014-cü ildə yüksək vəzifəli
yerli menecerlərin sayında
artımdır.
Davranış kodeksimiz əməkdaşlarımızın riayət etməli olduqları
əsas qaydaları təsbit edir, dəyərlərimizin və qrup standartlarımızın
qərarlarımızı necə istiqamətləndirməli olduğunu izah edir.
BP əməkdaşı mütəmadi keçirdiyimiz ümumi
yığıncaqlardan birində sual verir.
18
BP Azərbaycanda Davamlı inkişaf haqqında hesabat 2014
Davranış kodeksimiz
Davranış kodeksimiz etik standartları təyin edir
və gündəlik işgüzar fəaliyyətimizdə doğru olanı
etməkdə bələdçimizdir.
Yeni, sadələşdirilmiş davranış kodeksi 2014-cü
ilin iyulunda qüvvəyə mindi. Yeni kodeks bir
biznes kimi daha sadə, daha məqsədyönlü
olmağımızı əks etdirir. O, əməkdaşlarımızın
hərəkətlərinə istiqamət vermək üçün ən
mühüm prinsip və gözləntiləri təsbit edir.
Həmçinin BP-nin daha təfsilatlı müvafi q
tələbləri göstərilən faydalı resurslara keçidləri
sadalayır.
Dəyər və davranışlarımız yeni kodeksimizin
təməli olmaqda davam edir. Kodeksin məğzi
odur ki, BP əməkdaşlarının düzgün qərar
verəcəyinə, bir sual və ya onları narahat edən
məsələ varsa, öz sözlərini deyəcəyinə inanır.
Etik normalar və qaydalara uyğunluq
üzrə təlim
Davranış kodeksi, rüşvət və korrupsiya, çirkli
pulların yuyulması, mənafelərin toqquşması
barədə icbari e-tədris modullarından əlavə etik
normalar və qaydalara uyğunluğa aid üz-üzə
seminarlar keçiririk. Azərbaycan, Gürcüstan və
Türkiyədə BP işçiləri və podratçıların
əməkdaşları daxil olmaqla təxminən 2 600 nəfər
2014-cü ildə təşkil etdiyimiz 140-a yaxın üz-üzə
təlim sessiyasında iştirak etdi.
Bütün podratçılarımızdan və onların
əməkdaşlarından kodeksimizə uyğun
işləmələrini gözləyirik və onları buna təşviq
edirik. İşgüzar tərəfdaşlarımızla gözləntilərimiz
barədə açıq danışmağa çalışırıq, uyğun olduqda
müqavilə öhdəliklərini razılaşdırırıq və onların
gözləntilərimizi və ya müqavilə öhdəliklərini
doğrultmadığını hesab etdiyimizdə müvafiq
tədbirlər görürük.
2014-cü ildə həm də gözləntilərimiz haqqında və
qeyri-etik davranışın nə ilə nəticələnməsi
barədə işgüzar tərəfdaşlarımızın
məlumatlılığının artırılmasına diqqət yönəltdik.
Məsələn, sentyabr ayında 50-dən artıq
təchizatçı şirkətin yüksək vəzifəli rəhbərləri
üçün rüşvətxorluq və korrupsiya əleyhinə
təlimlər təşkil etdik.
Sözünü azad şəkildə demək
mədəniyyəti
Əməkdaşları, podratçıları və digər üçüncü tərəfləri
davranış kodeksimizə əməl olunmaması ilə bağlı
narahatçılıqları və ya sadəcə, hər hansı vəziyyətlə
bağlı şübhələri varsa sözlərini deməyə təşviq
edirik. Kodeksimizin və ya hüquqi tələblərin
pozulması və ya potensial pozulması barədə
xəbəri olan əməkdaşlar bu barədə birbaşa
məlumat verməlidirlər.
BP-nin “OpenTalk” (açıq söhbət) qlobal yardım
xətti suallar vermək və ya narahatlıq doğuran
məsələləri qaldırmaq üçün məxfi vasitədir.
Müstəqil bir şirkət tərəfindən idarə olunan bu
yardım xətti həftənin hər günü, gündüz və gecə
istənilən vaxt işləyir və 75-dən artıq dildə zəngləri
qəbul edir. “OpenTalk” vasitəsilə qaldırılan
məsələlər qiymətləndirmə və müvafiq tədbirlərin
görülməsi üçün təqdim edilir.
2014-cü ildə Azərbaycanda intizam tədbiri ilə
nəticələnən 42 hadisə barədə məlumat verilib.
Araşdırma nəticəsində bir sıra BP əməkdaşı,
eləcə də podratçı və agentlik əməkdaşı işdən
azad edilib.
Nəyə inandığımız, hansı davranışı hədəf
seçdiyimiz və bir təşkilat olaraq nəyə can
atdığımız haqqında müştərək anlayışımızı
ifadə edən beş dəyərimiz var. Məqsədimiz
onların gündəlik işimizdə məsuliyyətli
davranışa çevrilməsini təmin etməkdir.
Bu dəyərlər bizim öz işçilərimizdən nə
gözlədiyimizi müəyyən edir, qrup, komanda
və fərdi səviyyədə necə işlədiyimizlə ayrı-ayrı
fərdlərin mükafatlandırılmasını əlaqələndirən
əməkhaqqı sxemi ilə gücləndirilir.
Təhlükəsizlik
Hörmət
Mükəmməllik
Cəsarət
Bir komanda
Dəyərlərimiz
Azərbaycanda intizam pozuntuları
(davranış kodeksinin fəsli üzrə)
5
10
15
20
25
25
2013
2014
20
1
Təhlükəsiz, məsuliyyətli və etibarlı iş
İşçilərimiz
Aktivlərimiz və maliyyə sahəsində düzgünlüyümüz
Birgə işlədiyimiz hökumət orqanları və icmalar
7
2
2
19
Dəyərlərimiz
bp.com/values
Davranış kodeksimiz
bp.com/codeofconduct
İşçilər Mərkəzi Azəri dəniz platformasından növbə
dəyişmə gəmisinə təhlükəsiz şəkildə endirildikdən
sonra “froq” heyətdaşıma kapsulunu tərk edirlər.