DAŞ YUXULAR
89
bizi türk hesab elәyirlәr. Bir deyәn yoxdur ki, әgәr sizi türk
qırıbsa, gedin davanızı da türklә elәyin. Ermәni
boşboğazların harası bizim primitivlәrdәn artıqdır. Sәn
niyә bu barәdә düşünmürsәn, әzizim? Elә bir hala
düşmüsәn, özün özünü tanımırsan. Bilirsәn necә
sınıxmısan, әzizim. Özünә yazığın gәlmir, heç olmasa
mәnә yazığın gәlsin.
- Mәn istәyirdim...istәyirdim...Mәn ölmәk istәyirdim,
Aza, - dedi vә zorla udqundu.
Azadә xanım anladı ki, әri söz eşidәsi halda deyil,
susdu. Saday Sadıqlı tamamilә özünә qapandı. İndi o,
nәinki arvadını, hәm dә dünyanı hiss etmirdi. Azadә xanım
әrinin vağzala getmәyinin sәbәbini indi başa düşdü. Saday
bütün gün vağzalda ona görә hәrlәnib-fırlanıb ki,
uşaqlığının "Bakı-Erevan" qatarının qabağında kimisә
qarşılasın vә yaxud kimisә yola salsın. Eçmiәdzinә gedib
xristianlığı qәbul elәmәk xәyalı ilә dolaşan Saday, doğma
Ordubaddan ötüb keçәn bu qatarla demәk olar ki, hәr gün
sәfәrә çıxırdı...
DAŞ YUXULAR
90
ÜÇÜNCÜ
HİSSӘ
Gәnc müәllifin
pyesindә heç vaxt rol almayan
Saday Sadıqlı ölkәnin
keçmiş Xozeyinini öz xalqına qarşı
törәtmiş olduğu mәnәvi-әxlaqi
soyqrımda ittiham edir.
DAŞ YUXULAR
91
Bәlkә dә Saday Sadıqlı yenә dә yuxusunda doktor
Abasәliyevlә Әylisdә keçirdiyi o gözәl yay günlәrindәn
birini görürdü. Ola bilәr ki, aktyorun qulağında
qayınatasının Mәrdәkandan telefondaca dediyi sözlәr
sәslәnirdi. Hәr halda yuxudan oyandığı hәmin sәhәr
Sadaya elә gәldi ki, bütün dünya professor Abasәliyevin
cingiltili, gümrah sәsiylә dolub. O gümrah, cingiltili sәsi
yenidәn dinlәyir, özünü hәmişәkindәn daha gümrah vә
sakit hiss edirdi. Sanki doktor Abasәliyevin sәsi ona güc
verirdi ki, ağrılara dözә bilsin.
1989-cu ilin axırıncı şәnbәsi idi. Tәqribәn saat birdә
Azadә xanım işә getdi. O, evdәn çıxandan azca sonra
telefon zәng çaldı. Tәqribәn on dәqiqәlik fasilәlәrlә beş
saata yaxın zәng-zәngә calandı, amma Saday dәstәyi
qaldırmadı. Telefonun susduğu dәqiqәlәrdә artistin
qulağına süni, şirin dilini işә salan birisinin danışığı gәlir vә
o anda da Mopassan Mirәlәmovun siması gözünün
qabağında canlanırdı. Teatrın drektoru mәşhur Xalq
şairinin misralarını deyirdi:
Böyük sәnәtkara salamlar olsun,
Bu dünya durduqca o da var olsun!
Bir hәftәdәn artıq idi ki, direktor hәr gün zәng çalıb
salamlaşmağın әvәzinә bu murdar misraları tәkrarlayırdı
vә hәr dәfә dә Saday Sadıqlı o murdar misraları eşidәndә
az qalırdı bütün içalatını qussun.
Nәhayәt Sadayın telefonun dәstәyini qaldırmaqdan
ayrı bir çarәsi qalmadı. Bu dәfә zәng elәyәn Mopassan
Mirәlәmov deyildi, Nuvariş Qarabağlı idi.
- Qardaş, telefonu niyә götürmürsәn? - o, sakit,
xışıltılı sәsiylә soruşdu. – Azı әlli dәfә zәng elәmişәm.
DAŞ YUXULAR
92
Ağlıma yüz fikir gәlir, görәsәn nә olub. Bura sәnin bir
yerlin gәlib, hәmkәndlin...Uşqalıq dostun ,Camal!
- Hara gәlib? - Saday elә heyrәtlә soruşdu ki, özü öz
sәsindәn diksindi.
- O, burdadı, teatrda. Tez gәl, sәni gözlәyir. - Nuvariş
Qarabağlı azca fasilә verib әlavә elәdi: - Mopassan
müәllimin kabinetindәdi.
Әgәr Nuvariş Qarabağlı "Mopassan müәllim" deyirsә,
demәli, yüz faiz drektorun kabinetindәn zәng çalır. Әks
halda başqa cür demәliydi: direktorun özü olmayanda
hamı ona Mopoş dayı deyirdi.
- İndi gәlirәm, - Saday Sadıqlı dedi. Di gәl ki,
yerindәn qalxmağa heyi yox idi. Camal yeddinci sinifdәn
çobanlara qoşulandan bәri Saday onu bircә dәfә dә olsun
görmәmişdi. Amma hәmişә xatırlamışdı. Hәlә bu heç, son
zamanlar onun başına belә bir fikir gәlmişdi ki, kәndә
getsin, gedib çıxa bilmәdiyi dağlara qalxsın, Camalı axtarıb
tapsın, axır ondan soruşsun ki, hәmәn gün Haykanuş
kilsәnin hәyәtindә Camalın başını sabunlayıb yuyanda
hәqiqәtәnmi dünya hansısa mәxmәr kimi yumşaq sarımtıl-
narıncı rәngdәydi, yoxsa yalnız Sadaya elә görünüb.
Amma indi Camalla görüşmәk üçün gerçәk imkan
yarandığı bir vaxtda ondan belә bir sözü soruşmaq әmәlli-
başlı ağır bir yük idi. Nәhayәt, o, evdәn çıxıb taksiyә
minәndәn sonra qәfil ağlına belә bir fikir gәldi ki, Camalın
Bakıya gәlmәk mәsәlәsi, sadәcә, uydurmadır, diribaş
Mopassan Mirәlәmovun növbәti kәlәyidir. Axı nә vaxtdan
bәri direktor hansı yolla olur-olsun onu aldadıb teatra
gәtirmәk, günlәrlә telefonda tәriflәdiyi pyesi Sadaya
oxutmaq istәyirdi. Ola bilәr ki, Mopoş әsәrdәki baş rolun
DAŞ YUXULAR
93
mәhz Saday üçün yazıldığını uydurmurdu. Başqa bir
ehtimal hәqiqәtә daha yaxındı: bәlkә dә heç zaman
ruhdan düşmәyәn, işgüzar, uzaqgörәn direktor baş rolu
Saday Sadıqlı oynayacağı tәqdirdә meyit kimi döşәli qalan
teatrın ayağa duracağını hәdәfә alırdı. Onun xasiyyәti belә
idi: kәsmәsә yapışdığını buraxmazdı. Әgәr o, bilsәydi ki,
Sadayın haçansa Camal adında uşaqlıq dostu olub, heç bir
çәtinlik çәkmәdәn bunu hәtta artistin özündәn öyrәnәr vә
ömürlük yadında saxlayardı. İndi isә ortada olan hәqiqәt
belә idi: O, taksidәydi vә o uzaq illәrdәn, o uzaq yerdәn
tәşrif buyuran Camalla görüşmәk indiki halda onun üçün
elә dә böyük әhәmiyyәt kәsb elәmirdi.
Camal isә hәqiqәtәn gәlmişdi. O, ucuz, amma tәzә
kostyum geyinmişdi, başında bahalı buxara papaq vardı,
tam ciddi görkәmlә alaraq Mopassan Mirәlәmovun isti,
rahat otağında oturub gözlәyirdi. Bәlkә dә öyrәşmәdiyi
mühitә düşdüyünә görә onun hәyәcanlı, qaynayan gözlәri
dağlarda mis kimi yanıb qaralmış sifәtindә qәribә bir
parıltı verirdi.
Nuvariş Qarabağlı Sadayın gözünә dәymәdi, o,
kabinetdә yox idi. Belә başa düşdü, ya mәşqdәdir, ya da
hardasa televiziya çәkilişindә. (Saday hardan bilәydi ki,
Nuvariş haçandandı pistolet әldә etmәk üçün böyük-
büyük adamların qapısı ağzında N qәdәr vaxt itirir.)
Mopassan Mirәlәmov Sadayı görәn dәqiqә yaşına
uyuşmayan bir qıvraqlıqla kreslodan sıçrayıb artistә sarı
şığıdı, onuqapının ağzındaca qucaqlayıb bağrına basdı.
Hәtta bu görüşdәn nә qәdәr mütәәssir olduğunu
anlatmaq naminә ağlamsındı. Camal sinif yoldaşını öpmәk
niyyәti ilә dodağını uşaq kimi dodağını büzüb irәli uzatdı.
Dostları ilə paylaş: |