Qurbanov və Süleyman Ələsgərov), Fəqan ("Səndən mənə yar olmaz",
Məhərrəm Əlizadə və Əşrəf
Abbasov), Firuzbala ("Altı qızın biri Pəri", Məhərrəm Əlizadə və Tofiq Bakıxanov ilə Nəriman
Məmmədov), Həsən bəy, Hambal və Məşədi İbad, Vəli ("Məşədi İbad" və "Arşın mal alan", Üzeyir
bəy Hacıbəyov), Səlyanski ("Gözün aydın", Məhərrəm Əlizadə və Fikrət Əmirov), Qulu Rəhimli
("Nənəmin şahlıq quşu", Əliağa krrçaylı və Vasif Adıgözəlov), Kəblə Hüseynəli ("Beş manatlıq
gəlin", Məmməd Səid Ordubadi və Səid Rüstəmov), Qoşun ("Toy kimindir?", Məhərrəm Əlizadə və
Ağası Məşədibəyov), Çako ("Keto və kote", Vladimir Dolidze), Dadaşbala ("Hicran", Sabit Rəhman
və Emin Sabitoğlu), Türbətəli ("Təzə gəlin", Seyfəddin Dağlı və Cahangir Cahangirov), Qazı,
karapet ağa, Naçalnik, Kərbəlayı Cəfər ("Danabaş kəndinin əhvalatları", Cəlil Məmmədquluzadənin
eyniadlı əsəri əsasında libretto müəllifi Cənnət Səlimova və bəstəkar Oqtay Kazımov).
Azərbaycan Dövlət Musiqili Komediya Teatrında bədii rəhbər işlədiyi dövrdə Səyavuş Aslan
"Beş manatlıq gəlin" (17 may 1994), "Əlli yaşında cavan" (23 may 1995) operettalarını tamaşaya
hazırlayıb.
AFAQ BƏŞİRQIZI (15 AVQUST 1955)
Məşhur komediya aktyoru Bəşir Səfəroğlunun qızıdır. Bakıda doğulub və 31 saylı orta
məktəbi bitirib. Çörək zavodunda işləməklə yanaşı, Tibb işçiləri mədəniyyət sarayının dram
dərnəyində həvəskar aktyorluq edib. Buradan Lənkəran DDT-yə dəvət alıb və 1975-ci ilə kimi orada
aparıcı aktrisalardan olub. 1975-ci ildən 1989-cu ilə kimi Sumqayıt DDT-də işləyib. Hər iki
kollektivdə əsasən dramatik, psixoloji xarakterlər, qəhrəman sevgili rollarını oynayıb. Həmçinin
maraqlı komediya rollarında səhnəyə çıxaraq böyük tamaşaçı rəğbəti qazanıb.
Bir müddət Dövlət Gənclər Teatrında işləyən aktrisa 1989-cu ildən (qısa fasilələrlə) MKT-
nin əsas sənətkarlarındandır. Bu teatrda Xala ("Bəbirlinin kələkləri", Rauf Hacıyev), Gülbadam
("Sevgilimin arvadı", Georgi Xuqayev və Eldar Mansurov), Ofeliya xanım ("Qarğa, məndə qoz
var", Cahangir Aslanoğlu və Həsənağa Qurbanov), Qızbacı ("Hicran", Sabit Rəhman və Emin
Sabitoğlu), Səməni ("Subaylarınızdan görəsiniz", İsi Məlikzadə və Süleyman Ələsgərov), Sənəm
("Məşədi İbad", Üzeyir bəy Hacıbəyov), Nisə ("Bankir adaxlı", Tamara Vəliyeva və Emin
Sabitoğlu), Səltənət ("Məhəbbət oyunu", Qeybulla Rəsulov və Cavanşir Quliyev), Məsmə ("Məsmə
xala dayımdır", Cahangir Məmmədov və Ramiz Mustafayev) rollarını oynayıb.
Aktrisanın ən məşhur ekran rolu "Bəxt üzüyü" filmində Söylü obrazıdır.
Afaq Bəşirqızı bir neçə ildir özəl "Bəşir" teatrının, 2004-cü ildən "Bəşir Səfəroğlu" Moskva
Miniatür Teatrının bədii rəhbəridir.
Sənətdə qazandığı uğurlara görə 17 may 1989-cu ildə Azərbaycan Respublikasının əməkdar
artisti və 1993-cü ildə xalq artisti fəxri adlarına layiq görülüb.
Afaq Bəşirqızı tənqid hədəfinə çevirdiyi mövzuların zahiri gülünclüyünü "partlayan", aşıb-
daşan yumorla, qroteskli satira ilə çatdırır.
Aktrisa üçün gülüş oyadan vəziyyəti doğuran sosial durumun psixoloji əsaslarını, dərin
ictimai mahiyyətini qabarıq, daha dəqiq və mənalı verməyə sənətkarlıqla nail olur.
Həssas aktrisadır. Onun həssaslığı gülüşün mayasında durduğuna görə aktrisa bir anın
içərisində tamaşaçı salonunu ələ almağa və seyrçilərin diqqətini öz oyununda cəmləşdirməyə nail
olur.
AZƏRBAYCAN DÖVLƏT MUSİQİLİ
KOMEDİYA TEATRINDA REJİSSOR SƏNƏTİ
Milli operettalarımız yarananda hələ bu janrın estetik tələblərini, psixoloji əsaslarını, poetika
səciyyələrini bilən aktyorlarımız yox idi. Təbii ki, həmin sənət növünün mahiyyət və
xüsusiyyətlərini dərindən bilən rejissorlar da həmçinin. Həmin illərdə söhbət ixtisas təhsili görmüş
rejissorlardan gedə bilməzdi. Buna görə də operettaları tamaşalara dram aktyoru kimi şöhrət
qazanmış, komediya və faciə əsərlərinə quruluşlar verməkdə müəyyən təcrübə toplamış sənətkarlar
hazırlayıblar. "Nicat", "Səfa", "Müsəlman opera artistləri", "Müdiriyyət" truppalarında musiqili
komediyalara təkrar-təkrar quruluşları Hüseyn Ərəblinski, Hüseynqulu Sarabski, Abbasmirzə
Şərifzadə, Sidqi Ruhulla, Əbülfət Vəli, Xəlil Hüseynov səhnə təfsiri veriblər.
Musiqili komediya truppası (Azərbaycan opera dəstəsi adı ilə) 1920-1925-ci illərdə MDT-
nin nəzdində olanda operettalar teatrın baş rejissorlarından əsasən Abbasmirzə Şərifzadənin və bir
qədər də Aleksandr Tuqanovun quruluşlarında oynanılıb. OBT-nin səhnəsində oynanılan
operettaları tamaşaya Abbasmirzə Şərifzadə, Yusif Yulduz, Soltan Dadaşov, Əlihüseyn Rzayev,
İsmayıl Hidayətzadə hazırlayıblar.
Musiqili komediya Teatrı müstəqil sənət ocağı kimi yeni yaradıcılıq mərhələsinə başlayanda
da teatrın sırf bu janrda işləyən rejissorları yox idi. Lakin tədricən teatr özünün poetika səciyyələrini
formalaşdırmaqla yanaşı, bu janrın estetik prinsiplərinin incəliklərini hərtərəfli və həssaslıqla
mənimsəyən aktyorlar, rəssamlar, dirijorlar, xorbaşılar, baletmeysterlər və həmçinin rejissorlar da
yetişdirib. MkT-də quruluş verən rejissorların hamısının yaradıcılığı parlaq olmayıb, axtarışların
bütün cəhdləri uğurla nəticələnməyib. Bununla belə, adları çəkilən hər bir sənətkarın yaradıcılığı
milli operetta rejissurasının formalaşmasına, teatrın ümumi inkişafına səmərəli təkan verib.
* * *
Həbib İsmayılov. Moskva Teatr Sənəti Texnikumunu bitirib. BTİT-də və Gəncə DDT-də
rejissor işləyib. MKT-nin ilk bədii rəhbəridir. Teatrda Zülfüqar bəy Hacıbəyovun "Aşıq Qərib"
operasına (1939), Boris Aleksandrovun "Molinovkada toy", Məmməd Səid Ordubadi və Səid
Rüstəmovun "Beş manatlıq gəlin" (1940) musiqili komediyalarına quruluşlar verib. Peşəkarlığa
çalışıb, janrın əsas xüsusiyyətlərini aktyor oyunlarda təcəssüm etdirməyə səy göstərib.
Həsən Əliyev. Əvvəllər müxtəlif rayon teatrlarında, GTT-də işləyib. İxtisasca müəllimdir.
MKT-nin ilk rejissorlarındandır. Həbib İsmayılovdan sonra bədii rəhbər işləyib. Teatrda Üzeyir bəy
Hacıbəyovun "Məşədi İbad" (1939 və 1941), "Ər və arvad", Rauf Hacıyevin "Çarleyin xalası"
(Brandon Tomasın eyniadlı əsəri əsasında libretto işləyəni Mustafa Mərdanov. 1939), Məhərrəm
Əlizadə və Ağası Məşədibəyovun "Toy kimindir?" (1940), Məhərrəm Əlizadə və Soltan
Hacıbəyovun "Qızılgül" (1941) əsərlərinin quruluşçu rejissoru olub. Rejissurasında mətnlə
musiqinin tam şəkildə səhnədən səsləndirilMəsmə əsas diqqət yetirib.
Səftər Turabov. Yaradıcılığı əsasən MDT ilə bağlıdır. Müxtəlif illərdə dəvətlə MKT-də də
quruluşlar verib. Əsas işləri "Toy kimindir?" (1940), "Gözün aydın" (Məhərrəm Əlizadə və Fikrət
Əmirov), "Ulduz" (Sabit Rəhman və Süleyman Ələsgərov. 1957), "Məmmədəli kurorta gedir" (Atif
Zeynallı və Nəriman Məmmədov. 1969) tamaşalarıdır. Quruluşlarında musiqi ilə sözün vəhdətinə
çalışıb, komediyanın satirik çalarlarının əlvanlığından istifadə etməyi xoşlayıb.
Vaqif Ağayev. Mingəçevir DDT-də baş rejissor işləyib, ADİİ-də pedaqoji fəaliyyət göstərib.
Bir müddət MKT-də bir neçə tamaşanın hazırlanmasında ikinci rejissor kimi çalışıb Oqtay
Kazımovun "Dəcəl çəpişlər" (1975), Əliağa Kürçaylı və Vasif Adıgözəlovun "Boşanaq, evlənərik"
(1976), Adil Babayev və Tofiq Bakıxanovla Nəriman Məmmədovun "Qız görüşə tələsir" (1978),
Rauf Hacıyevin "Bəbirlinin kələkləri" (1989) musiqili komediyalarının tamaşaları onun müstəqil