273
Səfəvilərin hakimiyyətinin ilk illərində əhalidən
35 növ vergi alınır və çoxlu mükəlləfiyyətlər yerinə yetrilirdi. Kəndlilər
torpaq sahibinə otlaqlardan istifadə əvəzində
çobanbəyi,
bağlar üçün
bağbaşı və.s vergilər verirdilər. Şah I Təhmasib
vergi sistemini
nizamlamaq üçün 1565-ci ildə fərman verdi.
Şah I Təhmasibin bu fərmanına əsasən, monqollar dövründən mövcud olan,
sənətkarlardan və tacirlərdən alınan tamğa vergisi ləğv edildi. Şah I Təhmasib tərəfindən tamğa vergisinin ləğv edilmsi Səfəvilər
dövlətində
sənətkarlığın və
ticarətin inkişafına müsbət təsir göstərdi.
Şəhərlər. Sənətkarlıq
XVI əsrdə Azərbaycanda 50-dən artıq şəhər var idi. Bu dövrdə
Təbriz, Şamaxı, Bakı, Gəncə, Ərdəbil, Ərəş, Culfa, Bərdə,
Naxçıvan, Marağa, Dərbənd şəhərləri
iqtisadi və
siyasi-inzibati mərkəz hesab olunurdu.
XVI əsr – XVII əsrin birinci yarısında Təbriz Səfəvilər dövlətinin
ilk paytaxtı və
ən böyük şəhər idi.
1555-ci ildə I Şah
Təhmasib
Osmanlı sərhəddindən uzaqda yerləşdiyi üçün Səfəvilər dövlətinin paytaxtını Təbrizdən
Qəzvinə köçürdü. Paytaxtın
köçürülməsindən sonra da
Təbriz ən mühüm iqtisadi və mədəni mərkəz kimi qalırdı. Lakin, Səfəvilər dövlətinin
paytaxtının
Qəzvinə köçürülməsi və
Səfəvi-Osmanlı müharibələri Təbriz şəhərinin sənətkarlıq və ticarət həyatına böyük zərbə vurdu və onun
iqtisadiyyatını zəiflətdi. Burada istehsal olunan sənətkarlıq məhsulları Avropanın bir sıra ölkələrinə ixrac olunurdu. Təbriz
ustalarının hazırladıqları
xalça və
bəzəkli parçalar indi dünyanın bir çox muzeylərində saxlanılır. Şah I Təhmasibin fərmanına
əsasən,
tamğa vergisi ləğv edildikdən sonra, Təbriz öz inkişafının yüksək səviyyəsinə çatdı.
Şamaxı Şirvanın iqtisadi və siyasi mərkəzi idi.
Şirvan Səfəvilər dövlətinə birləşdirildikdən sonra Şamaxı şəhəri Şirvan
bəylərbəyiliyinin paytaxtına çevrildi.
XVI əsrdə Cənubi Qafqazda ipək istehsalı və
ticarəti balıca olaraq
Şamaxıda və
Ərəş
bölgəsində cəmləşmişdir. A.Cenkinson Şamaxını
"gözəl şahlıq şəhəri" adlandırırdı. Burada 25 min nəfərə qədər əhali yaşayırdı.
Bakıdan xaricə dəniz yolu ilə
müxtəlif mallar və
neft göndərilirdi. XVI əsrin əvvəllərindən etibarən
xüsusi imtiyazlara
malik olan
Ərdəbil şəhəri yenidən dirçəldi və Səfəvilər dövlətinin
dini və
mədəni mərkəzlərinə çevrildi. Səfəvi şahları şəhərin
abadlığına xüsusi fakir verirdilər. Burada tikilmiş
Şeyx Səfi məqbərəsinə ölkənin hər yerindən ibadətə gəlirdilər.
1536-cı ildə Şah I
Təhmasibin toxutdurduöu
“Şeyx Səfi xalçası” hazırda
Londonun “Viktoriya və Albert” muzeyində saxlanılır.
Ərəş ingilis tacirləri tərəfındən bütün
Cənubi Qafqaz miqyasında ipəkçiliyin ən iri mərkəzi kimi qeyd edilir. A.Cenkinsonun
məlumatına görə Ərəş bazarlarında 100 min funt müqabilində müxtəlif növ ipək almaq mümkün idi. XVI əsr Venetsiya səyyahı
Minadoi yazırdı ki, Ərəşdə
əla növ ağ ipək istehsal olunur.
Culfa şəhəri beynəlxalq ipək ticarəti yolunun üstündə yerləşirdi. Culfa tacirləri xam ipəyi istehsal olunduğu yerlərdən
(Şamaxı, Ərəş və Gilandan) alaraq,
Qərbi Avropanın Venesiya, Amsterdam və
Marsel kimi mühüm limanlarında, Suriya,
Türkiyə və
Hindistanda satırdılar.
1581-ci ildə Culfada olmuş ingilis taciri
qeyd edirdi ki, şəhərdə 3 min ev, 15-20 min əhali vardı.
XVI əsr– XVII əsrin birinci yarısında Naxçıvan, Əylis və
Ordubad mühüm ticarət əhəmiyyəti olan şəhərlər idi.
Qarabağ bəylərbəyiliyinin mərkəzi olmuş
Gəncə də Azərbaycanın ən iri şəhərləri sırasında idi.
Don Juan adı ilə Avropada yaşayan
tarixçi
Oruc Bəy Bayat burada 50 min ailənin yaşadığını qeyd edir.
274
Azərbaycan şəhərləri XVI əsr –XVII əsrin birinci yarısında
Ticarət. Azərbaycanın xarici iqtisadi əlaqələri
XVI əsrin ticarət əməliyyatlarında başlıca əmtəə
Azərbaycan ipəyi olmuşdur. Bu dövrdə Azərbaycan Avropa və Asiyanın bir
çox ölkələri ilə geniş iqtisadi əlaqələrə malik idi. Rus dövləti ilə ticarətdə Səfəvilər
Avropa tacirlərinin dövlətin ərazisində
fəaliyyətinə geniş imkanlar yaradır, Avropa-Səfəvi ticarət mübadiləsinin inkişafına himayədarlıq edirdilər. Bəhs edilən dövrdə
ingilislər Moskva dövlətinin icazəsi ilə Rus dövləti ərazisindən keçərək Azərbaycana, kəşfıyyat səfərləri etməyə başladılar.
XVI əsr – XVII əsrin birinci yarısında Volqa-Xəzər ticarət yolu Rusiya dövlətinin əsas ticarət arteriyası
rolunu oynamağa
başladı. Volqa-Xəzər ticarət yolunun mənimsənilməsində təşəbbüskarlığı öz üzərinə götürmüş
ingilis burjuaziyası bu məqsədlə
öncə Rus dövləti ərazisində ticarət mövqelərini möhkəmləndirməyə can atırdı. Volqa-Xəzər ticarət yolunun çıxış məntəqəsi
Moskva
şəhəri idi. Buradan tacirlər Moskva, Oka və Volqa çayları vasitəsilə
Həştərxana gəlir, Həştərxana çatdıqdan sonra Xəzərin qərb
sahilləri ilə gəmilərdə üzür, Dərbəndə daxil olmadan
Niyazabad limanına yetişirdilər. Niyazabadda yüklər boşaldılır, sonra isə
ticarət karvanları Şabrandan keçərək Şamaxıya çatırdılar. Buradan tacir-səyyahlar Cavad şəhərindən keçərək
Ərdəbilə və
Təbrizə
gəlirdilər.
1562-ci ildə "Moskva şirkəti" təcrübəli kəşfiyyatçı və mahir tacir olan
Antoni Cenkinsonu Səfəvi dövləti ərazisinə
göndərdi. Cenkinson şirkətin Azərbaycana gələn ilk nümayəndəsi idi. O,
Şirvana gələrək Şirvan bəylərbəyi
Abdulla xan
Ustaclıdan gömrüksüz və maneəsiz ticarət etmək imtiyazı ala bildi.
XVI əsrin sonlarında ingilislərin Azərbaycan bazarlarında möhkəmlənmək cəhdləri iflasa uğradı. Azərbaycan bazarlarında
ingilislərin möhkəmlənmək cəhdlərinin iflasa uğramasının səbəbləri bunlar idi:
Səfəvilər dövlətinin ilk paytaxtı və ən böyük şəhər idi. Ustalarının
hazırladıqları xalça və bəzəkli parçaları
ilə məşhur idi
Təbriz
Bakı
Şirvanın iqtisadi və siyasi mərkəzi idi. Cənubi Qafqazda ipək istehsalı
və ticarəti burada cəmləşmişdi
Bir sıra ölkələrə dəniz yolu ilə müxtəlif mallar və neft göndərilirdi
Şamaxı
Ərəş
Ərdəbil
Çulfa
Cənubi Qafqaz miqyasında ipəkçiliyin ən iri mərkəzi idi. Burada əla
növ ağ ipək istehsal olunur
Beynəlxalq ipək ticarəti yolunun üstündə yerləşirdi
XVI əsrdə xüsusi imtiyazlara malik olub yenidən dirçəldi
və Səfəvilər
dövlətinin dini və mədəni mərkəzlərindən birinə çevrildi