– Müzakirəyə çıxarılan «Elm haqqında
qanun»u necə görmək istərdiniz?
– Diqqətinizi bir vacib məsələyə cəlb
etmək istərdim. Respublikanın müstəqillik
illəri ərzində bizim Akademiya elmi, faktiki
olaraq, qeyri-hüquqi məkanda fəaliyyət
göstərir. Azərbaycan Respublikasının “Elm
və dövlət elmi-texniki siyasəti haqqında”
Qanun layihəsi on ildən artıqdır ki, işlənib
hazırlanmış və müzakirə olunmuşdur.
Alimlərimizin bu sənədə etdikləri çoxsaylı
qeyd və düzəlişlərə baxmayaraq, gözlənilən
nəticə alınmamışdır. İndi isə Azərbaycan
Respublikasının “Elm haqqında” Qa
nu
-
nunun yeni layihəsi təqdim olunmuşdur.
Təəssüflər olsun ki, bu layihədə də həm
redaksiya, həm də konseptual xarakterli
çatışmazlıqlar vardır. Məsələn, biz elmi
fəaliyyətin lisenziyalaşdırılmasının qəti
əleyhinəyik (bu da dövlət elmi siyasətinin
əsas prinsiplərindən birində, həmin sənədin
3-cü maddəsində əksini tapmış – elmi
yaradıcılıq və tədqiqatların azadlığı prin -
sipinə ziddir); eyni zamanda biz Azər
-
baycan Milli Elmlər Akademiyasının
funk sional səlahiyyətlərinin “azaldılması”
və onların başqa strukturlara verilməsi,
qanunverici aktların hüquq normalarının, o
cümlədən, Azərbaycan Respublikasının
“Təhsil haqqında” Qanununun və müzakirə
olunan layihənin bir sıra başqa müd dəa -
larının təkrarlanmasını da qeyd et məliyik.
Elmlər Akademiyası əmindir ki, bizim bu
və digər qeyd və təkliflərimiz Milli
Məclisin müvafiq komissiyasında nəzərə
alınacaq, elmi və elmi-texniki fəaliyyəti
tənzimləyən Qanun, nəhayət ki, qəbul
ediləcək, cari ilin sonuna qədər qüvvəyə
minəcəkdir.
Söz yox ki, qanunvericiliyə aid mə
-
sələlərimiz heç də bununla sona çatmır. “İn -
novasiya fəaliyyəti haqqında”, “İntellektual
mülkiyyət haqqında”, “Beynəlxalq in
-
formasiya mübadiləsi haqqında”, “Tex
-
nologiyaların transferi haqqında” və s. kimi
vacib qanunvericilik aktlarının işlənib
hazırlanması günün tələbidir; onlardan
sonra elmi-texniki və innovasiya fəa
-
liyyətinin ayrı-ayrı aspektlərini tənzimləyən
qanunaltı aktlar gəlməlidir.
Bir sözlə, elm
və innovasiya sahəsində tam bir paket
normativ-hüquqi sənədlərin işlənib hazır -
lanmasına bu gün böyük ehtiyac vardır.
– AMEA-nın xarici əlaqələri haqqında
fikirlərinizi bilmək istərdik?
– Mübaliğəsiz olaraq demək lazımdır ki,
Beynəlxalq elmi əməkdaşlıq, dövlətin elm
siyasətinin mühüm tərkib hissəsi kimi,
Azərbaycan AMEA-nın fəaliyyətində əsas
strateji istiqamətlərdən biridir. Artıq bu gün
bizim bir çox alimlərimiz beynəlxalq layihə
və proqramlarda iştirak edir, dünyanın
aparıcı elmi mərkəzlərindən olan tə
-
rəfdaşları ilə müştərək elmi-tədqiqat işləri
aparır, onlarla birlikdə yüksək nüfuzlu,
impakt-faktorlu elmi jurnallarda məqalələr
nəşr etdirirlər. Şübhəsiz ki, bunlar vacibdir,
ancaq yetərli deyil, çünki belə fəaliyyət
sistemli deyil, təsadüfi xarakter daşıyır və
ona görə yuxarıda xatırladığım Azərbaycan
Respublikası Prezidentinin “Azərbaycan
elmində islahat aparılması ilə bağlı Dövlət
Komissiyasının yaradılması haqqında”
Sərəncamında haqlı olaraq qeyd edildiyi
kimi, “elmin inkişafına gözlənilən təsiri
göstərmir”.
Bizim fikrimizcə, AMEA uzunmüddətli
“Beynəlxalq elmi əməkdaşlığın ge
niş
-
11
ELM DÜNYASI
/ Elmi‐kütləvi jurnal / №02 (02) 2013
ləndirilməsinə dair Proqram” işləyib hazır -
lamalı, orada nəzərdə tutulan bütün
kompleks tədbirlər və onların davamlı
olaraq həyata keçirilməsi işıq
lan
-
dırılmalıdır. Bu Proqramda Azərbaycan
üçün prioritet sayılan
elm sahələri üzrə
müştərək beynəlxalq elmi laboratoriyaların,
mərkəzlərin yaradılması və bizim elmi
təşkilatlarımızın UNESCO və s. kimi
nüfuzlu beynəlxalq təşkilatların koor
-
dinasiya etdiyi çoxsahəli elmi-texniki
proqram və layihələrdə iştirakı öz əksini
tapmalıdır.
Sizin diqqətinizə onu da çatdırmağı
zəruri hesab edirəm ki, son illər AMEA-nın
həyatında informasiya texnologiyalarının
tətbiqi və yeni nəsil “precision”(“dəqiq”)
analitik avadanlıqların yaradılması ilə bağlı
gözəçarpan dəyişikliklər baş vermişdir.
– Son illər AMEA-nın elmi-tədqiqat
institutlarının maddi-texniki bazası xeyli
güclənib, müasir analitik cihazlar alınıb.
Bu cihazlarla işləyə bilən kadrlar sizi qane
edirmi?
– Respublika Prezidenti yanında Elmin
İnkişaf Fondu, Azərbaycan Dövlət Neft
Şirkətinin (SOCAR) Elm Fondunun inves -
tisiyaları hesabına Fizika-riyaziyyat və
texnika elmlər bölməsinin, Kimya böl
-
məsinin, Yer elmləri, Biologiya və Tibb
bölmələrinin, Naxçıvan bölməsinin ins
-
titutlarında müasir analitik laboratoriyaların
yaradılması sahəsində işlər aparılır.
Təbiidir ki, yeni texnoloji şəraitdə belə
müasir cihaz və avadanlıqlarla işləməyi
bacaran savadlı mütəxəssislər lazımdır.
Təəssüflər olsun ki, bu gün AMEA-nın
institutlarında belə kadrlar kifayət qədər
deyildir. Əlbəttə, bu, həyəcan yaradan
amillərdən biridir. Azərbaycan Prezi den -
tinin 2008-ci ilin aprel ayında imzaladığı
Sərəncamda haqlı olaraq qeyd edilir ki,
“ölkədə aparıcı alimlər nəslinin qocalması
və gənc nəslin elmə axınının zəifləməsi
elmdə kadr potensialı səviyyəsinin azalması
təhlükəsini yaratmışdır”. Bu gün kadr
təminatının vəziyyəti o dərəcədə mürək -
kəbdir ki, hətta bizim təşəbbüslər, güman
ki, gənclər üçün bəlkə də, cəlbedici gö -
rünməyə bilər. Maraqlandırmağa çalış dı -
ğımız savadlı və istedadlı gənc mə zun ların
əməkhaqlarının artırılması, sözsüz ki,
vacibdir. Gənc kadr axtarışında, fikrimcə,
olduqca vacib olan amildən – yüksək
maaşdan başqa, potensial gənc alimin
mentaliteti də nəzərə alınmalıdır. Təcrübə
göstərir ki, bu və ya digər gənc mütəxəssis
müvəqqəti çətinliklərə dözə bilər və dözür
də, əgər o əsl müəllim – alimin rəhbərliyi
altında çalışırsa, eyni zamanda onu cəlb
edən müasir cihaz və avadanlıqlar möv -
cuddursa və onun yaşayış səviyyəsini
stimullaşdıran minimal şərait yaradılıbsa,
bu, baş tutur.
– Elm və təhsilin əlaqələrinin güc
-
ləndirilməsi yollarını necə görürsünüz?
– Hesab edirəm ki, AMEA ölkədə elmin
əsas təşkilatçısı və əla qələndiricisidir. Ali
təhsil müəssisələrinin birinci vəzifəsi təhsilin
yüksək səviyyədə təşkili olsa da, elmi
tədqiqatlar da əsas məqsədlərdən biridir.
Hesab edirəm ki, elm və təhsilin əlaqəli
inkişafını yalnız tabeçiliyin dəyişməsi
hesabına əldə etmək haqqında fikirlər
yanlışdır. Qeyd edim ki, AMEA-nın bir çox
əməkdaşları artıq neçə illərdir ki, Təhsil
Nazirliyi və TQDK ilə sıx əməkdaşlıq
12
ELM DÜNYASI
/ Elmi‐kütləvi jurnal / №02 (02) 2013