|
Ədəbiyyat, sənət və fikir dərgisiOZAN DÜNYASI № 3(6), 2011
OZAN DÜNYASI № 3(6), 2011
22
Dərməyi bacarırsa
O sənətin barını,
Duyursa bir ürəyin
Ən böyük hikmətini,
Vaxtında, vədəsində
Verirsə qiymətini,
Arzuları ən uzaq
Mənzillərə varırsa,
Şeirin qanadlarında
Uçmağı bacarırsa,
Xına kimi yaraşır,
Ölməzlik o millətə!
Sinəsi sazlıları,
Əli qələmliləri
Yorulub yolda qalmır,
Gedir əbədiyyətə!
O xalqın arasında
Təklər yeddiyə dönür,
Yeddilər yetmiş olur.
Övlad da ata kimi
Kamala yetmiş olur!
Sənətkar da güc alır bu birliyin səsindən,
Daş üstə güllər bitir eşqindən, həvəsindən!
SON GÖRÜġ
İnsan gəlir dünyaya, bu dünyayla görüşür,
Od da görür, şaxta da, qışla, yayla görüşür.
Görməyə, götürməyə qisməti var hər kəsin,
Hərə öz qismətinə düşən payla görüşür.
Xoşdu şirin görüşlər min olsa, milyon olsa,
Çəkilməzdi, ağırdı axır olsa, son olsa.
İlk görüşdə arzular qönçələnir, ey könül!
Son görüşdə ürəyə qan çilənir, ey könül!
İlk görüş bahar günü, yazın oğlan çağıdı,
Son görüş olanları vurur, yıxır, dağıdır.
Dünyanın sahibidir ilk görüşə gələnlər,
Sözünü, sevincini həmdəmiylə bölənlər!
Onların görüşündə söhbət Günəşdən düşür,
OZAN DÜNYASI № 3(6), 2011
23
Ürəkləri qızdıran oddan, atəşdən düşür.
Aydan, ulduzdan gəlir diləklərin sorağı,
Nə dağlara çən, duman, nə saçlara dən düşür.
Neçə-neçə görüşlə şirin dostam, tanışam,
Elə görüş də var ki,
Dilim gəlmir mən onun
Ağrısından söz açam, əzabından danışam.
Yüz beş il ömür sürüb dünya görən Ələsgər,
Dövrün hər sitəminə sinə gərən Ələsgər,
Bu gün köç vədəsində, ölüm yatağındadır,
Oğulları, qızları solunda, sağındadır.
Şagirdləri kəsdirib balıncının yanını,
Təbiət alıb daha
Nəğməkarın əlindən yaşamaq imkanını.
Karvan-karvan baş alıb qəm keçir, kədər keçir,
Ələsgərin qəlbindən bir görün nələr keçir.
Yolların yoxuşu nə sərt olurmuş,
Bir yalı aşırsan, min bir yal qalır.
Bir arzun yetişdi, dəydi, dərirsən,
Min arzun budaqda hələ kal qalır.
İllərin ağrısı çoxalır canda,
Ağarır bəniz də, qaralır an da.
Əllərin dünyadan boşa çıxanda,
Qəmdən ürəyində qara xal qalır.
Hardadır əbədi alışan ocaq?
Solan bir ömürdü hər sarı yarpaq.
Vuruşur, əlləşir, insana ancaq
Bir quru xatirə, bir xəyal qalır.
Xəyal onu aparır şirin xatirələrə,
Ömrünün kitabını varaqlayır son kərə.
Birinci səhifədə - südəmər uşaqlığı,
Dünya qayğılarından fikrinin uzaqlığı.
Taxtın qaşından tutub astadan yeriməyi,
Acanda ağlamağı, doyanda kiriməyi.
Anası Pərizadın ətəyindən tutmağı,
Atası saz çalanda özünü unutmağı.
OZAN DÜNYASI № 3(6), 2011
24
Yavaş-yavaş dil açıb danışmağı, dinməyi,
Qonşu uşaqlarına öyrəşib isinməyi.
Göy çəməni görəndə gülə heyran olmağı,
Öz-özündən xəbərsiz
Dünyasına, qəlbinə
Sözlərin süzülməyi, nəğmələrin dolmağı.
Axar suya baxanda axmağı, durulmağı,
Həyatı duya-duya həyata vurulmağı!
İkinci səhifədə - dəliqanlı gəncliyi,
Kükrəməyi, coşmağı, yorulmağı, dincliyi.
Ehtiyacla dostluğu, dərd ilə tanışlığı,
Ev-eşiyin qayğısı, payızlığı, qışlığı.
Bəylərə nökər olan,
Hər gün əlində qabar, yanağında tər olan,
O sitəmli çağları!
Sinəsində zamanın çalın-çarpaz dağları,
Göyçə çəmənlərində yarına gül verməyi,
Eşqə düşüb, söz deyib, yara könül verməyi.
Pul zoruna əlindən alınan səadəti,
İliyində, qanında
Səhnəbanı sevgisi, Səhnəbanı həsrəti!
Üçüncü səhifədə - şan-şöhrət, şərəfli ad,
Sözü peyğəmbər sözü, adı ən kamil ustad!
Dünya dərdi daşıyan el oğlu, el anası,
Xalq içində həyatı, həyatının mənası.
Məclislərin bəzəyi, ürəklərin işığı,
Müqəddəs bir sənətin ən gözəl yaraşığı,
Xalqın böyük şairi, elin böyük aşığı.
Ətrafında bir qoşun oğlu, qızı, nəvəsi,
Ürəyində dünyanın tükənməyən həvəsi.
Başdan-başa Qafqaza yayılan məğrur səsi,
Sinəsində, dilində incilər xəzinəsi!
Bir də ki, qocalığı!
Yaşanılmış bir ömrün
Beş-on illik qalığı!
Qocalıq gəldimi, əriyər insan,
Ruhu axşam-səhər bacalar gəzər.
Gözü yaşamaqda, özü yataqda,
Eşqi dağlar deyər, ucalar gəzər.
OZAN DÜNYASI № 3(6), 2011
25
Ayların, illərin keçər başından,
Qəlbi soyuq olar divar daşından.
Evin ortasında taxta qaşından
Körpə uşaq kimi güc alar gəzər.
Yersizdi dərmanı, dəvanı neylər,
Lap dərman olsa da havanı neylər.
Cavanlıq itirən cavanı neylər,
Gözü hara baxsa qocalar gəzər.
Dördüncü səhifədir –
Ömür adlı kitabın
Axırı da, sonu da!
Təbiətin hökmüdür,
Bir gün oxumalısan
Əzəl-axır onu da!
Kitabın lap sonunda,
O ölüm rəngindədir,
O əzrayıl yolunda.
Yox, hələ ustadımız
Bu yeri varaqlamaz.
O, həyat aşiqidir,
Bizi yasda saxlamaz!
O, hamının hikməti,
O, hamının sərvəti,
Doğmanındı, yadındı.
Gəlin, onu dinləyək,
Söz yenə ustadındı!
- Yaşadıq, gördük dadını,
Dünya buydumu, budumu?
Çox çağırdıq ustadını,
Dünya buydumu, budumu?
Fəsil-fəsil təzələnən,
Günəşindən köz ələnən,
Toyu, yası çözələnən
Dünya buydumu, budumu?
Dostları ilə paylaş: |
|
|