183
Spirt qıcqırmasının ikinci və köməkçi məhsulları;
Şərabın yetişdirilməsi prosesində yuxarıdakı iki qrup
maddələrdən əmələ gələn maddələr, yalnız onlar çoxlu şərab
tiplərində təkrar olunmayan buket formalaşdırırlar.
İylərin bir neçə təsnifatı mövcuddur. MDB ölkələrində Kroker
və Hendenson təsnifatı qəbul olunmuşdur ki, buna görə bütün iylər
dörd əsas qrupa bölünür:
Çiçək – vanil çiçək ətrinə yaxın;
Turşu – karbonat turşusu iyi;
Yanıq iyi - qovrulmuş kofe;
Kapril –turşumuş yağ.
İylərin digər təsnifatı 9 qrupu əhatə edir: heyvan, balzam,
meşə, kimyəvi, ədviyyat, çiçək, empizeomatik meyvə və bitki.
Bəzi ən yaxşı şərab markalarının ətri baza iy qrupları
çərçivəsinə sığmır. Ona görə də buketin qiyməti çiçək, qoz və s.
ətirlərlə asossasiya edilir və buketdə üstünlük təşkil edən ətir
ayrılır. Dequstasiya təcrübəsində elə hallara təsadüf olunur ki, bu
zaman bir-birini tamamlayan bir neçə iydən yeni ətir doğulur.
Dequstasiya prosesində şərabın ətir tipi, onun intensivliyi,
məcmusu, xüsusi çalarların olması, tipikliyi təyin olunur.
Şərabın əsas ətir tipləri. Aromatın keyfiyyət səciyyəsi üçün
standart şkala mövcud olmayıb, bu məqsədlə aşağıdakı ətir tipləri
fərqləndirilir.
Şərab – neytral üzüm sortlarından alınan natural şərabların
sadə ətri, spirt qıcqırmasının ikinci və köməkçi məhsulları,
xammalın uçucu maddələri ilə müəyyən olunur;
Üzüm giləsinin ətri – az oksdiləşən şərabların
texnologiyasına uyğun hazırlanan təzə natural şərablar üçün
səciyyəvi olub, üzümün sort xüsusiyyətləri yaxşı ifadə olunmuş
olur;
Çiçək – tarla çiçəklərinin zərif ətri, Fetyaska, Rislinq və b.
sortlardan alınan natural şərabların keyfiyyətinə uyğundur. Bəzi
desert şərablar (Ağ muskat, Çəhrayı muskat, Traminer) qızılgül
ətrinə malik olur;
184
Meyvə - bəzi natural və xüsusi tip şərablara xasdır. Albalı,
qara gavalı, yaxud qara qarağat ətri Kaberne, Bastarda Maqaraç
yaqutu sortlarından alınan qırmızı desert şərablar üçün
səciyyəvidir. Bəzi cənub desert şərabları heyva və yemiş ətrinə
malikdir. Sitrus ətri bəzi şərabçılıq rayonlarından alınan kəmşirin
və şirin muskat şərablarının buketində ayrılır. Ümumi meyvə ətri
yaxşı keyfiyyətli portveynləri səciyyələndirir. Bal – tokay tipli və
digər kəmdesert və desert şərablar üçün səciyyəvidir. Köhnə desert
şərablarda çox vaxt müxtəlif çiçək çalarları ilə bal tonu inkişaf
edir;
Muskat – Muskat üzüm sortlarından alınan natural və
desert şərablar qrupunun əsas ətir əlamətidir;
Mum – açıq qazanlarda qaynadılan şirədən istifadə
edilməklə hazırlanan tünd və desert şərablar üçün səciyyəvidir
(Malaqa, Marsala). Ağ natural şərablarda – tokay ətri güclü
oksdiləşmənin əlamətidir;
Madera – fenol maddələri ilə zəngin tünd şərabların
spesifik buketi olub, oksigen daxil olması ilə isti işləndikdə
meydana gəlir;
Xeres – pərdə əmələ gətirən mayaların həyat fəaliyyəti
nəticəsində natural və tünd şərabların özünəməxsus buketdir.
Şərabda eyni zamanda aldehid və asetatların miqdarının güclü
artımı baş verir;
Oksidləşmiş – qeyri harmonik, xoşagəlməz kəskin ətir,
natural şərabların havanın artıq oksigeni şəraitində qazandığı
xüsusiyyətdir.
İntensivliyə görə yüksəlmə ardıcıllığı ilə parlaq, güclü,
mötədil, zəif ətir fərqləndirilir. Güclü ətir Muskat, Traminer,
Fetyaksa, Kaberne və b. sortlardan alınan şərablarda, həmçinin
Madera, Marsala, Xeres tipli şərablarda olur. Nisbətən zəif ətrə
neytral üzüm sortlarından (Bakafor, Terbaş, Aliqote və b.) alınan
natural şərablar, yüngül tipli kəmşirin desert şərablar malikdir.
Ətrin məcmusu iy çalarlarının ümumi harmoniyası ilə
səciyyələnir. Bu baxımdan şərabın ətri ola bilir:
185
Məcmulu, harmonik - əgər iy çalarları vahid, bütöv
hissiyyat əmələ gətirirsə;
Mürəkkəb çox tərəfli ətir, bir neçə çalarları əhatə edir.
Butulkalarda yetişdirilən natural və desert şərablar üçün
səciyyəvidir;
Inkişaf etmiş – texnoloji dövriyyənin başa çatdığını,
şərabın optimal yetişmə dərəcəsini göstərir;
Yumşaq – isti, çox güclü olmayan, yüngül və kəmşirin
şərabların harmonik ətri, Rislinq, Muskadel, Kulcinski və b.
sortlardan alınan şərablara xas;
Sadə, ordinar - təmiz şərab, lakin natural və xüsusi tip
şərabların ifadə olunmayan ətri oksdiləşmə tonu ilə müşayət
olunur, dolayısı ilə xammalın keyfiyyəti yaxud texnoloji
əməliyyatların pozulması ilə bağlı ola bilər;
Xoşagəlməyən – adətən bu güclü, lakin spesifik çalarlarla
sadə ətirdir, (məsələn, “tülkü” tonu hibrid üzüm sortlarından
alınan şərabda təsadüf edilir);
Kəskin – güclü xoşagəlməyən ətir, o texnologiyanın başa
çatmamasını yaxud qüsurunu göstərir: şəkərin sona qədər
qıcqırdılmaması, uçucu turşuların yüksək miqdarı, başqa növ
qıcqırmaların getməsi nəticəsi olaraq yaranır;
Qeyri harmonik – sadə ətir, onu təşkil edən çalarlar ayrı-
ayrılıqda hiss olunur;
Kobud – oksdiləşən və peroksdləşən şərabların güclü ərti,
cecə yaxud daraqdan keçən tonlar olur;
Parçalanmış – xoşagəlməz, xəstə yaxud çox köhnə
şərabların qeyri- şərab ətri.
Ətirdə səciyyəvi çalarlar çox vaxt şərabın mənşəyi yaxud
şərabın hazırlandığı üzümün növünü göstərir (ətirli yaxud dərman
tonu vitis amurensis, “tülkü” tonu isə şərabın vitis labrusca
növündən alındığını göstərir). Ayrı-ayrı sortlar və şərab tiplərində
spesifik çalarlar olur ki, buda şərabın həqiqiliyinə dəlalət edir.
Məsələn, şeytan qabığı (Kaberne), süd qaymağı (Saperavi), qoz
(Madera, Xeres), çovdar qabığı (tokay, Pino Qri), darçın (Kaqor),
Dostları ilə paylaş: |