51
Mən XX əsrin 70-ci illərinin əvvəllərində Azərbaycan Tibb
İnstitutunun elmi şura iclasında Ümnisə xanımın alim böyük-
lüyünün, əsl insana xas olan xüsusiyyətlərinin, mərdi –
mərdanəliyinin daha bir ştrixini müşahidə etdim. İclasda o
vaxtkı səhiyyə nazirinin təkidi ilə Azərbaycanın daha bir yenil-
məz alimi - normal anatomiya kafedrasının müdiri, Azərbaycan
Respublikasında elmi anatomiyanın, unikal tədris muzeyinin və
tibbi terminologiyanın banisi professor Kamil Balakişiyevin
hesabatının dinlənilməsi məsələsi qoyulmuşdu və nazirlikdən
sızan məlumatlara istinadən ehtimal edilirdi ki, nazirliyin
nümayəndəsinin məqsədində hesabatdan sonra alimin nüfuzuna
xələl gətirmək, bununla da onu kafedra müdiri vəzifəsindən
kənarlaşdırmaq amilləri kimi məkrli niyyətlər dururdu. Mən
bunu böyük alim olan professor K.Balakişiyevin keçirdiyi daxili
iztirablı təlaşdan da hiss edirdim. O, işindəki qüsursuzluğunun
qüsuruna görə yox, ona qarşı aparılan məqsədyönlü haqsız
təzyiqlərə görə təlaş keçirirdi. Bu, hər bir mədəni, büllur kimi
təmiz qəlbli, vicdanlı insanın haqsızlığa qarşı verdiyi təbii cavab
reaksiyası idi.
Professor K.Balakişiyev iclasa getmək ərəfəsində stolların
üstünə düzdüyü kitablara baxaraq, sanki özü – özü ilə danışırmış
kimi dedi: “Məni yer üzündən silmək istəyirlər. Məni silə
bilərlər... Ancaq bunları (kitablarını göstərdi) silə bilmə-
yəcəklər”. Bu, alimin uzaqgörənliklə dediyi kimi də oldu...
Professor K.Balakişiyev elmi şura iclasına köməkçi işçi kimi
məni də aparmışdı. O vaxtkı texniki təchizat indiki səviyyədə
olmadığına görə professor K. Balakişiyevin unikal əsərlərini,
onun yaratdığı nadir tədris muzeyinin yazılı materiallarını, xarici
ölkələrin görkəmli alimlərinin, dövlət adamlarının alim
haqqındakı, eləcə də kafedra və muzey haqqındakı rəylərinə aid
sənədləri, tarixi foto - şəkillərə aid albomları (bu albomlar əl - əl
gəzdi və hamı özünü orada tapmağa çalışırdı) da elmi şura
üzvlərinə mən orijinalları göstərməklə nümayiş etdirirdim.
Həmin iclasda hesabat qurtaran kimi çıxışlar başlandı və bir
52
neçə alim söz alıb bəzilərinin gözləmədiyi halda professor
Kamil Balakişiyevin hesabatının əla qiymətləndirilməsini, onun
Azərbaycan SSR Elmlər Akademiyasına müxbir üzv seçilməsi
haqqında namizədliyinin irəli sürülməsini, Sosialist Əməyi
Qəhrəmanı adına layiq görülməsi üçün elmi şurada qərar
çıxarılmasını təkidlə tələb etdilər. Bu alimlərin ön cərgəsində
Ümnisə xanım Musabəylinin də fikirləri xüsusi yer tuturdu.
Onların tələbli təkliflərindən doğan gurultulu, sürəkli alqışlar
indi də qulaqlarımdadır. Obyektivlik naminə onu da qeyd etmək
istəyirəm ki, o zamankı rektor gözəl insan professor Zəhra
xanım Quliyeva da, bəzi kənar təzyiqlərə baxmayaraq, Mustafa
bəy Topçubaşov, Ümnisə Musabəyli, Zəhra Salayeva, Həmid
bəy Mahmudbəyov, Cahangir Abdullayev və başqa alimlər kimi
professor Kamil Balakişiyevin tərəfdarları sırasında idi. Mən
professor K.Balakişiyevin əvvəlki solğun titrək simasının
allandığını gördüm. O, fiziki cəhətdən bəstəboy olsa da, arxa-
sında duran görkəmli alimlərin sayəsində qat – qat böyümüşdü
və onun boyunun da, özünün də, sözünün də böyüklüyü artıq
iclas zalına sığmırdı. Bunu ona professor Ümnisə xanım Musa-
bəyli ilə yanaşı, onun gur səsinə səs verərək onu daha da
gücləndirən digər nüfuzlu alimlər bəxş etmişdilər. Mən ilk dəfə
öz – özlüyümdə, ürəyimdə Ümnisə xanıma və digər alimlərə
minnətdarlıq dolu təşəkkürlər etdim. O vaxtlar bunu nə Ümnisə
xanım, nə də digər elmi şura üzvləri cismən eşitməsə də, hiss
etməsə də, indi mən yenidən onların ruhu qarşısında bir daha baş
əyərək, ilk dəfə hamının eşidə biləcəyi səslə ona və onun kimi
obyektivlik tərəfdarı olan dəyərli alimlərə minnətdarlığımı
bildirirəm.
Ümnisə xanımın soyadı çox vaxt mənbələrdə Musabəyova
yazılsa da, tək mənə yox, çoxlarına məlumdur ki, o soyadını
özü sağlığında Musabəyli kimi təsdiq etdirərək “ov” şəkil-
çisindən bilərəkdən birdəfəlik imtina etmişdi və dünyaya sovet
alimi yox, Azərbaycan alimi olduğunu soyadı ilə də anlatmışdı.
Bu, milli qürura, azərbaycançılıq ideyalarına hörmət etməyə
53
çağırış, bəlkə də təlatümlü bir xeyirxahlıq “üsyankarlığı” idi.
Məncə bu belə idi... Bəli bu, “Ümnisə xanım üsyankarlığı” idi...
Mən onun xarakterinə bələd insan kimi buna əminəm!
Professor Ümnisə Musabəyli həyatdakı məğrurluğunu, qüru-
runu, yenilməzliyini həyatdan köçən anda da qoruyub saxladı.
Deyirlər ki, köklü ağaclar ömrünü başa vuranda əyilmədən,
sınmadan bütöv yıxılırlar. Ümnisə xanım da heç vaxt əyilmədi
sınmadı. Hər dəfə Ümnisə xanımdan söhbət düşəndə dərhal
yadıma ölməz şairimiz Mirzə Ələkbər Sabir Tahirzadənin
şeirinin bir parçası düşür və mənim gözlərimdə Ümnisə xanım
da şairin söylədiyi “Dəryada duran bir Qocaman Dağa”
bənzəyir. Bənzəyir və yaddaşımda da elə bu bənzərliyində qalır.
Çünki mənim fikrimcə, Sabir bu ifadələri tək özünə yox,
həmçinin mənəviyyatca onun özünə bənzər zənginliyə malik hər
bir bəşər övladına aid etmişdir və bu deyimdən şübhəsiz ki,
professor Ümnisə Musabəyliyə də böyük pay düşür.
M.Ə. Sabir deyirdi:
“Seylü təm oylə təməvvüclə alıb dövrü – bərim,
Bənzərəm bir qocaman dağa ki, dəryada durar!
Nə qəm, uğratsa da bir gün məni ifnayə zaman,
Mən gedərsəmsə məramım yenə dünyada qalar!”
“Məramı yenə dünyada qalan”lardan həm anadan olmasının
110 ili tamam olan ustad müəllimimiz Ümnisə xanım
Musabəyliyə, həm də belə dahiyanə mənalar daşıyan bəşəri
misralar müəllifi - 150 illik yubileyi dövlət səviyyəsində qeyd
edilən böyük şairimiz Mirzə Ələkbər Sabir Tahirzadəyə Allah-
dan rəhmət diləyir, ruhları şad olsun! – deyirəm.
Mübariz Allahverdiyev
ATU-nun Mətbuat xidmətinin rəhbəri,
“Ġnsan anatomiyası” kafedrasının professoru,
əməkdar müəllim , tibb elmləri doktoru.
Dostları ilə paylaş: |