- 46 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
SEVDA KƏRİMOVA
Naxçıvan Dövlət Universiteti
sevda_kerimova_70@mail.ru
UOT: 373
PEDAQOJİ PROSESİN QİYMƏTLƏNDİRİLMƏSİ
Açar sözlər: metod, interaktivlik, kefiyyət, qiymətləndirmə
Key words: method, interactive, quality, evaluation
Ключевые слова: метод, интерактивность, качество, оценка
Konseptual sənədlər toplusunu özündə cəmləşdirən kurikulumda pedaqoji prosesin
qiymətləndirilməsi mühüm əhəmiyyət kəsb edir. Burada bir çox istiqamətdə (müəllimlərin, məktəb
rəhbərliyinin, sinif rəhbərlərinin) iştirakçılarını fəaliyyətinin qiymətləndirilməsi reallaşdırılmalıdır.
Qiymətləndirmə dedikdə, təkcə təlimin əsas təşkilat forması olan dərsdə şagirdlərin diaqnostik,
formativ və summativ dəyərləndirmə ilə qazandığı nəticəni müəyyənləşdirmək mümkünsüzdür.
Müasir təhsil sisteminin qarşısında duran başlıca məqsəd hərtərəfli
inkişaf etmiş və humanist
keyfiyyətlərə sahib olan şəxsiyyət yetişdirməkdir. Buna nail olmaq üçün müəllimdən hər bir şagirdə
onun fərdi xüsusiyyətlərini və inkişaf səviyyəsini nəzərə alaraq yanaşmaq tələb olunur. Metodik
araşdırmalar zamanı məlum olur ki, müəllimin peşəkarlıq səviyyəsinin və pedaqoji fəaliyyətinin
qiymətləndirilməsi ilə bağlı müvafiq diaqnostikanın aparılmasına ehtiyac vardır.
Müəllim üçün müəyyən olunan peşəkarlıq səviyyəsinin qiymətləndirmə göstəriciləri üzrə
açıq dərslərin təhlili məqsədəuyğun sayılır. Təəssüflər olsun ki, müəllimlər özünü təhlil aparmağa,
metodik cəhətdən səbəb və nəticəni öyrənməyə lazımınca diqqət göstərmirlər. Çox vaxt tədris etdiyi
fənnin nəzəri əsaslarını mükəmməl bilməyi ilə kifayətlənən müəllimləri peşəkarlıq səviyyəsinin
qiymətləndirmə göstəricilərindən məlumatı olmadıqları üçün uğur qazana bilmirlər. Pedaqoji
prosesdə iştirak edən tərəflərdən biri kimi müəllimin fəaliyyətini qısaca xarakterizə etdik. Aydın
oldu ki, kurikulumun tətbiq olunduğu vaxtdan keçən müddət ərzində müəllim özünüqiymətləndirmə
aparmaqla peşəkarlığını inkişaf etdirə bilər. Eyni qaydada pedaqoji prosesin digər iştirakçılarının
funksiyaları onlara aydın olmalıdır. Bu baxımdan məktəb rəhbərliyinin pedaqoji fəaliyyətinin
qiymətləndirilməsi xüsusi maraq doğurur.
Məktəb rəhbərliyinin fəaliyyətinin qiymətləndirilməsində əlavə olaraq onun təhsil
qanunvericiliyinə və müasir təlim texnologiyalarına yiyələnmə səviyyəsi, bunları öz işində tətbiq
etmə bacarığı, şəxsi keyfiyyətləri mütləq başlıca dəyərlər olaraq nəzərə alınmalıdır. Son illər
məktəbdə pedaqoji prosesin keyfiyyətinin yüksəldilməsində sinif rəhbərinin fəaliyyətinin
yüksəlməsinə diqqət artırılır.
Təlim prosesində sagirdlərin qiymətləndirilməsi də mühüm əhəmiyyət kəsb edir. İnteraktiv
təlim metodlarının tətbiqi ilə keçirilən dərslərdə ənənəvi qiymətləndirmədən fərqli olaraq, burada
yeni qiymətləndirmə sistemi nəzərdə tutulur. Dərslərin qiymətləndirilməsi zamanı yalnız
informasiyanın mənimsənilməsi deyil, həm də cəmiyyətin həyatında fəal vətəndaş mövqeyi və
iştirakı üçün zəruri olan qabiliyyətlərin əldə edilməsi, habelə şagirdlərin faydalı bacarıqlara, əxlaqi
keyfiyyətlərə yiyələnməsi nəzərə alınır.
Müəllimlərin özünüqiymətləndirmə metodundan istifadəsi də müəllim çox müəllim üçün
cox faydalıdır; özünüqiymətləndirmə prosesi, məsələn, sorgu vərəqləri və anketlərinin doldurulması
formasında keçirilə bilər. Şagirdlərin öz fəaliyyətlərini qiymətləndirməsi çox vacibdir, belə ki, bu
onları öz davranışlarına yüksək məsuliyyətlə yanaşmağa sövq edir, onlara öz münasibətini düzgün
və qarşılıqlı anlaşma prinsipləri üzərində qurmağı öyrədir. Təhsildə qiymətləndirmə siyasəti:
islahatlar müsbət nəticələr vəd edir. Azərbaycanın ümumtəhsil məktəblərində şagird nailiyyətlərinin
qiymətləndirilməsi üçün dəqiq qiymətləndirmə standartlarının olması, şagird nəticələrinin obyektiv
- 47 -
qiymətləndirilməsi, müasir qiymətləndirmə metodlarından istifadəyə geniş yer verilməsi,
qiymətləndirmə nəticələrinin təhlilinin, müvafiq hesabatların aparılması mühüm əhəmiyyət kəsb
edir. Bu baxımdan Azərbaycanın təhsil sistemində son illər həyata keçirilməyə başlanmış islahatlar
sayəsində müəyyən uğurlu nəticələr əldə edilib. Təhsil sahəsində həyata keçirilən qiymətləndirmə
siyasətinin əsas istiqamətləri ölkənin ümumtəhsil sistemində beynəlxalq, milli və məktəbdaxili
qiymətləndirmə sisteminin hazırlanması və həyata keçirilməsini təmin etməkdən ibarətdir. Məhz
şagirdin orta təhsil üzrə nəticələri, eyni zamanda, onlara dərs deyən müəllimlərin, məktəb
rəhbərlərinin, yerli təhsili idarəetmə orqanının fəaliyyətinin qiymətləndirilməsində indikator rolunu
oynayır. Qiymətləndirmə təlim prosesini tamamlayan pillədir. O, təlimin səmərə və keyfiyyətini
yüksəltməyə, əks əlaqəni təmin etməyə, müəllim və şagirdlərdə məsuliyyət hissini artırmağa, təlimi
stimullaşdırmağa imkan verir. Hamı öz işinə verilən qiymətə qarşı böyük maraq və həssaslıq
göstərir. Şagirdlərdə isə bu maraq daha güclü olur.
Qiymət çox incə bir pedaqoji vasitədir: o, şagirdləri həvəsləndirə də bilər, ruhdan sala da
bilər. Hər şey qiymətin necə verilməsindən, onun ədalətli olub-olmamasından asılıdır. Müəllim
qiymət verərkən bəzi şərtləri gözləməlidir:
a) qiymət obyektiv, ədalətli olmalı, şagirdin faktiki bilik və bacarıq səviyyəsini düzgün əks
etdirməlidir. Qiyməti şişirtmək və ya "kəsmək", bu zaman əliaçıqlıq və xəsislik etmək eyni
dərəcədə zərərlidir: birinci halda uşaqlarda arxayınçılıq, ikinci halda isə inamsızlıq
baş verir;
b) verilən qiymət şagirdlər tərəfindən dərk olunmalıdır: müəllim qiyməti (rəqəmi) sadəcə
elan etməklə kifayətlənməməli, onu əsaslandırmalıdır. Yəni şagirdə nə üçün "2" və ya "3" ("4", "5")
aldığını sözlə xarakterizə etməlidir. Bu halda şagird öz nöqsanlarını başa düşər, müəllimi
ədalətsizlikdə təqsirləndirməz;
c) qiymətləndirmə zamanı şagirdin təkcə nəyi öyrənməsini deyil, həm də necə öyrənməsini -
şüurlu, yoxsa mexaniki öyrəndiyini, materialı dərk etdiyini, yoxsa əzbərlədiyini nəzərə almaq
lazımdır. Bu, əzbərçiliklə mübarizədə, şagirdlərin təlimə şüurlu yanaşmalarında mühüm rol oynayır;
ç) qiymətləndirmədə şagirdin təlimdə, dərs boyu fəaliyyəti nəzərə alınmalıdır. Təkcə keçmiş
mövzuya görə qiymət verdikdə şagird arxayınlaşır və dərs boyu fəallıq göstərmir. Bunu nəzərə alıb
bir çox müəllimlər qiyməti dərsin sonunda (şagirdin dərsdəki fəaliyyəti əsasında) elan edirlər.
Qiymətləndirmənin əsas məqsədi təlim və tədris prosesini istiqamətləndirməkdir.
Qiymətləndirmənin nəticələrindən təhsilin səviyyəsini yüksəltmək, əldə olunmuş nailiyyətlər
haqqında məlumat toplamaq, müəllimin, şagirdin, kurrikulum uğurlarını müəyyən etmək, şagird
nailiyyətlərini
müqayisə
etmək
üçün
istifadə
olunur.Ənənəvi
olaraq
şagirdlərin
qiymətləndirilməsində onların əldə etdikləri bilik, bacarıq və vərdişlər götürürlür. Bunların
qiymətləndirilməsi üçün istifadə olunan əsas formalar yoxlama yazı işləri və şifahi cavablardır.
Ənənəvi təhsildə iki qiymət növü var: cari və yekun qiymət. Cari (gündəlik) qiymət ayrı-ayrı mövzu
və bölmələrin şagird tərəfindən mənimsənilməsini yoxlayır. Yekun qiymət isə tədrisin nəticələrini
ümumiləşdirir. qiymətləndirmə daha çox kəmiyyətcə aparılır. Yeni qiymətləndirmə sistemi şagirdin
yalnız biliyinin qiymətləndirilməsini nəzərdə tutmur. Yeni sistemdə şagird nailiyyətlərinin
qiymətləndirilməsi, biliklərə yiyələnmə qabiliyyəti, onlardan istifadə etmək, nəticə çıxarmaq
bacarığı haqqında məlumatların toplanması və təhlili prosesidir. Şagird nailiyyətlərinin
qiymətləndirilməsində məqsəd şagirdin irəliləyişlərinin (eləcə də geriləmələrinin) izlənilməsi və
nəticələrinə əsasən təlim prosesində qərarların qəbul edilməsi və bu nəticələr barədə valideynlərə
informasiya verilməsidir.
Yeni qiymətləndirmə sistemində yalnız şagird nailiyyətləri (onlar nəyi bilir, bacarır və ya
nəyə qadirdir) deyil, həmçinin bu nailiyyətlərə çatmaq üçün şagirdin fəaliyyəti (şagird necə öyrənir,
düşünür, davranır) qiymətləndirilir.
Şagird nailiyyətlərinin qiymətləndirilməsi çox geniş və əhatəli prosesdir. Bu proses sadəcə
şagirdin nail olduğu təlim nəticələrinin səviyyəsini müəyyənləşdirməyə deyil, bütövlükdə təhsilin
keyfiyyətinin yüksəldilməsinə xidmət edir. Başqa sözlə, qiymətləndirmə keyfiyyəti idarə edən
mühüm bir amil kimi meydana çıxır Qiymətləndirmə ilk növbədə uşaqda müsbət emosiyalar
yaratmalıdır. Fəal (interaktiv) təlimdə müəllim ən çox şagirdin səhvlərini deyil,
nailiyyətlərini vurğulamalı, cəzadan çox dəstək verməyə arxalanmalıdır. Qiymətləndirmə səhv