- 116 -
olunmuşdur. Dördbucaqlı ornamentlərin bəzək elementi olduğu xalçalardan isə Quba məktəbinin
“Quba”, “Qaraqaşlı”, “Qədim minarə”, Şirvanın “Qəşəd”, Bakı məktəbinin “Fındığan”, Gəncə
məktəbinin “Samux”, “Şadlı”, “Qədim Gəncə”, Qazax məktəbinin “Qaraçöp”, Qarabağın “Muğan”,
“Qaraqoyunlu”, Təbriz məktəbinin “Qaraca” və s. xovlu-xovsuz xalçalarını qeyd etmək olar.
Bu tipli naxışların yaranma dövrünə nəzər saldıqda dördbucaqlı elementlərin əkinçiliyin
yarandığı dövrdə (neolit e.ə. VII-VI min.) meydana gəldiyini müşahidə edirik. Kvadrat və
dördbucaqlı ornament formaları səpin metodundan əmələ gəlmişdir. Şumlanmış torpağa-şırımlara
toxumlar səpilərkən onlar hər biri dörd ədəd toxumdan – yəni dördbucaqlılardan ibarət olan şəbəkə
əmələ gətirir. Dördbucaqlı naxış forması da buradan yaranmışdır (4).
Haqqında bəhs etdiyimiz naxış motivinin yaranmasına təsir edən digər amil toxuculuğun
meydana gəlməsi ilə əmələ gəlmişdir. Bu xırda dördbucaqlılar şəbəkəsindən əmələ gəlmiş həsirlər,
parçalar sonradan, məhz yerlik-fon kimi dərk edilərək üzərinə vurulan naxışlar üçün əsas olur.
Beləliklə, burada da əkinçilikdə olduğu kimi dördbucağın yerlik, zəmin, özül kimi qəbul olunmasını
müşahidə edirik. Dördbucaqlı ornamentlərinin bədii-semantik mənasına gəldikdə isə onlar
dünyanın dördtərəfliliyini, həyatın dörd ünsürünü (su, hava, od, torpaq) və onların vahidliyini
bildirir. Bununla yanaşı, dördbucaqlı motiv bir rəmz kimi həmişə torpağı ifadə etmişdir.
ƏDƏBİYYAT
1. Dünyamalıyeva S.
Ornament
2. Əfəndi R. Azərbaycan dekorativ-tətbiqi sənəti 1976
3. Əfəndi R. Azərbaycan incəsənəti 2007
4. Əsədova X. Azərbaycan xalça naxışları, Bakı, 2010
5. Гусейнова М.A. Керамика Восточного Закавказъя эпохи поздней бронзы и раннего
железа XIV-IX вв. до н. э. Баку: Элм, 1989, 127 с.
6. Ghirshman R. Iran 1961
ABSRACT
Seyyare Sadiqova, Gunay Mammadova
CREATION PRINCIPLES AND MEANING OF SOME GEOMETRICAL ORNAMENTS
IN DECOR SYSTEM OF DIFFERENT ART SAMPLES OF AZERBAIJAN
Ornament is a pattern consisting of rhythmical elements distinguished with certain features.
In the course of history, ornament developed parallel with decriptive form and reflected religious,
social, philosophical outlook of the society becoming brief, distinct information system. Ancient
human regarded his imaginations about the structure of the world with certain signs. In the article,
it is explained how triangle and quadrangle ornaments emerged used in descriptive and decorative-
applied arts of Azerbaijan. At the same time it deals with the meaning of those patterns and the
place of application. The results of the researches carried out according to this theme was obtained
on the basis of following of material-cultural samples created by now.
РЕЗЮМЕ
ГюнаМамедова, Сайяра Садыхова
ПРИНЦИПЫ И СМЫСЛ НЕКОТОРЫХ ГЕОМЕТРИЧЕСКИХ УКРАШЕНИЙ В
ДЕКОРАТИВНОЙ СИСТЕМЕ РАЗЛИЧНЫХ ОБРАЗЦОВ ИСКУССТВА
АЗЕРБАЙДЖАНА
Орнамент - это узор, состоящий из ритмических элементов, которые различаются
некоторыми признаками. На протяжении всей истории параллельно с изобразительными
формами, орнамент развивается и превращается в краткую, понятную информационную
систему, отражающую религиозное, социальное и философское мировоззрение общества.
Древний человек передавал свои представления о строении мира посредством определенных
знаков. В статье поясняется появление треугольных и прямоугольных украшений, используемых
в изобразительном и декоративно-прикладном искусстве Азербайджана. Это относится и к
художественным особенностям, значениям и местам применения этих узоров. Украшения на
наших памятниках позволяют нам изучать как исторические, так и художественные
эстетические традиции нашей культуры и искусства. Результаты исследования на эту тему были
основаны на изучении многих образцов материальной культуры с древних времен по сей день.
NDU-nun Elmi Şurasının 27 fevral 2018-ci il tarixli qərarı ilə çapa
tövsiyyə
olunmuşdur. (protokol № 06).
- 117 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
AMİL ƏSGƏROV
Naxçıvan Dövlət Universiteti
UOT:78
NAXÇIVAN “DƏDƏ QORQUD” QƏHRƏMANLARININ
ƏSAS YAŞAYIŞ MƏSKƏNİDİR
Açar sözlər: “Kitabi Dədə Qorqud” dastanları, dastanların tədqiqatçıları (Akademik
İ.Həbibbəyli, Professor S.Babayev), dastanın Naxçıvan bölgəsilə bağlılığı, Sədərək və Şərur
toponimləri, Qazançı və Əlincə qalası, Qaraca çoban sürəti
Key words: "Kitabi - Dada Gorgud" epos, researchers of saga (Academician I.Habibbayli,
professor S.Babayev), connection of epos with the Nakhchivan region, Sadarak and Sharur
toponyms, Kazanchi and Alindje fortress, Garadja shepherd image
Ключевые слова: Легенды «Китави – Деде Горгуд», исследоватли легенд (Академик
И.Габиббейли, профссор С.Бабаев), связъ легенды с Нахчыванским регионом, Садаракские и
Шарурские топонимы крепостъ Казанчы и Алинджа, образ Гараджа чобан.
“Kitabi-Dədə Qorqud” Azərbaycan xalq ədəbiyyatının ən qədim yazılı abidəsidir (XI-XII
əsrlər). Kökləri mifoloji dünyagörüşünə gedib çıxan Dədə Qorqud dastanları XI yüzillikdə “Kitabi -
Dədə Qorqud” (“Oğuz tayfaları dilində Dədə Qorqud kitabı”) adı altında yazıya alınmışdır. “Kitabi-
Dədə Qorqud”un iki əlyazması (XVI əsrdə üzü köçürülmüş əlyazmaları) məlumdur. Bunlardan biri
Drezden nüsxəsi - alman şərqşünası F. fon Dits tərəfindən İstanbuldan Almaniyaya aparılmış və
Drezden şəhərinin kitabxanasına bağışlanmış bir müqəddimə və on iki boydan ibarətdir, digəri isə
Vatikan nüsxəsi - XX əsrin 50-ci illərində tapılmış bir müqəddimə və altı boydan ibarətdir.
Dastanın Drezden nüxsəsinin surəti Drezdendəki Kral Kitabxanasından alınıb 1972-ci ilin
avqustunda Bakıya gətirilib Azərbaycan Elmlər Akademiyasına verilib və Əlyazmalar İnstitutunda
daha təfsilatlı tədqiq olunmuşdur. Azərbaycan EA Əlyazmalar İnstitutunda “Dədə Qorqud”un
dünyada üçüncü əlyazma nüsxəsi hazırlanmışdır.
Dastanların əsas süjeti on iki boyda əks olunmuşdur. Dədə Qorqud boylarının əsas
mahiyyətini yurdun və xalqın qorunması, xeyir qüvvələri təmsil edən qədim oğuzların yadelli
işğalçılara - şər qüvvələrə qarşı ölüm-dirim savaşı, öz əhəmiyyətini indi də itirməyən bir çox əxlaqi-
didaktik görüşlər təşkil edir. Qəhrəmanlıq ruhu abidənin əsas qayəsini təşkil edir.
“Kitabi-Dədə Qorqud” dastanları XI-XII əsrlərdə və daha əvvəllər (islamın yayılmasından qabaq)
Azərbaycanda baş vermiş hadisələrlə səsləşir. Dastandakı hadisələrin əksəriyyəti Dəmirqapı Dərbənd,
Bərdə, Gəncə, Dərəşam, Əlincə, Qaradağ, Göyçə gölü, Qaraçuq dağı və s. yerlərdə cərəyan edir.
“Kitabi-Dədə Qorqud”u yazıya köçürən şəxs Dədə Qorqudu bu dastanların yaradıcısı, həm
də iştirakçısı kimi təqdim edir. Bayat elindən çıxmış bu bilicini oğuzun müşkül məsələlərini həll
edərək gələcəkdən belə xəbər verdiyini göstərir. Dastanın müqəddiməsində Dədə Qorqudun
Məhəmməd peyğəmbər zamanında yaşadığı qeyd edilir. Bəzi məlumatlara görə Dədə Qorqudun
məzarı Dərbənddə yerləşir. XIX əsr səyahətçilərinin əsərlərində bu fakta rast gəlmək olar.
Akademik İsa Həbibbəyli dastan haqqında yazır ki, “Dədə Qorqud” dünya miqyasında bədii
nəsr təfəkkürünün möhtəşəm abidələrindən biridir. Bu, “Dədə Qorqud” dastanlarını yaradan xalqın
epos təfəkkürünün bədii mükəmməlliyinin klassik nümunəsidir. Epos təfəkkürü isə bədii
fantaziyadan daha çox xalqın özünüdərkinin, sabit milli düşüncəsinin, torpaq və millət qavrayışının
dastan səviyyəsində ifadəsi deməkdir. Bu mənada “Dədə Qorqud” dastanları oğuz türklərinin,
Azərbaycan xalqının yurd və topraq andının manifestidir. Bu, ölkəsini, torpağını, millətini dərk
edən bir xalqın vətən və torpaq sevgisinin möhtəşəm oğuznaməsidir” [1].
Əlbəttə ki, Azərbaycan oğuzları geniş mənada əsas türk soylarından biri olduğu üçün “Dədə
Qorqud”un da ümumtürk oğuznaməsi hesab olunması təbiidir. Bununla yanaşı, türk dünyasının