25
Onun həyatında bəlkə də mən yoxam, amma onsuz mənim həyatım,
tərcümeyi - halım yoxdur.Əli Kərim hamıya xeyirxahlıq göstərməyə, kömək
etməyə hazır idi.Bununçün hamımız ona borcluyuq.
Əli Kərim yaxından tanıdıqları adamların çoxu haqqında lətifəyəbənzər
söhbətlər edərdi.Amma bu, istehza deyildi! Adamların unudulmaması üçün bəlkə
də bir bəhanə idi.Əli Kərim bəhanəsi! Belə zarafatcıl adam özü haqqında çıxış
etməkdən qaçardı.
Sizə qəribə görünməsin bu sözlər: Əli Kərim sağlığında deyə bilmədiyi
sözləri ölümündən sonra dedi.Sağlığında görə bilmədiyi işləri ölümündən sonra
gördü.Elə bilməyin, söz deməyə, iş görməyə cəsarəti çatmadı!M.Lermantov kimi o
da çoxlu kitab buraxdırmadan, A.Puşkin kimi heç bir xarici ölkədə olmadan vəfat
etdi.Aleksandr Blokun belə bir fikri var: «Gözəlliyin, qəribəliyin yanımızda
olduğunu biz çox gec başa düşürük».Mən-cə, bu, həmişə belə olmur.Daha doğrusu,
hamı üçün belə olmur.Əli Kərimin sağlığında ona olan məhəbbətimi
bildirmişdim.İndi heç bir hərəkətim üçün peşman deyiləm. «Əgər o sağ olsaydı,
mən belə edərdim» demirəm.Əgər Əli sağ olsaydı, sağlığındakı qədər onu
sevərdim! Çox yox, eləcə sağlığındakı qədər!
Kim Əli Kərim haqqında söz deyibsə - ürəkdən deyib.Az sözlə də olsa Əliyə
böyük məhəbbətini çatdırmaq istəyib.Yeqor İsayev deyib: «O vaxt mərhum Əli
Kərim də bizimlə oxuyurdu, gözəl şeirlər yazırdı.Əsl istedad idi».Başqa bir
görkəmli şair - Mustay Kərim Əli Kərimin vəfatını eşitdikdə təbiidir, dərindən
kədərlənib və deyib: «…Azərbaycan poeziyası mənimçün çox əzizdir, ona görə də
onun hər bir itkisi məni kədərləndirir.Lakin bu itkidə mənə təsəlli verən odur ki,
Əli Kərimin ardınca Azərbaycanın istedadlı gənc şairləri gedirlər».
Bu sözləri yazdım və yadıma düşdü ki, doğrudan da, Əli Kərim özündən
kiçiklər üçün heç vaxt köməyini əsirgəməyib.Bəziləri kimi onlara laqeyid
olmayıb.Yadıma düşdü ki, bəziləri, guya Əliyə canıyananlıq edib deyirdilər: «Ay
Əli, sən bu cavan yazanlara yaman üz vermisən.Əşi, qov onları, qoy get-sinlər,
sənə mane olurlar».Amma bilmirdilər ki, elə Əlinin canı cavanlarda-dır.Necə ki,
indi cavanlar onun qədrini bilirlər.
Əli Kərimi kim görübsə, mütləq ömürlük onun yaddaşına həkk olub.Təkcə
mənalı gözləri və sifəti ilə yox, «səhnələşdirdiyi» söhbətləri ilə.Doğ-rudur, bu
söhbətlərin bəzilərinin, necə deyərlər, Əli Kərimə dəxli yoxdur.Amma onları Əli
Kərim danışıb deyə, maraqlıdır, yaddaqalandır.
…Sumqayıtda Əli Kərimin «Ürək güzgüsü» pyesi tamaşaya
qoyulmalıydı.Rollar bölüşmüş, məşqlər gedirdi.Təbiidir, bu münasibətlə
Əli Kərim
tez - tez Sumqayıta gəlir, bəzən axşamlar da burada qalırdı.Bir neçə dəfə o, teatrın
aktyorları ilə yataqxanada qalıb.Hidayət Ələkbərov həmin günləri belə xatırlayır:
- Əli Kərim mənimlə bir otaqda gecələməli oldu.Söz yox, onun mənim
otağımda gecələməsinə sevinirdim.Amma Əli müəyyən səbəblərə görə bir qədər
narahat idi.O vaxtlar mən teatrda aktyor işləyirdim.Pyesin məşqləri zamanı biz
aktyorlar, nədənsə, fikirləşirdik ki, Əli Kərim filan yeri başqa cür yazsa, daha yaxşı
olar.
26
Demək olar, Əli Kərimə hərə öz bildiyi kimi «nəsihət» verirdi.Təəccüblü bu
idi ki,Əli Kərim qətiyyən bizə qarşı çıxmırdı.Nə təklif edirdilər, sakitcə
razılaşırdı.Başqası olsaydı, buna dözməzdi.Demə, o, aktyorların bu «nəsihət-ləri»,
özlərini necə aparmaları barədə gələcəkdə pyesə əlavələr etmək fikrinə düşübmüş!
Doğrudur, nəhayətdə Əli Kərim teatrın kollektivi ilə razılaşmadı və pyes
Sumqayıtda tamaşaya qoyulmadı…
O vaxtdan illər keçir.Çox hadisələr, çox adamlar yaddan çıxıb.Amma Əli
Kərimin söhbətlərini unutmaq olmur.Axşamlar gec yatardıq.Əli maraqlı söhbətlər
edərdi.Hamısı da dəqiq yadda qalıb.Əli Kərim danışırdı ki:
- Moskvada, Ədəbiyyat institutunda oxuduğumuz illərdə bir dəfə görüş
vardı.Azərbaycanlı şairlərdən də bir nəfəri çıxış etməliydi.Ona söz verilən kimi
sürəkli əl çaldıq.Çıxış edəcək şair də xitabət kürsüsündən başı ilə bizə razılığını
bildirdi.Görünür, onun hərəkətləri, ya da çıxışı dekanın xoşuna gəlməmiş-di…Ona
görə də həmin yoldaşı danladı: «Sən bizi biabır elədin, bu nə çıxış-dır?» Bizim şair
dostumuz ona nə desə yaxşıdır: «Bura bax, rədd ol bura-dan.Sənin heç Puşkinin də
belə alqışları görməyib».Məsələ burasındadır ki, biz ona zarafatla əl çalırdıq…
…Əli Kərimin «Ürək güzgüsü» pyesinin tamaşasına baxmamışam.Söh-
bətlərdən yadımda
qalan bu olub ki, lirik qəhərəman bütün əsər boyu çalışır, elə bir
ürək güzgüsü düzəltsin ki, o, insanların keçmiş günahlarını da göstərə bilsin.Ora
baxan kimi aydın olsun ki, sən keçmişdə hansı günahları işləmi-sən.Lirik
qəhrəman belə bir güzgü düzəldir.Amma indi ona birinci kim ürək edib baxacaq?
Axı, hərənin bir günahı var və istəmir ki, o günahdan başqaları da xəbər tutsun…
Etiraf edirəm, o vaxta qədər rəssam V.Polenovun «Xristos və günahkar
qadın» əsəri haqqında bir söz eşitməmişdim.Əli Kərimə isə elə gəlirmiş ki, kimsə
onu bu əsərdən təsirlənməkdə təqsirləndirə bilər.O bu əsər haqqında bizə
danışmaqla sanki başqalarına da bildirmək istəyirdi ki, elə bilməsinlər, ondan
Əlinin xəbəri yoxdur: «Ərinə xəyanət etmiş bir qadını yəhudi keşişləri Xristosun
yanına gətirirlər.Qaydaya görə həmin qadın daşla əzişdirilməliy-miş.Keşişlər
soruşurlar ki, bu qadına nə cəza verək, Xristos da deyir: «Sizin hansınızın günahı
yoxsa, qoy o qadına bir daş atsın».Xristosdan bu sözü eşi-dənlər hamısı geri
çəkilirlər.Belə çıxır, günahı olmayan adam yoxdur».
Əli Kərim çox oxuyub az yazan şairlərdən idi.Həm də onun «özünün» xüsusi
müəllifləri vardı.Elə bil o bu müəlliflərin əsərlərində başqalarının oxumadığı
yerləri oxuyurdu.Başqalarının görmədiyi yerləri görürdü.O, sevdiyi yazıçıların
əsərlərini oxumağa qeyri - adi mənəvi ehtiyac hiss edirdi.Dostu Altay Məmmədova
göndərdiyi teleqramın birində yazır: «Bu günlərdə Remar-kın kitabı çıxıb.Gələn
görüşlərədək.Öpürəm».Və yaxud Əli Kərim Kislovod-skda dincələrkən Altay
Məmmədova göndərdiyi teleqramda xahiş edir ki,ona kitab göndərsin.Əlbəttə, o,
Bakıya qayıdacağını da gözləyə bilərdi.Gözləyə bilərdimi? Gözləyə bilsəydi, belə
etməzdi…
Mən çox istərdim Əli Kərimin Altay Məmmədovla dostluğu barədə xüsusi
məqalə yazım.Bu dostluğa hansı bucaq altında baxırsansa bax, mütləq ülvi,ideal
hisslərlə qarşılaşacaqsan.Bu dostluq sənə kiminləsə dostluq etməkdə yol göstərər,
örnək ola bilər.Onların arasındakı dostluğu təmizliyinə görə nə büllur bulaqların