Nərəkimilər – dinozavrların həməsrləri
15
DİNOZAVRLARIN HƏMƏSRLƏRİ
Nərəkimilərdən olan balıqlar hazırda yaşayan onurğalı canlıların ən
qədimlərindəndir. Onların əcdadları hələ Yur dövründə dənizlərdə üzürdülər.
Onların izlərinə tabaşir çöküntülərində rast gəlinir. Məlum olan nərələrdən
ən qədimi – erkən Yur dövründən olan Xondrosteusdur. Onun qalıqla-
rı göstərir ki, demək olar, milyon illər ərzində nərələr heç dəyişməmişdir.
Qədim dövrlərdə yaranmalarına və primitiv morfoloji göstəricilərinə baxma-
yaraq, bu yaxınlara qədər nərəkimilər fəsiləsindən olan balıqlar Yerin demək
olar ki, bütün şimal yarımkürəsini əhatə edən geniş ərazidə yaşayırdılar.
Nərəkimilər fəsiləsindən olan balıqların yayıldığı ərazilər
Canlıların sistematikasında nərəkimilər fəsiləsindən olan balıqların möv-
qeyi:
Q.M.Palatnikov, R.Y.Qasımov
16
Tip:
Chordata (Xordalılar)
Yarımtip: Vertebrata
(Onurğalılar)
Sinif:
Pisces (Balıqlar )
Yarımsinif: Actytoperygil
(Şüapərlilər)
Üstdəstə:
Chondrostei (Qığırdaqlı qanoidlər)
Dəstə:
Acipenseriformes (Nərəyəbənzərlər )
Fəsilə:
Acipenseridae (Nərəkimilər )
Cinslər:
Huso (Ağ balıq – bölgə) 2 növ; Acipenseridae
(Nərələr ) 18 növ ; Scaphirhuncus
(Kürəkburunlar) 2 növ; Pseudoscaphirhuncus
(Yalançı kürəkburunlar) 3 növ
Kürəkburunlar Fəsiləsi: (Polyodontidae)
İki növ:
Kürəkburun (Polyodon spathula);
Psefur (Psephurus gladius).
NƏRƏKİMİLƏR FƏSİLƏSİ (ACİPENSERİDAE)
Nərəkimilər fəsiləsindən olan balıqlar keçici, yarım keçici və şirin su
balıqlarıdır; şimal yarım kürəsinin – Avropanın, Şimali Asiyanın və Şimali
Amerikanın sularında məskun laşmışlar. 4 növü məlumdur: ağ balıq – bölgə,
nərələr, kürəkburunlar və yalançı kürəkburunlar.
Nərəyəbənzər balıqlarla qığırdaqlı balıqların görünüşündə bir sıra ümu-
Nərə balığının başı
(aşağıdan görünüş)
mi xüsusiyyətlər vardır. Xarici görünüşcə də onlar bir
qədər köpək balıqlarına bənzəyirlər.
Nərəkimilər fəsiləsindən olan balıqların bədəni
milşəkilli, beş sıra sümük pulcuqlarla örtülmüş olur –
bir sıra kürəkdə, iki sıra yanlarda, qalan iki sıra da qarın
nahiyəsindədir. Sıralar arasında kiçik sümük dənəcik
və lövhəciklərl səpələnmişdir. Üzü uzunsov, konusvari
və ya kürəkşəkillidir. Ağız ətli dodaqlarla əhatə olun-
muş və başın aşağı hissəsində yerləşir, bəzi balıqlarda
ağızın ucları başın kənarlarına qədər çatır. Üzün aşağı
hissəsində eninə sırada 4 bığ yerləşir. Ağız qabağa çıx-
mış, dişsizdir, lakin körpələrdə zəif dişlər vardır.
Döş üzgəcinin ön şüası çox qalınlaşmış və tikana
çevrilmişdir. Kürək üzgəci geriyə çəkilmişdir. Üzmə qovuğu adətən yaxşı
Nərəkimilər – dinozavrların həməsrləri
17
inkişaf etmiş (bəzi nərəkimilərdə, məsələn, yalançı kürəkburunda, rudimen-
tar), qarın və bağırsaqlarla birləşmişdir. Daxili skeleti qığırdaqdandır, qa-
lın birləşdirici qılafl a örtülmüş bel teli (xorda) bütün ömrü boyu saxlanılır.
Fəqərələrin bədəni inkişaf etmir, amma alt və üst qövsləri mövcuddur.
Quyruq üzgəci köpək balıqlarında olduğu kimi heteroserkaldır.
Nərəkimilər fəsiləsindən olan balıqlarla sümüklü balıqlar arasında or-
taq cəhət onlarda kəllənin sümüklü örtüyüdür, başqa sözlə, kəllə beş sıra iri
sümük lövhəciklərlə (pulcuqlar) örtülmüşdür. Bu balıqlarda sümükdən olan
qəlsəmə qapağı və bağırsaqlara birləşən üzmə qovuğu da mövcuddur.
Sümüklü balıqlarda olmayan arxaik quruluş xüsusiyyətləri başqa milpərli
balıqlar arasında ən çox nərəkimilər fəsiləsindən olan balıqlarda müşahidə
olunur. Belə ki, oxvari skletin əsasını sümükləşməyən xorda təşkil edir; da-
xili skelet və xeyli dərəcədə daxili kəllə qutusu da qığırdaqdan ibarətdir, iri
üst pərli quyruq üzgəci heteroserkaldır. Bədənin üzərində qanoid pulların
rudimentləri sayılan sümük lövhəciklərdən “pulcuqlardan” ibarət beş eninə
sıra vardır. Qığırdaqlı balıqlarda olduğu kimi, nərəkimilər fəsiləsindən olan
balıqlarda da sufışqıran –qəlsəməli qapağın qırağında qəlsəməli dəliyə gedən
xüsusi dəlik qalmışdır. Ürəkdə arterial konus, bağırsaqlarda isə köpək balığı-
na bənzər balıqlarda olduğu kimi spiral klapan vardır.
Nərəkimilər fəsiləsinin nümayəndəsi – Kaluqa (Huso dauricus)
Bu əlamətlərə əsasən bəzi müəllifl ər belə hesab edirdilər ki, nərəkimilər
fəsiləsindən olan balıqlar qığırdaqlı balıqlara bənzəyən çox primitiv qrup-
durlar. Başqa sözlə, bu müəllifl ərin fi krincə, nərəkimilər fəsiləsindən olan
balıqlar sümüklü balıqlarla bir əcdaddan deyil, həm də köpək balıqlarının
törədikləri primitiv qığırdaqlı balıqlardan törəmişlər.
Belə müddəaların nəticəsi isə çox mübahisəli idi. Məhz nərəkimilər
fəsiləsindən olan balıqların sayı kəskin şəkildə azalmağa başladıqda, onların
Q.M.Palatnikov, R.Y.Qasımov
18
xilas edilməsi sualı qalxdı. Belə etirazlar səslənməyə başladı ki, əgər bu balıq-
lar primitivdirlərsə, onları xilas etməyə dəyməz, çünki onların məhv olması
təkamülün təbii bir prosesidir və onlar sadəcə, daha yüksək inkişaf etmiş
sümüklü balıqlarla rəqabətə davam gətirmirlər.
Lakin qazıntılar nəticəsində tapılmış və müasir balıqların müqayisəli anato-
mik təhlili nəticəsində akademik Berq və başqa alimlər əks fi kirlər irəli sürdülər.
Onların fi krincə, nərəkimilər fəsiləsindən olan balıqlarda primitiv əlamətlər
fetalizasiya, yəni inkişafın son mərhələlərinin ixtisarı və spesifi k adaptasiyala-
rın əldə edilməsi sayəsində qorunub saxlanılmışdır. Beləliklə də, nərəkimilər
fəsiləsindən olan balıqların qığırdaqlılarla müşahidə edilən oxşarlıqları ikinci
dərəcəli xarakter daşıyır və konvergensiya kimi qiymətləndirilə bilər.
Çökədən başqa nərəkimilər fəsiləsindən olan balıqlar uzun ömürlü ba-
lıqlardır. Müxtəlif hövzələrdə və çaylarda cinsi yetkinlik müxtəlif vaxtlarda
baş verir. Nərəkimilər fəsiləsindən olan balıqlar (cökədən başqa) hər il kürü
tökmürlər. Kürü tökdükdən sonra nəsil verən balıqlar çaylardan dənizə üzür,
inkişaf edir və yenidən çaylara kürü tökməyə gedirlər. Amma bu dəfə kürüləri
daha iri və sayca daha çox olur. Adətən nərəkimilər fəsiləsindən olan balıqları
ləng böyüyən və gec yetkinliyə çatan balıqlara aid edirlər. Lakin nərəkimilər
çəkilərinin artım sürətinə görə ən tez böyüyən balıqlar sırasındadırlar.
Əgər onlar cinsi yetkinliyə başqa balıqlara nisbətən gec çatırlarsa, böyük
ölçüləri (cökədən və kürəkburunlardan başqa) cinsi inkişafda geri qalmanı
kompensasiya edir. İri ölçülü növlərdə (uzunburun, nərə, bölgə) cinsi yetkin-
lik erkəklərdə 5-13 yaşlarından 8-18 yaşlarına qədər, dişilərdə isə 8-12 yaşla-
rından 16-21 yaşlarına qədər olan dövrdə baş verir. Nərəkimilər fəsiləsindən
olan balıqlardan ən tez yetkinliyə çatanları Don və Dnepr çaylarına, ən gec
yetkinliyə çatanları isə Volqaya daxil olanlarıdır.
Kürü tökmə yaz-yay aylarında çaylarda nisbətən iti axında baş verir
(nərəkimilər fəsiləsindən olan balıqlar dənizdə kürü tökmürlər); nərəkimilər
fəsiləsindən olan balıqların kürüsü yapışqanlıdır, qaya parçalarına və çınqıl
daşlara möhkəm yapışır. Cökə və uzunburun balıqlarının kürü tökmək üçün
təsadüfi hallarda çaydan çaylağa çıxması da məlum olmuşdur.
Nərəkimilər fəsiləsindən olan balıqların sürfəsi (uzunburun)
Dostları ilə paylaş: |