şəraitdə toxunulmazlıqla təmin olunması şəklində şərh olunmalıdır
ki, bu da nümayəndəlik tərəfindən onun toxunulmazlığından sui-
istifadə edilməsi hallarında hər hansı bir
repressaliləri qeyri-mümkün
edir.
Nümayəndəliyin binasının toxunulmazlığı ilə bağlı yaranan
məsələlərdən biri də onun mühafizəsi problemidir. Binanın
mühafizəsinin təmin edilməsi yerləşmə dövlətinin öhdəliyidir. Nüma-
yəndəliyin mühafizəsinin təşkil olunmasının konkret qaydalarının və
həcminin müəyyən edilməsi onun səlahiyyətlərinə aiddir. Bu cür
mühafizənin həyata keçirilməsi üçün xüsusi polislərdən və ya hərbi
hissələrdən istifadə olunur. BMT-nin Baş katibinin 1971-ci ildə
hazırladığı “Beynəlxalq hüquq icmalı” adlanan sənəddə deyilir
ki,”yerləşmə dövləti hücum, basqın haqqında qabaqcadan məlumata
malikdirsə və ya tam əsaslı olaraq həmin basqının mümkünlüyünü
görə bilirsə, başqa şəraitdə qəbuledilməz hesab olunan tədbirlərin
(məs., xüsusi mühafizə) görülməsi vacibdir ”.
Onu da qeyd edək ki, repressalilər nümayəndəliyin binasına
zorla daxil olmaq deyil, digər
formalarda, məsələn, binanın mü-
hafizəsinin götürülməsi və s. formalarda da həyata keçirilə bilər.
Problem repressalilərin tətbiq olunması məsələsinin özündə deyil,
daha çox onun adekvat tətbiqindədir.
Repressalilərin tətbiq olunmasının qadağan edilməsi adətən
beynəlxalq müqavilələrdə xüsusi qeyd olunur və Konvensiyada
bunun qeyd edilməməsi onun tətbiqi imkanını istisna etmir.
Praktikada diplomatik nümayəndəliklər bir cox hallarda
onların fikrinə görə aşırı təşkil olunmuş və ya kifayət qədər yetərli
olmayan mühafizədən şikayət edirlər. Nümayəndəliyin mühafizəsinin
təmin olunması ilə yanaşı, nümayəndəliyin normal fəaliyyət
göstərməsi üçün lazımi şəraitlə təmin etmək də yerləşmə dövlətinin
öhdəliyi olduğu üçün yerləşmə dövləti bu iki öhdəliyini uzlaşdıraraq
həyata keçirməlidir.
Diplomatiya hüququnda repressalinin tətbiq olunmasının
mümkünlüyü Konvensiyanın 47-ci maddəsində nəzərdə tutulmuşdur.
Akkreditiv dövlət tərəfindən konvensiyanın pozulması halında
repressalilər qanunauyğun hesab olunduğuna görə Y.Q.Deminin fikri
ilə tamamilə razıyıq ki, akkreditiv dövlətin orqanı olan diplomatik
nümayəndəliklər tərəfindən
də bu müddəalar pozularsa, uyğun
repressalilər tətbiq olunmalıdır. Diplomatik praktikada bu məsələ ilə
bağlı çoxsaylı presedentlər mövcuddur.
Nümayəndəliyin binasının mühafizəsi öhdəliyi eyni zamanda
ona qarşı qeyri-qanuni əməllər törətmiş fiziki şəxslərin
cəzalandırılmasını və vurulmuş zərərin təzminatının təmin edilməsini
də özündə ehtiva edir.
Fransız hüquqşünası F.Kaye yazır ki, ”Hesab edirik bu cür
istisnalar zəruridir. Binada yanğın baş verdikdə və nümayəndəliyin
başçısını tapmaq mümkün olmadıqda; orada hazırlanan cinayət
haqqında məlumat olduqda; əgər nümayəndəlik yerli hökumət
əleyhinə hazırlanan təxribatçılıq fəaliyyətinin mərkəzinə çevrilirsə. . .
əgər nümayəndəlik yerli qanunlara hörmət etmirsə. . . və ya, əgər bu
son dərəcə zəruridirsə yerləşmə dövləti müdaxilə etmək
hüququna
malik olmalıdır; nümayəndəliyin binası onun funksiyaları ilə uyğun
olmayan məqsədlərdə istifadə olunduqda da eyni hal keçərlidir ”
1
.
Kaye belə hesab edir ki, yerləşmə dövlətinin bu cür müdaxilə etmək
hüququ BMT Nizamnaməsinin 51- ci maddəsində təsbit olunmuş
dövlətlərin qanuni özünümüdafiə hüququndan irəli gəlir.
Konvensiyanın 22-ci maddəsi binanın toxunulmazlığı ilə
yanaşı, buradakı avadanlıqların, həmçinin nümayəndəliyin nəqliyyat
vasitələrinin də axtarış, müsadirə həbs və icra hərəkətlərində immu-
nitetini müəyyən edir (3-cü bənd).
Diplomatik nəqliyyat vasitələrinin immuniteti Konvensiyanın
iki maddəsi ilə müəyyən olunur. 22-ci maddə ilə yanaşı, 30-cu
maddənin 2-ci bəndi diplomatik agentin əmlakının toxunulmazlığını
müəyyən edir ki, buraya, həmçinin onun nəqliyyat vasitələrini də aid
etmək olar.
Qeyd edək ki, özünümüdafiə tezisi o zaman özünü doğrultmuş
olar ki, nümayəndəlik binasından yerləşmə dövlətinə qarşı təcavüz
məqsədlərilə istifadə olunsun.
157
Konvensiya nümayəndəliyin və diplomatik agentlərin
nəqliyyat vasitələrini bir birindən fərqləndirmir. Diplomatik
nəqliyyat vasitələri dedikdə diplomatik
nümayəndəlik, onun
əməkdaşları və onların ailə üzvlərinə məxsus olan, onlar tərəfindən
icarəyə götürülən və ya onların istifadəsinə verilən istənilən nəqliyyat
vasitələri nəzərdə tutulur. Bütün diplomatik nəqliyyat vasitələri ax-
1
Cahier Ph. Le droit diplomatique contemporain. – Geneva – Paris,
1962. - P. 203.
156
tarış, müsadirə, həbs və icra hərəkətlərindən azad olunur.
Diplomatik nəqliyyat vasitələri axtarışa və yerli hakimiyyət
orqanları tərəfindən nəzarətə məruz qala bilməz. Əgər diplomatik
maşında diplomatik yük daşınırsa o, nəzarətdən azad olunmur, belə
ki, diplomatik yük maşının ayrılmaz hissəsi deyildir və Konvensiya
diplomatik yüklərin gömrük nəzarətindən azad olunmasını nəzərdə
tutmur.
Hüquqi cəhətdən diplomatik nəqliyyat
vasitələrindən istifadə,
əgər bunun hüquq pozuntusuna yol açma ehtimalı varsa müəyyən
hallarda məhdudlaşdırıla bilər (məs., diplomatın içkili vəziyyətdə
maşın sürməsinin qarşısını almaq məqsədilə onun maşını polis
tərəfindən müvəqqəti saxlanıla bilər).
Konvensiya yerləşmə dövlətinin diplomatik nəqliyyat
vasitələrini fiziki şəxslərin qəsdlərindən qorumaq öhdəliyini
müəyyən etməmişdir.
Diplomatik nəqliyyat vasitələri xüsusi nömrə nişanlarla təmin
olunur ki, bu da onların mühüm atributudur.
5.3.2. Arxiv və sənədlərin toxunulmazlığı
Nümayəndəliyin immunitet və imtiyazlarının ikinci əsas növü
– onun arxiv və sənədlərinin toxunulmazlığıdır. Bu norma da mütləq
xarakter daşıyır. Nümayəndəliyin arxiv və sənədləri istənilən zaman,
yerindən asılı olmayaraq toxunulmazdır (maddə 24). Bu toxunul-
mazlıq diplomatik münasibətlərin kəsilməsi
və hətta kontragent
dövlətlər arasında silahlı münaqişə vaxtında belə qüvvədə qalır.
“Arxiv” anlayışına Konvensiyanın özündə açıqlıq gətirilmir.
Yeri gəlmişkən, 1963-cü il Konsul əlaqələri haqqında Vyana Kon-
vensiyasında “arxiv” anlayışını təşkil edən predmetlərin siyahısı ver-
ilmişdir. Lakin informasiya sahəsində müasir inkişaf sürətini nəzərə
alaraq bu predmetlərin konkret siyahısını vermək onun
məhdudlaşdırılmasına gətirib çıxara bilər. Bu baxımdan arxiv dedikdə
informasiyanın istənilən daşıyıcıları nəzərdə tutulmalıdır.
Arxiv və sənədlərin “ yerlərindən asılı olmayaraq “ toxunul-
mazlığı onların bu və ya digər səbəbdən nümayəndəliyin ixtiyarında
olmadığı hallarda belə immunitetini təmin edir.
“Sənədlər” dedikdə birbaşa arxivə aid olmayan cari sənədlər
nəzərdə tutulur.
Arxiv və sənədlərin toxunulmazlığı, həmçinin binanın
toxunulmazlığı və diplomatik poçtun toxunulmazlığı prinsipləri ilə də
təmin edilir.
“Toxunulmazlıq” anlayışı yerləşmə dövlətinin bir tərəfdən,
arxiv və sənədləri öz hakimiyyət orqanlarının hər hansı təsirindən,
digər tərəfdən arxiv və sənədləri fiziki şəxslərin qəsdlərindən qoru-
maq öhdəliyini nəzərdə tutur. Yerləşmə dövləti
bu və ya digər vasitə
ilə onun əlinə keçmiş arxiv və sənədləri məhkəmə təhqiqatında və ya
digər rəsmi məqsədlərlə istifadə etməməli, onu nümayəndəliyə geri
qaytarmalıdır.
Praktikada bir çox hallarda yerləşmə dövlətinin əlinə keçən
nümayəndəliyin kəşfiyyat xarakterli sənədlərinin rəsmi məqsədlərlə
istifadə olunmasına dövlətin təhlükəsizliyi baxımından haqq
qazandırmaq cəhdləri olunur. Hüquq ədəbiyyatlarında belə hallara
birmənalı yanaşılmır. Konvensiyanın məzmununa əsasən isə kəş-
fiyyat xarakterli sənədlər nümayəndəliyin sənədləri kimi nəzərdən
keçirilməməlidir. Bu cür sənədlər nümayəndəliyin Konvensiya ilə
müəyyən olunmuş funksiyalarının həyata keçirilməsi ilə bağlı
fəaliyyətilə əlaqəli ola bilməz. İmmunitet və imtiyazlar isə
nümayəndəliyin funksiyalarının effektli həyata keçirilməsi məqsədilə
verildiyi üçün kəşfiyyat xarakterli
sənədlərə onlar şamil olun-
mamalıdır.
Konvensiyanın 27-ci maddəsinin 2-ci bəndinə əsasən nü-
mayəndəliyin rəsmi korrespondensiyası da toxunulmazdır. ”Korre-
spondensya” dedikdə nümayəndəlikdən çıxan və ya ona daxil olan
bütün yazışma və məktublaşmalar nəzərdə tutulur.
5.3.3. Nümayəndəliyin vergi və gömrük imtiyazları
Nümayəndəliyin digər növ üstünlüyü vergi imtiyazlarıdır.
Doktrinalarda o, adətən, fiskal immunitet adlanır. 1961-ci il Konven-
siyasının 23-cü maddəsinə əsasən, akkreditiv dövlət və nüma-
yəndəliyin başçısı, konkret xidmət növlərinə görə vergi və rüsumlar
istisna olmaqla, nümayəndəliyin bütün binaları, o cümlədən, kirayə
alınmış binalara münasibətdə hər cür vergi və rüsumlardan azad ol-
unur.
Bu, missiyanın başçısı və ya onun hökuməti
ilə müqavilə
imzalamış şəxslərə şamil olunmur; bu səbəbdən müqavilədə qeyd olunur
ki, iqamətgah və missiya ilə bağlı olan istənilən ödəmələr və yığımlara
158
159