66
Əbülqasim Əlyan Nejadi
batinində yerləşdirilmişdir. Məsələn, həzrət Zəkəriyyə (ə) Allahdan
ona varis, vəli və canişin olacaq bir övlad bəxş etməsini istəyir və Allah-
taala da onun hacətini qəbul edərək Yəhyanı (ə) o həzrətə nəsib edir.
1
Onda, görəsən, Yəhya (ə) atasının sağlığında onun varis və canişinidir,
yoxsa, onun vəfatından sonra? Aydın məsələdir ki, atasının vəfatından
sonradır.
Bu məsələ əqli və ürfi bir məsələdir. Vəsiyyətnamə yazan və
özlərinə vəsi təyin edən kəslərin vəsisi, görəsən, onların ölümündən
qabaq vilayət və ixtiyara malikdir, yoxsa, bunlar ölümdən sonrakı
məsələlərə aiddir? Məlum məsələdir ki, Fəxri Razi də vəsiyyətnamə
yazaraq özünə vəsi təyin etmişdir. Belə isə, onun təyin etdiyi vəsi Fəxri
Razi həyatda ikən onun canişidir, yoxsa, ölümündən sonra?! Bundan
əlavə, dünyanın bütün hökmdarları özlərinə xəlifə və canişin təyin
edirlər, amma onların (canişinlərin) heç biri hökmdar həyatda olduğu
müddətdə qüdrətə malik olmur, əksinə ixtiyar və qüdrətə hökmdarın
vəfatından sonra yiyələnirlər.
Beləliklə, ayədəki “vilayət” sözü “rəhbər”, “ixtiyar sahibi” və
“ümmətə imamlıq etmək” mənasındadır və bütün bu mənalar
Peyğəmbərin (s) vəfatından sonra həzrət Əli (ə) üçün gerçəkləşərək
həqiqət tapır. Bundan əlavə, Peyğəmbərin (s) canişininin təyin
edilməsinin təkcə bu ayəyə məxsusluğu yoxdur, əksinə İslam
Peyğəmbəri (s) iyirmi üç illik peyğəmbərliyi ərzində həzrət Əlinin
(ə) xəlifəlik məsələsini təkrarən və dəfələrlə bəyan etmişdir və bunun
ilkin nümunəsi “Yəvmud-dar” (Ev günü) hadisəsidir.
Peyğəmbər (s) üç illik məxfi və gizli şəkildə təbliğdən sonra, öz
təbliğini aşkar formada həyata keçirməyə başladı və o həzrətin birinci
addımı Qüreyş böyüklərini ziyafətə dəvət etmək və ziyafətdən sonra
da onlara öz risalətini bildirmək oldu. O həzrət sonda belə buyurur:
ِﺮْﻣَْﻻا اَﺬـﻫ ﲆَﻋ ِنيُرِزاﻮُﻳ ْﻢُﻜﱡﻳَأ
“Sizin hansınız mənə bu mühüm və məsuliyyətli işdə kömək edər?”
Həzrət Əlidən (ə) başqa, heç kəs müsbət cavab vermədi və
Peyğəmbər (s) elə həmin məclisdə buyurdu ki,
ﻰّﻴ ِﺻَﻭ َﺖْﻧَﺍ
(əntə vəsiyyi)
-
sən mənim vəsim və canişinimsən. Peyğəmbər (s) həyatda olduğu və
yaşadığı müddətdə canişin və vəsini nə üçün istəyirdi?!
Nəticədə, bu cür iradların bəhanə axtarmaqdan başqa, digər bir
cavabının olmadığı aydındır.
1. “Məryəm” surəsi, ayə 5-6.
67
Yeddinci irad: Zəkatda məqsəd nədir?
Diqqət etdiyiniz kimi, “Vilayət” ayəsi barədə müxtəlif bəhanələr
meydana çıxmış və onu sözbəsöz, kəlməbəkəlmə sual altında qoymağa
çalışmışlar.
ﺎﻤّﻧﺇ
(innəma)
, ﹼﻰﻟﻭ
(vəliyy)
,
ﻥﻮﻌﻛﺍﺭ
(rakiun)
,
ﺓﺎﻛّﺰﻟﺍ
(əz-zəkat)
– kimi
sözlərin hamısına irad tutulmuş və barəsində sual verilmişdir. Fəxri
Razi və başqaları demişlər: “Ayədəki zəkatda məqsəd hansı zəkatdır?
Görəsən, vacib zəkatdır, yoxsa, müstəhəb zəkat?” Müstəhəb zəkat adlı
bir məsələ yoxdur, deməli, zəkatda məqsəd, hökmən vacib zəkatdır.
Əgər zəkatda məqsədin “vacib zəkat” olduğunu və digər tərəfdən də
“Ayə Əli ibn Əbu Talib (ə) barəsindədir.” – desək, onda, ziddiyyətə
düçar olmuş olarıq, çünki həzrət Əli (ə) iqtisadi və var-dövlət baxımdan
o həddə deyildi ki, ona vacib zəkat aid olsun. “Dəhr” (insan) surəsinin
nazil edilməsi barədə deyirdilər ki, həzrət Əli (ə) və ailəsi oruc
tutmuşdu və onların qapısına dilənçi gəldikdə, öz şam yeməklərini
ona verdilər və iftar üçün heç bir yeməkləri qalmadı və bu səbəbdən,
su ilə iftar etməyə məcbur oldular. Uzun sözün qısası, həzrət Əlinin (ə)
bir günlük yeməkdən başqa, əlavə yeməyi olmadığı halda, vacib zəkat
ona necə aid ola bilərdi ki, rüku halında onu (zəkatı) ödəsin?!
Cavab:
Bu iradın, daha doğrusu, bəhanənin cavabında
deyirik:
Birincisi,
İslamın nəzərində həm müstəhəb, həm də vacib zəkat
vardır. Zəkatın toplanması İslam Peyğəmbərinin (s) Mədinəyə
hicrətindən sonra həyata keçirilmişdir. Bununla yanaşı, Məkki
surələrdə də zəkat barəsində söhbət açılmış və Allah-taala insanları
zəkat ödəməyə təşviq etmişdir. Deməli, məqsəd müstəhəb zəkatdır,
çünki isalmi hökumət təşkil edilməyən zamana qədər vacib zəkat
toplanılmırdı.
Məkkədə nazil edilmiş həmin ayələrdən üçünə diqqət edin:
a)
Məkki surələrindən olan “Muminun” surəsinin 4-cü ayəsində
buyurulur
:
َنﻮُﻠِﻋﺎﻓ ِةﺎﻛﱠﺰﻠِﻟ ْﻢُﻫ َﻦﻳﺬﱠﻟاَو
“O kəslər (möminlər) ki, zəkat verirlər.”
Bu ayədə zəkatın ödənilməsi möminlərin xüsusiyyəti kimi
tanıtdırılır və surə Məkki olduğu və zəkat hökmü qanun şəklini
almazdan qabaq nazil edildiyi üçün onun müstəhəb zəkat barəsində
olduğunu anlayırıq.
b)
Möminlərin vəsfi barədə olan “Nəml” surəsinin 3-cü ayəsində
68
Əbülqasim Əlyan Nejadi
deyilir:
َنﻮُﻨِﻗﻮُﻳ ْﻢُﻫ ِةَﺮِﺧْﻻﺎِﺑ ْﻢُﻫَو َةﺎـﻛﱠﺰﻟا َنﻮُﺗْﺆُﻳَو َةﻮﻠ ﱠﺼﻟا َنﻮُﻤﻴِﻘُﻳ َﻦﻳِﺬﱠﻟا
“(Möminlər –) o kəslər ki, (vaxtlı-vaxtında və lazımınca) namaz
qılır, zəkat verir və axirətə möhkəm inanırlar (yəqin edirlər).”
“Nəml” surəsi də Məkki surələrdəndir və burada da zəkatda
məqsəd müstəhəb zəkatdır.
c)
“Rum” surəsinin 39-cu ayəsində belə buyurulur:
َنﻮُﻔِﻌ ْﻀُﻤْﻟا ُﻢُﻫ َﻚِﺌـﻟوُﺎَﻓ ِﻪﻠﻟا َﻪْﺟَو َنوُﺪﻳِﺮُﺗ ةﺎـﻛَز ْﻦِﻣ ْﻢُﺘْﻴَﺗآ ﺎـﻣَو
“Allahın razılığını diləyərək verdiyinizdən (zəkatdan) isə (mənfəət
götürəcəksiniz). Bunu edənlər mənfəətlərini qat-qat artıranlardır.”
Bu surə də Məkki surələrdəndir və ayədəki zəkatda məqsəd
müstəhəb zəkatdır.
Nəticədə, Qurandan əldə etdiklərimizə əsasən, həm vacib, həm
də müstəhəb zəkat vardır. Eyni zamanda, şiə fiqhində də bəzi mallar
vacib, bəziləri isə müstəhəb zəkata malikdirlər.
İkincisi,
Peyğəmbərin (s) ömrünün sonlarında nazil olan ayə
zamanındakı Əli ibn Əbu Talibin (ə) iqtisadi vəziyyətini “Dəhr” surəsi
nazil olan zamandakı vəziyyətlə müqayisə etmək düzgün müqayisə
deyil, çünki İslam Məkkədə yenicə yarandığı zaman, müsəlmanların
vəziyyəti ümumi halda münasib şəkildə deyildi və müsəlmanlarının
əksəriyyətinin iqtisadi vəziyyəti – xüsusən də, onların Məkkədə
iqtisadi mühasirədə olduğunu nəzərə alsaq – çox pis idi.
Amma İslam inkişaf etdikcə və onlar Məkkə müşriklərinin
caynağından yaxa qurtarıb Mədinəyə mühacirət etdikləri və iqtisadi
mühasirədən xilas olduqlarında, müsəlmanların iqtisadi vəziyyəti
yaxşılaşırdı, həmçinin, onlar əkinçilik və ticarətlə də məşğul olurdular
ki, bu da onların maddi durumunun yaxşılaşmasına təsir edirdi. Eyni
zamanda, döyüş qənimətləri hesabına onların iqtisadi vəziyyəti o
qədər irəlilədi ki, artıq Peyğəmbərin (s) mübarək ömrünün sonlarında
demək olar ki, müsəlmanların əksəriyyəti firavan həyat sürürdülər.
“Maidə” surəsinin Peyğəmbərin (s) həyatının sonlarında nazil
olduğunu nəzərə aldıqda, vacib zəkatın həzrət Əliyə (ə) də şamil
olmasını düşünmək mümkündür və biz həzrət Əlinin (ə) bu zamandakı
iqtisadi vəziyyətini – bütün müsəlmanlar demək olar ki, iqtisadi
baxımdan yaxşı vəziyyətdə idilər – “Dəhr” surəsinin nazil olduğu
zamanla (şiə etiqadına əsasən hicrətin əvvəlləri, ya da bəzi əhli-sünnə
mənbələrinə əsasən, hicrətdən qabaq) – qeyd edək ki, həmin zamanlar
müsəlmanlar çox çətin həyat sürürdülər – müqayisə etməməliyik.
Dostları ilə paylaş: |