75
oruclarını açmalıdırlar, çünki mərcəyi-təqlid bu məsələdə səhvə yol
vermişdir.
Nəticədə, təkcə məsumlara sorğu-sualsız və mütləq şəkildə itaət
etmək caizdir və qeyri-məsumlara itaət isə düzgün deyil. “Ulul-əmr”ə
itaəti mütləq şəkildə Allahın vacib etdiyini nəzərə aldıqda, onların
(“Ulul-əmr”in) məsum olduğu nəticəsinə gəlirik.
“Ulul-əmr” barəsində müxtəlif nəzəriyyələr
Əvvəldə qeyd etdiyimiz kimi, “Ulul-əmr”in təfsiri barəsində
müxtəlif nəzəriyyələr mövcuddur və biz onlardan bəzilərinə işarə
edirik:
1. “Ulul-əmr”də məqsəd cəmiyyətin hakim və rəhbərləridir
–
İslami cəmiyyətdə hər hansı bir şəkildə hakim olan və müsəlmanların
rəhbərliyini öz öhdəsinə götürən şəxslər “Ulul-əmr”dən hesab
ediləcəklər və onlara qeydsiz və şərtsiz itaət edilməlidir – hətta
onlar camaatın iradə və istəyinin ziddinə olaraq qılınc və zor gücünə
hakimiyyətə gəlsə və ən pis və fasiq insanlar olsalar belə. Nəticədə,
monqollar və Çingiz xan kimilər də əgər İslam cəmiyyətinə hakim
olsalar, onlara itaət etmək vacibdir.
Əhli-sünnə alimlərindən bir neçəsi bu nəzəriyyənin tərəfdarıdır.
Görəsən, sağlam əql və düşüncəyə sahib olan hansısa bir şəxs bu
sözləri qəbul edə bilərmi? Allah öz Peyğəmbərini (s) yer üzərində
ədalət və əmin-amanlığı bərpa etmək üçün göndərməmişdirmi?
1
Belə
olan halda, zalım bir şəxs necə Peyğəmbərin (s) canişini ola bilər və
əgər o, hökmranlıq etsə, ədalət aradan qaldırılmazmı? Ayədəki “Ulul-
əmr”in bu şəkildə təfsir edilməsi İslamın hansı ümidverici proqram
və planları ilə uyğun gəlir? Görəsən, bu sözləri deyənlər doğrudan da,
İslam cəmiyyətinə zorla və qılınc gücünə hakim kəsilən, bütün islami
dəyərləri ayaq altında qoyan, haramları halal edən və Allahın vacib
buyurduqlarını aradan aparan zalım, kafir və azğın bir şəxsin “Ulul-
əmr”dən olmasına etiqad bəsləyərək ona itaət edilməsinin vacibliyini
düşünürmü?!
Təəssüflər olsun ki, onların bu barədə cavabı müsbətdir və onlar
Müaviyyə və oğlu Yezid kimi insanları “Ulul-əmr”dən hesab etmişlər.
Kaş ki, heç bir müsəlman alimi ayəni bu cür təfsir etməyəydi!
2. Alimlərdən bəziləri yuxarıdakı əqidələri inkar edərək, “Ulul-
əmr”in məsum olması fikrindədirlər
– Bütün insanların səhv və
xətaya düçar olduğunu düşündükdə, “Ulul-əmr”dəki məqsədin
“bütün İslam cəmiyyəti” olduğunu söyləmişlər, çünki İslam ümməti
1. Bu barədə “Hədid” surəsinin 25-ci ayəsində söhbət açılmışdır.
76
Əbülqasim Əlyan Nejadi
ismətə malikdir və cəmiyyətdəki fərdlərin ayrılıqda xətakar olmasına
baxmayaraq, bütün müsəlman camaatının səhv və xəta etməsi mümkün
deyil. Nəticədə, Allah və Peyğəmbərə (s) itaət vacib olduğu kimi, İslam
ümmətinə də itaət etmək vacibdir. Bu nəzəriyyənin cavabında belə
deyirik:
Siz hansısa bir məsələdə bütün müsəlman ümmətinin düşüncə və
nəzərini necə əldə edə bilərsiniz? Həmin nəzəriyyəyə əsasən, bütün
müsəlmanların düşüncəsini ələ gətirmək lazım deyilmi? Ola bilsin ki,
cavabında “Bütün müsəlmanların ayrı-ayrılıqda nəzərini əldə etmək
lazım deyil, əksinə nümayəndələrin seçilməsi və onların icması və fikir
birliyi müsəlman ümməti üçün kifayət edər.” – deyilsin. Belə isə, biz də
soruşuruq ki, görəsən, (bütün müsəlmanların deyil,) nümayəndələrin
düşüncə və nəzərlərini əldə etmək mümkündürmü?
Həqiqətdə, isalmi ümmətin nümayəndələrinin belə, düşüncə və fikir
birliyini əldə etmək mümkün olası iş deyil. Bəlkə də, “Ümumiyyətlə,
fikir birliyinə ehtiyac yoxdur, bizim meyarımız əksəriyyətdir, hansısa
bir məsələdə İslam ümmətinin nümayəndələrinin əksəriyyəti
müsbət rəy versə, “Ulul-əmr” ünvanında ona itaət etmək vacibdir!”
– deyilsin. Görəsən, “Ulul-əmr”in mənası “İslam ümmətinin
nümayəndələri”dirmi?
3. Bəziləri bundan da irəli keçə və yadelli mədəniyyətlər
müqabilində ruh düşkünlüyünə düçar olaraq, “Ulul-əmr”in nümunə
və misdaqının “Qərb demokratiyası” olduğunu demişlər –
Görəsən,
bu cür təfsir və izahlar şəxsi düşüncə və nəzərə əsasən deyilmi?! Bu
məsələlər Qurana yeridilmək istənilən nəzəriyyələr hesab edilmirmi?!
Belə nəticə çıxarmaq Qurana diqqətsizlik və hörmətsizlik deyilmi?!
Bütün bunları bir kənara qoyaraq deyə bilərik ki, Qərb demokratiyası
işə yarayan bir şey deyil. Onların (alimlərin) özləri də etiraf edərək
qəbul edirlər ki, qərblilərin demokratiyası ideal deyil və məcburiyyət
səbəbindən ona pənah aparmışlar. Əgər hazırkı vəziyyətdə ona
sığınmasaydılar, onlar bundan da pis hala düçar olacaqdılar və zərəri
daha da azaltmaq məqsədi ilə ona əməl etmişlər. Yoxsa, hansı ağıllı
insan ölkə cəmiyyətinin yüz faiz təşkil edən əhalisindən əlli faizinin
seçkilərdə iştirak edərək iyirmi altı faizinin bir nəfərə və iyirmi dörd
faizinin isə digər bir nəfərə səs verməsini və nəticədə, iyirmi faiz rəyin
yüz faizə hakim olmasını qəbul edər? Görəsən, bu, ədalətdirmi?!
Özlərini Qərb demokratiyası müqabilində satan şəxslər Amerikanı
həmin məsələnin (demokratiyanın) beşiyi hesab edirlər. Xoşbəxtlikdən,
son zamanlarda Amerikadakı seçkilərlə bağlı yaranan rüsvayçılıq bu
cür demokratiyanın mahiyyət və həqiqətini bütün dünyaya aşkarladı.
77
Öz ölkə, idarə və şirkətlərini kompyuter sistemləri ilə idarə edənlər
beş-on mindən ibarət səsvermə vərəqələrini əllə, yoxsa, kompyuterlə
saymaq üstündə dava və mübahisə edirlər. Görəsən, belə mübahisənin
nə mənası var? Bir günlük vaxt aparacaq iş barəsində o qədər dava
və səs-küy qaldırdılar ki, onun səs-sədadı bütün dünyanı bürüdü. Bu
qəbildən olan məsələlər demokratiya iddiaçıları və millət öncüllərinin
özlərinə və təşkilatlarına etimad etmədiklərini nişan verir. Dünya
həmin seçkilərə gülərək rişxənd etməlidir. Tədqiqatçılar, xüsusən
də, Amerika demokratiyasını öz əməllərinin qibləsi hesab edənlər
həmin hadisələri çox diqqətlə araşdırmalıdır ki, onun əsil mahiyyəti
onlar üçün aydınlaşsın. Münsifanə şəkildə deməliyik ki, “Ulul-əmr”in
ayənin zahirinin əksinə olaraq “demokratiya” kimi təfsir edilməsi,
həqiqətdə, Qurani-Kərimə böyük zülmdür.
4. Şiə alimlərinin nəzərincə, “Ulul-əmr” məsum olmalıdır və hər
bir zaman və əsrdə bir nəfərdən artıq şəxs ola bilməz. Həmin şəxs
Peyğəmbər (s) zamanında həzrət Əmirəl-möminin (ə) idi və ondan
sonra da on bir nəfərdən ibarət olan imamlardır.
Əlavə izahlar:
a)
Qeyd edildiyi kimi, “Ulul-əmr” ayənin tələbinə uyğun olaraq
(Allah Peyğəmbər (s) və “Ulul-əmr”ə itaəti mütləq şəkildə vacib
etmişdir) belə şəxs məsum olmalıdır ki, ona sorğu-sualsız və mütləq
şəkildə itaət edilsin. Yəni, “Ulul-əmr” günah, xəta və səhvdən
sığortalanmış kəslər olmalıdır. Başqa bir ifadə ilə desək, “ismət”
mənəvi bir qüdrət və yüksək təqvadır ki, məsum olan şəxs ixtiyara
malik və məcbur olmamasına, həmçinin, günah edə bilmə imkanının
olmasına baxmayaraq, onun (üstün təqvanın) bərəkəti hesabına günah
və xətaya mürətkib olmur.
Təqvanın müxtəlif mərtəbələri vardır. Bir mərtəbəsi kəbirə (böyük)
günahlardan çəkinməkdir, əgər insan təsadüfən ona mürtəkib olsa belə,
dərhal tövbə edir. İkinci mərtəbəsi kəbirə (böyük) günahlara yanaşı,
səğirə (kiçik) günahlardan da çəkinmək və günaha düşdükdə dərhal
tövbə etməkdir. Əvvəlki iki mərhələdən üstün olan üçüncü mərhələdə
həm kəbirə və səğirə günhlar, həm də məkruhlardan (bəyənilməz
işlərdən) çəkinilir. Təqvanın mərtəbəsi bu minvalla, daha da yüksəlir
və nəhayət, günah və xətalardan amanda qalmağa səbəb olan “mütləq
ismət” mərtəbəsinə yetişir. Bəzilərinin güman etdiyi kimi, ismət cəbrin
(məcburiyyətin) bir növü deyil, əksinə təqvanın ən ali mərtəbəsidir.
b)
Məsum olan “Ulul-əmr” – onun şərhini verdik – bütün İslam
ümməti və ya İslam ümmətinin nümayəndələri, yaxud da onların
Dostları ilə paylaş: |