36
KÜVEYT DÖVLƏTİNİN ƏMİRİ
ƏLAHƏZRƏT ŞEYX CABİR ƏL-ƏHMƏD
ƏL-CABİR ƏS-SABAHA
Əlahəzrət!
Küveyt dövlətinin milli bayramı – Milli gün münasibətilə Sizi və Sizin simanızda bütün Küveyt xalqını
şəxsən öz adımdan və Azərbaycan xalqı adından ürəkdən təbrik edirəm.
Əminəm ki, Azərbaycan ilə Küveyt arasında yaranmış möhkəm dostluq, sıx əməkdaşlıq
münasibətlərini
xalqlarımızın iradəsinə uyğun olaraq inkişaf etdirmək üçün bundan sonra da səylərimizi davam etdirəcəyik.
Sizə möhkəm cansağlığı, işlərinizdə uğurlar, dost Küveyt xalqına əmin-amanlıq və tərəqqi arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı şəhəri,
12 fevral 2004-cü il
39
«AZƏRBAYCANDA 10 İLLİK HUMANİTAR FƏALİYYƏT: TƏSİR,
QAZANILMIŞ TƏCRÜBƏ, GƏLƏCƏK İSTİQAMƏTLƏR»
MÖVZUSUNDA BEYNƏLXALQ KONFRANSDA NİTQ
«Gülüstan» sarayı
17 fevral 2004-cü il
Hörmətli xanımlar və cənablar!
Hörmətli konfrans iştirakçıları!
Əziz qonaqlar!
Mən sizin hamınızı salamlayır və konfransa uğurlar arzulayıram.
Bu konfransın Azərbaycanda keçirilməsi ölkəmiz üçün çox mühüm bir hadisədir. Bu konfrans 10 il ərzində
görülən işlərə qiymət verəcək və eyni zamanda, gələcək perspektivlər haqqında təhlillər aparacaqdır. On il
ərzində görülən işlər göz qabağındadır. Təkcə onu demək kifayətdir ki, donor ölkələr, beynəlxalq humanitar
təşkilatlar, müxtəlif yerli və xarici şirkətlər bu istiqamətdə fəaliyyət göstərərkən 600 milyon
dollar səviyyəsində
humanitar yardım etmişlər. Bu çox böyük rəqəmdir, bunu hamımız bilməliyik. Əgər on il ərzində bu yardım
göstərilməsəydi, ağır vəziyyətdə yaşayan insanlarımız, xüsusilə, məcburi köçkünlər və qaçqınlar çox çətin
vəziyyətdə qala bilərdilər. Keçən il müxtəlif mənbələrdən bu istiqamətə 36 milyon dollar vəsait yönəldilmişdir.
Mən əminəm ki, bu ənənələr gələcəkdə də davam edəcəkdir.
Ermənistanın Azərbaycana qarşı təcavüzü nəticəsində, işğalçılıq, etnik təmizləmə siyasəti nəticəsində bir
milyondan artıq soydaşımız qaçqın və köçkün vəziyyətinə düşübdür. Əfsuslar olsun ki,
dünyada bu göstəriciyə
görə Azərbaycan, demək olar, yeganə ölkədir. Səkkiz milyon əhalinin bir milyonu qaçqın və köçkündür. Bu çox
böyük humanitar fəlakətdir. Əlbəttə, əgər bütün əlaqədar orqanlar, beynəlxalq humanitar təşkilatlar, Azərbaycan
dövləti bu
məsələ ilə ciddi məşğul olmasa, çətin vəziyyətdə yaşayan insanlarımızın vəziyyəti daha da ağır ola
bilər. Demək olar, onlar bu gün ən çətin vəziyyətdə yaşayan insanlardır. Ona görə mən hesab edirəm ki,
humanitar təşkilatların fəaliyyətinin öncül istiqaməti qaçqınlara və köçkünlərə göstərilən yardım olmalıdır. Bu,
keçmişdə də belə olubdur, bu gün də belədir. Azərbaycan dövlətinin də mövqeyi məhz belədir.
Heydər Əliyevin apardığı siyasətin nəticəsində Azərbaycanda böyük uğurlar əldə olunub, o cümlədən də
iqtisadi sahədə, sosial məsələlərin həllində. Amma Azərbaycan üçün ən ağır sosial məsələ qaçqınların və
köçkünlərin çətin vəziyyətdə yaşamasıdır.
Donor ölkələr, beynəlxalq humanitar təşkilatlar,
neft şirkətləri, yerli təşkilatlar bu istiqamətdə çox böyük
işlər görüblər. Mən Azərbaycan Respublikasının prezidenti kimi, bu işlərə görə dərin minnətdarlığımı bildirmək
istəyirəm.
Eyni zamanda, Azərbaycan dövləti də bu istiqamətdə işlər görür. Düzdür, 1993-cü ildə Azərbaycanda
yaranmış ictimai-siyasi vəziyyət, böhran, o cümlədən iqtisadi böhran dövlətin bu məsələ ilə lazımi səviyyədə
məşğul olmasına imkan vermirdi. Çünki xəzinə boş idi, Azərbaycanda müharibə gedirdi,
ölkə daxilində gedən
proseslər də bizə imkan vermirdi ki, Azərbaycanda iqtisadi islahatlar aparılsın. Yalnız Azərbaycanda ictimai-
siyasi sabitlik yaranandan sonra, 1996-cı ildən etibarən Azərbaycanda iqtisadi islahatlar başlandı və bu
islahatların nəticəsində ölkə qısa müddət ərzində iqtisadi baxımdan çox böyük uğurlara nail olubdur. Bu uğurlar
haqqında kifayət qədər danışılıbdır. Bunu iqtisadi göstəricilərimiz də təsdiqləyir.
Yeddi il ərzində ümumi daxili məhsulun orta illik artımı, təxminən, 10 faiz təskil edir. İnflyasiyanın
səviyyə-
si uzun illərdir ki, 2–3 faizdən yuxarıya qalxmır. Əhalinin pul gəlirləri ildən-ilə artır. Əminəm ki, gələcəkdə də
keçiriləcək islahatların nəticəsində, görülən digər tədbirlərin nəticəsində Azərbaycan iqtisadi cəhətdən çox güclü
ölkəyə çevriləcəkdir.
Beləliklə, yalnız və yalnız ölkədə maliyyə resursları yaranandan sonra dövlətimiz bu məsələyə daha böyük
diqqət göstərməyə başladı. Yəni imkanlar yarandı. Bilirsiniz ki, Azərbaycanda
Heydər Əliyevin neft strate-
giyasının nəticəsi olaraq yaranmış Neft Fondunda yığılan ilk vəsait məhz qaçqınların və köçkünlərin həyat
səviyyəsinin yaxşılaşdırılmasına yönəldilmişdir. Çünki bu bizim üçün öncül məsələdir. Bu insanlar sosial ba-
xımdan ən az müdafiə olunan insanlardır. Təbii ki, bu vəsaitlər, ilk növbədə, onların həyat səviyyəsinin yaxşı-
laşdırılmasına yönəldilmişdir. Bu gələcəkdə də belə olacaqdır.
Azərbaycan iqtisadi cəhətdən daha da güclənəcəkdir. Azərbaycanda aparılan
böyük işlər, neft strategiyasının
nəticələri yaxın zamanlarda özünü daha da çox göstərəcək və qaçqınların, köçkünlərin, digər aztəminatlı
insanların yaşayış səviyyəsini yaxşılaşdırmağa imkan verəcəkdir. Bu, bizim məqsədimizdir.
Azərbaycan bazar iqtisadiyyatı prinsipləri ilə inkişaf edən ölkədir. Azərbaycanda bazar iqtisadiyyatını təcəssüm
etdirən, demək olar ki, bütün amillər mövcuddur. Azərbaycanın ümumi daxili məhsulunun 74 faizi özəl sektorun