MÜHƏNDİS QRAFİKASI KAFEDRASI:
80
illik şərəfli yolun tarixi
101
Xalidə xanım öz qayğıkeşliyi, eyni zamanda tələbkarlığı ilə seçilən
müəllimlərdəndir. Eyni zamanda o, həm də davranışı və geyim tərzi ilə seçilirdi.
Həmin illərin dəbinə uyğun geyinməyi xoşlayırdı.
1960-ci ildə Xalidə xanım Bəhram Əmənulla oğlu ilə ailə həyatı qurur və
onların yeganə övladları Cəmilə dünyaya göz açır. Cəmilənin uşaqlıq illəri Qasım
İsmayılov küçəsində (indiki Zərgərpalan) keçib.
Xalidə və Cəmilə Cavadovalar
Bu küçə ilə ondan bir az kənarda
yerləşən Passaj bazarı arasındakı
məhəllələrdə tanınmış, öz yaradıcılıq
istiqamətlərini müəyyənləşdirmiş gənc
rəssamlar yaşayırdı. Tahir Salahovu,
Cahangir Abdullayevi, Əlibəy
Rzaquliyevi hər gün görmək, hərdən
onlarla salamlaşmaq, danışmaq balaca
Cəmilənin peşə seçiminin
formalaşmasına böyük təkan vermişdir.
Cəmilə orta məktəbdə oxuduğu
müddətdə artıq profesional səviyyədə
rəsmlər çəkməyi bacarırdı. Məktəbdə
və respublika səviyyəli sərgilərdə iştirak edirdi. Sinifdə kimin hansı ixtisası
seçəcəyi ilə bağlı söhbətlərdə Cəmilə birmənalı olaraq İncəsənət institutuna sənəd
verəcəyini və rəssam olmaq arzusunda olduğunu bəyan edirdi. O, 1989-cu ildə
Azərbaycan İncəsənət institutunun “Rəssamlıq” fakültəsinə daxil olur və 1995-ci
ildə oranı müvəffəqiyyətlə bitirir.
İbrahim Həbibov
102
Xalidə xanım peşəkar müəllim, metodist və mütəxəssisdir. Onun tələbələr
arasında böyük nüfuzu və hörməti vardır. O eyni zamanda öz ictimai fəallığı ilə
fərqlənir. Uzun müddət fakültəmizin həmkarlar ittifaqının sədri, fakültə Elmi
Şurasının üzvü və ADNA-nın Həmkarlar İttifaqının fəal üzvlərindən olmuşdur.
Onun gərgin əməyi SSRİ-in Neft Maşınqayırma və Kimya Nazirliyinin,
Azərbaycan Təhsil Nazirliyinin və ADNA-nın rektorluğunun Fəxri Fərmanları ilə
qiymətləndirilmişdir.
MÜHƏNDİS QRAFİKASI KAFEDRASI:
80
illik şərəfli yolun tarixi
103
PEŞƏSİNİN VURĞUNU, ÖVLADLARININ DOSTU, SEVİMLİ XANIM
Məlikova Sevil Həmid qızı
Xeyli müddət idi ki, mən Sevil xanımın
ünvanını və telefon nömrəsini axtarırdım. Hər dəfə
kafedra
əməkdaşları
mənə onun ünvanının
dəyişdiyini və telefon əlaqələrinin olmadığını
deyirdilər. Nəhayət 19 sentyabr 2012-ci il tarixində
Cahangir müəllim və Xalidə xanım mənə Sevil
xanımın telefon nömrəsini verdilər. Biz onunla
əvvəllər «Mühəndis qrafikası» kafedrasında birgə
çalışmışdıq. 1986-cı ildə mənim və 1996-cı ildə isə
Sevil xanımın kafedradan uzaqlaşması nəticəsində bizim əlaqələrimiz itmişdi. Eyni
zamanda Sevil xanımın kafedradan incikliyi bu uzaqlaşmanı bir az da
dərinləşdirmişdi. Buna baxmayaraq Sevil xanım həmişə mənim xatirimdə peşəsini
yaxşı bilən mütəxəssis, səmimi insan olaraq qalmışdır və ona böyük bacı, müəllim
hörməti və məhəbbəti bəsləyirəm.
Telefonun dəstəyini qaldıraraq ona zəng etməmişdən əvvəl fikirləşdim ki, o
giley-güzar edəcək və bizə olan inciklikdən danışacaq. Mən yanılmışdım, Sevil
xanım zəngimdən məmnun olduğunu, onu yad etdiyimizə görə minnətdarlığını
bildirdi. Zəngimin səbəbini ona danışdıqda çox sevindi və söz verdi ki, ondan asılı
olan bütün köməklikləri göstərməyə hazırdır. Bir neçə gündən sonra görüşməyə
qərar verdik.
İlahi! Həqiqətən də insanın xoş sözə, münasibətə və diqqətə böyük ehtiyacı
var. 22 sentyabrda Sevil xanımla görüşdük. Həyat yoldaşı Əli müəllimi uzun
müddətə tək qoya bilmədiyini deyərək evlərinə yaxın bir yerdə görüşməyi təklif
etdi. Ayna Sultanova parkı kimi tanınan bağda görüşdük. Boş skamyaların birində
əyləşdik və bir-birimizdən hal-əhval tutduq. Əlbətdə vaxt, zaman öz işini
görmüşdü, hər ikimizin yaşının üstünə illər əlavə olunmuşdu, lakin Sevil xanım öz
İbrahim Həbibov
104
şuxluğunu və yaraşığını saxlaya bilmişdi. Mənə bir dəftər və çoxlu sayda şəkilləri
uzadaraq dedi: «Bunları sənə etibar edirəm. Gənclik illərimin, ata və anamın,
bacılarımın şəkilləridir. Dəftərdəki yazı isə həyatda başıma gələnlərin bir
hissəsidir. Çox dərinə getmək istəmədim. Sənin kitabın üçün kifayət edər».
Məlikovlar ailəsi
Şəkilləri bir-bir mənə göstərərək hər biri haqda danışdıqca üzünün ifadələri
dəyişirdi. Bacı və qardaşlarını itirməyindən söhbət açanda gözləri yaşla dolmuşdu.
Söhbətin səmtini dəyişmək məqsədi ilə Sevil xanımdan övladları haqda danışmağı
xahiş etdim. Onun kiçik oğlu - Kamran mənim tələbəm olub. Sevil xanım: «Böyük
oğlum Kazım ADNA-nın “Geoloji kəşfiyyat” fakültəsini bitirib. Hal-hazırda
Kanadada yaşayır və işləyir. Bir oğlu və bir qızı var. Onlar da həm oxuyur, həm
işləyirlər. Kazımın həyat yoldaşı arxitektordur. Kiçik oğlum Kamranı yaxşı
tanıyırsan. Onun oxumasında sənin zəhmətin olub. Sən ona həmişə dayaq olmusan.
İnstitutu bitirərək əvvəlcə dənizdə 28 may NQÇİ-də, sonradan isə Dənizneft
Layihə institutunda mühəndis işləyir. Evlidir, həyat yoldaşı hidrogeoloqdur, bir
övladları var. Uşaqlarımdan çox razıyam».
Söhbətimiz bir saatdan çox çəkdi. Bu müddət ərzində o heç kəs haqqında
irad və inciklik bildirmədi. Həyat yoldaşından nigaran olduğunu bildirərək, evə
qayıtmalı olduğunu söylədi. Xudaafisləşdik, lakin tez-tez zəng edəcəyini bildirdi.
Dostları ilə paylaş: |