189
mənasız sözlərdən ibarət olan dilinin “əsas leksikonu”
ilkin mərhələ-
də ayrı-ayrı sait səslərin uzun tələffüzündən (məsələn,
aaa, ııı, uuu,
iii), iki səsli birləşmələrin təkrarından (məsələn,
də-də-də, qı-qı-qı
tipində), daha sonra üç və dörd səsli birləşmələrin təkrarından
(məsələn,
qlı-qlı-qlı, dqı-dqı-dqı, qıldı-qıldı-qıldı, dqın-dqın-dqın ti-
pində) və hətta yaxın məxrəcli üç və dörd səsli birləşmələrin növbəli
şəkildə sıralanmasından ibarət olur (məsələn,
dqı-dqı-dqın, dqın-
dqın-dqı, qlı-qlı-qıldı, qıldı-qıldı-qlı tipində).
Üç, dörd səsli və növbələşdirilən yaxın məxrəcli birləşmələrin
tələffüzü, uşaqda artikulyar aparatın qısmən formalaşdığını və sadə
sözlərin tələffüzü üçün artıq hazır olduğunu göstərir. Bununla belə,
həmin dövr ərzində uşaqlar tərəfindən çıxarılan səslər və səs birləş-
mələri bəzi sözlərə bənzəsə də, onların yerinə, məqamına və mənti-
qinə uyğun şəkildə işlədilməsi halına rast gəlinməmışdir.
Təsadüfi çıxarılan səslərin və səs birləşmələrinin bəzi sözlərə
bənzəməsinə istinadən uşaqların dil açmasını və ya danışmağa
başlamasını daha erkən yaş dövrünə aid edənlər də var.
Dili yenicə öyrənməyə başlayan və ya yeni dil açan uşaqlarda
nitqin yaranması və inkişafı ilə bağlı buraya qədər deyilənlər
pediatriya, xüsusilə də loqopediyaya aid müxtəlif elmi ədəbiyyatdan
götürülmüş və ümumiləşdirilmış şəkildə təqdim olunan fikirlərdir.
Həmin
fikirlərin verilməsi, bu tədqiqat çərçivəsində sadəcə xatırlatma
və ya ümumi mənzərə yaratma mahiyyəti daşıyır. Əslində isə, bu təd-
qiqatda bizi maraqlandıran cəhət uşaqların fizioloji və psixoloji inki-
şafının yaş dövrləri üzrə bölgüsü deyil. Bizim üçün vacib olan cəhət,
yaranma vaxtından və ya dövründən asılı olmayaraq uşaq nitqində
söz, ifadə və deyimlərin yaranma mexanizmini müəyyənləşdirmək,
onların dil və təfəkkür əlaqəsindən asılılığını izləməkdir.
Belə hesab olunur ki, həyatının 10-14-cü ayından etibarən
uşaqlar ayrı-ayrı sözləri tələffüz etməyə başlayır. Belə ki, yeməyi,
suyu, oyuncağı uşağa verən ana hər dəfə “al” deyə ona müraciət edir.
Uşaq tez-tez eşitdiyi bu “al” sözünü təkrarlayaraq tələffüz edir
(bəzən “al” əvəzinə “ah” və “aa” da deyə bilər).
190
Dəfələrlə eşitdikdən və təkrarladıqdan sonra “al”
sözünün və
ya onun daha çox rast gəlinən “ah” variantının tələffüzü uşaqda çox
asanlaşır. Belə bir qənaət yaranır ki, bu sözü uşaq artıq dərk edilmiş
formada və məqsədyönlü şəkildə işlədir. Bununla belə, uşaq özü bir
şey istədikdə və hələlik “ver” sözünü eşitmədiyinə, yaxud söyləyə
bilmədiyinə görə, “ver” demək əvəzinə, yenə “al” sözünü və ya onun
“ah” variantını işlədir.
Bu kimi faktların mahiyyətini araşdırmağa çalışaq.
Birinci intellekt obrazının yaranması zamanı gerçəklik ele-
mentinin ən ümumi cəhətləri nəzərə alınır və sonrakı kontaktlar
zamanı diferensiallaşma yolu ilə daha dəqiq
və vacib cəhətləri müəy-
yənləşdirilir. Mövcud birinci intellekt obrazlarının əhatə dairəsi
dəqiqləşdirilərək düzəlişlər edilir, yəni onlar genişlənir, daralır, parça-
lanaraq hissələrə bölünür və ya öz aralarında birləşir. Buna uyğun
olaraq, əgər nitq ehtiyacı varsa, bölünmüş intellekt obrazlarından
birinə ekvivalent olan yeni dil struktur vahidi yaranır
1
və ya birləşmiş
intellekt obrazlarından birinə ekvivalent olan dil struktur vahidi yox
olur.Birinci intellekt obrazlarının bölünməsi və birləşməsi,adətən
ilkin mərhələdə yanlış dərk olunmuş gerçəklik elementləri ilə növbəti
kontaktlar zamanı baş verir.
Birinci intellekt obrazlarının əhatə dairəsinin dəqiqləşdirilərək
düzəlişlər edilməsi halına uşaqlarda
tez-tez rast gəlinir, hətta belə
deyə bilərik ki,bu, uşaqların dünyanı dərk etmə üsullarından biridir.
Azyaşlı uşaqlarda gerçəklik elementlərini dərk etmək imkanı,
şübhəsiz ki, yetkin yaşlı insanların dərketmə qabiliyyəti ilə müqayisə
oluna bilməz. Bunun ən başlıca səbəbi, təbii ki, ilk növbədə fizioloji
və psixoloji inkişaf səviyyəsindəki fərq, ikincisi isə insanları hər cür
fəaliyyətə yönəldən ehtiyacların bu iki qrupda çox fərqli olmasıdır.
Bu fərq uşaqların ikinci sıra gerçəklik elementi mahiyyəti daşıyan dil
struktur vahidlərini mənimsəmə mexanizmində və üsulunda da özü-
1
Dil struktur vahidlərinin yaranmasından və sinktual dərketmədən bəhs edərkən söhbətin
uşaqlardan getmədiyi sübhəsizdir. Təbii ki, uşaqlar tərəfindən leksik və ya qrammatik formala-
rın yaradılması ehtimal belə oluna bilməz.
191
nü göstərməkdədir.
Bu deyilənləri nəzərə almaqla “
uşaqlar tərəfindən dil struktur
vahidlərinin mənimsənilməsi mexanizmi”ni müəyyənləşdirməyə
çalışaq.
Fizioloji və psixoloji inkişafın ilkin mərhələsində olan azyaşlı
uşaqları hər hansı fəaliyyətə yönəldən ehtiyacların sayı o qədər də
çox deyildir. Uşaqlara məxsus həmin ehtiyacların hər biri sonrakı
inkişaf mərhələsində parçalanma yolu ilə formalaşan bənzər ehtiyac-
lar silsiləsinin ilkin rüşeymi şəklində meydana çıxır. Təxminən belə
ki,
“yemək”, “içmək”, “yatmaq”, “isinmək”, “sərinləşmək”, “tə-
mizlənmək” kimi bir qrup ehtiyac, uşaqlarda ilk dəfə bütün bu ehti-
yacların ilkin rüşeymi mahiyyətini daşıyan
“rahatlığın təmin edil-
məsi” ümumi ehtiyacı şəklində formalaşaraq yaranır. Bu ehtiyac
əsasında uşağın beynində “
rahatlanmaya aparan yol”
mahiyyətinə
malik bir prosesə ekvivalent olan “
ana qulluğu və ya nəvazişi”
tipində gerçəklik elementi formalaşır və uşaq tərəfindən məhz bu ger-
çəklik elementi dərk olunuraq onun birinci intellekt obrazı yaradılır.
Yəni uşağın dərketmə dünyasında mövcud olan “
ana qulluğu və ya
nəvazişi” gerçəklik faktoru, böyüklərin dərketmə dünyasındakı
“ye-
mək”, “içmək”, “yatmaq”, “isinmək”, “sərinləşmək”, “təmizlən-
mək” kimi bir qrup və ya silsilə təşkil edən gerçəklik faktorlarını əvəz
etmiş olur.
Məhz bu səbəbdəndir ki, uşağın nitqində “ver” əvəzinə “al”
sözünün və ya onun daha çox rast gəlinən “ah” variantının işlədil-
məsi halına rast gəlirik. Böyüklərin dərketmə dünyası baxımından
uşağın yanlış işlətmiş olduğu bu söz, əslində, uşağın dərketmə dünya-
sı baxımından qətiyyən yanlış deyil, sadəcə ehtiyaclar qrupunun ilkin
rüşeymi mahiyyətini daşıyan gerçəklik elementinə ekvivalent olan dil
struktur vahididir.
Belə ki, uşaq tətəfindən
“rahatlığın təmin edilməsi” ehtiyacı
əsasında formalaşan “
ana qulluğu və ya nəvazişi” tipində gerçəklik
elementi dərk olunmuş və ona ekvivalent olan birinci intellekt obrazı
yaranmışdır. Sonra uşaq mövcud ehtiyacı ilə bağlı anasına məlumat
192
vermək istəmiş və beləcə nitq ehtiyacı yaranmışdır. Uşaq “al” sözü
ilə anasının nitqi vasitəsilə tanış olmuş, onun səs tərkibi əsasında
ikinci intellekt obrazını yaratmış və bu ikinci intellekt obrazını “
ana
qulluğu və ya nəvazişi” gerçəklik elementinə ekvivalent olan birinci
intellekt obrazı ilə birləşdirmişdir. Göründüyü kimi, mövcud dil
struktur vahidinin mənimsənilməsi prosesi müvafiq modelə və
sxemə uyğun şəkildə həyata keçirilmişdir:
Uşaq tərəfindən mənimsənilmiş dil struktur vahidinin böyük-
lər tərəfindən mənimsənilmiş eyni dil struktur vahidindən fərqli mə-
nada və situasiyada istifadəsi isə ilkin ehtiyacların fərqli şəkildə for-
malaşması və gerçəklik elementlərinin fərqli şəkildə dərk olunmasın-
dan yaranan bir faktordur.
Fizioloji və psixoloji inkişafın sonrakı mərhələsində uşaqlara
məxsus ilkin rüşeym mahiyyətinə və ümumi
silsilə məzmununa ma-
lik ehtiyacların hər biri parçalanma yolu ilə formalaşan bənzər, amma
qismən müstəqil qrup ehtiyacları şəklində meydana çıxır və hər qrup
üzrə ehtiyacın ödənilməsini şərtləndirən müstəqil gerçəklik elementi
müəyyənləşdirilərək dərk olunur və nəticədə hər qrupa uyğun müstə-
qil intellekt obrazı yaranmış olur. Əvvəlki dil struktur vahidi yeni ya-
ranan qruplardan yalnız birinin birinci intellekt obrazına ekvivalent-
ləşdirilir və ya atılır, yeni qrupların hər biri üçün ananın nitqindən və
onun təlqini ilə yeni dil struktur vahidləri seçilib mənimsənilərək yeni
yarananın birinci intellekt obrazları ilə birləşdirilir.
Proses
Mövcud dil struktur vahidi olan formanın
mənimsənilməsi
Üsul
İkinci dərketmə üsulu
Akt 1
Nitq ehtiyacı
Akt 2
Dil struktur vahidi ilə kontakt
Akt 3
İkinci intellekt obrazının yaranması
Akt 4
Gerçəklik elementi ilə qarşılaşdırma
Akt 5
Birinci intellekt obrazı ilə birləşmə