54
dә paradiqmatik olaraq işlәnildiyi vә bütövlükdә rәvayәt olunan zaman
qavrayışının qrammatik әlamәti kimi dәrk olunduğu “Cәdvәl”dә bariz bir
şәkildә müşahidә olunmaqdadır. Bununla bәrabәr, -mış, -miş, -muş, -müş
şәkilçisi ilә düzәlәn zaman şәkli Azәrbaycan dilindә daha çox tam üslub-
da, başqa bir ifadә ilә kitab dilndә işlәnilmәkdәdir. -Ib, -ib, -ub, -üb (-yıb,
-yib, -yub, -yüb) feli bağlama şәkilçilәri ilә formalaşan zaman şәklinin
diskursda işlәnilmә tezliyi isә birinci ilә müqayisәdә daha genişdir.
Sözügedәn zaman şәkli hәm tam, hәm dә sәrbәst üslubda, başqa bir ifadә
ilә dildә vә danışıqda (nitqdә) әn yayğın bir formada yer almaqdadır.
Buna görә dә, sözügedәn rәvayәt olunan keçmiş zaman xәbәr şәklinin
müasir Azәrbaycan dilinin qrammatikasında ikinci bir növ olaraq fәrqli-
lәşdirilmәsinә ehtiyac vardır. İkinci şәkil, yuxarıda göstәrildiyi kimi, daha
çox danışıq dilinә xasdır. Mәsәlәn:
Sәn bizә xoş gәlmi(ş)sәn.
Sәn bizә xoş gәlibsәn.
Sәn bizә xoş gәlib, sәfa gәtiribsәn.
*Sәn bizә xoş gәlmişsәn.
*Sәn bizә xoş gәlmiş, sәfa gәtirmişsәn.
Siz bizә xoş gәlmi(ş)siz (siniz)
Siz bizә xoş gәlibsiz.
Siz bizә xoş gәlib, sәfa gәtiribsiz.
*Siz bizә xoş gәlmişsiniz.
*Siz bizә xoş gәlmiş, sәfa gәtirmişsiniz.
Bütün protokolllar yazılmışdır.
Bütün protokollar yazılıb.
*Bütün protokollar yazılmış.
Müәllim gәlmişdir.
Müәllim gәlib
*Müәllim gәlibdir.
Müәllimlәr gәlmişdir (lәr)
Müәllimlәr gәlib (lәr)
*Müәllimlәr gәlibdir(lәr).
Tәlәbә lazım olan әdәbiyyatı oxumuşdur.
Tәlәbә lazım olan әdәbiyyatı oxuyub.
55
*Tәlәbә lazım olan әdәbiyyatı oxumuş.
*Tәlәbә lazım olan әdәbiyyatı oxuyubdur.
Tәlәbәlәr lazım olan әdәbiyyatı oxumuşdur.
Tәlәbәlәr lazım olan әdәbiyyatı oxuyub(lar).
*Tәlәbәlәr lazım olan әdәbiyyatı oxumuş.
*Tәlәblәr lazım olan әdәbiyyatı oxuyubdur(lar).
Yaxşı elәyib kinoya bilet almı(ş)sınız.
Yaxşı elәyib kinoya bilet alıbsız(sınız).
Yaxşı elәyib kinoya bilet alıb(lar).
*Yaxşı elәyib kinoya bilet almış (lar).
İkinci şәxs tәkdә -mış, -miş, -muş, -müş şәkilçisinin ş kompo-
nentinә aktif olaraq diferensiallaşan dil-danışıq zәncirindә tәsadüf olun-
mur. Hәmin morfoloji şәklin bütününün işlәnilmәsinә isә yayğın olaraq
yazılı mәtnlәrdә rast gәlinir. Göstәrilәn komponentin sözügedәn işlәnilmә
tezliyi -mış, -miş, -muş, -müş şәkilçisinin dörd variantlı olaması ilә әlaqә-
dardır. Necә ki, sözügedәn morfoloji şәklin işlәnilmәsi -ıb, -ib, -ub, -üb
(-yıb, -yib, -yub, -yüb) şәkilçisi ilә paradiqmatik müqayisәdә bir qram-
matik әlamәt kimi fakültativ sәciyyәlidir. Müqayisә et:
Mәn gәlmişәm
Sәn gәlmisәn
O gәlmişdir
Biz gәlmişik
Siz gәlmişsiniz
Onlar gәlmiş(dir)(lәr)
Mәn gәlmişәm.
Sәn gәlibsәn
O gәlib
Biz gәlmişik.
Siz gәlibsiz (siniz)
Onlar gәlib (lәr)
-Ubdur şәkilçisi -ıbdır, -ibdir, -ubdur, -übdür (-ıbdı, -ibdi, -ubdu, -
übdü) morfoloji variantlarında Anadolu-Qafqaz coğrafiyası Oğuz
türkcәsindә, onun dialekt vә ağızlarında, özәlliklә dә müxtәlif xalq
әdәbiyyatı örnәklәrinin dilindә vaxtilә çox geniş miqyasda işlәnilmişdir
56
(Adamoviç 1985: 202-2005). Bәlkә bu gün dә hәmin morfoloji әlamәtlә
formalaşan felin rәvayәt olunan keçmiş vә ya әslindә tamamlanmış indiki
zamanına (perfekt) bәzi yazarların vә ana dilindә birinci dil olaraq danışan
şәxslәrin dilindә tәsadüf olunur. Ancaq çağdaş Azәrbaycan dilindә diskur-
siv xarakterli әdәbi ünsiyyәt ortamı üçün sözügedәn morfoloji әlamәt -
mışdır, -mişdir, -muşdur, -müşdür şәkilçisi ilә uyğun bir paradiqmatik-
sintaqmatik paralellik tәşkil edә bilmir. Buna görә dә, yuxarıda -ıbdır, -
ibdir, -ubdur, -übdür şәkilçisi ilә işlәnilәn cümlәlәrin funksional vә
konseptual baxımdan xәtalı olduğu ulduz işarәsi ilә göstәrilmişdir.
2.2.2. Felin dar və geniş mənalı vacib şəkli
Felin vacib şәkli müasir Azәrbaycan dilindә -malı, -mәli morfo-
loji әlamәtinin vә şәxs şәkilçilәrinin feil kökü vә ya әsasına artırılması ilә
sintetik olaraq әmәlә gәlir (Hüseynzadә 1973: 224). Bununla bәrabәr,
felin sözügedәn şәkli morfoloji-sintaktik xarakterli malı+olmaq və şəxs
şəkilçiləri sıralanması ilә dә qurulur. Daha doğrusu, -malı, -mәli şәkilçili
feil kökünә vә ya әsasına olmaq kömәkçi morfeminin artırılması ilә
әmәlә gәlәn feil şәklinin analitik forması da Azәrbaycan dilindә işlәnilir
(Rәhimov 1965: 215; Khudazarov 2005:194-195). Felin morfoloji-
sintaktik üsulla formalaşan vacib şәklinin ifadәsi Azәrbaycan dilindә әsas
etibarilә hәr hansı bir iş vә ya hәrәkәtin bәlli bir ölçüdә daha geniş sәciy-
yәli keçmiş vә gәlәcәk zamanlardakı baş vermә әsnası ilә әlaqәdardır.
Birinci şәkil daha çox hәr hansı bir işi görәnin öz aldığı qәrara әsasәn
yerinә yetirdiyi iş vә ya dar bir fәaliyyәt sahәsi ilә bağlı olaraq işlәniilr.
İkinci şәkil isә Azәrbaycan dilindә xaricdәn gәlәn hәr hansı bir tәzyiq vә
diqtә edilәn konkret bir mәcburiyyәtlә gerçәklәşmiş olmaq vә ya ola
bilmәk anları ilә bağlı olaraq ortaya çıxır (Khudazarov 2005:194). Belә-
liklә, dar vә geniş mәnalı birinci vә ikinci şәkillәrin Azәrbaycan dilindә
paralel olaraq işlәnilmәsi ayrılıqda sintaqmatik bir özәllik, bütövlükdә isә
qrammatik-sintaktik çoxmәnalılıq olaraq qiymәtlәndirilә bilәr.
Morfoloji-sintaktik xarakterli vacib şәklinin ifadәsi felin hәr üç
zamanındakı hәr hansı bir iş vә ya hәrәkәtin yerinә yetirlmәsinin daha
geniş bir zamanının “baş vermә çәrçivәrlәri” ilә bağlı olur. Daha doğrusu,
sözügedәn şәkil mәhdud olmayan daha geniş bir zaman müstәvisindәki
xaricdәn gәlәn hәr hansı bir tәzyiqlә yerinә yetirilәn vә ya yetirilәcәk
gerçәklәşmә müddәtlәrini bildirir.
Aşağıda felin dar vә geniş mәnalı vacib şәkillәrinә dair örnәklәr
gәtirilmişdir. Hәmin örnәklәr bu vә ya digr şәkildә sözügedәn özü qәrara