57
gәlmә vә ya xaricdәn olan bir tәzyiqlә yerinә yetirilmә nәticәsindә baş
verәn iş vә ya hәrәkәt aktlarını iadә edir. Hәmin iş-hәrәkәt mәnalarının
diskursiv sәciyyәli örnәklәrlә deskriptiv olaraq tәsviri onların bir-birindәn
fәrqliliyini bәlli bir ölçüdә göstәrmәkdәdir. Mәsәlәn:
Mәn dә Bakıya getməliyəm.
Mәn dә Bakıya getməli oluram.
Mәn dә sabah Bakıya getmәliyәm.
*Mәn dә sabah Bakıya getmәli oluram.
Sәn dә bu kitabları almalısan.
İndi sәn dә bu kitabları almalısan.
İndi sәn dә bu kitabları almalı olursan.
*İndi sәn dә bu kitabları almalı olarsan.
*İndi sәn dә bu kitabları almalı olacaqsan (Musaoğlu 2008).
Biz yuxarıda felin rәvayәt olunan keçmiş zamanı ilә ifadә olunan
xәbәr vә ayrıca da vacib şәklinin qrammatika kitablarımızda vә türkoloji
dilçilik araşdırmalarında daha geniş bir şәkildә öyrәnilmәyәn bәzi
mövzuları üzәrindә durduq. Daha doğrusu, ana dilinin tәlimi vә tәdrisi
mәqsәdilә onun paradiqmatik olaraq tәsbit edilmәyәn bәzi şәkillәrini
göstәrdik. Azәrbaycan dilinin tәdrisindә felin zaman vә şәkil kateqoriyası
bәhslәrinin ayrıca bir morfoloji vә morfoloji-sintaktik bölümlәri
sәviyyәsindә öyrәdilmәyәn bәzi konseptual vә funksional özәlliklәrinә
toxunduq. Ancaq felin istәr xәbәr, istәrsә dә digәr bütün şәkillәri struktur,
funksional vә semantik әlamәtlәri ilә konseptual olaraq kateqoriyalaş-
dırılmalıdır. Dәrs vәsaitindә isә tam olaraq mürәkkәb cümlәlәrin, qismәn
dә ümumtürk mәtninin ontoloji özәlliklәri sözügedәn yönümdә
konseptual-struktur baxımdan öyrәnilmişdir.
2.3. Mürəkkəb cümlənin konseptual-struktur modelləşdirməsi
Yuxarıda göstәrildiyi kimi, XI yüzildәn başlayaraq türk dillәrinә
dair öncә әrәb, sonra isә Hind-Avropa dilçilik mәktәbi әnәnәlәrinә görә
lüğәtlәr vә qrammatika kitabları yazılmışdır. XIX yüzilә qәdәr yazılan
qrammatika kitablarında әsasәn müәyyәn fonetik mәlumatlar vә geniş
morfoloji açıqlanmalar yer almışdır. Qrammatika kitablarının sonunda çox
zaman sözügedәn dillәrin leksikonuna aid qısa lüğәtlәr verilmişdir. Yalnız
XIX yüzildәn etibarәn klassik Hind-Avropa dilçiliyi әnәnәlәrinә görә
yazılan qrammatika kitablarında “Sintaksis” bәhsi qoyulmuşdur. Sözüge-
dәn bәhslәrdә müvafiq olaraq “Mürәkkәb cümlә” mövzusu da işlәnilmiş
58
vә son iki yüz il boyunca türkoloji dilçiliyin әn mübahisәli mәsәlәlәrindәn
birinә çevrilmişdir. Mübahisәnin әsas mәğzi asılı komponentin (clause)
xәbәrinin “qrammatik xarakteri” ilә bağlı olmuşdur. Hәmin xәbәr türk
dillәrindә şәxsә, zamana vә kәmiyyәtә görә tәsriflәnәn bir feillәmi ifadә
olunmalıdır? Vә ya tәsriflәnmәyәn feli sifәt, feli bağlama, mәsdәr vә digәr
yarımpredikativ birlәşmәlәrin mәrkәzlәri dә özәl-mürәkkәb quruluşlu
mürәkkәb cümlәlәrin xәbәrlәri olaraq ifadә edilә bilәrmi?
Əlbәttә, özәl-mürәkkәb quruluşlu cümlәlәrin, başqa bir deyişlә
tabeli mürәkkәb cümlәlәrin xәbәrlәri yalnız tәsriflәnәn bir feillә vә ya
uyğun bir tәsriflәnәn “predikativ mәrkәz”lә ifadә olunmalıdır. Bu vә buna
bәnzәr digәr suallara hәm türkoloji dilçiliyin tarixindә, hәm dә әlinizdәki
dәrs vәsaitindә daha konkret örnәklәrlә vә yeni konseptual-linqvistik
açıqlanmalarla cavab tapa bilәrsiniz.
Mürәkkәb cümlәlәr türk dillәrindә artıq sadәcә “yarımpredikativ
vә tampredikativ mәrkәzlәr”in “qrammatik xarakteri”nә vә ya әnәnәvi
olaraq cümlәnin mübtәda, xәbәr, tәyin, tamamlıq kimi üzvlәrinin sintaktik
vәzifәlәrinә görә tәsnif olunmamışdır. Onlar konseptual xarakterli anlam
sahәlәrinә vә komponentlәr arasındakı sintaktik әlaqәlәrin bütövlüyünә vә
hәmin bütövlüyün hissәlәrlә diferensiallaşmasına görә yenidәn öyrәnil-
mişdir. Hәr şeydәn öncә, mürәkkәb cümlәlәrin komponentlәri arasındakı
omonimik sәciyyәli sintaktik tabelilik әlaqәlәri dәqiq tәsbit olunmuşdur.
Mürәkkәb cümlәlәrin mәnaca növlәri subyekt, obyekt, zaman, məkan,
təyinetmə, dərəcəlilik, səbəb, məqsəd, güzəşt, nəticə, şərt, qarşılaşdırma,
tərz, müqayisə kimi mәna sahәlәrinә әsasәn müәyyәnlәşdirilmişdir. Belә-
liklә, dünyanın dil xәritәsinin “semantik tablosu”ndakı ayrı-ayrı anlam
sahәlәri ilә müәyyәnlәşәn konkret dәrketmә proseslәrinin ümumtürk
dilindә mürәkkәb cümlәlәrlә ifadәsinin konseptual-struktur modellәşdiril-
mәsi aparılmışdır. Türk dillәrindә mürәkkәb cümlәlәrin üç konseptual-
struktur vә ya -sintaktik modeli vә hәmin modellәrdә müxtәlif kontekstual
anlamlara görә reallaşan 23 növü vardır. Mürәkkәb cümlәnin omomodel-
lәri vә mәnaca növәri qәdim türk dilindәn başlayaraq geriyә vә irәliyә
doğru bütün әski vә çağdaş türk әdәbi dillәrindә vә dialektlәrindә işlәnilir.
Özәl-mürәkkәb quruluşlu cümlәlәrin komponentlәri arasınadakı sintaktik
tabelilik әlaqәlәri bütövlükdә subordinativ-, koordinativ- vә korrelyativ-
omonimik modellәr çәrçivәlәrindә müәyyәnlәşdirilir. Ayrılıqda isә
ümumtürk dili sintaksisinә mәxsus olan әn üst predikativlik vә modallıq
dәrәcәlәri hәmin omomodellәrdә mürәkkәb cümlәlәrin ayrı-ayrı konkret
mәna növlәri kimi kateqoriyalaşdırılır. Belәliklә, mürәkkәb cümlәlәrin
59
ümumi konseptual-struktur modeli vә ya sintaktik-semantik kateqoriyalaş-
dırması işi dәrs vәsaitinin birinci vә ikinci fәsillәrindә konkret örnәklәrә
görә aparılmışdır.
3. Türkoloji dilçilikdə mətn
Ümumtürk mәtni, başqa bir ifadә ilә türk әdәbi dillәrindә mәtn
1970-ci illәrdәn başlayaraq türkologiyada vә türk dillәri materialları ilә
yazılan linavistik araşdırmalarda struktur, semantik vә funksional olaraq
mәtn sintaksisi, qrammatikası, quruluşu vә ya dilçiliyi baxımından öyrә-
nilir. Sözügedәn araşdırmalarda mәtni tәşkil edәn konkret dil vahidlәrinin
sintaktik vә mәtnә görә müәyyәnlәşәn semantik komponentlәrinin linqvis-
tik sıralanması göstәrilmişdir. Mәtnin sәrhәdlәri, “hökm-bilgi vә cümlә-
mәtn” müstәvisindә temaya vә remaya ayrılması, mәtndüzәldici struktur
elementlәr türk dillәri materiaları ilә dә tәsbit olunmuşdur. Konkret bir
mәtni tәşkil edәn sadә vә mürәkkәb cümlәlәrin vә mikromәtnlәrin arasın-
dakı semantik, qrammatik vә funksional әlaqәlәr müәyyәnlәşdirilmişdir.
Hәmin әlaqәlәrin әvәzliklәrlә vә digәr dil vahidlәri ilә anaforiklik, katafo-
riklik (Yunanca: anaphora; catarhoric reference ve anaphorik reference),
koranaforiklik vә korkataforiklik (co-reference) olaraq müәyyәnlәşdirilәn
metalinqvistik fenomenlәrlә yaradıldığı vurğulanmışdır. Belә bir metalinq-
vistik kontekstdә hәm yazılı abidәlәrin, hәm dә çağdaş mәtnlәrin dili üzәrindә
durulmuşdur (Uzun 1995; Abdullayev 1999; Musaoğlu 2003 vә s.).
Türkoloji dilçilikdә mәtn dilçiliyi arşadırması müstәqil ümum-
türk mәtni dilçiliyi yönümündә gerçәklәşәn bir fәnni formalaşdırmaqda-
dır. Sözügedәn araşdırma yönümü türk mәtnlәrinin diaxronik vә sinxronik
olaraq retrospektiv, prospektiv, perspektiv vә interospektiv aspektlәrdә
mәtn dilçiliyinә görә әtraflı öyrәnilmәsini şәrtlәndirmәkdәdir. Bu isә daha
sonrakı araşdırmalarda istәr çağdaş vә tarixi, istәrsә dә diskurs-yazılı dil
örnәklәri ilә әsl ümutürk mәtni tipologiyasının müәyyәnlәşdirilmәsinә vә
daha dәrindәn öyrәnilmәsinә şәrait yaratmaqdadır.
4. Türkoloji dilçilikdə frazeologizmlərin araşdırma yöntəmləri
və yönümləri
Türkoloji dilçilikdә istәr frazeologiya kateqoriyası, istәrsә dә
digәr dil kateqoriyaları qohum olmayan xarici dillәrlә kontrastiv-müqa-
yisәli yöntәmlә işıqlandırılmalıdır. Türkologiya isә bütövlükdә uzaq
qohum dillәr (Ural-Altay dillәri), qohum dillәr (çuvaş, yakut vә türk dil-
Dostları ilə paylaş: |