Filologiya
məsələləri, № 7, 2017
71
ilə təmin olunur. Müəllimin ustalığı, strategiyaları seçmək qabiliyyəti ilə
xarakterizə olunur. Strategiyalar seçilərkən qanunauyğunluqlar gözlənilməlidir.
Strategiyaların adları əsasən təlim üsulunun məzmunu və forması ilə şərtlənir.-
DDD-fazalarında öyrənənlərin psixoloji inkişafını gücləndirməklə bilik, bacarıq
və vərdişlərə yiyələnməklə təhsillənib, tərbiyə olunması metodların
interaktivliyindən asılıdır. Strategiyalar bütövlükdə interaktiv səciyyə daşıyır.
İnteraktiv dedikdə dioloq, qarşılıqlı əlaqədə fəaliyyət göstərmək kimi başa
düşülür. İnteraktiv yolla təlim prosesi intensivləşir, öyrənənin şüurlu
fəaliyyətinə zəmin yaranır. Nəticədə təlimin inkişafetdirici cəhətləri artır.
İnteraktiv metodlardan səmərəli istifadə etməklə öyrənənin müstəqil düşünmək,
sərbəst rəy söyləmək, qarşılaşdıqları problemlərə münasibət bildirmək, fikir
mübadilələrində mövqe göstərmək və s. keyfiyyətlər formalaşır.Dünya praktika-
sında interaktiv təlim metodları üçün səciyyəvi olan cəhətlərə aşağıdakılar
daxildir. Öyrənənin aktiv fəaliyyəti, müəllimin və onların bir-biri ilə əmək-
daşlığı, didaktik oyunlardan istifadə olunması, (Müzakirə zamanı, qruplarla iş
zamanı, təqdimat və ümumi söhbət zamanı) dərsdə tələbələrin qeyri ənənəvi
yerləşdirilməsi nəzərdə tutulur.İnteraktiv təlim zamanı öyrənənlərdə psixoloji
xüsusiyyətlərin inkişafını əks etdirən cəhətlər inkişaf edir. Məsələn: müstəqil
düşünməyi, sərbəst rəy söyləməyi: şəxsiyyəti qiymətləndirməyi, təhlil etmək
qabiliyyəti, əməkdaşlıq etməyi, başqaları ilə işləməyi bacarmaq, ümumi
məqsədə çatmaq üçün işin bölüşdürülməsi; başqalarını dinləməyi; başqa
fikirlərə dözümlü olmağı; öz fikirlərini dəlillərə dəqiq izah etməyi; tənqidi
təfəkkürü; güzəştə getməyin yolunun tapılması; natiqlik qabiliyyəti və s. Ev
tapşırıqları, fakültativlər və praktikumlar, seminar,
məşğələlər,
ekskursiyalar,
məsləhət saatları təlimin digər təşkili formalarına daxildir.Sinkveyn
(fransızca beşlik deməkdir), İNSERT (altı ingilis sözlərinin baş hərflərindən
əmələ gəlib-kodlaşdırma sistemi mənasındadır). Klaster (şaxələndirmə
deməkdir), metafarik (düşüncə, hadisələri bənzətmək deməkdir), kublaşdırma
eyni vaxtda altı istiqamətdə fəaliyyət, əqli hücum, cütlər və qruplar, dairəvi
söhbət, rollu oyunlar, diskussiya, zəncirvari hekayə və şəkillər kimi interaktiv
təlim metodlardan istifadə etməklə təhsilin keyfiyyətinin yüksəldilməsinə nail
olmaq mümkündür. Qeyd olunan metodların bəziləri haqqında aydınlıq
gətirmək müəllimlər üçün faydalı olar."Əqli hücum"- üsulu ilə müəllim təlim işi
apararkən tələbələrin idrakı fəaliyyətinin inkişafı və onların müxtəlif ideyaların
çevik şəkildə irəli sürmələri üçün bundan geniş istifadə edə bilər. Əqli hücum
yeni mövzunun izahından əvvəl hər hansı konkret suala cavab axtarılarkən
istifadə olunur. Bu üsulun üstün cəhətlərindən biri də ümumi məqsədlə bağlı
öyrənənlərdə müxtəlif ideyalar yaratmasıdır.Məsələn, müəllim lövhədə əl
alətləri ilə bağlı müəyyən bir sual yazır və ya şifahi şəkildə soruşur. Eyni
zamanda suallara verilən cavabların lövhədə yazılması xahiş olunur.
Cavablar bir-birinin təkrar etməmək şərti ilə lövhədə yazılır. Bütün fikirlər
Filologiya məsələləri, № 7, 2017
72
lövhədə öz əksini tapdıqdan sonra müzakirə olunur"Diskussiya"da öyrənilən
məsələ ilə bağlı fərdi və ya qrup halında tələbələr öz münasibətini yazılı və ya
şifahi şəkildə sərbəst bildirirlər. Belə diskussiyalar öyrənənlər-də verdikləri
cavabları faktlara əsasən təhlil etmək qabiliyyətini artırır. Müəllim əvvəlcə "əqli
hücum" üsulundan istifadə edərək diskussiya aparmaq qaydalarını aydınlaşdırır.
Həmin qaydalar aşağıdakılardır:
-danışanı
dinləmək;
-danışanın
sözünü kəsməmək;
-danışanın fikrinə mədəni şəkildə etirazını
bildirmək;
-vaxta əməl etmək;
-danışmaq istəyəndə əlini qaldırıb söz almaq;
-heç kəsin fikrini tənqid etməmək.
Nəzərdə tutulan qaydaları iri hərflərlə müəyyən lövhədə yazıb görünən
yerdə asmaq məsləhətdir. Diskussiya zamanı qaydalara praktik olaraq əməl
olunmalıdır."Zəncirvari hekayə və şəkillər" üsulunun mahiyyəti adından
aydındır. İştirakçılardan biri nəzərdə tutulan hekayə ilə bağlı ilk cümləni deyir,
qalanları ardıcıl olaraq davam etdirir.İnteraktiv təlim metodlarının tətbiqi
tələbələrin idrak fəaliyyətinin ,təfəkkürünün inkişafını tələb edir.Təfəkkür -
idrak prosesi olub cism və hadisələrin mahiyyətini, onlar arasındakı əlaqə və
asılılıqların ümumiləşmiş inikasından ibarətdir. Duyğu və qavrayış vasitəsilə
maddi aləmin dərk edilməsi prosesi başlanğıc olsa da onlar təfəkkürün
mənbəyidir. Mürəkkəb psixoproses olan təfəkkür duyğu və qavrayışın verdiyi
materiallar əsasında fəaliyyətdə olan insan qanunauyğun əlaqələrlə, təsadüfi
əlaqələri seçməyə başlayır.
Beləliklə insan hər hansı gerçəkliyi təfəkkür vasitəsilə tam və dəqiq dərk
edir. Dil fikrin gerçəkliyi olduğu üçün təfəkkür nitqlə daim vəhdətdədir.
Ədəbiyyat
1.Azərbaycan Respublikasının Konstitusiyası.Bakı 1995.
2.Azərbaycan Respublikasının Təhsil Qanunu (layihə).2009.
3.Təhsil sahəsində islahatlar üzrə dövlət komissiyasınin iclasında
ümummilli lider H.Əliyevin yekun nitqi.2001.
4.B.Bəşirov.”Ali məktəb didaktikası”.Bakı,1992.
5.Bakalabr hazırlıgı (normativ sənədlər toplusu).Bakı-2001.
6.N.Kazımov.”Ali məktəb pedaqogikası”.Bakı,1999.
7.R.H.Cabbarov .İdarəetmənin məqsəd və vəzifələri(elmi məqalələr
məcmuəsi)