38
dürmü? Quran bu suala da cavab verir: “Siz heç vaxt qadınları-
nızla tam mənada ədalətli münasibətləri qura bilməzsiniz”. Təbii
ki, bu, mümkün deyil. Bəs nə etməli? Bu suala da Quran cavab
verir: “Əgər sizin bütün qadınlarınıza münasibətdə ədaləti gözlə-
yə biləcəyinizə az da olsa şübhəniz varsa, bir qadınla evlənin;
bu, ədalətsizliyə yol verməməyin, günah işlətməməyin ən yaxşı
vasitəsidir”. Gətirdiyimiz sitatlar islamın monoqamiya tərəfdarı
olduğunu təsdiq edir; bu, həm də onu göstərir ki, gələcəkdə
müsəlmanlar öz dinini, onun mahiyyəti və yönümünü dərk edən-
dən sonra, monoqamiya qələbə çalacaq. Ona görə də Quranı və
Məhəmmədi qadına qarşı düşmənçilik münasibətlərində suçla-
yan bəzi Avropa yazarları haqsızdırlar; onlar həm də ayrı-ayrı
müsəlmanların qüsur və eyiblərini islam dini ilə bağlayanda da
haqsızlığa yol verirlər; əksinə – bütün bu qüsurlar islama ziddir.
Quran, Asiya qadınını yüksəltmək istiqamətində təşəbbüs gös-
tərdi. Ona o dövrə qədər Şərqdə görünməyən hüquqları bəxş
etdi, onu əsl qadın, əsl ana səviyyəsinə ucaltdı”
56
Holly Shissler fikrini təsdiqləmək üçün Ağaoğlu ilə Qasim
Əmin
∗
arasında paralellər aparır. Qeyd edir ki, bu islahatçı mütə-
fəkkir Ağaoğludan fərqli olaraq bu barədə belə yazır: “Bu iki
ayət ələ alındığında (Qurani-Kərim IV: 3 və IV: 129) çoxar-
vadlılığın yasaqlandığı düşünülə bilər və bu mülahizə məqsədə
olduqca yaxındır. Lakin peyğəmbərin örf və adətləri çoxarvad-
lılığın yasallaşdırılmasını gərəkli etmişdir. Bu ayətlər çoxarvad-
56
Ахмед Агаев. Женщина по исламу и в исламе. Тифлис (Скоропеч. М.
Мартиросянца, Михайловский пр. № 81.), 1901, с. 23-24; Əhməd Ağayev.
İslama görə və islamiyyətdə qadın (rus dilindən tərcümə edəni: Rüfət
Şərifov). “Mədəniyyət dünyası”, XII buraxılış, Bakı: ADMİU, 2006, s. 38.
∗
Türkiyədə Kasım Amin kimi tanınır (1863-1908). Atası Osmanlı vətəndaşı,
anası misirli idi. Misirdə (1881-ci ildə hüquq diplomunu burada alıb) və
Parisdə təhsil alıb, 1885-ci ildə Misirə dönüb. Muhammed Abduh və Saad
Zaglul (Zağlul Paşa) kimi qabaqcıl islahatçıların dostu və iş yoldaşı olub.
“Qadınların qurtuluşu” başlıqlı əsəri 1899-cu ildə – Ağaoğlunun “İslama görə
və islamiyyətdə qadın” kitabından iki il əvvəl nəşr olunmuşdur.
39
lılığa izin verir, amma Allah bunu hər insanın öz təqdirinə
bağlamışdır”
57
.
Mövzuya dair müqayisəli təhlillərin gələcəkdə daha obyektiv
dəyərləndirilməsi üçün Qurani-Kərimin
58
yuxarıda sözügedən
iki ayəsini – “ən-Nisa”
∗
surəsinin üçüncü və yüz iyirmi doqqu-
zuncu ayələrini də (Azərbaycan dilində tərcüməsini) xatırlat-
mağı məqsədəuyğun hesab etdik: “Əgər yetim qızlarla (evlənə-
cəyiniz təqdirdə) ədalətlə rəftar edə bilməyəcəyinizdən qorxar-
sınızsa, o zaman sizə halal olan (bəyəndiyiniz) başqa qadınlar-
dan iki, üç və dörd nəfərlə nikah bağlayın! Əgər (onlarla da)
ədalətlə dolanmağa əmin deyilsinizsə, o halda təkcə bir nəfər
(azad) qadın və ya sahib olduğunuz kənizlə evlənin (yaxud: o
halda təkcə bir nəfər azad qadınla evlənin və ya əlinizin altında
olan kənizlərlə kifayətlənin). Bu, ədalətli olmağa (ədalətdən
kənara çıxmamağa) daha yaxındır”
59
. “Siz nə qədər çox istəsəniz
də, heç vaxt arvadlar arasında ədalətlə rəftar etməyi bacarmaz-
sınız. Barı, (birisinə) tamamilə meyl göstərib, digərini asılı
57
A.Holly Shissler. İki İmparatorluk Arasında. Ahmet Ağaoğlu ve Yeni
Türkiye (Çeviren: Taciser Ulaş Belge), 1. Baskı. İstanbul Bilgi Univer-
sitesi Yayınları, 2005, s. 223-224.
58
Ətraflı məlumat üçün bax: Qurani-Kərim Məali (Azərbaycan dilinə
tərcüməsinin yenidən işlənmiş IX nəşri). Azərbaycan dilinə tərcümə edənlər:
Z.M.Bünyadov, V.M.Məmmədəliyev. Bakı, İpək yolu, 2007, 706 s.
∗
Quranın bu ( dördüncü) surəsinə ən-Nisa adı ona görə verilmişdir ki, onun ilk
ayələrində qadınlardan bəhs olunur. Nöldekeyə ( Quran tarixi, 1, Leypsiq,
1909, səh. 195
) görə, surənin böyük hissəsi hicrətin 3-cü ilinin sonu – 5-ci ili
arasında ( aprel-may 625 – iyun 628) nazil olmuşdur, çünki burada mövcud
olan bir çox hökmlər islam hüququ ilə bağlı mövzuların təməlini təşkil edir.
Müxtəlif zamanlara aid ayələri bir yerə toplayan bu surə ayrı-ayrı mövzuları
əhatə edir: insanın yaradılması, qan qohumluğu, yetimlərin himayəsi, miras
haqqı, evlənmə, ər-arvad, kişi-qadın münasibətləri, evlənməyə mane olan
hallar, əmanətlər, şahidlik, təsadüfən adam öldürmək, cihad və müharibə
qaydaları, Allaha və peyğəmbərə itaət, yəhudilərə və xaçpərəstlərə cəza
vermə və i.a. (Qurani-Kərim, göstərilən nəşr, s.VIII).
59
Qurani-Kərim Məali (Azərbaycan dilinə tərcüməsinin yenidən işlənmiş IX
nəşri). Azərbaycan dilinə tərcümə edənlər: Z.M.Bünyadov, V.M.Məmmə-
dəliyev. Bakı, İpək yolu, 2007, s. 76.
40
vəziyyətdə (nə ərli kimi ərli, nə də boşanmış kimi boşanmış)
qoymayın.
∗∗
Əgər özünüzü islah edib (belə hərəkətlərdən)
çəkinsəniz (Allah sizi bağışlar). Həqiqətən, Allah bağışlayandır,
rəhm edəndir!”
60
Müqayisələri öz qənaəti ilə yekunlaşdıran Holly Shissler
yazır ki, yuxarıdakı istinadlardan anlaşıldığı kimi, iki yazarın da
çoxarvadlılıq haqqındakı görüşləri və mövzunu işləmə tərzləri
eynidir. Hər ikisi də, doğru anlaşıldığı təqdirdə islamın birar-
vadlılığı üstün tutduğunu göstərmək üçün Qurandan eyni ayət-
ləri verirlər. Lakin Əmin, Quranın çoxarvadlılığı təsdiq etmədi-
yini, amma izin verdiyini söyləməklə kifayətlənirkən, Ağaoğlu,
Quranın təsdiq etmədiyi bir şeyə izin verməsinin nədən gərəkli
olduğunu tarixi təməldə açıqlamağa girişir. Əslində hər iki
yazarın yazıları məqsəd və mahiyyət baxımından çox bənzər
olduğu halda anlayış baxımından aralarında dərin bir ayrılıq
görünməkdədir. Ağaoğlu, Allahdan gələn vəhyin ictimai gerçək-
lərlə şərtlənməsi fikrini önə sürərək Allahın niyyətini tam və
birbaşa olaraq gerçəkləşdirmənin imkansızlığını göstərmişdir;
insan oğlu həqiqətdən ayrılmamışdır, həqiqətə təsir edib
dəyişdirmişdir.
Ağaoğlunun, istifadə etdiyi metodologiya baxımından söylə-
diklərindən, onun dinin niyyətinin orijinal şəkli ilə anlaşılmasın-
da tarixi şərtlərin önəminə işarə etdiyi anlaşılır və beləliklə,
mahiyyətin müəyyən qədər elastikliyinə eyham edilmiş olur
61
.
Tədqiqatçı Fazil Güney ( “Müasir Suriya romanı” adlı əsə-
rində), islam xalqlarının maarifləndirilməsi konsepsiyasını ha-
zırlamış, ərəb ictimai fikrində inqilab etmiş və adı ərəb dünya-
∗∗
Sahibləri tərəfindən atılmış minik heyvanları kimi (Qurani-Kərim, göstə-
rilən nəşr, s. IX).
60
Qurani-Kərim Məali (Azərbaycan dilinə tərcüməsinin yenidən işlənmiş IX
nəşri). Azərbaycan dilinə tərcümə edənlər: Z.M.Bünyadov, V.M.Məm-
mədəliyev. Bakı, İpək yolu, 2007, s. 98.
61
A.Holly Shissler. İki İmparatorluk Arasında. Ahmet Ağaoğlu ve Yeni
Türkiye (Çeviren: Taciser Ulaş Belge), 1. Baskı. İstanbul Bilgi Univer-
sitesi Yayınları, 2005, s. 224.
Dostları ilə paylaş: |