8
2-lektsiya. Areal haqqında tu’sinik.
Jobası:
1.Bir tegis ha’m ayrılg’an areallar.
2.Ma’deniy o’simliklerdin’ kelip shıg’ıw orayları.
3.Endemik, kosmopolit ha’m relikt tu’rler.
Ha’r bir sistematikalıq kategoriya (tu’r, tuwıs h.t.b) tek morfologiyalıq ha’m fiziologiyalıq
ayrıqshalıg’ı menen emes, onın’ belgili bir tarqalıwı menen xarakterlenedi. Hesh bir tu’r o’zinin’
arealının’ maydanında tolıq qaplam payda ete almaydı. Ol bir uchastkalarda ko’p, bir jerlerde az
yamasa dizyunktiv boladı. Bir tegis areallardın’ barlıq uchastkaları tu’r osobı ushın qolaylı bolıp
keledi basqasha aytqanda bir tegis areallardın’ ishinde onı ayırım uchastkalarg’a bo’leklep turıwshı
ku’shi jetpeytug’ın bo’getler bolmaydı. Tu’r arealının’ ishinde arqayın 1-inen 2-cine o’tip ju’re
beredi. Ayırılg’an yamasa dizyunktivli areallarda tu’rdin’ bir uchastkadan 2-shi uchastkag’a ta’biyiy
ha’zirgi faktorlar ja’rdeminde o’tiwi mu’mkin emes, yag’nıy arealdın’ bo’lek uchastkaları arasında
organizmlerdin’ ku’shi jetpeytug’ın bo’getler boladı. Bunda ayırılg’an areallardın’ barlıg’ında da
tu’rdin’ tek sol forması jasaydı. Bul bir tekli yamasa gomogen dizyunktsiya dep ataladı. Sonday aq bul
uchastkalar sol tu’rdin’ ha’r qıylı tu’rleri menen, bir ha’m sol tuwıstın’ ha’r qıylı tuwısları menen
qaplang’an boladı. Bul jag’daylarda dizyunktsiya ha’r qıylı geterogenli boladı. Tu’rlik dizyunktsiya
kishi tu’rlik dizyunktsiyag’a qarag’anda a’yyemgi esaplanadı. Demek, bunnan juwmaq shıg’arsaq,
eger tu’r bir orında payda bolıp, son’ ol jerden basqa jerlerge taralıp, tarqalıwg’a tosqınlıq
bolmag’ang’a shekem qa’legen areal 1-shi gezekte bir tegis bola beredi. Tek usınday boljaw g’ana
tu’rlerdin’ ta’biyg’ıy tan’law jolı menen kelip shıg’ıwı haqqındag’ı teoriya menen sa’ykes keledi. Eger
tirishilik etiw jag’dayları o’zgeriwi na’tiyjesinde bir tegis areal buzılg’an yamasa ayırılg’an arealg’a
aylanadı. Ortalıqtın’ jag’dayının’ o’zgeriwi ha’r qıylı xarakterge iye boladı. Bug’an ja’ne
maydanlardın’ qısqarıwı, jerdin’ jan’a uchastkalarının’ payda bolıwı yamasa joq bolıwı, sonday-aq jas
taw sistemalarının’ payda bolıwı da areallardın’ ayırılıwına (bo’lekleniwine) sebepshi boladı.
Klimattın’ o’zgerisine baylanıslı areallardın’ bo’lekleniwine mısal bolıp Arqa yarım shardag’ı
muz basıw da’wiri menen baylanıslı bolg’an suwıqtı aytsaq boladı. Evraziya materiginde ken’
tarqalg’an ken’ japıraqlı tog’aylar muz basıwdan keyin tek Evropada Volıno-Podol biyikliklerinde,
Orta rus biyiykliginin’ qubla bo’liminde Stavropol biyiykliginde, Qubla Ural ha’m bir qatar Aziya
rayonlarında sonın’ ishinde Kuznets Alataw, Primorskiy kray ha’m basqa regionlardın’ baspanalarında
saqlanıp qalg’an. Muz komponentlerinin’ keyin sheginiwi menen ken’ japıraqlı tog’aylar bul
regionlardan shıg’ıp arealdın’ ayırılg’an uchastkaları a’ste aqırın tutasa baslag’an. Biraq sonda da ken’
japıraqlı tog’aylardın’ bo’leklengen arealları saqlanıp qalg’an. Ma’selen, lipa Evropada Tobolskke
shekem ha’m son’ tag’ı Kuznets Alataw ha’m Krasnoyar krayında, son’ Uzaq Shıg’ısta basqa tu’rleri
menen o’sip turadı. Ko’k ha’kke batıs Evropa Shıg’ıs Sibir ayrılg’an arealın iyeleydi. Afrikanın’
tropik tog’ay oblastı ha’m Qubla Aziya oblastının’ ha’zirgi u’zikligi bul tog’ay jasawshılarının’
buzılg’an arealınıın’ qayta tikleniwine alıp keldi. Bul tu’rler geterogen xarakterge iye bolıp (pil,
nosorog, yarım maymıllar h.b) bul bo’lekleniw u’shlemshi da’wirdin’ aqırında ju’z bergen edi.
Ayrım waqıtları bo’leklengen areallar mına jag’dayda da payda boladı.: bir tu’r (parazit yamasa
jırtqısh) basqa tu’r menen tıg’ız baylanısqan bolsa, al xozyayn qanday da bir sebep penen burıng’ı
arealınan joq bolıp ketse, bul jag’dayda xozyayn izinen bul areal bo’liminen ol menen tıg’ız
baylanısqan tu’rde joq bolıp ketedi. Tu’rdin’ birinshi tarqalg’an oblastı-tu’rdin’ kelip shıg’ıw orayı
dep ataladı.
9
Tu’rlerdin’ kelip shıg’ıwı ha’m olardın’ areallarının’ du’ziliwi haqqındag’ı ha’zirgi qıyallar
(ko’rinisler) zoolog E.Mayr (Zoologiyalıq tu’r ha’m evolyutsiya,1968) ha’m botanik V.Grant
(O’simliklerde tu’r payda bolıw,1984) ta’repinen islenip shıqqan. Tu’rlerdin’ populyatsiyaları bir tekli
bolmaydı. Olar ushın gen ag’ımı ha’m olardın’ perekombinatsiyaları menen baylanıslı genotopik
o’zgerisi xarakterli. Genotiplerdin’ ortalıq penen o’zara baylanısı na’tiyjesinde sol gruppa osoblardın’
morfologiyalıq, fiziologiyalıq ha’m ekologiyalıq ayırımshılıg’ına iye bolg’an fenotipler kelip shıg’adı.
Genotip ha’m fenotiplerdin’ geografiyalıq o’zgerisi-tu’r populyatsiyalarının’ jasaw jag’daylarının’
geografiyalıq o’zgerislerinin’ na’tiyjesi.
Organizmlerdin’ ha’r qıylı sistematikalıq kategoriyalarının’ (a’sirese o’simlik ha’m haywan)
tu’r payda bolıw tipleri ha’r qıylı. Haywanlar ushın allotropiyalıq tu’r payda bolıw xarakterli. Bunda
taza tu’rler geografiyalıq izolyatlarda payda boladı. O’simlikler ushın simpatrikalıq tu’r payda bolıw
u’lken orındı iyeleydi. Tu’r payda bolıwda belgili roldi gibridizatsiya atqaradı.
Areallardın’ shegaraları jıljımalı (qozg’almalı), progressivli (ken’eyiwshi) yamasa regressivli
(tarayıwshı) ha’m turaqlı boladı. Ma’deniy o’simliklerdin’ kelip shıg’ıwı haqqındag’ı ilim ko’plegen
alımlar ta’repinen islengen. Og’an u’lken u’lesti Ch.Darvin ha’m A.De-Kandoll qosqan. Biraq bul
bag’dar boyınsha a’hmiyetli jumıslar rus genetigi ha’m botanik geografı N.İ.Vavilov ta’repinen
islengen. Birinshi gezekte ol tu’r ishindegi soraw menen shug’ıllanadı. O’zinin’ «Linney tu’ri-sistema
retinde» atlı belgili miynetinde bılay dep jazadı. «Linney tu’ri-bul bo’leklengen, ha’reketshen’,
morfofiziologiyalıq sistema, ol o’zinin’ genezisinde belgili bir ortalıq ha’m areal menen baylanısqan»-
deydi. N.İ.Vavilovtın’ 2-shi a’hmiyetli teoriyalıq ulıwmalılıg’ı (pikiri) gomologiyalıq qatarlardın’
nızamı degen at alg’an na’sillik o’zgerislerdin’ gomologiyalıq qatarı haqqındag’ı ideyası esaplanadı.
Bul nızamg’a muwapıq tuwısqan tu’rlerdin’ ha’m tuwıslardın’ na’sillik o’zgerisleri belgili da’rejede
uqsas keledi. En’ aqırında N.İ.Vavilov ma’deniy o’simliklerdin’ kelip shıg’ıw orayların anıqlap shıqtı.
Ol bılay deydi. «Ma’deniy floralardın’ tariyxıy rawajlanıw orayının’ kelip shıg’ıwı ushın: 1) jergilikli
flora tu’rlerge bay bolıw kerek, 2) A’yemgi diyxanshılıq tsivilizatsiyası bolıwı kerek deydi.
N.İ.Vavilov ma’deniy o’simliklerdin’ 8 tiykarg’ı kelip shıg’ıw orayların islep shıqtı. Ha’zirgi
waqıtta ma’deniy o’simliklerdin’ kelip shıg’ıwının’ 10 oshag’ı sanaladı. (Kupzov,1975): 1. Aziya aldı,
2. Jer Orta ten’izi, 3. Efiopiya, 4. Orta Aziya, 5. Qıtay, (Vavilov bunı Shıg’ıs Aziya deydi), 6.
Hindstan, 7. İndoneziya (Vavilov bunı İndo-Malay deydi) 8. Meksika (Vavilov bo-sha bunı Oraylıq
Amerika-Qubla Meksika) 9. Peruan (Vavilov b-sha qubla amerika) 10. Sudan.
1. Aziya aldı orayında biydaydın’ bir zernyanki ha’m eki zernyankileri, arpa ha’m qara biyday,
ko’k jon’ıshqa, espartset, egis burshag’ı, qawın, asqabaq, ju’zim, palawqabaq, almurt, alma,
chereshnya, anar, a’njir, kelip shıqqan.
2. Jer Orta ten’izi. İri da’nli jer orta ovets i (Avena byzantina), zıg’ır, ko’knar, aq gorchitsa,
maslina, kapusta, geshir, la’blebi, pıyaz, chesnok, sparja, radiska kelip shıqqan.
3.Efiopiya. Sorgo, kleshevina, kofe ag’ashı, qattı ha’m angliya (28-xromosomalı) biydayları,
g’arbız.
4. Orta Aziya. jumsaq biyday h.b 42 xromosomalı biydaylar, sobıqlılardan gorox, chechevitsa,
nut, ma’sh, kendir, serept gorchitsaları, jergilikli ma’deniy ju’ziminin’ formaları, almurt, abrikos,
almalar kelip shıqqan.
5. Qıtay. tarı, grechixa, soya, kanatnik, qurma, mongol abrikosı, Qıtay qa’relisi ha’m shiyesi
kelip shıqqan.
6. Hindstan. salı, tsitruslar (limon, apelsin, mandarin), qant qamısı, aziya paxtaları, mango,
qıyar ha’m baklajan kiredi.
7. İndoneziya. nan ag’ashı, kakos palması, mangustan, bananlar, durman, qara burısh,
kardamon, gvozdika ag’ashı, muskat g’ozası kelip shıqqan.
8. Meksika. Ma’kke, a’piwayı lobiya, qızıl burısh, amerika paxtası-uplend, papaya, miyweli
opuntsiya, maxorka shılımı kelip shıqqan.
9. Peruan.
kartoshka, pomidor, uzın talshıqlı «egipet» paxtası, tu’rk temekisi kelip shıqqan.
10. Batıs sudan. Bul oray basqalarg’a qarag’anda jas. Bul jerde jalan’ash salı (Oryra glaberrina)
may palması, kola g’ozası h.b. tu’rer kelip shıg’adı.
Bul oraylardın’ ha’r biri ken’ maydanlardı iyeleyegen. Areallardın’ o’lsheshleri ju’da’ ha’r qıylı
boladı. Ha’tteki areallar arasında tiykarg’ı taksonomiyalıq kategoriyalar (tu’rler) ju’da’ ken’
(kosmopolit) ha’m belgili da’rejede (endem) boladı.
«Kosmopolit « so’zi barlıq du’nyag’a tarqalg’an degendi an’latadı. Jer u’sti organizmlerinen
olarg’a barlıq qurıqlıqqa taralg’an tu’rler kiredi, al suw haywanlarınan barlıq du’nya ju’zlik okeanda
jasawshı tu’rler kiredi. Biraq bunday tirishilik etiwshi (Arktikadan, Antarktika g’a shekemgi)