Azərbaycan Respublikasının Mərkəzi Bankı
31 dekabr 2015-ci il tarixinə Maliyyə hesabatları üzrə Qeydlər
14
3
Əsas uçot siyasətləri, davamı
Repo və əks-repo müqavilələri
Qarşı tərəfi faktiki olaraq gəlirlə təmin etməklə qiymətli kağızların satılması və geri alınması
razılaşmaları (“repo” müqavilələri), qiymətli kağızların girovu əsasında aparılan maliyyələşmə
əməliyyatları kimi əks etdirilir. Satış və geri alış müqavilələri əsasında satılmış qiymətli kağızların
uçotu dayandırılmır. Alıcının müqavilə və ya qəbul edilmiş təcrübəyə uyğun olaraq qiymətli
kağızları satmaq və ya yenidən girov qoymaq hüququna malik olduğu hallardan başqa, bu qiymətli
kağızlar maliyyə vəziyyəti haqqında hesabatda yenidən təsnifləşdirilmir. Alıcının qiymətli kağızları
satmaq və ya yenidən girov qoymaq hüququna malik olduğu hallarda qiymətli kağızlar “repo
müqavilələri üzrə debitor borclar” kimi yenidən təsnifləşdirilir. Müvafiq öhdəliklər isə “kredit
təşkilatları qarşısında öhdəliklər” və “digər təşkilatlar qarşısında öhdəliklər” sətrində əks etdirilir.
Gəlirlə təmin olunmaqla Bank tərəfindən bağlanılmış geri satış müqavilələri (“əks repo”) əsasında
alınmış qiymətli kağızlar “rezident banklara verilmiş kreditlər” kimi əks etdirilir. Satış qiyməti ilə
geri alış qiyməti arasındakı fərq, faiz gəliri kimi qeydə alınır və effektiv faiz dərəcəsi metoduna
əsasən əks repo müqavilələrinin müddəti ərzində hesablanaraq il üzrə mənfəət və ya zərərin
tərkibində əks etdirilir.
Geri satış müqavilələri əsasında alınmış aktivlər üçüncü tərəfə satıldıqda, qiymətli kağızları
qaytarmaq öhdəliyi, ticarət öhdəliyi kimi qeydə alınır və ədalətli dəyərlə ölçülür.
Törəmə maliyyə alətləri
Törəmə maliyyə alətlərinə svoplar, fyurçerslər və forvardlar daxildir.
Törəmə maliyyə alətləri müqavilə bağlandığı tarixdə olan ədalətli dəyərlə uçota alınır və sonradan
ədalətli dəyər əsasında qiymətləndirilir. Müsbət ədalətli dəyəri olan törəmə alətlər aktivlərin
tərkibində, mənfi ədalətli dəyəri olanlar isə öhdəliklərin tərkibində əks etdirilir. Törəmə maliyyə
alətlərinin ədalətli dəyərində dəyişikliklər il üzrə mənfəət və ya zərərin tərkibində əks etdirilir.
Torpaq, tikili və avadanlıqlar
Torpaq, tikili və avadanlıqlar hər hansı yığılmış amortizasiya və dəyərdən düşmə üzrə zərər
çıxılmaqla ilkin dəyərlə uçota alınır.
Amortizasiya
Amortizasiya ayrı-ayrı aktivlərin hesablanmış faydalı istifadə müddətləri üzrə düz xətt prinsipi
əsasında illik köhnəlmə dərəcələri tətbiq etməklə aktivin ilkin dəyərini onun qalıq dəyərinədək
azaltmaqla hesablanır. Amortizasiyanın hesablanması aktiv istifadə üçün hazır olduğu tarixdən
başlanır. Torpaq üzrə amortizasiya hesablanmır. Aktivlər üzrə təxmin edilən faydalı istifadə
müddətləri aşağıdakı illik köhnəlmə dərəcələri ilə müəyyən olunur:
%
Binalar və qurğular 3
Mebel və avadanlıqlar 20-25
Kompüter və rabitə avadanlıqları 25
Nəqliyyat vasitələri 15
Azərbaycan Respublikasının Mərkəzi Bankı
31 dekabr 2015-ci il tarixinə Maliyyə hesabatları üzrə Qeydlər
15
3
Əsas uçot siyasətləri, davamı
Qeyri-maddi aktivlər
Bankın bütün qeyri-maddi aktivləri müəyyən faydalı xidmət müddətinə malik olmaqla əsasən
kapitallaşdırılmış proqram təminatlarından və lisenziyalardan ibarətdir.
Alınmış qeyri-maddi aktivlərin uçotu yığılmış amortizasiyanın və keyfiyyətin dəyərdən düşməsi ilə
bağlı zərər çıxılmaqla ilkin dəyərlə uçota alınır.
Qeyri-maddi aktivlərin amortizasiyası həmin aktivlərin hesablanmış faydalı istifadə müddəti üzrə
düz xətt prinsipi əsasında il üzrə mənfəət və ya zərərə aid edilir. Onların təxmin edilən faydalı
istifadə müddəti 1 – 10 il təşkil edir.
İnvestisiya mülkiyyəti
İnvestisiya mülkiyyəti biznesin normal gedişində satış, yaxud istehsal, malların təchizi, xidmətlər
zamanı və ya inzibati məqsədlərlə istifadə üçün deyil, icarə gəliri əldə etmək və ya kapitalın
dəyərinin artırılması və ya hər iki məqsəd üçün saxlanılan mülkiyyətdir. İnvestisiya mülkiyyəti
ədalətli dəyərində qiymətləndirilir və ədalətli dəyərin dəyişməsindən yaranan fərq dövr üzrə
mənfəət və ya zərərdə tanınır.
Əmlakın istifadəsində dəyişiklik baş verərsə, yəni əmlak, material və avadanlıq kimi yenidən təsnif
olunarsa, yenidən təsnifləşdimə tarixinə əmlakın ədalətli dəyəri, onun uçot dəyəri hesab olunur.
Dəyərdən düşmə
Bank hər bir hesabat dövrünün sonunda maliyyə aktivi və ya maliyyə aktivləri qrupunun dəyərdən
düşməsi barədə obyektiv sübutun olub olmamasını qiymətləndirir. Bu cür sübut mövcud olduğu
təqdirdə, Bank dəyərdən düşmə zərərinin məbləğini müəyyənləşdirir.
Maliyyə aktivi və ya maliyyə aktivləri qrupu yalnız o halda dəyərdən düşür və dəyərdən düşmə
zərəri tanınır ki, maliyyə aktivinin ilkin tanınmasından sonra baş vermiş bir və ya bir neçə hadisə
(zərər halları) nəticəsində dəyərdən düşmə barədə obyektiv sübut meydana çıxsın və həmin hadisə
(və ya hadisələr) etibarlı şəkildə ölçülə bilən maliyyə aktivi və ya maliyyə aktivləri qrupunun
gözlənilən gələcək pul vəsaitlərinin hərəkətinə təsir etmiş olsun.
Maliyyə aktivlərinin dəyərdən düşməsi barədə obyektiv sübut dedikdə, borcalanın ödənişi yerinə
yetirməməsi və ya gecikdirməsi, kredit müqaviləsi və ya şərtlərinin pozulması, Bankın əks halda
nəzərə almayacağı maliyyə aktivi və ya maliyyə aktivləri qrupunun restrukturizasiyası, borcalanın
və ya borc verənin müflis olacağı barədə göstəricilər, qiymətli kağızlar üzrə aktiv bazarın
mövcudluğunu itirməsi, aktivlər qrupu ilə bağlı girov və ya digər müşahidə oluna bilən
məlumatların dəyərinin pisləşməsi, Bankda borcalanların ödəniş statusunda mənfi dəyişikliklər və
ya Bankda ödənişlərin həyata keçirilməməsi ilə əlaqədar olan iqtisadi şəraitlər və analoji hallar
nəzərdə tutulur.
Satış üçün nəzərdə tutulan qiymətli kağızlara qoyulan investisiyalar üzrə dəyərdən düşmənin
obyektiv sübutu, qiymətli kağızın ədalətli dəyərinin əhəmiyyətli dərəcədə və ya uzun müddət
ərzində azalmasıdır.