210
GÜNDƏLİK PLANLAŞDIRMAYA DAİR NÜMUNƏLƏR
Dərs 19/Mövzu:
MAQNİT HADİSƏLƏRİ. SABİT MAQNİTLƏR
MARAQOYATMA
Dərsə şagirdlərin gündəlik həyatda rast gəldikləri hadisələri misal gətirməklə başlamaq olar.
Şagirdlər qarşılıqlı təsirlərə aid müəyyən təsəvvürlərə malikdirlər. Onların təsəvvürlərindən
istifadə etməklə dərsi metodik cəhətdən səmərəli qurmaq mümkündür. Bu mövzuya
başlamaq üçün müəllim 6-cı sinif “Fizika” fənnindən “Maqnit qarşılıqlı təsiri” mövzusu ilə
fəndaxili və “Həyat bilgisi” və “Coğrafiya” fənləri ilə fənlərarası əlaqədən istifadə edərək
diaqnostik qiymətləndirmə (bölmənin birinci mövzusu) apara bilər. O, qiymətləndirməni
sual-cavab şəklində, yaxud didaktik kartlar vasitəsilə də keçirə bilər.
– Siz maqnitin hansı növlərini tanıyırsınız?
– Siz heç maqnitdən istifadə etməklə qayçı və ya iynəni maqnitləndirə bilmisinizmi?
– Praktikada maqnitdən harada istifadə olunduğuna aid misal çəkə bilərsinizmi?
– Yüklü zərrəciklər arasındakı qarşılıqlı təsirlə maqnitlər arasındakı qarşılıqlı təsirin
oxşar və
fərqli cəhətləri hansılardır?
– Maqnitdən nə üçün istifadə olunur?
– Kompasdan hansı məqsədlə istifadə olunur?
– Kompasın əsas hissəsi nədən ibarətdir?
Alt
STANDARTLAR
1.1.1. Elektromaqnit (maqnit, işıq), atom və nüvə hadisələrini, onların
başvermə səbəblərini şərh edir.
3.1.1. Elektromaqnit (maqnit və işıq), atom və nüvə hadisələrinə uyğun
cihazlardan istifadə edir.
Təlim
NƏTİCƏLƏRİ
Maqnit hadisələrinə aid nümunələr gətirir.
Sabit maqnitlər və onların xassələrini izah edir.
Sabit maqnitlərlə təcrübələr aparır
DƏRSİN TİPİ
İnduktiv
İstifadə olunan
İŞ FORMALARI
Bütün siniflə iş, qrup işi, fərdi iş
İstifadə olunan
ÜSULLAR
Beyin həmləsi, anlayışın çıxarılması, şaxələndirmə,
müşahidə, araşdırma,
akvarium, modelləşdirmə, təqdimat, tapşırıqvermə
Fənlərarası
İNTEQRASİYA
Riy 1.2.2, Riy. 5.1.1, İnf. 3.1.3, İnf. 3.2.2, İnf. 3.2.3, İnf. 3.2.4,
Kİm. 1.1.1, Kİm. 1.2.1.
RESURS
İş vərəqi, müşahidə vərəqələri, plakatlar, tabaşir, sabit maqnit, müxtəlif
cisimlər: şurup, şüşə kürəcik, mismar, qəpik, jeton, kağız parçası, pozan,
kibrit dənəsi,
düz və nalşəkilli maqnitlər, mismar dənələri, dielektrik
ştativ, ipək sap, düz maqnit, kompüter,
proyektor, interaktiv lövhə
(“MimioStudio” və ya “Promethean”)
211
Maraqoyatma müxtəlif üsullarla yaradıla bilər.
1. Beyin həmləsi ilə. Müəllim dərslikdə verilən material əsasında gündəlik həyati nümunələrlə
şagirdlərə sabit maqnitin rolu barədə misallar göstərə bilər (A bloku). Şagirdlərin fəallığını
artırmaq üçün şəkillərdən, slaydlardan, videomateriallardan və ya “Fizika multimedia”
dərsliyindən istifadə olunması məqsədəuyğundur.
Şagirdlərin bildirdiyi maraqlı fərziyyələr ümumiləşdirilir və lövhədə yazılır.
2. Klaster (şaxələndirmə) üsulu tətbiq edilə bilər. Şaxələndirmə cədvəlinin bir xanasında hadisə
yazılır, şagirdlər isə boş xanaları hadisəyə uyğun olaraq həyatda müşahidə etdikləri və ya bil-
dikləri nümunələrlə tamamlayırlar.
3. Məktəb laboratoriyasında olan maqnitlərlə şagirdlərin vasitəsilə müxtəlif sadə nümayişlər
həyata keçirmək olar. Məsələn, suyun üzərində yarpağın üstünə qoyulan iynəyə maqniti
Sabit maqnit
Düz
_____
______
Nalşəkilli
______
_____
Halqaşəkilli
Didaktik vərəq
Kompasdan hansı məqsədlə istifadə olunur?
Yaddaş: şəkillərdən
istifadə edin
212
yaxınlaşdırmaqla sadə kompasın işinin nümayişi, arabacığa maqniti yerləşdirməklə digər düz
maqnitlə arabacığı hərəkətə gətirmək və s. eksperiment nümayiş edilir. Eksperimentlər
siniflə müzakirə edilir.
Tədqiqat sualları:
“
Cisimlərin bir-birini cəzb etməsini və itələməsini necə adlandırmaq
olar? Bu hansı maddələrə xasdır? Hansı maddələri sabit maqnitlər adlandırmaq olar?”
Müzakirə zamanı müəllim şagirdlərin fikrini ona yönəldir ki, maqnitlər müxtəlif formalı olsa
da, onlar bəzi cisimləri cəzbetmə xüsusiyyətinə malikdir və praktikada bu xüsusiyyətdən mü-
əyyən məqsədlər üçün istifadə olunur.
TƏDQİQATIN APARILMASI-1
Mövzunun genişliyini, araşdırmaların sayının çox olmasını nəzərə alaraq “Akvarium”
üsulunu tətbiq etmək məqsədəuyğundur. Bu üsulun məqsədi diskussiya vərdişlərini inkişaf
etdirməkdir. “Akvarium” bir neçə variantda keçirilə bilər.
Dərsin bu hissəsində “Akvarium”un birinci variantını tətbiq etmək faydalıdır:
Şagirdlərin köməyi ilə diskussiya aparmaq qaydaları (məsələn, reqlamentə əməl etmək, bir-
birinin sözünü kəsməmək və s.) müəyyən edilir. Şagirdlər iki qrupa bölünür. Bir qrup
dairənin daxilindəki stullarda əyləşərək müəllimin təklif etdiyi problemi müzakirə edir.
Dairədən kənardakı stullarda əyləşmiş digər qrup isə diskussiyanın
müəyyən edilmiş
qaydalara uyğun aparıldığını müşahidə edir.
Müəllim müxtəlif üsullardan istifadə etməklə sinfi iki qrupa bölür və B blokunda verilmiş 1-
ci araşdırma yerinə yetirilir. Müəllim daxili qrupdan olan şagirdləri dəvət edir və “Maqnit
xassəli cisim” adlı araşdırmanı icra etmələrini xahiş edir. Araşdırma aparılarkən diqqət
yetirmək lazımdır ki, şagirdlər maqnit tərəfindən cəzb olunan cisimlərin tərkibinə fikir ver-
sinlər. Araşdırma zamanı şagirdlər tərkibi dəmir, polad, nikel, çuqun və onun ərintilərindən
ibarət olan cisimlərin maqnit tərəfindən cəzb olunmasını praktik öyrənirlər. Şüşə, taxta,
plastmas, mis, alüminium maddələrdən hazırlanan cisimləri maqnitin
cəzb etməməsi
hadisəsini izah etmək üçün müxtəlif fərziyyələr yaranır.
MƏLUMAT MÜBADİLƏSİ VƏ MÜZAKİRƏSİ
Cisimlər Cəzb olundu
İtələndi Fərziyyələr Nəticə
Şüşə
Taxta
Plastmas
Mis
Alüminium
Müəyyən olunmuş mövzu üzrə birinci qrup diskussiya aparır. 5-8 dəqiqədən sonra diskussiya
dayandırılır, “xarici dairə” nin iştirakçıları diskussiyanın gedişini qiymətləndirir və qruplar
yerini dəyişərək bu və ya digər problemin müzakirəsini davam etdirilər.
TƏDQİQATIN APARILMASI-2
İkinci araşdırmada “Maqnitin hansı hissəsində maqnit təsiri daha böyükdür?” sualı
araşdırılır. Araşdırma icra olunarkən şagirdlər əmin
olurlar ki, maqnitin cazibə təsiri onun
hər yerində eyni olmur. Şagirdlərin maqnitə yapışmış mismarların digərlərini cəzb etməsini
müşahidə etmələrinə və bu halı izah etmələrinə çalışmaq lazımdır. Araşdırma şagirdlər üçün
qeyri - adi olduğundan, onlarda müxtəlif fərziyyələr yaranır. Bu araşdırmanı ikinci qrup yeri-
nə yetirir.