1) Fondun formalaşmasının və inkişafının idarə olunması (həcmin-
də, tematikasında, dolğunluğunda və s.-də əks olunur);
2) Fondun istifadəsinin idarə olunması (kitab verilişi, sorğu, rədd
cavabı,
uyğunluq indeksi, sitat-analiz və s.-də əks olunur).
Beləliklə, fondun idarə olunması onun formalaşması strategiyası-
nın müəyyənləşdirilməsini, həmçinin onun inkişafı və istifadəsinə uçot
və nəzarət olunmasını əks etdirir (7).
1990-cı illərdə fondun formalaşması məsələlərinə dair silsilə mə-
qalələr nəşr olunur. Bu məqalələrdə əsas diqqət aşağıdakı problemlərə
ayrılırdı: prioritet oxucu kateqoriyalarının informasiya tələbatlarının
dolğun və operativ təmin olunması; fondun nüvəsinin formalaşması və
fonda daxil etmək üçün sənədlərin seçim və qiymətlilik kriteriyalarının
müəyyənləşdirilməsi; komplektləşdirmə proseslərinin avtomatlaşdırıl-
ması (naşir və kitab ticarəti təşkilatlarının verilənlər bazasının yaradıl-
ması, perspektiv və cari informasiya əsasında ədəbiyyat sifarişlərinin
verilməsi); termin sisteminin işlənməsi;
komplektləşdirmə prosesində
kitabxanaçının rolu və s.
Bu gün fondların formalaşması ilə bağlı kitabxanaların qarşısında
bir çox əngəllər dayanır: kəskin maliyyə çatışmazlığı, daxilolmaların hə-
cminin azaldılması üçün texnoloji hazırlıqsızlıq, komplektləşdirmə üsul
və metodlarının konservativliyi, əməyin qeyri-mükəmməl təşkili, milli
depozitar mühafizə sisteminin dağılması, nəhəng milli kitabxanaların
fondlarına yeni daxilolmaların natamamlığı, buraxılışa hazırlanan və ye-
ni nəşr olunmuş ədəbiyyatlar haqqında tam və dolğun informasiyanın
olmaması, məcburi pulsuz nüsxələrdə boşluqların mövcudluğu və s.
(11)
ƏDƏBİYYAT
Azərbaycan dilində
1.
Əliyev A. Kitabxana fondunun formalaşmasının yeni prinsip-
ləri və onlara müasir baxışlar // Kitabxanaşünaslıq və biblioqrafiya:
Elmi-nəzəri və təcrübi jurnal.- 2001, № 2 (9).- 56-66
2.
Xələfov A.A. Kitabxanaşünaslığa giriş: Dərslik: (üç hissədə).
B., 2001.- 798 s.
3.
Həsənov M. Kitabxana fondunun yaranması, formalaşması və
idarə edilməsi: Dərs vəsaiti.- B.: BDU, 2004.- 143 s.
S.A. KHALAFOVA
LİBRARY FUND FORMATİON: İTS İDEA, CONCEPT AND
DEVELOPMENT
SUMMARY
The article is about the creation of idea
of library fund formation,
its concept and development and it makes comments on the innovations
brought to this field by the outstanding researcher of the library fund
studies Y.V.Grigoriev and his successors’ attitude and existing prob-
lems of the fund studies.
Oruc QULİYEV
Xətai rayon MKS-in direktoru
İNFORMASİYALAŞDIRMA CƏMİYYƏTİNDƏ
XƏTAİ RAYON MKS-İN FƏALİYYƏTİ HAQQINDA
Tarixi-mədəni, ədəbi-bədii və elmi fəlsəfi irsin toplanıb sax-
lanılmasında, bəşər mədəniyyətinin qazandığı nailiyyətlərin nəsildən-
nəslə çatdırılmasında, cəmiyyətin intellektual mənəvi potensialının inki-
şafında əvəzsiz rol oynayan və xalqın milli sərvəti olan kitabxanalarımız
çox qədim bir tarixə malikdir.
Azərbaycan ərazisində ilk kitabxanalar həmin ərazidə ən erkən döv-
lət qurumlarının mövcud olduğu dövrdə yaranmışdır. V əsrdə Albanların
yazılı dili yarandıqdan sonra Qafqaz Albaniyasında kilsə və məktəblərdə
bu dilə tərcümə edilmiş kitablardan ibarət kiçik kitabxanalar yaradıl-
mışdır. VII əsrdə (bu dövrdə Azərbaycan ərəblər
tərəfindən istila edil-
mişdi) məscidlərin və mədrəsələrin nəzdində kitabxanalar yaradılmışdı.
Orta əsrlərdə Azərbaycanda saray kitabxanaları ilə yanaşı, dini,
xüsusi elmi və şəxsi kitabxanalar mövcud idi.
XIX əsrin ikinci yarısında Azərbaycanda kütləvi kitabxana və
qiraətxanalar, əsrin sonunda isə neft sənayesi işçiləri üçün texniki
ədəbiyyat fonduna malik olan kitabxanalar yaradılmağa başlanmışdı.
XX əsrdə respublikanın ən böyük kitab xəzinələri yaradılmış, bütün
bölgələri əhatə edən geniş kiabxanalar şəbəkəsi qurulmuş və mərkəz-
ləşdirilmiş kitabxanaların maddi-texniki bazası möhkəmləndirilmiş və
kitab palatası təşkil olunmuşdur.
Bu gün Azərbaycanda geniş kiabxana-informasiya şəbəkəsinə malik
12 mindən artıq müxtəlif tipli kitabxana mövcuddur.
Müasir informasiyalaşdırılmış cəmiyyət şəraitində kitabxanaların
qarşısında əhalini yüksək kitabxana və informasiya xidməti ilə təmin
etmək, Respublikanın
sosial-iqtisadi, siyasi və mədəni inkişafında, müs-
təqilliyin irəli sürdüyü tələblərə uyğun yeni insanın yetişdirilməsində,
ictimai-siyasi həyatın humanistləşdirilməsində, demokratiyanın və milli
özünüdərkin inkişafında, azərbaycançılıq ideologiyasının
təbliğində in-
sanların ümumbəşəri sərvətləri olan kitabxanalardan istifadə etmək
hüququnu təmin etmək vəzifələri qoyulmuşdur.
Azərbaycan Respublikası Prezidentinin son illər kitabxana sahə-
sinin inkişafı ilə bağlı bir-birinin ardınca qəbul etdiyi çoxsaylı qərarlar, o