43
rolunu oynayır. Ümumi kitabxanalarda xidmət yaşından,
dilindən, cinsindən,
etiqadından, milliyyətindən və ya ictimai vəziyyətindən asılı olmayaraq hamı
üçün bərabər prinsiplər əsasında həyata keçirilir” [2].
Azərbaycan dilində ilk dəfə təqdim olunan bu Manifest Rusiya
Federasiyasının Mədəniyyət Nazirliyi və Rusiya Milli Kitabxanası tərəfindən
hazırlanan və 2001-ci ildə Moskvada “Либерия” nəşriyyatı tərəfindən nəşr
edilən “Информационно-библиотечная сфера: Международные акты и
рекомендации” adlı normativlər və tövsiyələr, məlumat materialları
məcmuəsindən tərcümə edilmişdir.
YUNESKO yaradıldığı gündən məktəb kitabxanalarının fəaliyyətinə də
xüsusi qayğı ilə yanaşmış və təhsil məsələləri üzrə sənədləşmə sahəsində
müəyyən xidmət göstərmişdir.
Artıq
neçə ildir ki, kitabxana elm aləmində “YUNESKO-nun kitabxanalar
haqqında manifesti” fəaliyyət göstərir. Bu sənəd dünyanın 20 dilinə tərcümə
edilmişdir. İFLA 2000-ci ildə İsrailin Qüds şəhərində keçirilmiş konqresdə bu
sənədin yeni variantını - “Məktəb kitabxanaları haqqında manifest” qəbul
etmişdir.
Manifestdə göstərilir:
“Məktəb kitabxanası təhsilin inkişafına, informasiyanın təbliğ edilməsinə,
iqtisadi, sosial və mədəni inkişafa yönəlmiş hər hansı uzunmüddətli fəaliyyətin
ən vacib sahəsidir. O, yerli, regional və dövlət inzibati rəhbərliyin
tabeçiliyindədir və onun fəaliyyət göstərməsi hüquqi qanunvericilik aktları və
siyasi proqramlar tərəfindən dəstəklənir. Məktəb kitabxanası sabit
qaydada və
kifayət miqdarda maliyyələşdirilməlidir ki, bu vasitə ilə yüksək peşə səviyyəli
ştat saxlamaq, lazımi materiallar, texnika və avadanlıq almaq mümkün olsun.
Məktəb kitabxanaları pulsuz olmalıdır” [1].
Beynəlxalq səviyyədə kitabxanaların fəaliyyətini tənzimləyən hüquqi
sənədlərin qəbul edilməsi və ratifikasiyası Azərbaycan kitabxanalarının inkişaf
perspektivlərinə səmərəli
təsir göstərə, eyni zamanda, hüquq subyekti kimi
fəaliyyətin hüquq tənzimlənməsində əhəmiyyətli rol oynaya bilər.
Bu sənədlərlə yanaşı, YUNESKO informasiya sahəsində də müxtəlif
proqram və layihələrlə çıxış edir və informasiya texnologiyalarının inkişafı
üçün mühüm tədbirlər həyata keçirir. Buna misal olaraq “Hamı üçün
informasiya” adlı informasiya proqramını bəşəriyyətin xeyrinə atılmış böyük
bir addım adlandırmaq olar. YUNESKO Proqram üzrə xüsusi Dövlətlərarası
Şura yaratmışdır. Bu şuraya YUNESKO-nun üzvü olan 36 dövlətin
nümayəndələri daxildir. Dinindən və dilindən, dərisinin rəngindən, biliyindən
və təhsilindən, harada yaşamasından və əqidəsindən asılı olmayaraq
tam hüquq
bərabərliyi əsasında hazırlanmış “Hamı üçün informasiya” proqramı dünyanın
qlobal informasiya mühitində böyük əhəmiyyəti olan ümumbəşəri əlaqə
mənbəyi hesab edilir.
44
Azərbaycan Respublikası da artıq onlarca beynəlxalq təşkilatlarda və
qurumlarda təmsil olunur. Belə təşkilatlarda təmsil olunmaq, nəinki
respublikamızın beynəlxalq miqyasda tanınmasını təmin edir, həm də ayrı-ayrı
sahələrdə qarşılıqlı, faydalı əməkdaşlığın yaradılmasına, birgə layihələrin,
hazırlanmasına və reallaşdırılmasına, dünya miqyasında qabaqcıl
təcrübənin
respublikamıza gətirilməsinə yardım edir. Belə faydalı əlaqələrin
yaradılmasında xüsusi xidməti olan təşkilatlardan biri də Azərbaycanda
Kitabxana İşinin İnkişafı Assosiasiyasıdır.
Respublikamızın kitabxana işi və informasiya təminatı sahəsində fəaliyyət
göstərən mütəxəssislərini və təşkilatlarını öz sıralarında birləşdirən bu təşkilat
1999-cu ildə yaranmasına baxmayaraq, az bir zaman ərzində bu sahədə
ölkəmizdə aparıcı ictimai quruma çevrilmişdir.
AKİİA-nın prezidenti,
tarix elmləri doktoru, professor X.İ.İsmayılov və digər
üzvlər Gürcüstanın paytaxtı Tiflisdə, Rusiya Federasiyasının paytaxtı
Moskvada və başqa şəhərlərdə beynəlxalq seminar və müşavirələrdə iştirak
etmişlər.
Bu prosesin davamı olaraq AKİİA-nın müstəqil bir qeyri-dövlət təşkilatı kimi
dünyanın 150-dən çox dövlətinin üzvü olduğunu Kitabxanaçılıq
Assosiasiyalarının və İdarələrinin Beynəlxalq Federasiyasının (İFLA)
üzvlüyünə qəbul edilməsini hesab etmək olar [3]. AKİİA-nın idarə heyətinin
üzvü və vitse-prezidenti M.Nəzərova ACİ-nin elan etdiyi Kitabxanaçılıq
proqramı üzrə layihəni işləmək və ona ayrılmış qrant əsasında İFLA-nın
üzvlüyünə qəbul olunmaq üçün lazım olan vəsait əldə edilmişdir. 2000-ci il
avqustun 13-19-da İsrailin paytaxtı Yerusəlim [Qüds] də dünyanın 140-dan çox
ölkəsinin təmsil olunduğu İFLA-nın 66-cı Baş konfransında AKİİA bu
təşkilatın üzvlüyünə qəbul edilmişdir. İlk dəfə olaraq bu konfransda AKİİA-nın
3 nəfərdən ibarət nümayəndə heyəti səlahiyyətli, hüquqi səsə malik olan üzv
kimi bu mötəbər birliyin işində iştirak
etməklə Azərbaycan kitabxana
ictimaiyyətini geniş beynəlxalq aləmə tanıtmışdır [4].
İndi öz sıralarında 400-ə yaxın fərdi üzvü və 6 kollektiv üzvü birləşdirən
AKİİA qarşısına ölkəmizdə kitabxana işinin mövcud vəziyyətini təhlil edərək
onun perspektiv inkişafı barədə tövsiyələr hazırlamaq, həm yerli
mütəxəssislərin bilik və bacarığını, həm də digər ölkələrin qabaqcıl təcrübəsini
öyrənməklə ölkəmizdə kitabxana işi sahəsində əhəmiyyətli texniki və texnoloji
irəliləyiş, bu sahədə demokratik islahatların aparılmasına, respublikamızın hər
bir vətəndaşının ölkəmizin kitabxana-informasiya ehtiyatlarından səmərəli
istifadə etmək imkanına
nail olmaq, kitabxanaçı-biblioqraf peşəsinin nüfuzunu
yüksəltmək, bu sahədə demokratik islahatların aparılmasına respublikamızın
hər bir vətəndaşının ölkəmizin kitabxana-informasiya ehtiyatlarından səmərəli
istifadə etmək və s. bu kimi vəzifələr qoyur.