İnformasiya sistemləri menecmenti
54
və hiss etməyi bacarmalıdır. Məsələn, kompüterin təbii
interfeyslərinin hazırlanmasını daxil edən Sİ-layihələr sənaye
robotlarının inkişafını və ağıllı proqram təminatını sürət-
ləndirdi. Buna başlıca təkan adətən insan intellektilə bağlı
olan kompüterin funksiyalarının inkişafıdır.
Daha çox praktiki tətbiqi proqramlardan biri: Sİ-ekspert
sistemlərinin inkişafıdır (expert systems- ES, ekspert sistemi-
ES). İnformasiya sistemlərinin biliklərinə əsaslanmış ekspert
sistemi: yəni o, müəyyən sahədəki bilikləri ona görə istifadə
edir ki, təcrübəli məsləhətçi kimi hərəkət edir. Ekspert
sisteminin komponentləri proqram təminatının modulları və
biliklərin bazalarıdır. Onlar olan biliklərin bazasında məntiqi
nəticələri yerinə yetirir, istifadəçilərin suallarına cavabları
təklif edirlər. Ekspert sistemləri tibb, layihələndirmə, fiziki
elmlər və biznes də daxil olmaqla, fəaliyyətin bir çox
sahələrində istifadə olunur. Məsələn, indi ekspert sistemləri
xəstəliyin diaqnozunun qoyulmasına, faydalı qazıntıların
tapılmasına, tərkibləri analiz etməyə, təmirə zəmanət verməyə
və maliyyə planlaşdırmasını yerinə yetirməyə kömək edir.
Son istifadəçi sistemləri (end user computer
systems)
– son istifadəçilərin həm operativ, həm də idarəetmə
funksiyalarına bilavasitə kömək edən kompüter informasiya
sistemləridir. Biz son istifadəçini təşkilatın informasiya
xidmətləri şöbəsinin peşəkar resurslarının bilavasitə
istifadəçisi kimi təsəvvür etməliyik. İnformasiya sistemlərinin
son istifadəçiləri adətən, öz gündəlik fəaliyyətinin saxlanması
üçün tətbiqi proqram zərfləri və avtomatlaşdırılmış iş
yerlərindən istifadə edirlər. Buraya informasiyanın axtarışı,
qərarların qəbul edilməsinin dəstəklənməsi və proqramların
işlənib hazırlanması daxildir.
Qeyd etmək lazımdır ki, informasiya sistemləri müha-
sibat uçotu, maliyyə, marketinq, istehsalın və əmək resursla-
İnformasiya sistemləri menecmenti
55
rının idarə edilməsi kimi idarəetmə fəaliyyətinin bütün sahə-
lərinin inkişafına kömək edir.
Elmi mənbələrdə informasiya sistemləri müxtəlif
əlamətlərinə görə aşağıdakı kimi təsnifləndirilir:
1.Miqyasına görə:
1.1.lokal informasiya sistemləri,
1.2.qrup informasiya sistemləri,
1.3. korporativ informasiya sistemləri.
2. İnformasiya resurslarının xarakterinə görə:
2.1. sənədli sistemlər,
2.2.faktoqrafik sistemlər (informasiya-arayış, informasiya-
idarəetmə və informasiya-məsləhət sistemləri ),
2.3. sənədli-faktoqrafik sistemlər.
3. Sənədli sistemlər üzrə:
3.1. informasiya- axtarış sistemləri,
3.2. sənəd dövriyyəsi sistemləri,
3.3. kargüzarlığın avtomatlaşdırılması sistemləri.
4.3. İnformasiya sistemində idarəetmə strukturunun rolu
.
İstənilən bir müəssisə üçün informasiya sisteminin
yaradılması və istifadə olunması zamanı aşağıdakı məsələlər
nəzərə alınmalıdır:
informasiya sistemlərinin (İS) strukturu və onun
funksional təyinatı təşkilat qarşısında qoyulan məqsədlərə
uyğun olmalıdır. Məsələn, kommersiya müəssisəsində -
səmərəli biznes, dövlət müəssisələrində - sosial və iqtisadi
məsələlərin həlli;
informasiya sistemi insanlar tərəfindən nəzarət
edilməli, başa düşülməli, uyğun sosial və etik prinsiplərlə
istifadə olunmalıdır.
İS doğru, etibarlı, müasir və sistemləşdirilmiş
informasiya hasil etməlidir.
İnformasiya sistemləri menecmenti
56
Qeyd olunanların nəzərə alınması üçün İS-ni qurmazdan
əvvəl müəssisənin strukturunu, funksiyalarını, siyasətini, idarə
olunmanın məqsədlərini, qəbul edilən qərarları, kompüter
texnologiyasının imkanlarını öyrənib başa düşmək lazımdır.
İS-nin yaradılmasına təşkilatın idarə strukturunun təhlilindən
başlanılır. Təşkilatın bütün bölmələrinin işinin əlaqələn-
dirilməsi müxtəlif səviyyəli idarəetmə orqanları vasitəsilə
aparılır.
İstənilən təşkilatın idarəetmə strukturu 3 səviyyədən
ibarətdir: operativ, funksional və strateji.
İdarəetmənin operativ səviyyəsi dəfələrlə təkrarlanan
məsələlərin və əməliyyatların həllini və cari informasiyanın
dəyişməsinə çevik (cəld) reaksiya verilməsini təmin edir.
Operativ idarəetmə səviyyəsində həll olunan problemlərin
böyük hissəsini uçot və nəzarət məsələləri təşkil edir.
Məsələn, istehsal olunan və satılan məhsulun uçotu, xammal
sərfinin uçotu, məhsulun keyfiyyətinə nəzarət və s.
Funksional (taktiki) idarəetmədə operativ səviyyədə
hazırlanan informasiya təhlilini tələb edən məsələlər həll
olunur. Həll olunan məsələlərin həcmi azalır, lakin
mürəkkəbliyi artır.
Strateji idarəetmə təşkilatın uzunmüddətli strateji
məqsədlərinə nail olmasına yönələn idarəetmə qərarlarının
hazırlanmasını təmin edir.
Qeyd etmək lazımdir ki, İS özü-özlüyündə gəlir
gətirmir, lakin gəlirin əldə olunmasına geniş imkan yaradır.
İS-nin tətbiqi istifadəçiləri, idarəetmə heyətini vaxtında və
lazımi informasiya ilə təmin edə bilirsə, idarəetmənin
keyfiyyəti artır, müəssisənin işi yüksəlir və nəticədə əldə
olunan mənfəət artır.
İnformasiya sistemləri menecmenti
57
4.4. İnformasiya sisitemlərinin yaradılması mərhələləri
İnformasiya sistemlərinin yaradılması və istifadə edil-
məsinə görə fəaliyyətin əsasında informasiya sistemlərinin hə-
yat dövrülüyü (tsikl) anlayışı durur. İnformasiya sistemlərinin
yaradılması haqqında qərarların qəbul edilməsi anından
informasiya sistemlərinin dayandırılması anınadək baş verən
mərhələlərə informasiya sistemlərinin həyat dövrü (tsikl)
deyilir. Mahiyyətcə, həyat dövrü (tsikl) informasiya sistem-
lərinin yaradılmasının və istifadə edilməsinin modelidir.
Ənənəvi olaraq informasiya sistemlərinin həyat döv-
rülüyünün (tsiklinin) əsas mərhələləri aşağıdakılardır:
Tələbatların təhlili ;
Layihələndirmə (texniki, məntiqi);
Hazırlama;
Sazlama və testləmə;
Sistemin istismara verilməsi;
Təkmilləşdirmə.
Mərhələdən mərhələyə keçidin və İS-nin inkişafını
müəyyən edən İS həyat dövrünün modelləri mövcuddur. Hal-
hazırda həyat dövrünün üç əsas modeli daha geniş yayıl-
mışdır.
1)
Şəlalə (kaskad) modeli əvvəlki mərhələyə görə işlər
qurtarandan sonra informasiya sistemlərinin növbəti mərhələ-
sinə keçidi nəzərdə tutur ;
2)
Aralıq nəzarətlə mərhələli model inkişafın əvvəlki
mərhələsinə qayıtmalarla inkişafın interasiya modeli;
3)
Spiralşəkilli model informasiya sistemlərinin
prototipinin genişlənməsini nəzərdə tutan modeldir.
Prinsip etibarı ilə informasiya sistemlərinin həyat döv-
rülüyünün mərhələləri informasiya sistemlərinin fəaliyyətinin
bütün dövrünü əks etdirir. Lakin “daimi” (əbədi) sistemin
yaradılması tələbi informasiya sistemlərinin inkişafını tələb
edir. Yəni başlanğıcdan layihələndirmə mərhələsindən başla-
yaraq informasiya sistemlərinin inkişafın imkanı qoyulma-
Dostları ilə paylaş: |